鮨樂 (新鴻基中心)

營業中

休息中

呢個間鋪頭好多人排隊，排左一個鐘先可以入，明明係排隊，咁係咪應該跟返條隊去落返個名去留位？但係明明一樣人數，但係佢話因為寫左佢個名先，所以比佢哋入先。😡excuse me? 一睇就見到我哋排係佢地前面啦，又唔係幾條隊，一條隊炸喎。之後又話入面果枱前完啦，不過未買單，又等左15分鐘。😡12:45開始排，1:40分先入得，又比人插隊，真係條氣唔順。又唔係特別好食，又貴。真係想食就12:30前黎排隊啦🤮🤮🤮🤮

餐廳環境唔錯，職員有禮，服務好，乾淨衛生，其實所有野都好。。。。只係食物質素唔得⬆️稻亭烏冬壽司組合⬆️special lunch menu 入面嘅10貫set黑芝麻醬沙律-黑芝麻醬幾特別，但沙律菜好濕，食到尾啲芝麻醬撈埋啲菜水，搞到啲芝麻醬好淡蟹肉海膽魚子蒸蛋～em…ok la.聽落/望落都好似好吸引，但實際只係自己期望太大。壽司～好難逐舊壽司去評價，亦都評唔到因為真係好利害，除左帆立貝，炙燒魚背，同卷物（因為卷物上嘅紫菜味）起碼食得出係唔同味之外，其他每一款壽司上嘅魚生除左口感唔同，但味道可以係一樣。。。。都係無味唔知叫好彩定唔好彩，成個餐最好食嘅竟然係件蛋糕同甜品。正面啲諗都係好彩嘅。。。仲有件蛋糕同牛奶布甸係幾好食由於openrice只係得好評、中評、劣評三個level，分唔到太仔細，所以除非超好食同超難食，否則平時都一律中評，再留返喺內文𥚃面慢慢講好唔好食但今次真係對唔住🙇🏻‍♀️劣評走唔甩

9月時叫過一次呢間餐廳嘅外賣，當然覺得都幾好味，所以今日又再叫多一次同一款！點知一拎個盒出嚟已經覺得怪怪哋，點解啲魚生暗暗哋色？一打開個盒係有朕強烈嘅酸縮味，起初我都同自己講可能係啲醋味，夾起一舊食落口真係唔掂🤮好唔新鮮！我睇其他堂食嘅相都覺得好唔錯，但點解外賣俾啲咁嘅質素？呢盒係9月時叫嘅外賣，整體都算可以的。呢盒係11月叫嘅同款外賣，但啲魚真係好唔新鮮👎🏿我嘗試夾幾舊嚟聞一聞，但真係落唔到口🤦🏾‍♀️

好多朋友近排都去左/準備去日本旅行啦，但由於短期內都未可以出發，我就唯有喺香港搵食啦。今日去左新鴻基中心試哩間鮨樂，lunch 12點半到都要排20分鐘有多，搞到入去之前滿心期待。因為都叫做排左好耐，侍應都有喺可以入去前叫我地落定單，入到去已經好肚餓，好彩野食都好快送到！lunch set會先有沙律同味噌湯，沙律多汁夠味；味噌湯較一般街有隻味淡口小小，但飲落有少少甜，應該加左貝類海產去提味，有驚喜！蒲燒鰻魚丼定食哩個蒲燒鰻魚丼係少有喺香港覺得出色既，鰻魚同飯身都有唔少蒲燒鰻魚汁包裹，而且醬油調味較濃，近似我鍾意既口味。配合丼盒賣相精緻，好有返去日本既感覺！角切櫻花丼定食餐廳將成個食物盒都砌滿哂，包括角切刺身粒、有三文魚、吞拿魚、油甘魚等，鮮味豐富。重有三文魚籽同赤蝦，食完之後非常飽！朋友重加左隻岩蠔黎食，上面配搭三文魚籽同蔥花提鮮，而且蠔身鮮味十足，味道非常甜美同creamy，大件抵食，同出面好多蠔的專門店有得比！總結，之前有人留言話200幾蚊唔洗旨意喺香港食到好味既日本野，但事實證明，200蚊唔洗都食到好味道既日本餐廳，都仍然係有好多既！ 餐廳：鮨樂 (新鴻基中心) Sushi Ra

