鮮一夜火鍋 (已結業)

今天相約舊同學到荃灣晚飯，大家都想食火鍋，就到荃灣眾安街大鴻輝中心看看，我們選了頂層21樓的鮮一夜試試。店內環境十分寛闊，我們更有窗口卡位坐，大大塊落地玻璃，清楚看到街景，感覺開揚舒服。店員介紹該店的食法，原來已安排好1-9項的，十分貼心。店內還設有自助區，包括調味料、湯底上湯、蔬菜、多款飲品、涼茶和糖水等。一夜皇御套餐 晚市時段優惠 $268/位Part 11.紅燒花膠翅花膠翅夠膠質又粘口，花膠口感厚實豐富，調味適中，一碗真的不夠喉。2.鮑汁扣海參 拼 糖心靚鮑魚一口鮑及海參都炆得夠腍，配上鮑汁適當地為兩者上味。3.五色刺身拼盤两款滋補前菜過後，接着就是一盤刺身拼盤，一共五款：有三文魚、帶子、赤蝦、希靈魚、北寄貝；質素不比一般日式餐廳遜色，三文魚腩夠肥美豐腴，北寄貝爽口；帶子沒有雪味；甜蝦鮮甜美味。4.即炒奇妙雞煲 辣/唔辣邊食刺身同時，店員已經准備了唔辣的雞煲，香氣也漸漸撲鼻，熱辣辣雞味香濃，醬汁好夠味，肉質也腍滑，雞煲雖然沒有添加，但份量好足，之後還有火鍋，所以都一定夠食。Part 25.火鍋湯底選擇 選一款或可加$30轉鴛鴦鍋當中有6款湯底：有藥膳養生鍋，杏汁豬肺鍋，重慶麻辣鍋

首先食左個紅燒花膠翅 不過不失 排翅 少許花膠 湯唔會太水 落少少醋岩岩好再黎鮑魚加海嵾 之後刺身拼盤最驚喜係個奇妙雞煲（我叫左小辣），好好味 好味過一品🤣🤣🤣個雞煲汁夠惹味唔會太甜以上既食物都唔食任叫既按人頭份量，可以另俾錢追加食完上面既野就叫左個 椰子雞湯底打邊爐貪個湯好飲就叫左佢佢會送人頭份量（安格斯肥牛）（海鮮拼盤）之後仲有張任點火煱料紙，都好多種類選擇晚上9點半後入座有85折一人2百幾蚊 （呢個質素）我覺得抵食🤗

呢間位於荃灣大鴻輝中心嘅鮮一夜火鍋主打半放題形式火鍋私房菜， 既可以打邊爐， 食雞煲，又有廚師精心烹調嘅鮑參翅食， 可謂一次過滿足曬三個願望。餐廳位於大廈高層，卡位座跟可以俯覽荃灣夜景， 而且座位寬敞，一d都唔侷促。晚市嘅時候更係坐滿客人。入座後， 店員就會遞上【五色刺身拼盤】， 刺身拼盤相當足料，有三文魚、帶子、赤蝦、希靈魚、同北寄貝， 每款刺身都相當新鮮。 我就最鍾意赤蝦， 大大隻，蝦肉鮮甜爽口， 蝦頭蝦膏更是相當甘甜， 最重要係衛生乾淨， 食完唔會肚仔痛。跟住店員就送上今晚嘅重點菜式【招牌紅燒花膠翅】， 花膠翅味道相當濃郁，用鮮雞熬足3小時成湯頭，花膠及翅相當足料 ， 每一碗都有一梳翅同幾嚿花膠，相當有誠意。另一重點【 鮑汁扣海參配溏心靚鮑魚】，南非刺参炆得又淋又入味， 充滿骨膠原， 夠曬q彈， 養顏又補身。另外澳洲鮑魚都有手指公咁長，而且夠曬溏心，食得出大廚嘅心思。食完前菜之後， 就到即叫即做【奇妙雞煲】， 呢個雞煲可揀大中小辣， 今次就叫咗中辣， 辣度夠而且非常香口， 可以食出用咗花椒八角等香料去炒， 非常之惹味， 而且即叫即炒， 雞件唔會太老， 可以食到最嫩滑嘅雞肉， 鍾意

26/12 夜晩11 點幾上去食，上去前打電話問仲有海鮮嗰D先上去！接電話的男士説有丫，好多丫，先同朋友決定上去試！上去試的原因係YouTube 有個女介紹好食，好吸引先試！首先頭盆有鮑魚、海參、花膠翅、魚生 之後食雞煲再打邊爐！食到雞煲已中伏...冇味的，到打邊爐，當時叫打邊爐嘢食時太約12:15 ，個亞姐好笑叫我哋一次過叫曬，因為last order ,我哋同佢講一次都未叫唔知D量係點，叫左一次先，之後再加可以嗎？之後佢話咁1 點last 叫，黎第一轉所謂安格斯牛黑色的，蝦只有三隻，再叫話冇，火鍋配料已不多，仲要唔好食+唔新鮮！加一後$660 兩位一D都唔值！最誇張收凌晨2 點，1 點未夠就用強勁味道的拖地水拖地，趕客走咁！一定不會再去！

