鮮芋仙 (V Point )

營業中

休息中

味道 - 有食過台北版本，比較之下香港舖頭既大概做到九成，已經算不錯。芋蓉和地瓜塊好香，食得出芋香、地瓜既清甜。不過仙草凍和仙草沙冰，少左份甘味。芋圓/地瓜圓 口感較硬環境 - 始終香港地租貴，好難似台北甘大地方開鋪。不過，人流控制太差，堂食位置少，出現等位客人等極都冇位，或者緊貼食客既尷尬場面，食得好有壓力。價錢 - 香港貴台北一倍，不過算合理，始終香港燈油火蠟，人工租金都高好多。總括，試一次就算，短期唔會再幫襯。食美食始終心情都會有少少影響，太有壓力下幾好食，味道都會打折扣

係台北都見過呢間店，但係就係試過，今次佢黎到香港開店，梗係要試一試啦！ 晚上7點多黎到都已經好多人啦，即管排隊買黎試下先！座位就比較迫啦🙅🏼‍♀️有芋圓、仙草、仲有飲品！好多野揀呀！價錢都唔平，要40幾蚊一碗架。點了這個芋圓4號，好大碗！同出面甜唔舖30幾蚊得幾粒芋圓唔同，佢d 份量好大，有成十幾粒芋圓，兩大舊芋頭。 冷的是冰底，熱的會是紅豆湯。芋圓食到芋頭，蕃薯味👍🏻 最特別就係舊芋頭，好粉，整得好淋好好味😋冰落左楓糖水帶點甜味正！ 整體黎講值得一試👍🏻

期待咗一排，剛開幕要排隊，一直都未有機會食到。 復活節假期下午去碰下運氣，大概6點 都唔駛等好耐 大概10-15分鐘，時間都唔太過份，不過豆花已經賣晒。結果我地叫咗芋圓2號、紅豆湯白玉湯圓、古味紅茶、檸檬冬瓜茶。 個紅豆湯好水，芋圓正常啦，不過覺得相比起台灣，都係有啲落差。

一句話點評：料很多，吃起來卻感覺只是好吃的料堆成一堆，沒有特別令人覺得好吃得味蕾像是跳舞的感覺，不夠精緻的雜綿甜品。在下雨水食冰，貪就貪在雖然鮮芋仙新開，但是下雨天應該沒有那麼多人排隊。點了幾樣東西。芋薯丸q麻糬牛奶冰：牛奶味源自最上層的牛奶雪糕和底下的奶，冰其實只是普通的冰，加上了很多的糖漿。冰很碎，會硬硬的，不是那種入口即融的綿綿冰，吃得多只覺得不舒服（有敏感牙齒更加是這樣）。小料有很多，小顆的芋圓﹑大顆的芋園﹑大顆的涼粉﹑不知名的黃色涼粉﹑還有黃色丸子裡面有芋蓉，單吃都還好，但是和整個冰不算很配，55元可以接受，但是就感覺普通…名字太吸引，吃起來也就這樣（主要是那個冰真的挺普通的）鮮奶芋頭冬瓜茶：也是普通…太甜了，芋頭也不甜，甚至不粉，硬硬的，喝了幾口就不想再喝。芋頭4號：（這個拿回家給媽媽嘗了沒有即場拍照）這個芋頭很好吃，很軟也很香，配著紅豆糖水吃起來還是很好的，芋圓也不錯吃，味道偏甜，我們點了熱的我覺得還可以。總體感想：沒有一個特別驚艷，最多過合格線，不值得排隊。可以飯後吃一吃，但是相信熱潮過去就不會有那麼多人特意排。內地吃過，內地第一價錢是在香港吃的一半，第二印象中內地整體

之前喺其他地方都食過鮮芋仙，而家終於開到嚟香港，不過果次行過太多人食唔到，今次晏晝去到見到少人左就排一排隊啦😂叫咗兩碗芋圓，一碗係招牌仙草一碗係芋圓4號，total都要$90都幾貴，不過真係好大碗，所以四個人share OK👍🏿招牌仙草其實只係得芋圓，仙草同埋沙冰，芋圓有芋頭味，而且幾彈牙都OK。個人推介芋圓4號，因為呢到既蜜芋係必食，而且有芋頭，紅豆同埋珍珠，下面都有冰沙，好似相對比較多料😂