📸鮨樂為食妹成日都行街都見呢間壽司店不過就未試過放工肚餓又咁啱經過就即刻入去💬店員會係門口問定你係食omakase定其他Omakase分兩款價位👉🏻$680同$880同出面既價位差不多不過今次淨係想快快手食啲野 就無揀到🍴特上鮨樂壽司盛合 $298💛8/105件壽司(三文魚 帶子 赤蝦 油甘魚 醬油吞拿魚)加3款滿到瀉既軍艦三文魚籽 吞拿魚蓉 海膽食落都幾有鮮味軍艦真係超級抵 份量真係滿瀉本身仲有曬心量準備係圖文不符架🤣🍴火炙三文魚 $12@💛8.5/10性價比高三文魚厚切再加上火炙燒出魚既油花又唔會太膩🍴燒明太子雞翼 $58💛8.5/10雞翼釀入滿滿既明太子一啖咬落去啲明太子爆曬出黎食落咸咸辣辣外皮炸得香脆可口🍴期間限定 牛油燒帆立貝💛8/10唔記得咗價錢 但隱約記得係偏貴帆立貝會即場係客人面前煮熟當牛油溶曬既時候就食得架啦下次有機會要試試佢既omakase🤩🤩🤩#wwh必食之選#wwh食勻灣仔#wwh食勻尖沙咀#wwh食勻荃灣#wwh日本菜

hokkaido donburi特選北海道丼the uni (sea urchin) was fresh and creamy but I wished it had a stronger umami and sweet flavour. the botan shrimps were sweet, plump and fresh and I really enjoyed the thick scallops and salmon roe too. not bad but I've had better donburi elsewhere in hk at a similar price point.taste: 7/10value: 6/10

一個月前的經過食過一次，12：00-17：30的套餐好抵食，上次食左$298壽司Set，今日食壽司+稻庭烏冬+沙律+湯套餐$158，另加一份原隻馬糞海膽$68，壽司的刺身都幾厚肉，下次會試下其他分店。

左手邊：係我哋第一碟order，見到顏色都有啲分別即管試一試，一入口只有肥膏的味道，好難想像將呢幾舊牛肉全部放晒入口，唔明白點解可以咁樣上枱🥲，都幾失望，再同侍應講，佢哋都要問一問師傅😅右手邊：明顯分別顏色都大不同，不過我見師傅重新再切出嚟嘅，感覺都有啲硬，未完全解凍，上枱後我哋都稍等數分鐘後再嘗試，果然仲有冰凍嘅感覺，若有敏感牙齒一定吃不消🤣🤣總結第一張圖牛肉都可以上枱感覺非常之差，刺身新鮮度非常影響食慾，如果唔新鮮，希望唔好勉強上枱。

防疫政策終於放寬咗，當然要對自己好啲食返餐好啦！我呢一個宅女今日就嚟咗灣仔鮨樂獨個兒食返個omakase。我叫咗一個Hana Course，計埋9件嘅壽司，共有15道菜，不過價錢只係$680一位，真心抵！華はなコース ($680/pax)🐙柚子汁京煮八爪魚首先係前菜，用柚子汁加入醬油、砂糖等燉煮，配搭八爪魚切片清新得黎帶點甜，作為前菜真係好開胃！🦀海鮮蒸蛋打開蒸煮碗，鋪滿魚子嘅蒸蛋，加上金箔嘅點綴，美輪美奐， 我而側邊嘅蟹肉醬汁，更加豐富左整個蒸蛋嘅味道，蒸蛋質地嫩滑而且重蛋味，食到尾仲有驚喜裏面原來仲有蝦，難怪鮮美特別🦐刺身拼盤用上平目魚配搭櫻花鹽，肉質鮮嫩，唔而且帶點櫻花嘅香味，令整個層次更加豐富喂Siri好呢個牡丹蝦亦都唔係簡單嘅牡丹蝦，因為佢配上蝦乾粉，增加蝦味嘅濃度，香濃之如又不失蝦肉嘅彈牙質感🌯細蔥拖羅手卷拖羅手卷就食得多啦，但用上芝麻醬撈飯嘅手卷真係第一次，拖羅嘅鮮味再加上麻醬嘅配搭充滿夏天嘅氣息🐟盛夏柚白沙魚柚子汁零成個感覺好夏天🦑墨魚壽司肉質爽口，加上輕輕炙燒嘅表面，香口🐟醋漬鯖魚壽司好多人都唔鍾意食鯖魚，因為怕腥，不過經過醋漬嘅鯖魚，魚味順滑，惹味🐟中拖羅壽司肉質嫩

