鮮芋仙 (V Point )

營業中

休息中

好好味嘅台式甜品店👍🏻平時食開仙草 今次揀左紅豆沙😉個人比較喜歡仙草 感覺清新D地瓜圓芋圓同珍珠煙煙靭靭 係小編大愛嘅口感☺️芋頭煮到好淋 入口粉感好重😀深圳食平好多 不過係香港食就大碗D

香港新開既鮮芋仙好大熱潮 我同朋友約左一個月終於食到啦！ 我地平日四點幾去食 唔算非常多人 但都等左45分鐘位 呢間野係self service既 要自己企喺張枱隔離等位 食完要自己執翻枱甜品方面我地叫左招牌仙草沙冰 同芋圓麻糬牛奶冰 芋圓仙草同牛奶冰都幾好味 牛奶冰會比較甜 牛奶味都幾重 芋圓都算有咬口 但麻糬就麻麻地 個人覺得唔值得等咁耐 因為價錢都唔算平 味道唔算特別出色 有好多甜品舖好味啲同平啲但如果係芋圓迷又唔介意等都一試無妨既

終於等到下雨天人龍比較少的日子來潮聖了！很幸運的很快就找到位置，而食物就大概等了二十多分鐘，心裡還是熱切的期待呢 嘿嘿。我們分別點了手工芋圓4號和招牌仙草沙冰 + 冰淇淋！手工的芋頭和蕃薯芋圓真的名不虛傳的煙韌，軟軟綿綿又有真材實料的味道。而最讓我們驚喜的就是非常滑溜的仙草和又粉又軟稔的芋頭！下次要再來試試它的布丁和麻糬，還有就是熱的紅豆湯！

在銅鑼灣食完晚飯，係燈籠街行返出街口，一於試下近排幾出名既芋圓糖水店。糖水項目都幾多，仙草/豆花/紫米/紅豆 等等做底，再選擇鍾意既配料。可惜，每款既配料set 死晒，唔可以自己配搭。我地8：00 到餐廳，幾多人，都超過5個人排隊落單，成功落單後，由8：15 等到8：45 都未有，期間催過幾次。原來漏左我底張單，於是要繼續等☹️終於等到糖水，碗係幾大，料既份量都👌，但芋圓較少糖水味道👌豆煲得夠芋圓，小湯圓完全唔煙韌，唔吸引。實在名過其實。☹️

第四次努力，終於成功食到啦開咗都一段時間，依然長期有條人龍係門外，自己搵位加排隊落order，建議一人排隊一人搵位啊是晚22:30最想食的芋薯圓Q麻薯牛奶冰已經賣晒，叫咗其他招牌款式。味道不能稱上好好味，真係普普通通咋，芋圓冇乜食材嘅味道，但煙韌度就好滿意。招牌仙草沙冰芋圓數量適中，但身為芋圓控係會無任歡迎更多芋圓咖，仙草望落好多，查實底下全部都係冰，個冰充滿仙草汁，都可以，但冇乜驚喜芋圓4號可能太夜黎啦，好多食材都賣晒，珍珠冇晒，換咗仙草，芋頭就如相中所見，個人較愛食芋蓉，但佢呢個芋頭同樣地唔夠芋頭味，亦都煮得唔夠腍芋圓2號紅豆湯底唔錯，唔太甜，呢碗芋圓份量奇多，最好食係依碗冬瓜茶好飲，其實我冇今過唔好飲嘅冬瓜茶😅

台灣好有名氣既鮮芋仙，黎到香港當然要試下，位置方便，係銅鑼灣消防局對面，橋底左手邊，聽講成日排長龍，好在去到時候點餐大約排左6-7人，都算快就落到Order! 點完餐拎通知器番座位等，再自取甜品就得！鋪面都好靚，地方乾淨，等左約10分鐘就可以取餐！叫左個店鋪推薦既熱芋圓4號，熱芋圓系列，會用紅豆湯做底！而凍芋圓系列係會用刨冰做底！芋圓4號材料非常豐富有芋頭，紅豆同珍珠！紅豆湯底甜度適中，有三件超大既芋頭，芋頭亦夠軟身，配上細Size既珍珠！有芋圓，同番薯圓兩款～口感煙韌！值得一試！

4月1號鮮芋仙係銅鑼灣V-Point終於開左，一去到，超多人排隊，排到鋪頭出面再加個大灣😂之後入到去點餐先叫左招牌仙草沙冰，仙草沙冰由芋圓，仙草凍再加上仙草沙冰組成。仙草凍好滑同好大陣仙草味🤣🤣🤣芋圓好q彈，配上沙冰好香好食😋另外，我地仲叫左個杏仁布丁🍮麻糬拼盤，個人好中意呢個，杏仁布丁除左滑之外，食落去滿滿杏仁霜味，另外麻糬係黑芝麻味😆好食。下次有機會要試埋牛奶冰，睇圖大大份，冇得輸😍

喺內地紅左好耐既鮮芋仙開到黎香港啦🤩小編期待左好耐了 由於要自己搵位 所以最好兩三個一齊黎啦 排隊到有野食大約45分鐘左右 結果最後都無失望 味道同大陸既鮮芋仙無異🤓---------------------------招牌仙草沙冰 $45簡單既仙草、仙草沙冰、芋圓同鮮忌廉已經好好味🤤仙草超滑溜 底下既沙冰浸滿仙草汁 而芋圓亦好煙韌 芋頭同蕃薯味唔太突出 但會食到啲芋頭同蕃薯粒😝雖然係大陸價錢既double 但size都係大陸既double 一個人食一碗真係會食飽 .Q麻糬雞蛋布丁拼盤 $29麻糬共有兩種口味 分別係花生同芝麻 但兩種味都食唔出 而且有啲過甜 亦做唔到麻糬果種軟淋中帶點煙韌既口感☹️至於布丁就做得唔錯 富蛋香且軟滑 面頭鋪滿珍珠 明顯有兩種口感 呢個配搭幾特別新穎🤡

