鮮芋仙 (V Point )

營業中

休息中

香港開了鮮芋仙後終於可以來朝聖一下。以往都有在內地吃過，來到香港仍然座無虛席。叫了一個招牌鮮芋仙，加了一份地瓜。招牌鮮芋仙與內地水準一樣，我最喜歡吃它的仙草冰底，清甜綿密。芋圓亦煙韌好吃，唯一失望的是地瓜，這份後加的地瓜並不如內地般甜和䭃，價錢就見仁見智啦。

Well，睇左好多呢間店的宣傳，又facebook好多人推介，但一直未有機會試到。係上個weekend，我終於揾到朋友仔同我一起去啦。係晚上10點多，我地趕住走去食。一入到去，店都幾多人，不過都仲有位。然後我地排隊買野食。我點左一個芋圓4號，有地瓜，珍珠，芋圓等，大約四十多元。坐左無幾耐就有得攞來食。芋圓的份量都幾大碗，個地瓜望落仲以為會乾乾地，點知食落都軟同有少少水份，食落幾飽肚。至於芋圓就好好食啦，足料又多有份量。所以食完呢個甜品係真係好飽架！我覺得呢家店係幾唔錯，有水準的

之前有試過大陸好幾間嘅鮮芋仙 覺得又平又好食 尤其係芋圓同芋頭今次就係香港試下呢間過江龍 睇下有冇令人失望先～價錢方面 當然比大陸叫一大截 但係銅鑼灣地區 都算可以接受～我地兩個人叫左推介嘅仙草四號 另再加$6食我最愛嘅芋圓當日下午星期六三點幾都坐滿 不過企多一陣就有位 唔洗外賣成碗都好大 夠兩個人食 一人食可能會太飽芋頭果然冇另人失望又綿又甜 好好味下面有好多仙草同仙草冰 岩哂炎炎夏日芋圓同大陸食嘅一樣 都係地瓜圓有味啲 芋圓相對淡味 但煙韌程度依然令人心動💓但珍珠就比較一般 不過個個都有珍珠 冇其他選擇😂 如果佢有自由配搭就好了～～～總體來說 無令人失望～開心！

鮮芋食完個粉，再嚟多個甜品。🥳咁啱隔離就有間台式甜品，立即過去試下。燒芋仙招牌仙草我自己本身麻麻，朋友話想試下，就叫左個招牌試下，入面有仙草凍，仙草冰沙，仲有芋圓同地瓜圓。唔試由自何，一試就愛上😍。仙草凍好似啫哩，好滑，shu一聲就滑左落肚，加埋冰沙食真係絕配，芋圓地瓜圓唔太淋唔太硬，口感一流🤤，極之推介👍🏻👍🏻。味道:🤤🤤🤤🤤🤤 價錢:💰💰💰💰環境:👍🏻👍🏻👍🏻（有少少迫）#hkfood #hkfoodie #芋圓 #仙芋鮮 #hkblogger #hkfoodblogger #eatkids123

鮮芋仙在台灣當地是十分有名的芋圓糖水店，主打台式甜品，包括芋圓及仙草糖水。開店已有一段時間，終於相約了同事去嚐一嚐。先點餐付款，拿通知器回座位等候再自取。芋圓2號 ($45)一碗的份量超大，足2-3人Share食！以沙冰為底，上面再鋪滿芋圓、地瓜、薏仁和珍珠，芋圓口感煙韌富嚼勁，但整體味道較甜。芋圓4號 ($45)刨冰底配上芋圓及地瓜圓，再加上芋頭、珍珠、紅豆等配料，非常豐富。芋頭入口非常軟糯，十分好吃！Q麻糬雞蛋布丁拼盤 ($29)麻糬有黑糖及原味，味道較甜，但口感軟綿Q彈。

FINALLLLLY食到啦煙韌控港豬呵呵呵😋😋8點幾尼到都full哂，首先黎到最好就一邊排隊一邊搵位分頭行事就最快啦，不過因為都係小食既關係，翻枱既速度都算快既，咁岩排到另一邊就搵到位啦，我諗大概10-15分鐘啦，不過愈入夜就一定會耐d，去到後未走既時候買野食條隊都已經排出左個餐廳了，大家要預時間呀😲😲咁岩果日黎到好想食冰架，不過撞正唔食得凍野既時間忍下口食個熱食紅豆湯底都已經好滿足呀😍😍煙韌粒粒芋味重入味集於一身，又唔會太甜，真係好好好好味呀，料都算多架。今次我地叫左芋圓4號，芋圓紅豆珍珠，簡單已經夠哂好味，下次我一定要食個冰呀，好鬼死吸引👅💦💦