我哋叫咗佢哋個Special Lunch Menu 嘅十貫壽司餐再加兩隻岩蠔，食飽飽就去睇藝術展喇喂~岩蠔($48/隻)：夠肥美，隻隻都脹卜卜，調味有少少酸汁，食落鮮味十足之餘仲好開胃，#性價比 超高👍🏻十貫壽司餐 ($398)：個餐有沙律、茶碗蒸、壽司、卷物、吸物及甜品，算抵食嘅😎個茶碗蒸真係不得了，蛋滑唔水，火喉控制得好好，而且啲三文魚籽完美咁增加咗個鮮度，蒸蛋入面仲有蟹肉添🤤 壽司嘅舍利不算太酸，女師傅握工不錯，有少許空氣感，算驚喜😱 我哋覺得相對出色嘅有赤身、帆立貝和炙燒魚背 (無問女師傅乜魚呀…sorry…🤷🏿‍♂️)，炙燒魚背俾火槍辣完，肥美程度拍得住左口魚，勁🤣 我哋就有讚有彈嘅，讚完就要講吓差嘅地方。個卷物就認真麻麻喇！紫菜軟淋淋，切到一忽忽咁，唔講以為去咗超級市場啲壽司檔買嚟食🤢，真心接受唔到🥲呢個甜品就係牛奶布甸，唔算太甜而且好香牛奶味，唔錯！總結，餐廳職員服務細心，本身我哋坐卡位，不過叫咗十貫壽司餐後，職員都主動問我哋會唔會坐吧枱，等師傅可以逐件介紹俾我哋知食緊乜，呢個行為要讚👍🏻 如果可以改善埋負責卷物嗰位師傅嘅刀工和對紫菜嘅要求，成件事會更加完美🥹

最近呢間都開左分店係觀塘今次經過灣仔就試下呢間係中價位嘅🍣壽司店平時見Lunch都幾抵食今次就去試佢地嘅omakase屬於中價位性價比非常高呀☺️職員服務簡直超水準坐低已經好詳細咁介紹menu又會自動自覺加茶🍵
🔸𝗛𝗮𝗻𝗮 𝗖𝗼𝘂𝗿𝘀𝗲 $680前菜 - 櫻花慢煮八爪魚🐙用左日式綠茶🍵煮，慢煮令到個魷魚非常嫩滑，食落有好香綠茶味，清甜爽口。🔸蒸物 - 蟹籽海鮮蒸蛋面層鋪滿三文魚籽同蟹肉羹，蒸蛋食落好滑溜，內層仲有新鮮大蝦，非常爽口鮮甜。🔸刺身- 平目魚、赤蝦赤蝦配有櫻花海鹽，平目魚有海鹽。赤蝦刺身肉質鮮嫩彈牙，蝦味十分濃👍平目魚係左口魚，係其中一款白身魚，肉質好鮮嫩，魚味比較清淡，配有櫻花海鹽，點埋一齊食😋🔸手卷 - 蔥粒吞拿魚腩手卷手卷有好多吞拿魚腩蓉，食落口軟綿綿好香甜，飯係用左赤醋米，所以呈淺啡色。🔸手握壽司9件▫️春子鯛面層加左柚子碎，春子鯛味道甘甜而且清爽，食落好清新，口感亮帶點黏勁，非常特別。▫️墨魚面層同樣都係加左柚子碎，肉質緊實而且好有彈性，味道甘甜。▫️金目鯛金目鯛喺日本係魚中之王，魚肉光澤好亮麗，肉肥鮮美，毫無腥味，口感比其他魚款更柔軟。▫️赤身即瘦肉、紅肉，魚背不含油脂的部

🇯🇵香港人就最鍾意去日本同吃日本菜，而Omakase廚師發辦更加是品嚐新鮮日本食材嘅最佳選擇。💁🏼‍♀️去左灣仔分店嘅「鮨樂」，當然要試下廚師發辦，揀左$680 「華」有17道菜，價錢中等但食物新鮮，有部分item更係令人驚豔！員工服務殷勤，邊食邊聽啲動漫歌，用餐過程輕鬆愉快。👅Omakase的獨特之處：我就最鍾意坐壽司吧枱，可品嚐鮮味嘅同時，又能細心欣賞廚師嘅手藝，望住師傅整已經垂涎三尺啦！🍣華 $680/位包括：前菜、蒸物、刺身兩点、手卷、手握壽司9貫、湯、甜品 同水果。前菜 🥢汁煮八爪👍🏻超級彈牙香甜嘅八爪魚，與醬汁配合得天衣無縫！蒸物🥚蟹肉魚籽茶碗蒸👍🏻高貴嘅金箔下淡淡蛋香，入口即溶，內有鮮甜蟹肉，加上卜卜脆嘅魚籽，口感冇得彈！刺身🐟平目魚 &牡丹蝦👍🏻牡丹蝦肥美鮮甜帶黏口，蝦頭蝦膏味香濃。平目魚配上櫻花鹽味，鮮味十足。手卷👋🏻拖羅蓉手卷✨軟綿細滑的口感，層次豐富。🙌🏻手握寿司9件✨吞拿魚赤身壽司：魚味濃郁，柔嫩不油膩✨中拖羅壽司：油脂和鮮味均衡，沒有筋👍🏻✨大拖羅壽司：油脂散發出甘甜味，味道醇厚👍🏻✨半熟車海老壽司：味道甘甜，濃郁而緊實👍🏻✨小磯魚壽司：鮮味在口中散開來，感到微

