鮮入圍煮 (已搬遷) 新店位置

一入大門，就見到佢哋招牌式嘅海鮮檔..所有海鮮都超級生猛，扎扎跳。一坐低就即刻睇吓Menu有乜嘢食，哦！原來唔係剩係得海鮮咁簡單㗎啵。望吓個Menu湯底已經有好多選擇。我哋最後揀咗佢嘅，鎮店之寶 - 「花膠雞濃湯 」一嚟到就已經好驚喜！店員仲好好地幫我地將個雞斬件，建議我哋先飲咗湯，再食雞同埋花膠，最後先再打邊爐。花膠雞湯簡直無得輸啊，濃得來完全入晒味。雞同埋花膠配搭得充滿鮮味啊！飲完花膠雞湯後，配上冰豆腐同埋龍口粉絲，完全令到花膠雞湯升華到一個極點。所有花膠濃湯嘅味道，都吸收晒落去呢兩種配料入面。由於同行嘅朋友唔食牛肉，我哋就點左芝士腸、西班牙豬腩肉、豬眼根、淮山、同埋金菇。兩隻豬肉嘅味道都唔錯架，仲好彈牙，碌兩碌就熟。其他配菜都好新鮮。湯底好，就算普通配料都變得好味！

聽過幾個朋友介紹呢間打邊爐，假期超級旺場，根本book唔到！今次提前book閑日，終於有機會試！裝修十分有特色，服務都唔錯。海鮮好新鮮，可以現場自己揀。最鍾意個花膠雞湯底，加水之前飲左好多碗，飲得出係真材實料煲既，鮮味得來唔滯，d雞又好滑！下次會再為左個湯底而來！🥰 （太肚餓無影到相🤣) 另外值得一提係個凍豆腐，索晒d湯汁超好味，我已經食到好飽但又忍唔住最尾清晒d豆腐。ps: 見到呢間好特別有黑牛柏葉，試左下唔係好食得慣，太韌咬好耐都咬唔爛，下次都係試白牛柏葉啦，哈哈！下次多d人來可以試多d嘢！

表姊難得黎左香港玩幾日，我當然要盡地主之誼帶佢周圍飲飲食食～喺香港梗係要帶佢去打邊爐！旺角呢間鮮入圍煮就最出名食養生花膠雞煲，今日決定帶佢嚟試吓！餐廳嘅佈置好似一個舊式街市咁，非常充滿懷舊風情！煮個花膠雞煲，一睇個色澤就知勁香濃！我哋得兩個人叫咗個細嘅煲，入邊有半隻雞+6大嚿花膠，材料都幾足夠！嘴刁嘅我哋叫咗個牛白肉黎食，唔係間間火鍋店都有架！呢個牛白肉非常爽脆，油香味重，超級好食呢個牛汁濃湯牛丸都非常推介！一咬入去就滲出滿滿嘅牛汁，彈牙得來又夠juicy~呢個叫花膠蟹粉蝦餃皇，不過唔係好食到花膠嘅存在$28一粒略嫌偏貴～

其實愛吃火煱 但肚子小吃得不多很多時候 去散叫的店 會比較開心 這店在登打士廣場的2樓 以懷舊街市作主題用了很多懷舊的餐具用品 牆上貼满懷舊的海報店內有模擬海鮮檔 可以即揀即劏店員奉上不同的醬油配料=濃厚原隻雞煲花膠湯=（小）看到這湯底是最多人叫的 必定要嘗嘗它的厲害半隻雞隨鍋而上 店員再張雞剪成一件件湯滾先飲湯 濃郁非常鮮甜且稠口雞的肉質嫩滑 花膠厚身且稔又入味每人飲了3碗湯滋補滋補才開始叫火煱配料=手切安格斯牛肉=手切牛片以冰座著 保持新鮮色澤鮮紅 油脂紋分佈平均牛肉味濃郁 肉質屬有口感咬口類=脆肉鯇魚片= 魚片其實切得不薄身 但可以確定十分新鮮因為魚片通透有光澤 肉質的結實而又爽脆非常高質的脆鯇=爆炸薑汁皮蛋貢丸=最近興起的丸類吧 裡面充滿薑味 不辛口 而且真的能吃到皮蛋粒為味蕾帶來少少的刺激個人喜歡薑的味道 所以很滿意

