鮮芋仙 (V Point )

營業中

休息中

呢間係台灣嘅過江龍—鮮芋仙。經過銅鑼灣見到人龍唔算長，所以就同朋友一齊排隊，點知都排咗一個鐘！真係有啲意料之外！不過其實以我呢一個唔好芋圓嘅人來講呢，今次食已經係覺得好好食！姐係好似一個唔食榴槤嘅人都覺得榴槤好食嘅話呢，個榴槤真係幾好食！唔知大家明唔明我講嘅嘢呢😂我覺得最好食嘅係有芋頭嘅仙草，芋頭仙草加咗奶真係夾到不得了！係勁好食！另外大家嗌野食嗰陣時都要小心個份量！因為佢份量都算多！一個人其實未必食得晒一碗，除非你食完之後唔打算食飯！呢個其實係正餐嘅份量！😂總括而言，當然可以值得一試！