🌃 日式餐廳環境以木系簡約設計為主調， 設有bar枱同普通座位選擇， 空間感較大，感覺都幾relax， 餐廳有omakase 及 單點主餐牌所選擇。-👨‍👩‍👧‍👧 以下為 華HANA COURSE omakase，$680， 一人晚餐份量。.🥗前菜 | 櫻煮八爪魚🔘餐廳以櫻煮既慢煮烹調方式， 令到八爪魚嘅肉質格外柔軟。.🍲蒸物 | 金箔茶碗蒸🔘配料有金箔、三文魚籽、 蟹肉、 蝦肉， 啖啖滿足。.🍣刺身 兩點 | 牡丹蝦。 平目魚🔘牡丹蝦鮮甜無比， 平目魚配上櫻花鹽， 提升了平目魚嘅鮮味。.🍣手卷 | 拖羅蓉🔘拖羅剁成蓉令到拖羅嘅脂香更細緻， 口感軟綿綿， 手卷飯經過赤醋調味。.🍣壽司9貫👉 春子鯛🔘鯛魚的一種，比較少見， 帶有少少甘甜嘅味道。.👉墨魚壽司配竹炭🔘墨魚刺身配上竹炭鹽， 刺身口感爽彈。.👉小飢壽司🔘帶有亮皮的鰶魚刺身， 加上鹽及 醋醃漬而成 ， 帶出了鰶魚的鮮味。.👉吞拿魚赤身🔘赤身肉質較有咬口。.👉中拖羅🔘油脂適中， 甘香無比。.👉大拖羅🔘入口即溶，油脂感非常豐富， 十分滿足。.👉半熟車海老🔘以半熟嘅比例， 令到肉質爽彈。.👉帆立貝🔘Size算大， 好鮮甜。.👉赤鯥🔘高

係香港人最愛既哦媽卡些，可能太耐冇旅行，呢排真係好多人中意食哦媽卡些🤣華Hana Course $680/pax ＋10%😚前菜櫻煮八爪魚八爪魚口感十分爽脆，可能比較新鮮，真的跟平時吃的八爪魚口感不同🥰蒸物三文魚籽蟹肉蒸蛋蒸蛋賣相精美，上面加了三文魚子增加口感，蒸蛋十分軟滑😘刺身 2點牡丹蝦 平目魚牡丹蝦肉鮮甜，十分美味平目魚蠻爽口😀手卷蔥吞拿魚手卷吞拿魚味道正常😆手握壽司 9件春子鯛很新鮮墨魚切得很精美，口感爽脆小肌味道輕盈吞拿魚味道剛剛好中吞拿魚腩口感很滑，入口即溶大吞拿魚腩很香油脂味半熟車海老蝦肉爽脆帆立貝入口很滑赤鯥加了調味，味道較重🤗甜品江戶前玉子用蛋做的蛋糕，很軟熟😋湯味噌湯不會過咸，吃完刺身有熱湯暖胃😍水果北海道哈密瓜超級鮮甜好吃🔎鮨樂🔍#鮨樂 #sushirakuhk 😍𝑭𝒐𝒍𝒍𝒐𝒘睇更多😍@Nevergetfat

好耐冇食omakase，今次呢間價錢中等，$680一人，有前菜、蒸物、刺身2點、手卷、手握壽司9件、湯、甜品。前菜係彈牙又軟腍的八爪魚🐙蒸物係蟹肉魚籽茶碗蒸，好滑，仲有好多金箔，閃閃發光。啲刺身好新鮮，平目魚配櫻花鹽、牡丹蝦撒上牡丹蝦粉(由蝦頭膏磨成）好特別～手卷係蔥花吞拿魚腩，魚蓉好幼細、軟滑，紫菜非常脆身。主菜係壽司9貫，由師傅選擇時令嘅食材，除咗為人熟悉嘅拖羅、帆立貝、赤海蝦之外，今日仲有幾款香港比較少見嘅魚類，每款都各有特色，例如質感柔嫩嘅春子鯛、鮮甜爽口嘅關池魚同油香肥美嘅赤鯥等。每件都由師傅細心製作，逐件逐件上枱，確保每一件都保持新鮮，而且可以細細品嚐。甜品🍮都冇令我失望，江户前蛋糕不會好甜，入口即溶，好似mousse cake~日本哈蜜瓜超甜，仲要好多汁。今餐真係好正呀！