鮨樂 (如心廣場二期)

營業中

休息中

夏天熱辣辣梗係要食返D凍嘢 清清涼涼咁🧊口痕又掛住日本嘅我地今日放棄迴轉壽司！來到如心廣場新開嘅日本壽司專門店 店面唔大 有好似bar台嘅高台 壽司師傅會親自係你面前整😍入面有五個壽司師傅 分別負責：捏飯糰 切刺身 整手卷 等等*以下價錢全部為一件🍙特盛北海道海膽軍艦💰68肉眼可以見到海膽份量係幾咁多😭除左軍艦上面嘅三大塊 旁邊仲有好多舊新鮮海膽 係親眼見到師傅即開海膽盒拎出來🤩而且海膽好鮮甜！一D都唔腥！🍙特盛芥辣八爪魚軍艦💰32軍艦全部都好足料 八爪魚除左軍艦上面嘅一大堆下面同樣都有 生八爪魚調味之後味道啱啱好 但係又保留咬口 夠鮮甜又惹味🥳🍣北海道帆立貝壽司💰38帆立貝好新鮮 有切開兩半😛🍣本鮪（吞拿魚）壽司🍣鯖魚壽司🍣石鯛壽司💰28鯖魚同石鯛都係朝早新鮮直送 係店員特別推薦！鯖魚平時食定食燒嘅就食得多 但係生嘅就一定冇試過！石鯛口感好爽口好清新👍🏻🍣珍寶赤蝦壽司💰20赤蝦口感滑口 而且夠曬凍 簡直超級適合夏天🍣三文魚腩壽司💰12三文魚腩好似大塊過普通三文魚 因為係脂肪位 所以都會比較肥 口感會更易融😛🍣炙燒三文魚壽司💰11有親眼見到師傅即刻攞火槍燒三文魚表面 仲要傳出香味🤩但係

諗住5:30 食個早飯應該冇咩人，點知都要等咗半個鐘。安排坐一個卡位，我哋3個大人、兩個小朋友，剛剛好。叫咗一個壽司拚盆：有海膽、帶子、油甘魚、吞拿魚、魷魚，都正常新鮮，不錯，壽司飯有汁，喜唔喜歡，見人見志。叫咗份枝豆，清新、口感爽。燒油金魚鮫，嫩滑，小朋友超愛。天婦羅，炸蝦有3隻，都好大隻，其餘都正正常常。服務員全程都有添茶、亦有換碟，服務態度良好。

———————————————————————壽司不過不失，好新鮮。最有驚喜係鰻魚壽司，無魚腥味同埋係成條上。而且餐廳店員又好有禮貌差唔多時間亦會打電話提你。有時收得夜叫外賣返黎拎，呢個都係唔錯既選擇，但可惜貴左少少🤏*****但好在依傢疫情早兩個鐘嗌定外賣有85折/外賣就有9折*****———————————————————————偶然食貴少少既晚餐———————————————————————

今日過咗荃灣搵食，因為想有free parking，所以過咗呢間試吓。下午有午市套餐 (包括湯及沙律)，我哋揀咗兩款，另加一份青瓜小卷和一份吉列炸蝦卷。賣相不俗，睇落刺身新鮮有光澤。迷你各設鰻魚丼壽司定食$98呢個迷你鰻魚丼好好味，角切鰻魚粒都算幾大粒，鰻魚肉質都好實淨。佢所有嘅飯都是有味飯，粒粒到錢啡色嘅，吉列炸蝦炸得又鬆脆，青瓜小卷青瓜也很爽口吧。青瓜小卷$18吉列蝦飯卷$48雜錦刺身丼定食158 （好似）雜錦刺身丼也很靚仔，刺身好新鮮！整體來講食物幾好味！