放工後跟同事到旺角逛街，順便上開飯網看看附近有什麼東西好吃...見到這間打邊爐店十分有特色，裝修是用了香港傳統街市為主題，店內的一旁有一檔類似賣魚檔口，讓食客可以挑選海鮮，即點即滾，很特別！我跟同事人點了半份花雕醉雞鍋、西班牙豬腩片、紅薯粉、炸魚皮、唐生菜及竹笙。由於每份食材的分量都十分多，所以我跟同事二人未能點太多，避免浪費食物吃不完...首先湯底一上枱已經聞到濃濃的花雕香味，另外還有半隻分量幾大的醉雞。店員幫忙放入煲內，水滾再等多一會兒便可以食。雞肉 結實有雞味，而且吸滿了花雕酒。酒精經過高溫揮發後，留下的就只有陣陣香氣撲鼻的酒香，食落口香口而不會醉，不錯！不過雞肉在煲內翻滾就會開始變得嚡口，建議雞肉煮好後就可以取出食用，避免過熟。西班牙豬腩片肉質結實，有很重的肉味。由於是薄片，同樣不宜煮得過熟，避免嚡口，基本上跟牛肉一樣，輕輕灼一會兒就可以。另外紅薯粉易亦值得推介，紅薯粉煮熟後變成半透明狀十分煙韌彈牙，飽肚之餘，紅薯粉索滿了花雕雞湯，味道十分鮮甜。竹笙亦是一個不錯的選擇。此餐廳的竹笙品種大，爽口，同樣煮熟後索滿湯汁，十分好吃。另外唐生菜及炸魚皮則屬於中上質素，炸魚皮用獨立包裝上枱

淨係見到個名都已經比佢吸引住，有邊個唔想嚐鮮？一於去試下先😋餐廳裝修別樹一格，有舊街市大排檔嘅風味，如果想點海鮮就要自己行去海鮮檔嗰度選擇，唔講真係以為自己去咗街市，即買即食！今次點左個清清地而又下火既湯底：芫荽皮蛋鍋，鍋底有好多芫荽，夠晒香，岩晒鐘意芫荽既我🤪食材果然夠新鮮！不論係菜、丸定係肉類都好鮮味，基本上唔使用調味料已經好好食。推介：脆肉鯇魚片超新鮮，而且切到好薄，燙幾下就食得，爽口又彈牙！推介：濃湯牛丸我未食過咁重牛味既牛丸，而且咬落去真係有湯汁爆出嚟，好味！推介：凍豆腐一份有8件，件件都手掌咁大，口感軟綿綿，同坊間果啲硬到打得死人既好唔同，正！推介：西班牙豬腩肉雖然話就話係豬腩肉，但係肥瘦好平均，仲有好濃郁嘅豬味。同場加映：一邊打邊爐，一邊睇住師傅手切牛肉，有得睇有得食，滿足晒你兩個願望😀

朋友介紹樓上打邊爐大熱店，非常有特色的香港舊街市feel裝修。既然今日要到旺角找些精品，就打邊爐！重現九龍皇帝筆跡，有趣啱哂打卡。濃厚原隻雞煲花膠湯(小)  $268主打的必食花膠雞煲湯底，雞湯濃郁有香氣，再加湯繼續打邊爐也是加入雞湯。未加打邊爐料前，先飲碗湯，很熟悉的味道，有自家煲湯的感覺，沒有平常打邊爐湯底的味精感。朋友再問我，覺得是什麼熟悉的味道？就像是食翅時的濃郁湯底呢。除了飲湯，雞肉都仍很有肉鮮味，職員會幫忙將半隻雞剪開，方便食用。羊肉片  $68生料羊肉片肉色鮮紅，肥瘦適中。切薄片，碌起來比較快熟不會老，肉質嫩滑。芝士流心牛丸  $38咬開要非常小心，滿滿的芝士湧出！芝士足料，跟牛丸好夾。稻庭手打烏冬  $28打邊爐必備收尾~烏冬，個人覺得比即食麵好，因不會太大肥膩感。已經食烏冬配雞湯濃郁湯底，又可再飲些湯。烏冬本身亦煙韌彈牙，不用煮太耐，散開滾起便ok!傳統街市場景兩個人一時興起打邊爐，胃的空間有限，已經食到很飽，實在未能將全部心儀的食品都點完，下回再續

