鳳鳴居

營業中

休息中

由於婆婆住上水，所以黎探佢就會過黎食我其中一樣鍾意既醉香雞米粉～～大大話話已經食左4次了，午餐、下午茶、宵夜時段都去過，終於忍唔住要寫食評，希望店長會睇到la每次我都係叫醉香雞米粉($48)，個人認為米粉會比較索湯配料都幾足料，雞都有6至7件，仲有雲耳、紅棗。第1次：午餐時段，食第一啖，酒味超超超超濃湯底甜甜地，雞有雞脾，肉質好嫩滑，辣椒豉油就普普通通，覺得可以再辣d～～因為我酒量超淺，所以我食到一半塊面已經紅哂想醉了但我估唔係個個都鍾意咁濃酒味。第2次：宵夜時段，酒味已經冇咁濃了。起碼冇食到我成塊面紅哂，不過雞依然保持嫩滑，不過友人就話覺得湯唔係好有雞味，只係甜甜地～～第3次：下午茶時段，酒味同第2次一樣，中規中矩，我開始懷疑第一次食佢d酒應該咁岩重手左。。。但d雞已經開始鞋可能因為比較多雞胸，唔知係咪得我果碗係咁呢？因為我又聽唔到其他客人有講第4次：午餐時段，突然又勁濃酒味！我又食到紅都面哂啦究竟其實酒味應該係澴定淡d架呢？？定唔通lunch hour d酒味會濃d？不過雞就一樣，好鞋其實只係相距左幾個月，但d食物質素已經下降左，但我依然會黎食，因為我鍾意果股酒香，希望鳳鳴居可以保

醉，可謂我一大至愛。所有酒釀之食物我都喜歡，看到都會點。上水這一間鳳鳴居，不是醉其肉，而是醉其湯底。醉湯烏冬配白切雞，每碗雞麵都附上剁椒豉油。上枱當然嚐一嚐湯頭，超重酒香，喜歡;再來一口，太甜了，也不是肉或菜的天然甜味。雞肉口感偏札實，雞味很香。配一下剁椒豉油，再增一點風味。蟲草花雞湯，更甜了這個，沒蟲草花香，有雞湯味，金寶忌廉雞湯味。蟲草花像是水煮完就放了在碗中。爽脆鵝腸，有肥膏，但口感是霉散，肯好吃下去味道仍覺是新鮮。那個汁，就是倒下沾雞的剁椒豉油就算。

身為一個米線迷，星期6 專登去左鳳鳴居試下佢地既雞湯米線，因為自己鍾意食辣野，所以就揀左喇沙雞湯米線黎試下😍本身食量細，唔想浪費所以主動叫左少麵，但黎到既份量都仲係好足料，好多米線(始終都係食唔哂😂) ，最出乎意料既係，d雞肉竟然超嫩滑，配埋充滿住奶香既喇沙湯底真係好好味呀😋😝😝 (不過如果可以比我揀辣度就更加好haha✌🏼) 另外，小食同奶茶都係我胃食貓既重點hehe，奶茶未去到茶記咁正宗，但都幾接近 ga la, 同埋甜度啱啱好，唔會好似平時 d餐廳咁甜到漏呢樣我好欣賞😚☺😋 小食方面我就叫左我最愛既芝士年糕，即叫即整，所以要等一陣，咬落好好味同埋 d芝士係溶到爆哂汁，米線店黎講，唔係主打既小食都整到咁我收貨 ga la最後環境方面都好乾淨舒服，d staff又好有禮貌，唔錯唔錯👏得閒絕對會再去"食雞"😆,下次要食最出名既醉雞米先得