今日約了姐妹淘去試一試這間人氣甜品店，為了避免排隊人群，我們選了下午時間去試一試😝果然排了5-10分鐘就有得入去喇🎉由於此店是自助形式，所以是要先自己去下單再派一個電子器給你，當電子器震動及閃燈就可以取餐喇😊店員挺落力推介不同食品🤤

最近人氣甜品店非佢莫屬啦，我今晚等左半個小時有位，由落order到有得食都好流暢，我點左人氣手工芋圓4號，$45份我帶，兩個女仔食都夠。特別一提女嘅芋圓好煙韌，咬口十足，加上芋頭大大嚿，好林甜， 配上珍珠，咁都好似身處台灣，10分推介，怪唔之得晚晚都咁長人龍！

👉🏻冰芋圓4號💲45（芋頭、紅豆、珍珠）呢間野想食好耐今次終於食到🥰之前返過深圳幾次都冇去到食 然後香港開分店又成日大排長龍🥺唔理解點解佢可以廿四小時都咁多人 明明係一間甜品舖😹今次去食都等咗大概15分鐘😲凍食個底係刨冰🍧熱食係紅豆湯 感覺上熱食好似抵食啲飽肚啲🤣但由於夏天嘅關係所以叫咗凍食❄️佢啲芋圓係真係幾好食入面有芋圓粒！但珍珠就細粒咗啲冇咁有咬口 刨冰個汁應該係仙草個啲汁 清清地唔太甜都幾好食 不過我覺得佢啲刨冰太硬太大粒 下次會想食熱食 個芋圓熱咗溶溶地同紅豆湯應該幾夾😌凍食個舊芋頭太硬有少少唔夾😹〰️〰️〰️〰️〰️〰️〰️〰️〰️〰️👉🏻布丁Q麻糬牛奶冰💲52（雞蛋布丁、杏仁布丁、小芋圓、Q麻糬、冬瓜凍）冇諗過咁大碟🤩上碟個下真係嚇一嚇未食已經覺得好抵食😹但食落其實會發現係冰多🤣疊到好高😲佢落好多煉奶所以個冰好甜😋Q麻糬有啲咬口幾得意 但啲小芋圓真係太小😹食唔出咪味😹冬瓜凍應該落多咗魚膠粉所以食薄比一般人嘅啫喱硬 布丁好甜同個冰都幾夾 係冰嘅最高頂仲有球雪糕🍨係就係豐富不過整體食落一般 試過一次應該唔會再叫呢個 下次會想食芋圓系列嘅熱版！😋〰️〰️〰️〰️〰️〰️〰️〰️〰️〰️鮮芋仙 (銅鑼灣)📍銅鑼灣登龍街1

呢一間台式糖水店開咗嚟香港其實都已經有兩個月，不過每次經過都見到有勁多人排隊😂真係即刻放棄左🤫所以小編今日特登一早起身走去食，晨早流流食芋圓真係有啲癲😳不過都係值得嘅，出品絕對冇網上面講得咁差，但要排隊嘅話真係要諗諗🤭而且仲可以試埋佢哋啱啱新出嘅新品添🤗鮮芋仙Meet Fresh係一間做地道台式糖水嘅店舖😆產品承襲傳統台灣味嘅製作工法，而且店舖堅持使用台灣天然原材料食材現煮現賣😊-🍴凍芋圓6號芋圓6號以刨冰🍧為基底，表面再放上芋圓、粉粿、粉條同珍珠😜刨冰入口嘅味道啱啱好，唔會太甜，但又唔會淡茂茂😏而且刨冰底部加入左冬瓜糖水，所以入口味道清甜🤗配上芋圓同珍珠一齊食，口感非常煙韌🥰而且芋圓入口大有淡淡芋頭香味，中間亦都有啲芋頭粒喺度☺️口感亦係比較豐富；至於個地瓜圓方面，地瓜圓入口有好重香甜嘅地瓜香味，而且當中亦都係有一粒粒嘅地瓜粒喺度😯所以入口食落都唔會太過單掛😁至於個粉粿同粉條方面，兩者嘅質感都比較爽滑，而且冰凍嘅刨冰亦都令兩者嘅口感變得更加煙韌😝另外，粉粿同粉條入口食落本身都自帶有少少天然嘅香甜氣味，配上味道比較清淡嘅刨冰簡直係絕配😋-🍴熱芋圓6號芋圓6號以紅豆湯做底😉裏面再放入芋圓、