It’s a decently decorated chicken hot pot restaurant that serves items to order maintaining good hygiene standards and freshness as compared to the self service types of steamboat buffets.At the entrance customers are first greeted by drinks cabinets showcasing self service soft drinks, fresh vegetable neatly portioned and presented in plastic containers in yet another refrigerated cabinet, drinks dispensers, condiment counter with a flavourful selection of condiments and basic broth refills. T

天寒地凍，又是一起滾動的好時機，此時不滾，還待何時？刺身盤包括有三文魚、希靈魚、甜蝦以及北寄貝等，新鮮而大份，希靈魚比三文魚好吃，不論油份或魚香皆稍勝一籌。前菜相當富貴，又鮑魚又海參又花膠又翅，是真正的鮑參翅肚！海參爽滑得很，每一口皆是充斥著鮑汁，加上鮑魚的鮑香，將兩樣一起放入口裡，一同嘴嚼，便會達到至高無上的境界！紅燒花膠翅的翅湯烯杰恰到好處，順滑入喉，絕不漿口。吃到有翅，以及頗大塊的花膠，屬重本之作。我們要了鍋羊腩湯底，暖一暖胃，用來涮肉是一流的。肥牛略涮一涮，脂位未算太肥，肉未至頂級，但亦不鞋。涮海鮮乃另一佳選，眾多海鮮之中小人最喜歡涮魚，皆因魚肉既大片又鮮美，再喝一口羊腩湯，無以上之！滾動完又去吹風鳥~~

天氣驟降 火鍋最合時。我和老公是火鍋常客 任食 半任食 散叫 都鐘意 各有各優點。今晚朋友介紹半自助火鍋 又海參又花膠翅 任食2.5小時 都是$300有找 即管試下～ 位於荃灣大鴻輝中心 地點方便。餐廳環境乾淨企理 卡位為主 坐得幾舒服。醬料 飲品 蔬菜都是自助的。醬料基本的都很齊全 特別推介特製XO醬 香辣惹味。紅燒花膠翅 & 鮑魚拼海參 & 刺身拼盤～ 花膠翅幾濃味 亦真是有花膠魚翅可以食得到。海參鮑魚亦都炆得幾入味 二百幾蚊 有咁樣既前菜 真心抵。刺身拼盤質素都可以 帶子很鮮甜～然後就是食雞煲既時間～ 微辣。雞煲香氣撲鼻 花椒八角 芫茜芹菜蔥頭等很足料 所以雞煲是入味的。雞件份量很多 差點都食唔曬。如果喜歡雞煲繼續打邊爐的朋友 可以加上湯。亦可以選擇轉湯底。我們揀左芫茜皮蛋豆腐湯底 夠下火。湯底的皮蛋好多而且好正。以人頭計的海鮮拼盤&安格斯肥牛登場！大蜆 花甲 海蝦 蠔 龍躉。全部都好新鮮 特別喜歡龍躉魚 清甜肉質又嫰。肥牛好濃的肉味 唔會太肥。火鍋配料任食 基本的都有齊。坦白說 前菜、雞煲、海鮮已經食到好飽 配料只是點了少量。墨魚滑爽口彈牙 推介。火鍋不能少的響鈴。泡菜餃子幾特

呢排睇嚟大家都感受到寒氣逼人 感覺冬天真係要嚟喇！天寒地凍就梗係一定要去打邊爐啦 之但係打邊爐來來去去都係任食啲肥牛啊丸呀咁 好似有啲悶... 所以今次就同朋友去左荃灣呢一間鮮一夜試吓啲新嘢喇 聽聞佢地打個邊爐仲有鮑魚海參食架～～～晚餐時段嘅大鴻輝中心超級多人排隊我哋起碼等左15分鐘先等到lift上去 ，好不容易終於到21樓我哋見到呢一個餐就覺得我哋搵啱地方喇望望門口佢哋做緊一個一夜皇御套餐食物有九大選擇 感覺就係食緊一個好話九大簋咁 好豐富呀！一入到去成間餐廳已經人頭湧湧 店員帶我地去到一間小型房入面先行安頓 休息左幾分鐘之後店員開始過嚟問我地可以上菜未～ 第一道就係紅燒花膠翅花膠配埋魚翅  養顏又滋補 補身又暖胃梗係要一飲而盡啦～用過花膠翅，緊接相嘅菜式就係鮑汁扣海參再拼溏心靚鮑魚鮑魚炆得入晒味而且爽口彈牙海參呢就爽口煙韌 食完兩代中式食品之後就變返和式style 五色刺身拼盤拼盤 有五大款刺身： 包括有三文魚帶子 赤蝦 希靈魚同埋北寄貝本身都冇抱太大驚喜覺得呢一啲梗嘅附送項目都係會可能揸吓流攤,,但係每一款刺身都係超厚切而且超鮮味最驚喜係嗰兩隻赤蝦鮮甜到不得了！第四樣要上場嘅就係

