鳳鳴居

營業中

休息中

我自己本身係好鐘意食米線 難得係上水有間同平時好吾同既米線 所以決定一試☺️第一次食左醉香雞湯米線 我覺得都幾特別 不過好大碗 食吾哂😂 另外我都食左喇沙雞湯米線 同平時d喇沙吾同 鐘意食辣既可以一試 第二次去食就食蟲草花雞米線 👍🏻👍🏻👍🏻👍🏻👍🏻清清地既蟲草味 好健康 又夠飽 但我好想試花膠雞湯米線 原來好多人叫 所以賣哂 支持小店呀

未開業時招牌被潑紅油，初開業時人頭擁擁，排晒隊等中午 12 點開門真誇張。開張大吉一段時間後，終於有機會到訪。梳化位太窄坐得不舒服，出入又不方便。檯仔細細跟對家太親密，食得不自在。而且放碗湯麵加小食後，還免強放得到杯飲品，但不要點花茶呢。我寧願坐圓檯，夠寬敞夠鬆動，沒有壓迫感，無需擔心點多幾道菜不夠位放。最討厭芫茜味，如果打邊爐附近有芫茜湯底，我必會轉檯遠離惡臭。撞著隔離西裝四眼佬食芫茜雞湯，極刺鼻難受，可惡！還頂得住，坐開少少忍左算數。細閱彩色菜牌再對一對點菜紙，發現好多錯字喎。都話唔係油麵咯，莜麥粉做既麵係莜麵，唔係油淋淋既麵。豬潤係豬膶，酸甜根係麵筋。洛神花茶，十分喜愛，淡淡然的甜味搭著微微酸，似桃又似莓，清爽解渴開胃，好鍾意。凍菠蘿青檸蜜，仲以為會有菠蘿食，淨水什麼都沒有的。輕輕菠蘿味撞上青檸，味道似咸檸既？哈哈，清爽解渴消暑消滯。凍菊花薑蜜，非常有趣的調配，孤陋寡聞第一次見。先來清爽菊花蜜甜味，辛辣薑味隨後趕上，直達喉嚨通到腸胃，舒服暢快！飲品方面沒任何裝飾點綴，沒能突出飲品的特徵，讓食客一望就知是什麼，杯杯顏色都差不多，很單調。熬夜緩解茶，四眼少年侍應叮囑焗上 5 分鐘先開

兩碗麵等左九個字...............由少少餓..等到勁餓重點...客人得三個.....唔知係咪要去捉雞煮新煮意的時候好食D 又有藥味d 今日再食得酒味同甜味

早前在網上看見兩名青年創業一心想事事支持下點知一試就出事第一次叫左個招牌醉雞 個湯㡳得啲洒味食吾出有咩雞味算 就當試業期間可能有少少不失但係試業並不是一個借口第二次食車仔自選麵叫左清湯 豬紅 牛柏葉 手撕雞點知叫乜冇乜 個時只係夜晚6點幾入貨咁少點做生意啊而且手撕雞得個豉油碟咁少 $10先得個兩舊細肉 其他都係雞皮 咁就$10.....第三次諗住再俾機會佢 就叫左佢個喇沙湯面點知成個湯剩係得椰奶味 唔講仲以為食咗椰汁湯麵而且食三次 樓面嘅服務態度極惡劣完全冇人會招呼你 上菜就咁掉碗麵攞枱就算 真係唔知咩態度其實唔係想寫抽氣間餐廳 但係咁樣嘅質素真係有待改善 長期內都唔會再去呢間餐廳

上水自從被大陸水貨客攻佔後，攪到真係無啖好食，食市大部分收入都攞左去交貴租，仲邊有好野食？見呢間鳳鳴居經過幾次都要等位，估計應該都幾好掛，見今日一條友就試試佢。由於一個人食嘅關係，好好彩唔洗等位攝左近門口的一張枱。望望餐牌似乎主打係雞，就叫左個喇沙雞湯米線加豬紅配凍檸茶。響等候期間，望下枱枱都係食醉雞麵呀，蟲草花雞麵呀，心諗喇沙會唔會中伏呢⋯⋯隔離枱上左個蘿白牛腩油麵，好香呀～心諗多一個人黎食咪好囉😩終於我碗喇沙雞湯米線加豬紅上枱喇，一上枱香氣撲鼻，先試啖湯頭，十分香醇，充滿椰子香但唔膩口帶微辣，十分醒胃；雞，咸香肉嫩滑結實，唔錯；至於個豬紅，係唯一的敗筆，沒有味道的！整體來說，響上水是個不錯的選擇。門口位因常有出入又無風閘，食食下都幾熱，抹汗都抹濕三張紙巾。