等餐時看見店員用枱布擦了碗裡面 第二個店員又用用一塊布擦了桌子上的積水 很不衛生 不知道其他過程是否有衛生隱患 排隊等待時間長 建議在牆上貼上菜單 避免顧客在點餐台猶豫不決增加點餐時間

這是我第一次吃鮮芋仙，之前聽朋友說這間沒有很好食，不過我還是抱著一試無妨的心態去了！結果我就覺得很好食啊！😋（利申：沒有嘗過台灣/大陸的店）因為店名有芋和仙字的關係，我就想一定要叫有芋頭跟仙草的！所以就叫了招牌仙草沙冰加芋頭（$45+6）價錢的確是有點貴的🤔但味道方面我就非常滿意了，芋頭超級好食口感很綿，我覺得是必加的！而仙草好滑喔🤤完全不會苦～仙草沙冰也不會很大粒，很硬！👍🏻但是芋圓就覺得很一般，可以不試😑

終於經過銅鑼灣嗰頭 可以試吓好多人力棒嘅鮮芋仙啦 成30°C 食個招牌仙草冰沙超級治癒🍧 分量除咗大 仲好多芋圓同仙草😍 芋圓好彈牙 芋圓仙草控一定要試 不過順帶一提 長期排長龍😂

每次去台灣都會很想吃芋圓，沒想到最近在銅鑼灣便開了一家來自台灣的糖水品牌鮮芋仙 - 滑嫩仙草、手工芋圓等都可以在這店吃到！不止甜品，還有一些台式點心和飲品之類的～想念台灣美食可以來一趟喔這店走的是自助形式～需要自己找位置和排隊點單付款所以如果想堂食的話，建議先找位置坐好囉這邊也有做外賣，如果怕等位等太久也是可以賣走回家吃喇芋圓二號 ($45) 芋圓是有冰或熱的選擇，熱的是紅豆湯底因為怕會很甜，所以選了冰的。沒想到也頗大碗芋圓其實一共有五款，每款都有3種材料配搭，亦可加錢加其他的料二號的有 - 地瓜、薏仁、珍珠 地瓜吃起來甜甜的，薏仁弄得很稔身，珍珠則很有咬口主角的芋圓口感煙韌～但整體吃落有種在吃糖漿的感覺 ... 冰也是淋了糖水小芋圓奶茶 ($32) - 很大的一杯！茶味頗濃，奶味相對較為淡一點芋圓可能因為體積小的原因? 吃起來比前者的芋圓稔身太多，沒有了原本煙韌的口感不過喝起來不會太甜～倒是還很不錯耶話說朋友點的這個 - 珍珠雞蛋布丁 ($10) 是很有趣的配搭還有很多款用上了布丁來做的點心

今天提早吃完晚餐，經過見到新開的芋圓甜品店，二話不說即刻排隊。可能新開張，未到糖水時間已經超多人排隊，我們前後排了約40分鐘才能進店。店員十分有禮貌，清楚解釋如何下單付款，我們點了兩份，一個凍一個熱。熱的是配紅豆湯，非常一般，凍的配一埋沙冰，完全無味另外加了一個雪糕，反而最驚喜，好重奶味。但芋圓一點都不煙un，出面好多小店都整得好食過佢，而其他配料只是得個樣。如果要排隊的話，我想不會再來，完全不值得。

黎到呢間好勁人氣既台灣甜品店，我7點幾黎到，好多人。但有樣野要特別講一講，雖則甜品店黎講，一般都坐得比較迫，但呢間店係非常迫次餘，食落出入都好麻煩，經常要其他食客起身讓開先出到，奇怪既係佢間鋪其實幾大，出事地方係佢既座位設計安排。好啦，到講下個甜品啦。我係叫左一個芋圓4號 （芋頭，紅豆，珍珠）$45芋圓 做得好過好多香港甜品店，算係高質，食落有芋頭蕃薯味，但唔係好Q彈果種，我估大概係因為香港人既口味係鐘意比較重芋頭蕃薯味，但唔太鐘意太Q彈。芋頭 呢個絕對係推介！一定要食！芋頭好靚夠粉，亦煮得好林好易入口，簡單一句，我係香港其他地方食唔到同一個質素。珍珠紅豆 就無乜特別啦。

味道 - 有食過台北版本，比較之下香港舖頭既大概做到九成，已經算不錯。芋蓉和地瓜塊好香，食得出芋香、地瓜既清甜。不過仙草凍和仙草沙冰，少左份甘味。芋圓/地瓜圓 口感較硬環境 - 始終香港地租貴，好難似台北甘大地方開鋪。不過，人流控制太差，堂食位置少，出現等位客人等極都冇位，或者緊貼食客既尷尬場面，食得好有壓力。價錢 - 香港貴台北一倍，不過算合理，始終香港燈油火蠟，人工租金都高好多。總括，試一次就算，短期唔會再幫襯。食美食始終心情都會有少少影響，太有壓力下幾好食，味道都會打折扣