之前喺大陸/台灣都食過鮮芋仙，一直都知道係好大兜，同埋芋圓幾好食，係香港開左都幾開心😂不過上次夜晚想食嘅時候就太多人，今次星期六估唔到12點幾都咁多人，不過等左20分鐘左右就有得食。👍🏿叫左芋圓4號，為咗佢嘅芋頭，真係超級好食，又淋，又綿，又有芋頭味！芋圓彈牙，成碗都正常，唔會唔好食，不過$45一碗，share食先得。

今日4月19日復活節假期第一天 又係行行食食嘅日子，專登去銅鑼灣走一轉， 試下呢間台灣過江龍 ，芋圓仙草甜品店-鮮芋仙 ，去到見門口人山人海，門口排晒長龍，又落緊大雨， 擔住遮排隊買飛，真係無奈 ，冇計啦，特登上嚟試下佢，店內簡直全場爆滿，想堂食都幾難，終於決定買外賣，但都要等咗半小時，先可以拎走，呢個時間都算快了。我揀咗: 芋圓仙草4號 $45其實我買外賣拎，到返屋企，都已經一個鐘後，所以效果一定冇堂食咁好，食嘅時候啲冰都溶晒咁濟，成碗都係水，但仙草同埋啲料都唔係好多，芋頭有兩舊，都算大大嚿，食落去， 比較硬，冇咩特別，仙草無咩特別，同出面嘅都差唔多，珍珠比較細粒，但幾硬下， 仲黐牙， 唔掂，紅豆粒冇咩特別尚可以，之前睇過其他食評，所以我都唔會期望好高，尚算可以吧，始終係自己揀咗外賣，效果當然唔好。 期待下次再去，再試下其他嘢，睇下會唔會好食啲。

終於開到黎香港🎉🎉冇係大陸/台灣食過 但一直聽聞好好味🙊店員說 所有食材又台灣空運啊✈✈覺得係銅鑼灣嚟講 性價比不錯👏.💜芋頭芋泥芋圓薏米 仙草冰 (自選系列)💜食咗咁多個甜品中 最鐘意呢個😍😍大大舊芋頭 香港黎算好粉 亦唔會太人工甜好舒服嘅味道 再煮得綿密少少就更好芋泥就超級黏稠綿密 唯甜度可降低💁芋圓和地瓜圓非常煙韌 兩者味道可以更出而薏仁又真係幾香甜 有咬口 好夾👍.不過更想講仙草冰係令我驚喜同加好多分嘅地方😌因為試食 所以有親手做嘅體驗(謝謝!)見住佢'不'起仙草冰 冇加任何水單食冰都覺得好清甜同天然😆.💜招牌4號 芋頭芋圓💜大大舊芋頭 香港黎算好粉 亦唔會太人工甜好舒服嘅味道 再煮得綿密少少就更好芋圓和地瓜圓非常煙韌 兩者味道可以更出紅豆顆粒分明 挺香的還有珍珠 都是非常煙韌.還有冰品周圍的麻糬/芋圓地瓜圓 都是非常軟糯煙韌唔會冰到硬咗尤其麻糬 有黑糖的甜啊 份量大的 4人絕對夠分有點可惜是清冰底 假如是牛奶冰/多啲煉乳就好啦

下午五點半去到，排咗半個鐘左右先有得落單。店舖人流都多，要等位。今次叫咗招牌仙草沙冰（$45），加珍珠（$3）、Q麻糬杏仁布丁拼盤($29)同埋冰芋圓5號（$45）。份量大，四個人三款啱啱好！不過最想試嘅芋薯圓Q麻糬牛奶冰咁啱到我地前面幾個就賣哂...有啲失望，見到人地食好似吸引。不過講返招牌仙草沙冰同冰芋圓，個人同朋友都覺得一般，芋圓味唔算太重，仙草就普通，不過珍珠就夠彈牙。Q麻糬杏仁布丁拼盤，個杏仁布丁味好足，杏仁味好濃，鐘意杏仁嘅朋友可以一試，不過啲Q麻糬就麻麻地啦，有啲失色⋯

