鮮入圍煮花膠雞海鮮火鍋

營業中

休息中

今日天氣終於開始轉涼期待已久嘅暖粒粒打邊爐季節嚟啦今次專登帶屋企人出尖沙咀揀咗依間鮮入圍煮花膠雞火鍋全場都已經滿座非常熱鬧呢度湯底嘅選擇都好多不過今次我哋想試吓招牌嘅花膠雞湯底我哋兩個人叫咗半隻想講呢個湯嘅色澤好吸引 金黃黃✨而且見到花膠都幾大舊我哋即刻飲咗一碗鮮甜而帶有膠質嘅感覺 媽媽都讚不絕口雞肉肉質都幾嫩滑 夠新鮮我哋試咗依款墨汁蟹子墨魚滑高度推介大家試吓媽媽大贊超級新鮮而且墨汁好香濃 重墨魚味另外叫咗啲配菜皇帝菜幾新鮮但我哋都冇再多叫因為其實湯底嗰半隻雞真係好夠份量我哋兩個人都已經食唔晒另外仲有叫咗杯酸梅湯不過唔記得咗影相酸梅湯飲得出同出面餐廳嘅口味唔同我覺得幾濃郁重梅汁新鮮都幾推介大家試吓～

今日同朋友去咗尖沙咀行街掃貨 血戰完之後又攰又餓 就同朋友周圍搵嘢食 黎到厚福街 個個都知道呢條街係尖沙咀嘅食肆天堂 咁岩見到呢間鮮入圍煮 個名都幾有趣 朋友就話不如試下啦入到去首先叫咗一個花膠雞湯底 個湯好有膠質 雞嘅味道亦都好香濃 嚟到之後我自己都飲咗三碗湯 感覺到花膠嘅骨膠原一直湧上我嘅皮膚度 非常之養顏 而雞肉亦都好嫩滑 唔會因為淥得耐就硬曬之後就叫咗一份新鮮白鱔片 食落非常之爽口脆身 油香味都好濃 食落啖啖肉 唔係好多骨 啱曬一陣怕骨嘅愛魚人士

撐枱腳、傾密偈🥰最啱就係打住邊爐慢慢傾～之前聽朋友介紹呢間餐廳，今次我哋試新野，又真係幾好食wo！🥘湯底:濃厚原隻雞煲花膠湯（半隻）雞湯好濃郁，飲落完全無油膩感😋花膠份量好足，仲要每舊都好厚肉～▫️脆肉鯇骨腩打邊爐最愛脆肉鯇，肉質鮮嫩爽口❤️▫️花膠鮮蝦丸蝦丸鮮甜彈牙，花膠都好足料，口感一流！▫️蜂巢冰豆腐豆腐吸哂啲花膠雞湯，真係超正！▫️花膠鮮肉雲吞雲吞脹卜卜，好足料😋▫️蟹子墨魚滑▫️黑毛豬午餐肉

天氣凍咗又好想打邊爐，一直都知道厚福街呢邊多嘢食，於是就打算係H8打個邊爐。呢間邊爐店座位都幾多，有少少窄，但係景觀都唔錯 ，又大玻璃又有電視，座位之間嘅防疫措施都做得好足。首先店員同我哋推薦呢度嘅招牌湯底花膠雞湯，可以揀半隻雞或者一隻雞，我哋兩個人所以揀左半隻$248。一上枱已經流晒口水！雞湯好金黃，半隻雞已經好多，店員叫我哋飲住湯先，之後再食雞，雞湯好香好有雞味，而且唔會好鹹，好好飲，我同朋友兩個都飲唔停！雞同埋花膠都好好味，大大片又滑，食得出唔係cheap野。另外我哋仲嗌左啲配料，包括係粉絲、豬肉水餃、牛柏葉、同埋濃汁牛丸。濃汁牛丸真係好好味，超爽超多汁，一定要嗌！ 總括嚟講，我覺得呢度嘅嘢食都唔錯，海鮮有機會下次一定要試吓，因為朋友細食今次就食住咁多先！