住係荃灣區既朋友同我講過呢到好食今日入荃灣做嘢即約佢同我試一試呢度嘅食物次序已經安排好晒今日早到左所以都要等埋朋友仔先可以一齊食好濃嘅花膠湯啖啖花膠肉，煲得好淋好滑個湯真係好正我哋食第一味已經讚不絕口鮑魚海蔘鮑魚好爽口好彈牙呀海蔘炆得好淋好入味連汁都好好味，西蘭花索晒啲汁，正仲有個刺身漏咗影相五款刺身都好新鮮尤其係個帶子，超鮮甜食哂前菜就到雞煲啦愈食個口愈辣，但係又停唔到喎最終我哋兩個係食晒成個雞煲嘅初初以為係用雞煲打邊爐原來另外有湯底俾我哋揀😆😆好多選擇好正啊（加$30 可選擇2款湯底）安格斯肥牛好濃郁既牛味牛肉肥瘦適中入口即溶好食仲有個海鮮拼盤生蠔一啲腥味都冇，仲好鮮甜貴妃蚌 大大隻，爽口又鮮甜另外所有海邊亦非常新鮮超讚仲有好多款打邊爐嘅配料其實真係好多選擇，物有所值最後食埋個糖水非常滿足

呢間鮮一夜火鍋隱身喺食肆林立既大鴻輝中心既21樓，開上樓舖租平啲，慳咗嗰浸完全反映喺啲食材上面，你睇佢268有翅有花膠有鮑魚有海參有刺身，仲有成60款火鍋配料任食，就知有幾咁超值。一坐低即刻去睇吓有咩飲先，除咗可樂檸檬茶烏龍茶康師傅一類罐裝紙包任飲之外，仲有自家制既涼茶，有冬瓜茶，五花茶，菊花茶同埋熱檸檬水，種類繁多，其中一個雪櫃仲有冰杯提供添，相當貼心。自助醬料區，除咗基本既蔥蒜椒之外，特別推薦個沙茶醬，用嚟點牛肉，超正。最先奉上既係紅燒花膠翅，上枱既時候仲係熱辣辣，味道好之餘裏面仲有海量既花膠同真係有翅架，To be honest，個味道好過好多高級酒樓。跟住係鮑汁扣海參併溏心靚鮑魚，海參炆得夠哂淋夠哂入味，溏心鮑魚彈牙，鮑汁味濃，亦都係相當有水準既一道。五色刺身併盤，併盤十分豐富，計有三文魚，帶子，赤蝦，希靈魚，北寄貝，三文魚甘香肥美；帶子比起出面食到既份外鮮甜；赤蝦隻隻都有成隻手板咁長，肉質爽口彈牙，一食就知係上等貨；希靈魚醋漬味道強烈，好酸既我大愛。食完刺身個即炒奇妙雞煲就即刻送上，時間啱啱好，雞煲上枱已經有八分熟，等多幾分鐘就有得食，一開煲蓋，雞煲既香味即刻傳入你個鼻，雞肉

今日同家人黎食，雖然新店開張，但食物同服務太態水準一流，環境裝修係美輪美奐，配合 background music好有聖誕節嘅感覺，可以算係一分錢一分貨。店舖開係21樓可以睇下夜景，而且價錢上大概二百幾連加一，但己經可以有鮑參翅肚做前菜，加上刺生都比較鮮甜，一定比普通食市（ X鮮）刺生新鮮，仲有雞煲簡直一流調味幾惹味肉質吾差，到主餐任食火鍋有六款湯料任君選擇。個人認為二百幾可以有咁高質嘅食材！大家係可以試下，想享受既人必試！