開左咁耐，食過5-6次，之前都唔錯，但今日真係好差...特別係服務！！我地一行3人，兩女一男，約19:45到，唔洗等位，入到去先坐圓枱，準備點菜，見到4人卡有人離坐，問侍應可唔可以調過去，佢話唔俾，因為出面有4個人等緊...我地唔緊要坐返圓枱，但之後入嚟係3個人，唔係4個人...點左兩碗麵、雞翼尖、炸魚皮，一碗蟲草雞湯米線（加底）（之前試過一次加底係另上），另一碗係醉雞米粉，蟲草米線先上，目測同平時份量無分別，就問待應有無加底，佢望一望張單，講左句「係wor, 要加底，問我地另上有無問題？」我話「可以」之後佢問廚房，佢回覆「廚房話加左」咁算，之後食，大概分到大約兩碗半的細碗share，而隨後嚟既醉雞米粉，份量同頭先嗰碗好似冇乜分別，我就問待應，呢碗係咪正常無加底，佢話係，我之後俾佢睇份量，話「好似同之前加左底果碗無分別」...佢好唔好意思咁，講左句，「廚房係話頭先個碗加咗」，咁我地都唔係想留難佢...最後碗米粉可以分到3小碗...加唔加底、有無加底，唔係今次我要俾負評主要原因，主因係其中一個待應阿姐，喺我地食野過程，撞到我同隔離個女仔超過十次，而且唔覺得有坐，我明白坐位係比較迫，通道比

一向都好支持年青人創業鳳鳴居初開張時都好多傳媒訪問佢哋報章上見到兩個年青人都好有 heart加上臨開張時佢哋比人淋紅油所以更加多多幫襯初初開時都好多錯漏，不過唔緊要總要比多啲機會啲年青人一星期都總有一兩晚幫襯佢哋外賣從來都只係外賣，因為想返屋企舒舒服服咁食間唔中佢哋都會比錯嘢，都算了點解今次會激到我咁嬲要寫食評事緣琴晚 8 點零鐘，堂食唔算多人門外亦冇人等位，亦冇人等外賣我落完單後，收銀嗰位女士同我講要等 15 分鐘我 ok, 坐咗喺門口啲櫈仔等等咗 20 分鐘唔多對路，於是我起身睇睇舖入面一睇，見到廚房成班喺度停晒手吹水我望咗幾次，都唔覺得佢哋係整緊嘢食後尾有人埋單出嚟，我示意比個侍應睇我等緊外賣跟著我黑晒面咁 bear 住舖入面然後我見到佢哋先至喺度搵緊啲單無幾耐我見到其中一個喺雪櫃拎住水餃出嚟 (我 order了水餃)呢間嘢漏單情況真係好嚴重，已經唔係第一次係咁最後足足等咗 30 分鐘先至有外賣返到屋企，發現碗嘢有啲係我 order 嘅嘢有啲唔係我 order 嘅嘢究竟佢哋想點? 已經漏單，仲要做錯辛苦工作咗一整天，只係想食個晚餐好好安慰自己點知換來兩肚氣，真係好嬲!!!

呢間新開嘅鳳鳴居好多人話一定要食佢嘅醉雞湯面 我朋友叫左一碗 我試左啖 甜甜地無咩酒味 🤔 Not my cup of tea~ 我自己叫左碗姬松茸雞湯面 雞湯好好味 但姬松茸少得可憐 呢d用嚟煲湯嘅材料其實唔值錢 另外仲有款係蟲草花雞湯 都係好似食湯渣嘅感覺中午過嚟都算好多人 12點個時間就唔洗等位 之後我都食過幾次 但覺得同第一次比愈來愈無咁好食 之後我都應該唔會再食lu 本身menu都唔多選擇 幾次就會試哂佢d野 佢仲有喇沙湯面 幾個朋友都話唔好食 無花生醬味 大家可以唔試

今晚1個人經過黎呢度見到有間新開的食雞麵, 入到去唔知食咩好，問下收銀姐姐推介， 叫咗一個芫茜雞 加烏冬。 個湯好清甜，雞好滑，芫茜勁香。。正正正， 我成碗食曬飲埋啲湯， 同埋我鍾意佢畀埋個碟仔用嚟裝雞骨 ， 十分衛生 。另外我見到坐對面嗰位哥哥叫個醉雞麵都好吸引， 所以下次一定要再嚟試埋佢

看雜誌這裏是兩個後生仔借錢開的，他們前身是好xx我也有吃過，很回味經常想試，但因見開業初期這裡經常爆滿所以沒有機會試，開業幾個月後我想應該冇咁多人就來試試不含味精的雞湯底很好味，雞件大約有八至九件很足料，冬天我會吃醉雞湯底，蟲草湯底比較滋補，吃完會很暖身，夏天就會叫他們走酒和韭菜。這裡食物選擇也很多，也可以有唔同湯底選擇，例如喇沙，麻辣。店員服務也很細心，還會問我們對他們的意見座位算是一般舒適的。這個質素但這個價錢也算很大衆化了