我同女人知道平時返親大陸都會食既鮮芋鮮係銅鑼灣開左，就即刻黎食麻糬牛奶冰好似好正，咁我就嗌啦原來依個係二人份量(唔知係咪我睇漏眼)成份野都ok, d 食得出係新鮮既。d 芋圓又好煙韌，但芋頭未煮得夠，唔得粉唯獨個麻糬真係超甜，我咬左兩啖就擺返係度

我係名乎其實嘅煙韌控，芋圓更加係至愛！！知道鮮芋仙終於黎到香港，放假就急不及待要去食喇！芋圓4號(熱) $45依款係其中一款餐廳推介，包括芋圓、芋頭、紅豆同珍珠。熱嘅芋圓係用紅豆湯做底，芋圓大大粒夠煙韌，不過就唔係好食到芋頭同番薯嘅味道，芋頭超級粉同甜，應該有落過糖水。芋圓5號(熱) $45另一款芋圓組合，包括花豆、湯圓同珍珠。同樣係紅豆湯底，依款味道相對較寡，湯圓亦無餡湯圓，細細粒小丸子咁⋯珍珠雞蛋布丁🍮 $10啲珍珠好好味呀，有黑糖味😋 仲好煙韌添!! 布丁都有雞蛋味，我覺得仲好味過芋圓！依家香港越來越多過江龍店，但係就唔係間間都維持到水準，而且價錢又貴好多，值唔值得就見仁見智😅

第一天開將時，見男朋友差唔多收工，就排隊試下呢間鮮芋仙啦！排左大概40分鐘，我叫左份芋圓4號，本人是芋圓控，雖然覺得好抵食同好大份，但比台灣遠遠不能及，因為芋薯圓都無味，係台灣食，就算食一粒芋圓都真係有芋頭味，薯Q一樣好重番薯味！可惜香港分店，真心無味，只有2舊芋頭好食！男朋友叫得芋薯圓Q麻薯牛奶冰，賣相吸引，牛奶冰都好食，但一樣芋薯圓都非常一般，麻薯都唔好食！我一直等佢地開將既一天，期望太高既我有點失望！

呢間係台灣嘅過江龍—鮮芋仙。經過銅鑼灣見到人龍唔算長，所以就同朋友一齊排隊，點知都排咗一個鐘！真係有啲意料之外！不過其實以我呢一個唔好芋圓嘅人來講呢，今次食已經係覺得好好食！姐係好似一個唔食榴槤嘅人都覺得榴槤好食嘅話呢，個榴槤真係幾好食！唔知大家明唔明我講嘅嘢呢😂我覺得最好食嘅係有芋頭嘅仙草，芋頭仙草加咗奶真係夾到不得了！係勁好食！另外大家嗌野食嗰陣時都要小心個份量！因為佢份量都算多！一個人其實未必食得晒一碗，除非你食完之後唔打算食飯！呢個其實係正餐嘅份量！😂總括而言，當然可以值得一試！

十分期待試下台灣過江龍鮮芋仙，去到見到長長的人龍，睇一睇計一計起碼要排半小時，但都未能阻止我一試嘅心。好！排就排啦…十分鐘...二十分鐘...四十分鐘，終於買到。等多大約五分鐘就有得食，試第一啖完全冇芋頭味，得個甜字。真係好似直升機聲咁伏伏伏，一個字~伏~

今期最hit一定係鮮芋仙，中意食芋圓嘅我一早己經好想食，可惜長期都好多人排隊，琴日下午4點咁啱行過，見到人龍竟然唔算多，就即刻排隊試下！雖然唔算多人排隊，但由點餐到等食物都足足夠咗45分鐘💩我同男友嗌咗芋圓4號同招牌鮮草冰價錢係cwb嚟講唔算貴，不過味道就好一般，芋圓、芋頭冇乜味道☹️係大陸食反而更好食，如果係排咁耐隊嘅唔值得。