日本菜我真的是百吃不厭但是吃日本菜其實花費也不少呢！不能夠每次也去高級的日本餐廳品嚐的時候，坊間有很多價錢親民的日本料理其實質素也相當不錯，正好這天我跟車爸爸在荃灣這間鮨樂吃了一頓性價比相當不俗的午餐！所以想跟大家分享我們吃過又喜歡的日本美食。餐廳以一般木系日式來裝潢內裡有吧檯亦有卡座，看到而師傅跟助手也不少所以上菜的速度也相對快手。我們這天被安排於卡座中享用午餐感覺挺舒適，皆因吧檯間上了膠板感覺有點像探監般我不太喜歡！看過餐牌點好菜後侍應率先送上午餐包有的味噌湯和沙律，絕對是份量十足的前菜和餐湯。新鮮的沙律菜內還有車厘茄、粟米和青瓜，伴以香氣撲鼻的胡麻醬總是美味的配搭。味噌湯也很吸引我的味蕾！皆因味道不味精之餘還有大量海苔，而且上檯時更是熱騰騰的我好喜歡喔！喝過熱湯和沙律後車爸爸選的雜錦刺身丼定食＄138亦已上檯，放於小木盒中奉客賣相十分精緻呢！雜錦刺身中有玉子、醬油漬吞拿魚、鱆紅、蟹膏甜蝦和帆立貝刺身，看得到充滿光澤的刺身真是相當新鮮，當中我最喜歡的是吃下油香滿滿的鱆紅魚刺身，而飯粒用上已調好赤醋壽司飯所以不須再添加醬油已很足味而我則選擇了這客海鰻壽司定食＄168，內裡有六貫壽司、

🌟又一平價抵食質素高壽司店🌟***🔻特選刺身丼 $158厚切三文魚，肥美甜蝦，鮮甜帶子，加埋真鯛，大大兜先至$158‼️性價比會否太高🤣***👉🏻推薦🔻加拿大海膽軍艦 $52件多次經驗後，小編認為加拿大海膽相比起日本海膽，質量更為穩定，好少會臭而且大大片，入口更滿足🤣價格通常重會平啲添🤣所以有得揀多數都會揀返加拿大産😛今次亦不例外，每份2大塊海膽，鮮甜無比❤️🔻日本真蠔 $-新鮮爽甜，海水味唔會過重，不錯🔻海鰻壽司 $32件原條海鰻，燒得唔錯，唔會過濕或者太鬆散—————————————————— (8/10) by C***#sissyfoodie

荃灣冇乜似樣嘅壽司店，諗住呢間會對板啲，點知都係好失望，俾咗幾次機會，次次都食最貴嘅餐，好可惜次次海膽都係瘀黑色，好唔新鮮。三文魚子就太鹹，冇應有嘅鮮味。之後都唔再食，因為實在太失望。唯一讚得落嘅位就係碗麵豉湯幾好飲。服務就某啲侍應ok，但係主管安排坐位真係安排得好差。全間店有一半位係吉嘅，好多個卡位都唔俾客坐，係都要迫人坐吧枱，為咗方便侍應自己serve枱，唔係以客為先，而係以侍應為先。cp值低

今日同屋企人四個人去食嘢，8:20去攞位，都知道今日紅日應該會好多人，侍應話前面有四五個人，咁等到大約8:50嘅時候門口侍應話埋完單就可以入得，咁我哋寫晒紙幫我哋噴晒消毒酒精，等咗一陣個客人出晒嚟佢哋清潔好張枱，見到佢清潔完等咗陣都仲未入得，就見到佢哋有幾個人圍埋晒一齊喺度傾點樣，所以我哋就好奇點解都仲未可以入得，之後個侍應就行出嚟比隔離五個後生女入去先，嗰五個後生女仲要係遲我哋15至20分鐘先黎，所以我屋企人就好嬲，個侍應仲要同我哋講叫我哋將就吓，等大家都有得食，話重有另一張枱埋緊單，即係叫我哋繼續等，但係個問題係你咁講完我仲嬲點解要我哋將就人唔係應該你哋安排得好啲咩，一係你哋就唔好同我哋講我哋可以入得，依家唔係我哋冇耐性等係見到你安排得咁差仲要同我哋講將就吓，講到好似我哋唔啱，仲覺得自己安排得好好咁，如果係你就唔使圍埋幾個人喺度傾，仲要俾人見到個下先嬲，如果唔係因為怕屋企人肚餓都真係走咗，9:10分到入去，半個鐘都食咗千幾蚊就走，不過唯一值得讚嘅就係入面有個叔叔態度好好一直都講唔好意思，同埋啲嘢食真係來黎好快，我屋企人平時其實都唔會發火，今次真係好嬲

如心廣場開左好多餐廳，Weekend想lunch食野都要排隊。今次見鮨樂無咩人排隊，等左一陣就有位啦。入到去有個壽司bar枱同普通位，職員安排左坐bar枱，睇住師傅手握壽司都幾過癮。睇完menu， 呢間壽司鋪都係主打手握壽司，所以就叫左個Lunch set「松」壽司盛合($168)，配沙律菜同麵豉湯，食物都好快送到嚟。原本見魚生嘅外表都幾靚靚仔仔，但食落就覺得魚生一般般，好似唔夠新鮮，手握飯份量過少。