之前一直聽過下鮮入圍煮呢間野，好似好出名，又話攞獎又盛，一直都好想試架喇咁啱呢排搬左黎尖沙咀咁近，一於約fd上去試試!食完既感覺係...好失望囉!湯底叫左半隻雞煲花膠湯一啖飲落去，感覺超級味精囉!都唔係所講真材實料既味道隻雞食落更係無雞味講真，其實所謂咩香港首創花膠雞鍋打邊爐呀!花膠雞，我媽煲都好味過佢一百倍囉!$288真心唔抵其他食材，好彩叫唔多，叫左d餃同海鮮都係中規中距一般般啦講埋環境，更係迫到爆，枱與枱中間，真係pat pat大d都sip唔到入去坐喎!咁既價位，相對咁既質素，我個人認為無下次。

🇭🇰Hong KongAverage expense per person: HKD$350-400+📍Address: 鮮入圍煮花膠雞海鮮火鍋, Tsim Sha Tsui黎到呢間一定要試佢地必食既花膠雞湯火鍋（$288），雞湯係呈現金黃色，相當吸引，煮左一陣店員會親自係你面前將雞剪開一件件，雞脾位超級鮮嫩，建議最好店員一剪完就可以夾起黎食！再係佢地加湯之前飲番碗花膠雞湯精華，真係令人回味無窮，我同我朋友至少飲左3碗先叫店員加湯！入面都大約有6-7塊既大片花膠，果然係足料。配料方面，我哋叫左美國極上A級手切牛肉、麻辣小籠包魚蛋（$48）同埋牛骨汁牛丸（$48），牛肉相當爽口，油脂比例幾好，而兩款魚蛋都幾推介，口感好特別，食個時要小心啲，因為真係會爆汁🤣🤣

冬天嚟到梗係要打多啲邊爐暖下個身，今次嚟到鮮入圍煮試吓佢哋出名嘅花膠雞煲湯底，暖身之餘又可以食得健康養生，因為怕多人所以五點鐘就去到餐廳，近門口個魚缸見到啲海鮮啱啱撈上嚟好新鮮🤩位吾算迫坐得都幾舒服，枱面好乾淨企理👍濃厚原隻雞煲花膠湯（半隻）叫咗半隻雞嘅份量，湯一上枱就聞到好香，加湯打邊爐之前我哋先飲咗佢嘅雞湯先，湯底好濃厚，花膠都相當足料，大舊又夠厚，鍾意飲湯嘅我飲咗好幾碗超滿足😍另外員工會為我哋剪好隻雞方便我哋進食，雞肉一啲都唔鞋身，煲完湯仲保留到佢嘅肉質，吾錯😋飲完湯食晒隻雞就可以開始打邊爐啦，因為係兩個人嚟所以淨係叫咗幾樣火鍋料～牛骨汁濃湯牛丸牛丸好好食，大大粒，咬落好彈牙入面好juicy,咬開仲見到入面一粒粒嘅牛筋,濃厚嘅牛香味係口腔入面爆發，忍吾住食完一粒又一粒🤤推薦👍爽口花膠鮮肉雲吞雲吞都冇令我哋失望，皮薄餡靚，粒粒都好飽滿足料，雲吞皮又索晒湯底嘅味道，正啊😋西班牙豬腩片厚薄適中，唔會太肥，所以食落去唔會覺得油膩，肉質都唔錯，淥耐左都唔會鞋口🐷紅薯粉晶瑩剔透嘅薯粉，淥完之後索晒雞湯嘅精華好入味，飽肚又好味😍

放工同朋友仔去尖沙咀去呢間火鍋店。花膠雞湯 （半隻雞 $288）足料花膠，我哋兩個人share, 都食左幾件左右，大大片，又滑溜，入口即溶。個湯有豐富既膠原蛋白，岩曬大家補返下，美顏呢！半隻雞，職員會幫手剪成一份份，方便食用。煮到差唔多我哋就上碟，因為雞肉煮太耐會無咁好食，所以唔好一直放係湯度。西班牙豬腩片 $148朋友唔食牛既，所以我哋就叫左呢道菜，都算易熟同易入味。雞脾菇 $40佢易吸油，煮完要再洗一下。灸燒芝心丸 $48鍾意食呢個，流心芝士。炸響鈴 $48煮三秒即食，打邊爐必食之選。蜜桃特飲 $28/杯味道都香甜，解渴之選。我哋叫左碟紅薯粉打底。仲有最後點少得個唐生菜呢？紅薯粉吸收左個湯既精華，份外好食。