醉雞米，湯一食就知唔係人地老舖好煮意淆出黎既湯㡳，感覺似史雲生雞湯再加花雕酒。。。。。。喇沙湯米又係咁，同你係supermarket買色喇沙湯麵一樣，只不過份量唔同，可能落夠左幾包喇沙粉。。收銀姐姐完全冇笑容，態度十萬個差。仲知一句講曬完全係難食到嘔仲聽到啲人話好食，係咪冇食過真正既醉雞米？？想講以前食個間好煮意好食过呢間好多倍，價錢方面鳳鳴可能係平少少，但食物水準真係完全唔得，好失望😞😞😞😞

呢間新開嘅餐廳食評不錯，但來咗幾日中午都好多人排隊，最後因時間關係食咗旁邊嘅餐廳，今日晏啲食，避過午市時間，唔使等位可以坐到中央中枱，店內裝潢新，簡潔乾淨，枱面有指示教用落餐紙，上菜會比翻落餐紙我哋埋單用！姬松茸雞湯讚岐烏冬（$55+$8烏冬）賣相幾好，有配埋辣椒豉油點雞，雞肉比得多，肉質嫩滑，點少少豉油好味，松茸菇乾味道甜帶咬口，好味！粗烏冬幾滑幾彈牙，最重要個湯，夠熱香濃甜美，不會太油膩，好好味！溏心蛋（$12）碗仔另上，有跟啲醃湯，帶輕微酒味，蛋白嫩滑彈牙，蛋黃軟身蛋味濃！好味熱菊花薑茶（跟麵$8）夠熱夠浪，薑味重，味覺微辣唔太甜，飲唔出菊花味！蟲草花雞湯米線（$55）海鮮喇沙湯米粉（$58）可樂（$8）凍柑桔（$8）食物好味，尤其個湯底，店員雖然係後生仔女，有禮斯文，收銀處嗰位女店員似係大家姐，豪爽型，埋單時我要求收據，佢即刻印比我，同事攞錢慢咗佢有耐心等，仲同我傾下偈，幾nice!雞湯無得輸

新開一段時間，終於有機會黎食喇。一向都鍾意食醉雞湯嘅我，當然要試試呢碗醉香雞米線。湯好濃，好有酒香，仲加咗紅棗，好滋補呀。雞好嫩滑，點少少辣椒豉油就更惹味喇。價錢又合理，會再幫襯呀

01/08/2018 ☺️☺️本身尋日自己有少少肚痾 有啲驚再食錯野又肚痾（本身自己係好易肚痾的🤢🤮🙈） 但之前約咗女朋友食呢間就試吓 （佢推極力推介好好食）（佢上次就食咗個醉香雞湯麵）今次我地就齊齊試新野 就一齊叫咗個蟲草花雞湯麵 食落真係好正 👍🏼冇論麵定雞都有淡淡嘅蟲草花香味 另外仲有一小碟嘅辣椒醬汁點雞 真係好好食😋😋😋 雞又滑 又大舊 真係物超所值👍🏼重要幾乾淨 最緊要係食完我冇痾 🤣 所以真心推介比各位😉❤️

之前睇果籽介紹已經想試一試佢，咁岩今日就係上水就提議男人去食，到左門口見到都好多人等位，有少少驚唔知要等幾耐！我地當時都肚餓，如果要等太耐就可能要轉場！好彩等左15分鐘左右就有位。係最可怕既門口位😫門口既熱氣簡直無敵！🔥點餐到上菜要俾少少心機等，大約要10-15分鐘《蟲草花雞湯米 $55》-湯底 好清 清得黎有味 唔係水既感覺 我覺得似係屋企飲湯咁-雞件數都算多 有雞味 質地嫩滑 有小雞脾同雞胸位置-米粉 質地偏硬《醉雞湯米 $48》-湯底 我之前其實有擔心過味道會唔會同蟲草一樣只係多少少酒味 我既擔心係多餘架！係好大分別 濃好多 藥膳同酒味既配合 男人覺得酒味多左少少 我就講左句 Woo I like it -雞件數都多 賣想冇蟲草花果個放得咁好 一樣有雞味 質地嫩滑 有小雞脾雞胸同小量脾位-米粉質地偏硬P.S 原來可以選擇喜愛既雞件位置 係咪一定全部都係就唔知啦凍洛神花 跟餐加$8味道酸酸地 唔會好甜 味道有少少似淡味利賓納仔仔 呢啲時候飲好舒服