鮮芋仙喺深圳食過一次，覺得啲芋圓好林好軟身好好味。喺香港開咗鋪頭，當然要來試吓啦！呢間鋪頭好自助，連搵位都係要自己，冇人會幫你帶位，所以都會有啲尷尬就係要企喺人哋隔離望住人哋等佢食完 搵到位喇，又要去排隊買嘢食，跟住會俾個alarm你，野食準備好嗰陣就會響，跟住就自己出去拎嘢食。食完野又要自己捧去收餐處，基本上係無人會serve你啲嘢食既價錢基本上比起深圳貴一半，但係食物嘅質素就差唔多。叫咗個招牌仙草沙冰，感覺上成碗野都好仙草，啲冰係仙草冰，又有仙草喺面，所以芋圓嘅份量就好似比較少。成碗係得仙草同芋圓，有啲單調。如果下次食嘅話，我諗可以試吓其他唔同配料嘅配搭

大熱天時喺銅鑼灣行街 熱到抽筋 就去鮮芋仙試吓佢嘅新6號冰芋圓 有珍珠 粉果 粉果條 同黑糖味嘅冰我鍾意食煙煙銀銀嘅嘢 所以就叫呢一個其實成碗野都好一般 話佢唔好食又唔係話佢好好食又唔係但係大熱天時當消暑 兩個人分一碗 飯後甜品啱啱好但呢個價錢 可以喺松記或其他甜品鋪食更多元化嘅食物 好似仲抵 環境唔錯啲位都好鬆動 6號冰芋圓就唔算好甜 相對之前食過52蚊嗰個QQ牛奶冰就真係甜到痴線不過都係覺得呢個價錢 可以食到好啲既唔太推薦 食試過一次就可以啦

自開幕之後一直都有光顧和介紹給朋友，因為這家的仙草和芋圓真的很好吃😋 最近有新品上市啦！分別是熱芋圓6號(紅豆湯)、仙草6號(仙草冰沙)和冰芋圓6號(刨冰)✨。除了仙草芋圓珍珠作配料，還加了兩款新配料-粉條和粉裸～ 兩款都特別Q彈，粉條色澤透明Q滑爽口，粉裸是超煙韌好好吃！粉裸使用天然山梔子粉作染色劑製作，完全天然無添加，健康又美味😋 以後又多兩款必吃配料了～～～

之前成日同朋友上大陸都一定會食鮮芋鮮，知道終於係香港開分店，即刻黎試一試！平時多數同朋友各自叫一碗芋圓，今次五個人一齊就決定試下新野，睇下質素如何！我地首先叫左個芋薯圓Q麻糬牛奶冰，佢分別有芋薯圓，小芋圓，Q麻糬同冬瓜凍。最令我驚訝嘅係佢個芋薯圓，佢外凍內暖，口感非常特別。冬瓜凍好滑，有淡淡嘅冬瓜茶味。加上牛奶冰有好濃嘅牛奶味，唔會太甜，整體黎講好好食！我地另外再叫多左個總匯八寶冰，佢有唔同嘅豆類，地瓜非常之清甜，牛奶冰同各款豆類異常的夾，味道都唔錯！總括黎講，鮮芋鮮係香港嘅分店都無令我失望！

以前其中一樣返大陸必食嘅嘢就係鮮芋仙嘅芋圓仙草，好開心依家係香港都食到啦！我係長期粉絲，平時食開招牌仙草沙冰，梗係食返一樣嘅黎對比一下冇失望！同大陸一樣好食，芋圓好好味，我最中意d仙草唔會好甜我見到有d人唔落個盒奶仔，我就好中意加左奶先食喇45蚊一個雖然唔算好平，不過份量十足架！以後飯得甜品又多個選擇