影片
更多
2017-12-27
2147 瀏覽
呢間位於荃灣大鴻輝中心嘅鮮一夜火鍋主打半放題形式火鍋私房菜， 既可以打邊爐， 食雞煲，又有廚師精心烹調嘅鮑參翅食， 可謂一次過滿足曬三個願望。餐廳位於大廈高層，卡位座跟可以俯覽荃灣夜景， 而且座位寬敞，一d都唔侷促。晚市嘅時候更係坐滿客人。入座後， 店員就會遞上【五色刺身拼盤】， 刺身拼盤相當足料，有三文魚、帶子、赤蝦、希靈魚、同北寄貝， 每款刺身都相當新鮮。 我就最鍾意赤蝦， 大大隻，蝦肉鮮甜爽口， 蝦頭蝦膏更是相當甘甜， 最重要係衛生乾淨， 食完唔會肚仔痛。跟住店員就送上今晚嘅重點菜式【招牌紅燒花膠翅】， 花膠翅味道相當濃郁，用鮮雞熬足3小時成湯頭，花膠及翅相當足料 ， 每一碗都有一梳翅同幾嚿花膠，相當有誠意。另一重點【 鮑汁扣海參配溏心靚鮑魚】，南非刺参炆得又淋又入味， 充滿骨膠原， 夠曬q彈， 養顏又補身。另外澳洲鮑魚都有手指公咁長，而且夠曬溏心，食得出大廚嘅心思。食完前菜之後， 就到即叫即做【奇妙雞煲】， 呢個雞煲可揀大中小辣， 今次就叫咗中辣， 辣度夠而且非常香口， 可以食出用咗花椒八角等香料去炒， 非常之惹味， 而且即叫即炒， 雞件唔會太老， 可以食到最嫩滑嘅雞肉， 鍾意
餐廳位於大廈高層，卡位座跟可以俯覽荃灣夜景， 而且座位寬敞，一d都唔侷促。晚市嘅時候更係坐滿客人。
入座後， 店員就會遞上【五色刺身拼盤】， 刺身拼盤相當足料，有三文魚、帶子、赤蝦、希靈魚、同北寄貝， 每款刺身都相當新鮮。 我就最鍾意赤蝦， 大大隻，蝦肉鮮甜爽口， 蝦頭蝦膏更是相當甘甜， 最重要係衛生乾淨， 食完唔會肚仔痛。
30 瀏覽
0 讚好
0 留言
跟住店員就送上今晚嘅重點菜式【招牌紅燒花膠翅】， 花膠翅味道相當濃郁，用鮮雞熬足3小時成湯頭，花膠及翅相當足料 ， 每一碗都有一梳翅同幾嚿花膠，相當有誠意。
另一重點【 鮑汁扣海參配溏心靚鮑魚】，南非刺参炆得又淋又入味， 充滿骨膠原， 夠曬q彈， 養顏又補身。另外澳洲鮑魚都有手指公咁長，而且夠曬溏心，食得出大廚嘅心思。
33 瀏覽
1 讚好
0 留言
食完前菜之後， 就到即叫即做【奇妙雞煲】， 呢個雞煲可揀大中小辣， 今次就叫咗中辣， 辣度夠而且非常香口， 可以食出用咗花椒八角等香料去炒， 非常之惹味， 而且即叫即炒， 雞件唔會太老， 可以食到最嫩滑嘅雞肉， 鍾意濃味嘅朋友豈能錯過。
19 瀏覽
0 讚好
0 留言
再嚟嘅係 【時令海鮮拼盤】，廚師會視乎當日時令，挑選出 5至7款海鮮， 今次就有龍躉，基圍蝦、沙白、生蠔、貴妃蚌、 花甲，全部海鮮都非常新鮮。 貴妃蚌大大隻， 而且冇沙； 基圍蝦夠曬鮮甜。 食到呢個部分都已經有五六成飽。
22 瀏覽
0 讚好
0 留言
最後就係揀火鍋湯底打邊爐， 湯底嘅選擇都有六款， 今次就揀咗清熱下火嘅芫茜皮蛋湯底。
除此之外， 每枱奉送嘅安格斯肥牛亦相當之高質素， 肥牛肥瘦適中， 帶有雪花， 而且牛味濃郁。
9 瀏覽
0 讚好
0 留言
另外亦有幾十款火鍋配料可以選擇， 特別推薦嘅係手打墨魚滑， 墨魚滑夠彈牙， 可以食出粒粒墨魚。
5 瀏覽
0 讚好
0 留言
另外仲有新鮮嘅白鱔片同脆肉鯇， 兩者都非常新鮮， 唔會有腥味， 而且夠曬爽脆。
6 瀏覽
1 讚好
0 留言
另外推介呢款芝士魚豆腐丸， 魚肉加上豆腐，令丸質感嫩滑， 而且一咬下仲會流出芝士， 非常滋味。
15 瀏覽
0 讚好
0 留言
最後，仲有自家制心機糖水， 今晚嘅糖水係西米紅豆沙， 紅豆夠軟綿綿， 唔會豆還豆，水還水， 而且甜度適中， 釋出陣陣果皮香， 質素可以媲美糖水舖頭呢。
由頭食到落尾， 非常之滿足， 每一款嘅食物都高質素， 難怪每晚都客似雲來啦。
張貼