食物質素 7/10係上水番工，收左工就同朋友係度食晚飯。尼間米線舖係佢極力介紹，話質素同味道都好好，好多人幫襯！醉雞雞湯米線尼度既醉雞雞湯米線酒味比較濃，相反雞湯味無咁出，酒味蓋過左雞湯既鮮味！由於我唔太鐘意酒精陣味，所以對我黎講陣味就濃烈左啲，我就麻麻地啦！不過我諗鐘意飲酒既人一定會好鐘意！佢啲雞係值得一讚，好嫩滑，唔乾，份量亦都好大，抵食之選！環境衛生 7/10地方大，都多位坐，坐得舒服！服務質素 7/10唔洗等位，落單上菜速度快！

幫襯過六七次左右，所以從不懷疑佢既質素。今次都係食主打既醉雞配米粉，個人認為米粉比較索湯，所以每次都係揀配米粉。雞肉一如既往都係大大舊，好多肉，吾會淨係食骨頭，而且肉質都好滑，唔會有煮得太耐鞋十十既感覺，雞味都重！反而今日個湯就淡口左少少，但依然有酒香，同埋吾係幾夠熱，差左呢樣，但味道吾係淡，只係吾夠之前濃郁，其實食完口未淡d既人係會覺得無問題既，只不過咁岩我每次食開都係濃味，所以先顯得今次淡左d，但質素都依然keep得住！

成班朋友仔都係住上水，唔想成日出去咁遠食，於是就諗住水上搵野食算。食過一次之後就返唔到轉頭！招牌醉香雞米線係必食！湯底好香好濃花雕味！正！不過要彈嘅地方係要等好耐，每次都等20分鐘左右，不過仍然係會一試再試

同朋友去開上水就黎食呢間 呢間上水黎講都算係受歡迎 要排隊排一陣先有得入去呢間出名醉雞米線 不過我原本就麻麻地醉雞 於是叫左芫萎米線佢真係有好多芫萎 雞都好入味 不錯入上水想平食一定要試

><蔥油雞飯($48)爆香過嘅蔥絲蔥段 直接可以送飯 因為有少少鹹雞都幾肥下 雞皮脂肪厚過肉 到咗呢個年紀要節制下 白飯屬於偏軟綿綿個種 啱哂啱啱整完牙嘅我 唔洗點去咬同事嗌咗醉雞飯 黃酒味濃烈 食完面紅耳赤真係醉醉地😂😂 比喺好煮意藥膳醉雞好似更加快醉廚房個邊會播歌 但同時又提供電視畀客人睇完全分哂心><><><><><><><><><><><><><><><鳳鳴居 Feng Ming House上水馬會道154號地下

平，靚，正，完。之前聽好多人都話好食，咁啱經過上水，夜晚九點半今晚唔使排隊，叫咗個醉雞米，菠蘿青檸蜜。醉雞米唔落味精，有酒味，飲完都唔口乾。野飲好清新下次再試手C雞，好快賣晒，如果想食要早啲。業

經過上水搵野食，係呢間試業階段都曾經幫襯過，味道唔差，所以今次再試多次。主要係麵食為主，但我好餓，所以都係叫左個飯，一黎到仲以為係碗大份量少，原來都唔係，份量都足以食飽一個肚餓嘅男人但店鋪空間就逼左d如果坐中間圓枱都要小心比人撞到。

鍾意食米線嘅你，真係要黎鳳鳴居試一試，呢間野lunch同夜晚都要排隊先有得食，不過人龍都唔算多，都係幾個，都好快可以入去坐低食嘅。呢間野坐得就有啲逼喇，特別係左手邊啲二人位，成日都會同另一張二人位頂住咁，坐得唔夠舒服自在。呢度最出名係醉雞湯底，可以任配其他粉/公仔麵，而我就每次只會配搭米線食，醉雞啲雞都滑嘅，但真係太重酒味，我又唔多好飲酒，所以醉雞我就唔太鍾意。反而莞荽雞湯底我就好likey喇！湯底好甜，雞又好滑。仲會配埋特製辣油俾你點雞食，辣椒仔一定岩口味！