見一大班人gathering，成班想打邊爐，就試下鮮入圍煮係咩料到，試一試會唔會中伏。我地嗌到成個檯都係野食，粟米、蝦係好食嘅，碟肥牛都唔錯！但要價錢對比呢個質素真係幾貴，唔係好值囉，但成大班人食都可以接受嘅！到最後嗌多round野食嘅時候，試下手切肥牛，呢碟真係中曬伏，好鞋口冇肉味好難食！！！食咁嘅質素都要成round$200碟！唔想食呢啲嘅千祈唔好嗌。試第二款算！環境方面都算大嘅，但裝修就有啲差，可能太舊喇，地方唔算太乾淨，需要加以改進改進！

我尋日喺度食，食食下一陣味。望一望個門口，呢間鋪頭啲店員真係傻傻地嘅。啲客喺度食緊飯，個伙記喺門口燒街衣成陣味飄曬入嚟。都唔知係咪想早啲收工喺度趕客走。又貴又冇服務。下次唔使去。

牛肉貴但質素好一般，沒有特別貨色如牛胸爽吊龍之類，稻香的選擇及質素更好。湯底十分貴，麻辣湯水準欠佳，完全不辣，令人失望；調味料也只有普通的選辣椒、生蒜、蔥、炸蒜 4種，沙嗲或XO醬完全不提供，咩料？海鮮選擇少，只有$128/隻的蝦，瀨尿蝦或龍蝦，否則沒有選擇；魚皮也是包裝貨色，有無再hea啲？花膠餃完全唔覺有花膠，比普通雲吞差，但蝦是爽的。由於採用懷舊街坊裝潢，但座位卻極不舒適，沒有靠背，令人完全唔想再坐耐啲。鱔Ok，1664 啤酒Ok，蟹棒一般，生菜Ok，唯一可取是蝦滑較新鮮，其他東西除了貴，完全沒有亮點。每人埋單$450。諗左好耐都諗唔到咩原因要再黎 少數令人失望的火鍋店，絕對名大於實。

黎得呢間餐廳，一定要叫最出名嘅花膠雞湯，因為佢真係用足材料去煲呢個湯，真材實料，打邊爐之前個個都飲左碗湯先會飲，雞嘅鮮味十足，而且個湯都好creamy，飲唔停口，真係驚會飲哂冇湯打邊爐！我地叫一個鍋叫左麻辣湯底。要叫嘅打邊爐配料有幾樣一定唔少得，例如：蜂巢豆腐、響鈴、蝦滑。蜂巢豆腐同響鈴都係最吸湯汁嘅配料，呢個湯底咁正，所以一定唔可以叫少呢兩樣野！蝦滑方面，一食就知冇溝粉，好彈牙鮮味，真係唔錯。有黎食記得叫佢個花膠雞湯！

一肚火，六點入座，七點就已經吹賣單，跟住每十五分鐘一次要你走，無錯真係問你走得未!我真心唔推薦食，一，無乜野食。二，聲稱兩小時食用時間，原來係不停吹你食。三，一定要睇單，我地一支酒都無飲，佢地可以飛六支啤酒差不多400元。唉！永遠唔食，一肚火嘅火鍋

價錢偏貴，食物質素一般。叫了兩種價位肥牛都同樣令人失望。特別是最貴款的手切本地肥牛，$388 款 薄到夾起都已經碎左，而 $188 款 安格斯牛肉亦令人失望 無牛味 肥膏亦多，質素只係比吉野家肥牛好 ，亦無雪花紋。而湯底亦普通，但不至於難食，可接受。其實食物除左偏貴外亦無咩特別，整體性價比低，而且亦坐得唔舒服亦有d迫，坐圓櫈 袋都無位擺，好似去緊大排檔一樣，不過係有冷氣既大排檔。呢種價錢既打邊爐仲有更多更好既選擇! 總結來說，不會有下一次!