首先黎左呢碟叫左蔥碎吞拿魚腩小卷無特別蔥吞拿魚腩既味道但都好味既之後叫左個北海道海膽既軍艦同蟹肉軍艦 海膽係再叫 上一次黎食都好味因為都幾鮮同甜好好味無臭味蟹肉個個就蟹肉無咩味要撈埋蟹膏先有味道叫左個炸廣島蠔好好味其實呢個炸野都唔錯我本身唔好蠔 因為有個位粉粉地但呢個炸蠔 外表鬆脆 炸衣都簿簿一層加上蠔味道都唔錯 我值得比10分 10分滿分饅魚夠彈牙厚身較海饅多脂肪所以饅魚燒得唔錯好好味海饅都好味但比饅魚比下去因為饅魚個種脂感加埋一齊係perfect 同行既人叫左唔同魚食落正常三文魚腩太肥但好味嘅但食完舊三文魚會太肥膩墨魚都唔錯 生蝦都唔錯加埋呢個三文魚子唔錯總結呢間野都幾新鮮 好味

休閑下午茶，今日在家工作開完lunch meeting 才可以午飯，這店開了一陣子但沒有機會試，今日診下午茶時段較少人可以品嚐一番。本身諗住食午餐，但來到發現居然有下午茶，故點了一個下午茶$78+1 有兩件太卷，湯，沙拉及迷你魚生井，話說迷你但其實女仕份量剛好，另外加了一件牡丹蝦，帶子sushi, 各樣食物很好，魚生夠新鮮，有水凖，員工服務態度十分之好，不停幫我加荼，口好享受的一頓下午茶，所以一定會再光顧。下次會試午，晚餐，其待！

本店一大特色是坐在bar枱前看著師傅手握壽司, 加上環境舒適, 坐得舒服, 服務態度又好。午餐小編點了定食, 當中有稻庭烏冬, 首先一讚烏冬煙韌適中而滑的, 再簡單放上蔥花同海帶, 在呷一啖湯底, 感覺舒服。至於手握壽司的食材夠新鮮, 三文魚, 蝦, 魷魚, 吞拿魚, 壽司卷, 印有鮨樂的甜, 所有都好美味。跟餐有一碗麵豉湯同沙律, 喜歡沙律上面有三塊爽口的青瓜片, 是一個絕不馬虎的午餐選擇。

唔會再食 雖然服務ok 但餐廳需要食物質素四百幾蚊嘅魚生盤，味道一般，同價錢可以有更好選擇 炸軟殼蟹沙律得好少，味道一般，但唔值得試，炸嘅皮多過肉鰻魚飯set lunch， 鰻魚係ok嘅， 但d飯就完全無誠意， 凍嘅酸嘅， 用壽司飯當鰻魚飯， 完全唔ok 普通炙燒三文魚腩壽司、吞拿魚小卷 係ok嘅總結 食普通平價壽司 小卷可以， 唔好期望太高，貴價食物可以有更好選擇 見好似好多人食 又要等位 就試下點知好失望 完全無水準 收得呢個價 應該有更好嘅食物質素

今天和堂弟來吃午餐，第一次來，這裡的服務還算是不錯。裝修雅致，我們坐在Bar臺，可以觀賞魚生師傅的手藝。我們叫了兩個精選壽司定食。先來了沙律、湯同茶碗蒸。沙律很新鮮，湯裡放了海帶、蔥，味道不錯。茶碗蒸裡有蟹肉，口感非常滑。一共有十件壽司，味道正常，賣相吸引，吃起來也挺新鮮。個人最喜歡是吞拿魚，非常肥美。另外，海膽壽司也很鮮甜。價格方面就比較貴，中上價錢，但可以接受，每位大概二百幾。聖誕假期趁機會就好好享受一下。

如心廣場主打食嘢為主，餐廳當然有好多款選擇。今日去咗食一間望落比較高檔少少嘅日本餐廳，叫咗午市嘅刺身飯同埋一個壽司烏冬set😆《角切魚生飯》❤️❤️❤️魚生食落好新鮮，本身飯底有落醋，就算唔再加豉油都夠晒味，可惜刺身粒就唔算多，不過都夠食《烏冬壽司定食》❤️❤️❤️呢個set有幾件壽司再加冷烏冬，壽司就中上質素，反而冷烏冬嘅面汁就有驚喜，鍾意食冷麵嘅朋友可以考慮叫呢個再追加左三件壽司三件質素都可以👍🏻