本身唔係特別鍾意食米線，但跟女友食得多都覺得原來米線幾好食同可以咁多變化，今次黎到上水試下呢間鳳鳴居。聽講佢最出名係醉雞湯底，但我唔算太大興趣，所以叫左個莞荽雞湯底米線試下。個湯真係好味，係好味到可以飲哂而又唔會口渴嘅，食得出係心機野。雞都做得到好滑。最緊要係果埋莞荽，成個湯個香氣係另一個層次，但唔鍾意莞荽嘅千其唔好叫 XD第二次再去食就叫左醉雞湯，個人覺得酒味太勁，好似成碗都係酒咁，唔係好啱食，但頂得順花雕嘅朋友應該會鍾意

蟲草花雞湯麵 $55一走進店裏 就能聞到濃濃的藥膳香味☺️ 建議第一次來的朋友 可以試試這個蟲草花雞湯麵!!!!! 不用太抗拒它的味道 因為還挺易入口 鮮甜雞湯味 夠邪惡呀~~~~☺️🤤整體性價比蠻高 雞肉不止嫩滑 而且大部分都是雞脾位 肥妹大愛😍 店員還會送上一碟辣椒豉油給客人沾來吃 難怪會這麼合我心意😂😆醬爆豬肉丸 ➕ 炸魚片頭除了蟲草花雞湯米線 這裡的豬肉丸和片頭都很想推介給你們!!!!😍 熱辣辣上枱 每顆魚片頭都非常飽滿😋 魚味突出 師傅把它們的表層都炸得蠻香脆 讚!!!醉香雞湯麵 $48與蟲草雞湯麵相比 這個稍遜了一點🙈 花鵰酒味濃烈 雞湯味大部分都被蓋過了 少了份清甜感 單調了一點😌

真材實料，又多 選擇啲雞嫩滑好味湯底濃厚好濃沃嘅酒香雞再有大大粒嘅紅棗有黑木耳回味無窮。 又有多選擇嘅車仔麵可選擇。如果唔鍾意食醉雞嘅味道，又可以試其他麻辣味估唔到芫茜味湯底的雞麵都好好味好夾。佢嘅小食炸墨魚丸係必試外皮脆內軟好味惹味。口水雞辣度適中又甘香甜味珍埋飯就真係好好味好味道一個禮拜要食兩次。少少錢四五十蚊一個餐都唔知喺邊度可以搵到咁高水準咁高質嘅餐廳。如果食好啲仲可以88蚊嘅花膠湯底嘅醉雞麵果唔到88蚊已經可以食到炆得淋又好味好香口嘅花膠冬天補身就無敵。估唔到後生仔創業都有咁高質水準食物。

升級鮮製版🍜醉香雞湯麵————台灣出嘅花雕雞杯麵，我諗好多人都食過😌佢嗰陣酒香，真係會食上癮的😂不過估唔到，係上水呢啲大西北地方，竟然會搵到呢個升級鮮製版嘅#花雕雞麵😚.其實我本來一心諗住食佢隔離間#珍苑麵家 嘅，但點諗到我會咁黑仔...去嗰日，竟然撞埋佢無開...嗰下真係萬念俱灰😞就係呢個時候，無意間見到呢間餐廳晏就三點幾仲好多人食，而且門口又痴咗啲報導介紹，好似唔錯咁😌所以就衝入去試下啦，點知..真心充滿驚喜👍🏻先講個湯底，飲落微甜帶酒香，味道同台灣個花雕雞麵有8成似😂不過呢到唔同嘅，係真係有新鮮雞肉食😌（我嗰碗仲有雞脾同雞翼食添🤭）份量唔少之餘，肉質仲要幾嫩滑！配菜方面就有紅棗同黑木耳，真係補身一流😂埋單$48/碗，以呢個質素嚟講，我覺得真心唔算貴！值得encore 👍🏻————#兩個90後開嘅#辣豉油好食#好快可以成為北區名物#雖然有人話佢喇沙好食#但我覺得佢個醉雞麵更出色#識食一定係食米粉#同元朗爽爽有得揮#粉嶺#上水#北區#醉雞麵#鳳鳴居