厚福街真係多野食 近期聽講有間專門食花膠雞煲打邊爐開左係h8就同朋友去試下👏🏻👏🏻👏🏻同朋友2個人就點左半隻雞個個煲花膠雞煲啲膠質超勁🥰🥰一啲都唔水，啱哂美女們補身 食完皮膚靚靚最驚喜嘅係 入面啲花膠數量係超多🙈🙈仲要一夠花膠係可以fill up成隻碗咁大！！係超有誠意嘅花膠🥰🥰個湯唔會好似其他餐廳咁超勁味精 呢間花膠雞個湯唔會好鹹 👍🏻飲完個湯之後 我同朋友都點左幾碟打邊爐菜都新鮮 但係最有驚喜嘅係鵪鶉蛋佢嘅鵪鶉蛋應該係半生熟 所以放入個雞煲烚完之後 個黃都唔會熟曬 仲有少少軟軟地 唔會老晒😋😋😋蝦滑係超級彈牙 份量仲要好多 唔好睇佢好似好少 整到佢大大粒 都分到15 - 16粒呢👍🏻👍🏻

今日晏晝突然想食打邊爐，平時打邊爐我一定係夜晚，但今日真係晏晝心癢癢，唔打唔安落，等唔到夜晚了。去左尖沙咀呢間，係因為個friend介紹，好彩佢哋有午市。兩條友都知叫唔到好多野，我地決定貴精不貴多，叫左花膠雞湯半隻 $288一黎已經聞到香味，飲啖湯，正到呢，個雞湯香濃到不得了，真係飲唔停口。有為數不少嘅花膠，仲要大舊，膠質豐富，吸哂雞湯精華，好味呀！雞件嫩滑，唔嚡口，有雞味，感覺新鮮！豆苗 $48靚豆苗，嫩口，放落去滚一滚，又吸哂雞湯，好正！手切頂級安格斯牛 $226 牛味重，肉質嫩，油脂分佈平均，👍🏼👍🏼另外叫左一杯野飲$28，醬料費係$15/位，埋單6百幾，唔係好平但係值！因為料靚好好味！！大满足！(P.S.一路到夜晚都冇頸渴，好重要，值得讚👍🏼)

今日同隻佬好想打邊爐，平時食黎食去都係D任食既。今次選間高質既食下。果陣見佢係旺角都想食...食到今時今日人地搬左黎尖沙咀先食。SSSSORRRY ~上到黎未滿人，安排窗邊入座，環境舒服。兩個人坐4人枱好舒服 ~ 上到黎就梗係要試佢地既花膠雞濃湯啦 ! 侍應哥哥仔話滾左佢會過黎幫我地處理果半隻雞，係呀 ! 原來係有一隻同半隻，2個人梗係半隻啦 ! 唔係等陣仲駛食野既 ~ Btw 半隻都夠 ~ 都好鬼飽 !! 入面除左半隻雞，就係花膠，花膠個量都好多 ! 仲有差唔多10件花膠，正呀 ! 仲要唔細隻架 ~ 個湯都真係勁濃，好好味呀 !!! 差D清底先叫人加湯邊爐 ! 哈哈 ~兩個人唔係叫到好多野，仲左個 原粒帶子水餃 同 唐生菜餃子都幾大隻下，入面都仲2粒帶子仔，味道鮮甜，豬肉都比較實，但整體都好味，見咁大隻都唔敢好快就食，滾耐D好 ~另外叫左個 美國極上A級手切牛，呢個牛味好濃正呀 ~ 但細片左少少。再黎有少少覺得唔夠喉，又唔想浪費左個濃湯，叫左個冬瓜吸一吸味。正 ~當然少不了野飲啦 ~

朋友就來要離開香港，特意同佢打邊爐，選了這間出名食花膠雞鍋的餐廳，我地女個都係好仔入冬最好進補。先叫招牌濃湯花膠雞鍋（半隻）$288，店員介紹先飲曬煲湯，先再打邊爐，第一啖已非常溫暖，超級鮮甜，濃雞湯味再飲到啲牛奶味，又有半隻雞，又有多片花膠，味道好鮮，漿口，食極都仲有，確實原汁原味的花膠雞湯。雞脾肉彈牙又滑嫩，鮮甜。冇諗過我地兩個飲得曬成煲湯，每人飲到4-5碗，非常好飲。之後叫店員加湯，係豬骨湯底，火鍋料叫了帶子水餃（4隻） $48水餃皮薄餡靚，粒粒都好大粒，帶子粒鮮甜，肉質夠實多汁，菜類叫了皇帝菜和鮮菇，可以索曬雞湯加豬骨湯鮮甜味，非常滿足。

