影片
更多
2023-02-08
22 瀏覽
間唔時就想獎勵下自己食好野，即使係貴價omakase都有優劣之分，今晚感覺到師傅嘅誠意同手藝。第一次食仙人掌，原味清淡有少少酸，估唔到點黑糖蜜係好清新健康嘅甜品。 蟹肉清湯羊羹蟹味好突出好濃，間或食到爽口同黏稠嘅秋葵，清淡之中層次又好豐富。 白梅貝好入味，保留左貝類嘅彈性。石門鯛本身較為柔軟淡味，一半簡單點酸汁引出鮮味，另一半配紫蘇葉、竹炭鹽，帶一絲清香得黎，更加食到佢嘅原味。 北海道厚岸真蠔配左柚子醋啫喱，味道清新，唔會好似酸汁咁搶味。 真蠔海水味幾濃，厚肉爽口。幻星鰹埋藏左係鰹魚乾之中，師傅強調係鰹魚bb，令我感覺就好似食緊鰹魚版親子丼咁。 雖然鰹魚乾較硬，但索左酸汁之後配埋細蔥同濃味嘅鰹魚刺身好夾，係一道好完整嘅料理。北海道北寄貝同赤貝新鮮程度係，師傅臨尾拍一拍仲見到佢地狂郁，唔洗講都知有幾鮮甜。 兩款貝嘅口感唔同，個人鐘意較為爽彈嘅赤貝多啲。針魚擺盤好似葉型咁好靚，魚味好濃，係比較有彈性嘅白身魚，點薑蓉同豉油唔會腥。鱈魚白子近呢一年都食過幾次，但估唔到同我印象中好唔同，呢度嘅白子特別鮮味濃郁。 分左加酸汁同火炙兩食，口感味道截然不同，前者有少少彈性，似平時creamy嘅生蠔咁，
第一次食仙人掌，原味清淡有少少酸，估唔到點黑糖蜜係好清新健康嘅甜品。 蟹肉清湯羊羹蟹味好突出好濃，間或食到爽口同黏稠嘅秋葵，清淡之中層次又好豐富。 白梅貝好入味，保留左貝類嘅彈性。
石門鯛本身較為柔軟淡味，一半簡單點酸汁引出鮮味，另一半配紫蘇葉、竹炭鹽，帶一絲清香得黎，更加食到佢嘅原味。
北海道厚岸真蠔配左柚子醋啫喱，味道清新，唔會好似酸汁咁搶味。 真蠔海水味幾濃，厚肉爽口。
幻星鰹埋藏左係鰹魚乾之中，師傅強調係鰹魚bb，令我感覺就好似食緊鰹魚版親子丼咁。 雖然鰹魚乾較硬，但索左酸汁之後配埋細蔥同濃味嘅鰹魚刺身好夾，係一道好完整嘅料理。
北海道北寄貝同赤貝新鮮程度係，師傅臨尾拍一拍仲見到佢地狂郁，唔洗講都知有幾鮮甜。 兩款貝嘅口感唔同，個人鐘意較為爽彈嘅赤貝多啲。
針魚擺盤好似葉型咁好靚，魚味好濃，係比較有彈性嘅白身魚，點薑蓉同豉油唔會腥。
鱈魚白子近呢一年都食過幾次，但估唔到同我印象中好唔同，呢度嘅白子特別鮮味濃郁。 分左加酸汁同火炙兩食，口感味道截然不同，前者有少少彈性，似平時creamy嘅生蠔咁，後者就完全焦糖化好似棉花糖咁，最正係比起一般嘅白子鮮甜好多，真係好想encore。
大拖羅用櫻花木輕輕煙薰過，配有少少辣度似Wasabi嘅蘿蔔苗同焗香左嘅櫻花蝦一齊食，有幾種清香好有層次。 大拖羅本身當然爆油好甘香，但同時又好似食緊沙律咁好清新。
石川里芋煮由唔同蔬菜同紫菜煮成，最深刻係個芋頭真係好軟滑，冬菇厚身彈牙，最後飲埋個紫菜湯好滿足。
北海道帆立貝非常厚身，啖啖肉好爽甜。
剝皮魚較清淡，配香醇嘅魚肝一絕，味道好平衡。
野生銀鱈魚bb輕輕火炙過，魚油超香，有少少似左口魚裙邊咁香口，正。
牡丹蝦係今晚嘅一大亮點，面頭放左燒香嘅蝦膏，一啖將所有精華放入口，蝦肉本身超厚又扎實彈牙，蝦嘅鮮甜同蝦膏嘅甘香同時併發出黎，係極致嘅享受。
中拖羅雖然未至於成口油，但對於平時只食大拖羅嘅我黎講都好夠，新鮮冇筋。
鮑魚迷你丼未上菜已經令我目定口呆，師傅拎出一個大到好似青邊鮑咁既日本鮑魚出黎切片，見到個size已經知有幾咁煙韌彈牙。 底下用左鮑魚肝醬拌飯，鮮味濃郁又creamy。 最後放上北海道馬糞海膽，一個字，甜，三款用料都獨當一面地好食。
五彩和牛裹上米通炸成，乾爽唔油膩，和牛仲保持到嫩紅有肉汁，外脆內嫩。
舞茸菇清湯加左柚子皮同三葉，簡簡單單好清新。
水信玄餅特別地用左蝶豆花染成藍色，QQ嘅水信玄餅同黃豆粉、黑糖同紅豆係不敗嘅經典組合。
張貼