係FB見到人哋介紹呢間打邊爐就比佢吸引住，所以今日黎試試😋😋一出𨋢口就見到啦，環境好新淨好舒服呢度得一個set，係會跟次序上菜食完一味再一味，唔會令到食物好快凍哂上菜啦你睇吓個紅燒花膠翅好足料，飲完一啖之後個口痴粒粒好重膠質，證明足料啦嘩～睇吓個份海參鮑魚炆得好腍好入味刺身拼盤，由於我哋唔鍾意食希靈魚店員都好細心幫我地轉左多兩塊三文魚全部都好新鮮重點一提個赤蝦超多膏，鮮甜到一個點最愛嘅麻辣雞煲啊啲雞真係好新鮮一啲騷味都冇，真係好難食到絕對係正宗嘅麻辣味👍🏻👍🏻👍🏻👍🏻👍🏻單單睇上面都已經值回票價到打邊爐啦我哋叫咗個豬骨湯底同埋麻辣燙底本身想叫椰子湯底但係竟然唔記得😣唯有下次再嚟啦😋海鮮好新鮮，真係好鮮甜仲有安格斯牛肉添仲未完架仲有好多火鍋配料都未影😆係推介既😋😋

之前試過另一間私房菜，呢間鮮一夜味道最正，環境都可以，兩人都可坐卡位首先試左刺身，都0k，味道鲜。之後就到重頭戲，鮑魚同花膠翅，鮑魚好林。花膠翅OK，但係唔好食咁飽，因為後面仲有好多嘢食。最期待就係海鮮拼盆，海鮮好新鮮，如果有埋蟹食會更加好。之後我哋揀咗豬骨煲，豬骨煲入面真係有兩舊好大嘅豬骨，好足料。免費嘅配料都好正。實在係一個令人飽到嘔嘅晚上。下次會再來的。不過可以考慮下平日六點前入座，會有八五折優惠。

今晚同朋友在荃灣大鴻輝中心搵野食，見呢間新開就試下~門口已有非常大塊招牌到啦，好在時間仲早無咩人哇，卡位好大好寬闊事不宜遲，食野啦介紹下: 全晚任飲任食都係268/位<一夜皇御套餐>出面有得拎野食，不過要未拎得住，要食左指定食物先~PART 1五色刺身拼盤:刺身拼盤有三文魚、帶子、赤蝦、希靈魚同北寄貝。全部都好新鮮，三文魚是腩位呢,特別厚切又肥美，北寄貝超級鮮甜，正。赤蝦好大隻呀~ 而且肉爽又夠甜!鮑汁扣海參併溏心靚鮑魚這一味感覺像是Upgrade 了我們的晚餐用料一啲都唔馬虎，餐廳採用左澳洲鮑魚同南非海參，炆得夠晒腍又入味紅燒花膠翅真係堅足料~ 去飲果D翅都無咁正魚翅夠多又爽口，花膠夠腍身，真係好香濃~職員仲比左支醋我地任用呢~之後食雞煲啦~即炒奇妙雞煲我哋揀咗好少好少辣，每一件雞都非常嫩滑又香口，雞煲內的汁, 加埋洋蔥、蒜頭非常惹味呢。之後食火鍋啦PART 2 湯底- 我們選了藥膳養生鍋!夠晒滋補呢!之後除了選定的火鍋材料, 還有任食呢~呢D係任點任食~航母海鮮拼盤重點推介-----每日有5-7款時令海鮮提供，是日海鮮包括(蜆、蟶子、海蝦、鱔片、日本蠔) 個人喜歡蟶

荃灣大鴻輝中心出名多火鍋，雞煲，點心，火鍋乜都有，要企得穩，當然要好食之餘，仲要有創意，剛新開的鮮一夜火鍋推出“一夜皇御套餐“就勁具創意，除左任食火鍋，仲有刺身，鮑參翅肚，雞煲，一個價錢食哂咁多樣，你都咪話唔勁一入到去已經坐爆哂，等位大概15分鐘左右，坐位寛敞舒適門口已經放左雪櫃，可隨意飲用豉油配料都好齊全坐好後侍應就會先上刺身刺身拼盤有五款：赤蝦，三文魚，北寄貝，帶子，希靈魚，非常鮮甜，夠哂新鮮食完刺身就會上翅，好難得打邊爐都有碗翅食碗翅都足料㗎，熱辣辣上菜，味道就略咸，但勝在夠“杰“身食完翅就上原隻澳洲鮑魚同南非海參，鮑魚同海參都爽口，兩者都炆得夠哂冧，無得輸雞煲有得選擇特辣，大辣，微辣，2人量有半隻雞份量，味道非常好雞夠入味！注意：雞煲無得refill食完雞煲都未完，仲會轉湯打邊爐，火鍋湯有四款：藥膳養參，重慶麻辣，養生椰子雞，杏汁豬肺我就揀左杏汁豬肺，個湯煲滚可以飲兩碗，湯味夠濃！跟住侍應開始送上海鮮拼盤同安格斯肥牛拼盤有5款：大蜆，細蜆，日本蠔，海蝦，鯇魚片可根據個人口味再點火鍋料，30款任你點我就點左魚皮鮫，響鈴，美國肥牛，墨魚滑，食左一轉已經無力再叫第二轉，太豐富溫馨提示