一直都知道這裡由開業以來,任何時段都人山人海!由於太受歡迎的關係,絕對係一位難求!!為了滿足我好恨打邊爐的心癮,朋友一早已經預約好,今日放工便可立即打邊爐!!這裡的裝修除了見到牆上有好似九龍皇帝寫的大字,還充滿著舊香港街市的味道!!唔好以為似街市就會有好多水漬或一陣陣的魚腥味,雖然這裡有個位置可以比客人選購海鮮,但環境衛生絕對唔差,沒有任何怪味,地方仲好乾淨呢!置身在這個街市打邊爐真的不錯!火鍋湯底有13款,還有肉類,丸類,蔬菜,菇類,麵食,腸,魚片等雜類選擇,種類繁多,選擇多到好難取捨!!最後我們點了安格斯牛肉,魚皮餃,腸仔,魚丸,芋絲,水魷,白栢葉,響鈴,一些蔬菜,菇和烏冬等!枱上有醬油,蔥花,炸蒜,生蒜和辣椒,可以自行配搭!<鴛鴦湯底 - 沙嗲配皮蛋> 一個鍋有2款湯底,一邊係沙嗲,一邊係芫茜皮蛋!沙嗲味好香,任何食物放在沙嗲湯底都食到香濃的沙嗲味道,但唔會好咸!!相反芫茜比較清香,再加上皮蛋的味道會慢慢滲入湯裡,味道唔會好單調!<手切安格斯牛肉> 每枱都有點這個牛肉,一個大圓盤內裡放滿好多冰,冰上面鋪滿一片片牛肉,色澤鮮豔,十分新鮮!肉質鮮嫩柔軟

雖然夏天天氣炎熱，但都無阻我一顆喜愛打邊爐嘅心講起打邊爐，麻辣湯底已經食到毫無新鮮感了花膠雞湯先係我嘅最愛！但係要搵一間好味嘅花膠雞湯都唔係容易。有一間真係我食過返尋味！就係鮮入圍煮！佢係我食過咁多間花膠雞湯打邊爐入面最出色的！餐廳嘅地址仲要喺旺角，交通完全係方便！今日就同朋友兩個去食晚膳。唔好以為兩個女仔打邊爐食唔到好多嘢絕對錯啊！一坐低，我哋就叫一個細嘅花膠雞湯鍋金黃色嘅湯，仲有原隻鮮雞我諗淨係食呢個都已經飽啦，10分鐘後個湯已經滾，我哋急不及待飲咗個花膠雞湯先！果然係名不虛傳仍然係期待已久水準之上。鮮甜嘅雞湯，仲有濃郁嘅花膠味道，明顯係唔會有味精同埋過多嘅鹽味。完全係真材實料。飲完四碗湯之後，我哋就加水開始打邊爐啦。首先我哋叫咗兩種蔬菜一準係淮山片同埋油麥菜蔬菜配埋花膠雞嘅湯底，將精華吸收及蔬菜入面，食落口都仍然充滿雞湯嘅味道。仲有花膠嘅精華所在入面！然之後我哋叫咗田雞，果然真係好生猛，上菜嘅時候仲見到佢哋啲肉喺度郁緊，十分之生動，嚇到我哋都唔敢即刻放去打邊爐。完全係即劏即食啊。然之後我哋叫咗牛胸爽，牛嘅呢個部位唔係間間餐廳都有得食，所以呢個都係我哋必叫！牛白肉加埋雞湯嘅精華，入