又是厚福街也，厚福街真係搵食好地方，H8呢橦野就更加唔使講，西日韓乜都有，天寒地凍諗住打邊爐，H8又真係有喎。仲要係 8樓，以後黎H8 直上8就啱。店舖裝修乾淨，雖然樓底有點矮但感覺都舒服，通風不錯。 服務態度不錯，帶位時職員會貼心提示小心地下冼，上鍋時提醒小心鍋邊熱，幾個職員周圍走，仲有一個係左近。湯底選擇都多，但見佢花膠雞湯羅晒獎咁就梗係要試下啦，另外丸餃肉菜類都唔少，價錢大眾化。花膠雞好足料，起碼有十幾塊花膠，兩人打一鍋再加幾樣野食已經好夠，今次只叫左個帶子餃同刀貝，已經好飽，滿足。

🌹今日知道老公喺尖沙咀返工,特登喺佢公司附近同佢食飯,係openrice搜尋下附近有咩好食,見到有間花膠雞煲海鮮火鍋好吸引所以就等佢收工一齊去試下 。鮮入圍煮花膠雞海鮮火鍋🍲地址係喺厚福街8號8樓搭𨋢上到去鋪頭見到地方都好寬敞雖然地方唔算好大,👏但係都好整潔。☺️一出lift左手邊就見到有好多海鮮🦞店員好禮貌招呼我哋坐低,我問下佢有咩湯底推介佢就介紹我一定要試雞煲花膠湯,佢話個湯底可以飲湯底一到已經聞到好香雞湯味,顏色係鮮黃色見到顏色已經知道湯底係非常濃郁煲一陣已經忍唔住裝一碗飲,雞湯味道好香濃,每一啖都飲雞花膠嘅精華,味道鮮甜而且濃郁,花膠都有好多,而且全部都好厚,一片片花膠食落口食到黏口嘅感覺,雞肉令到我最驚喜,雞肉雖然煲咗好耐, 但係雞味仲係好香濃,雞肉非常之嫩滑呢啲一定唔會係雪藏雞,淨係食雞同埋飲湯都己經好滿足另外一樣都好值得推介,芝士流心牛丸 牛丸入面有流心芝士,牛丸本身已經好香濃,輕輕一口流心芝士傾口而出,拉絲感覺帶來雙倍嘅滋味,層次口感十足最後點多個豆腐嚟食非常滑溜，享受下濃郁嘅味道帶點清香

平時最鍾意就係打邊爐，近期留意到一間花膠雞煲海鮮火鍋店，趁今日放假有時間去尖沙咀試一試。鮮入圍煮花膠雞海鮮火鍋 ，地址位於尖沙咀厚福街8 號。上到餐廳見到門口一大個魚缸，全部都係生猛海鮮，證明佢用料新鮮。而舖頭非常開陽光猛，俾人感覺好乾淨整潔。座位空間比較寬躺，所以坐得好舒服。坐低店員第一時間提供調味料，見到都幾多選擇，自己比較鍾意食生蒜，辣椒，香蔥。嚟到呢度一定要試佢主打雞煲花膠湯，因為一心就係嚟試下。湯底一到已經香氣撲鼻，店員好細心咁幫我哋剪開隻雞，吩咐我哋等到湯一滾，首先係飲湯先。雞同花膠嘅份量都好多，花膠比較厚身，口感軟腍，加上吸收左雞湯嘅味道，令到花膠更加甜。而雞嘅肉質非常之嫩滑，雞味香濃，一入口就知道係新鮮雞。花膠雞湯果然冇令我失望，完全將雞同花膠嘅鮮味煲晒出嚟，味道香甜濃郁。越飲越好味。手切安格斯牛肉，牛肉份量唔算多，但係牛肉新鮮，而且脂肪比例均勻，入口肉質鮮嫩，牛肉味香濃，可能因為雞湯嘅味道，令到牛肉味特別鮮甜。原條野生竹笙王，竹筍非常之大條，而且吸收晒雞湯嘅味道，入口爽口鮮甜。新鮮鵝腸 ，非常新鮮而且好爽口，好有嚼勁，加上有少許脂肪，令到味道更加香。整體來講今餐非常滿