鮨心 ，旬節 (已結業)

女朋友知道我未試過食omakase ，所以佢特意帶我黎呢間佢幾喜歡既日式料理比個驚喜我！雖然坐吧枱可以一件件壽司咁上，而且可以欣賞到壽司司傅既手藝，但因為吧枱坐得太近了..所以決定坐一張二人枱！當日我地叫左兩個叫竹既set,係由當日既師傅決定食材既，另外我地仲叫左隻生蠔。咁壽司未到前，首先食左個沙律先，沙津味道岩我口味，不會太酸，食得出所有菜都幾新鮮，隨後就係一碟鱈魚乾，香脆而味美，我同女朋友都好鐘意食。坐左陣終於到戲肉壽司上枱，侍應會詳細說明壽司的種類，產地同配左咩醬，令你都對黎緊會擺落口既壽司有所了解😂，我記得既係包括鯛魚、赤身吞拿魚、蟹肉蟹黃、鮑魚、中拖羅連吞拿魚蓉，火炙右口魚、海膽、鯖魚同埋三文魚子吞拿魚蓉手卷。就講講其中幾件令我最深刻既壽司，當中包括海膽壽司，中拖羅壽司，右口魚壽司同埋手卷。海膽壽司就唔洗講啦，單字一個鮮字已經令我深深愛上佢，合埋眼食享受佢係口中爆發開鮮味，好想再食多幾貫呀！！ 中拖羅肉質肥美，入口雖未到即溶，但魚味濃，配埋魚蓉，簡直係雙重享受，但我最後係四重享受，因為女朋友知我鐘意食比埋我食。😂 火炙右口魚壽司就真係做到入口即溶，一擺入口魚香係口腔中爆發出黎

唔洗$400就食到omekase wo....係咪超抵先？話說知道有呢間平靚正omekase, 🤩🤩咁就去試下啦⋯$398 有9件壽司1個手卷⋯仲有沙律湯小食同甜品⋯⋯😋😋小食係鱈魚乾⋯脆卜卜好好味⋯沙律就普通柚子醋沙律⋯⋯到左主角壽司出場⋯⋯有蟹肉蟹羔壽司⋯肥吞拿⋯海膽⋯右口魚（我最愛）⋯雕魚⋯青魚卷⋯立魚⋯⋯另外我超級推介個三文魚子手卷⋯入面放左啲天婦羅既脆脆⋯口感好特別⋯一邊三文魚子爆漿⋯一邊就脆卜卜⋯入面仲有啲醬汁😋😋😋⋯其實佢地除左「阿媽家姐」之外⋯你都可以散叫⋯不過就無咁抵⋯甜品就豆腐/綠茶雪糕⋯😋😋

想食間經濟實惠又有質素嘅omakase，尼間就無介紹錯啦。Lunch omakase 大約人均$300，就可以落樓😍成個廚師發辦一啲都吾馬虎，首先有沙律同小食，然後有9件壽司加卷物，最後有蒸蛋、湯同甜品😋係食壽司前，我仲加左件日本真蠔🙈好甜好滑😋 Sir一聲就呑左落肚🤭今次嘅omakase其實都好有驚喜🎁，無論價錢質素都好好，所以性價比係勁高。餐廳有分sushi bar seat 同普通枱嘅位，我自己就覺得坐sushi bar食嘅experience 會好啲，所以建議訂座嘅時候都特別要remark👍🏻

食過2次呢度嘅lunch omakase, d食材好新鮮，食物層次豐富，以咁嘅價錢，真係如標題所言，性價比之王。介紹過好幾個朋友黎食，每個都大讚可以改善嘅地方係服務態度，無論經理、師傅、或者侍應，每個都急急腳收工落場，美中不足。

都來過幾次貴店，店內環境簡單，整體衞生乾淨，服務殷勤，店員有禮貌，食物新鮮和師父都友善及好詳細解釋壽司食用的先後次序，呢個好重要，以及店內的洗手間都整體整潔！值得一讚！

今日係黎食omakase 海膽好鮮甜 右口魚油脂勁好食 銀雪魚BB勁滑 Toro都好好味 值得一讚係佢個手卷 脆脆地 其實我食過幾次 但最近黎食個手卷d料無以前咁多 以前師傅係比到爆哂 今次唔係 食落小小失望 魚子同飯果d都小左好多 同做得太有層次定飯太小關係 個口感怪左好多 因為第一下食到Toro係涷既 但飯係暖既 suppose mix埋其實應該勁好食 可能因為係學徒黎 🙈但最近加左個飽魚 都好正呀 以前好似係帶子

依家係香港食omakase接近要成千蚊，lunch相對上就平好多，一般半價內。之前見好多食評介紹呢間，lunch ~$350左右就埋單，超心動！雖然食午餐，但一啲都唔求其，師傅一樣工架十足，食物質素都真係唔錯，性價比超高！比較推介嘅係超高嘅海膽、滿到瀉嘅魚子、松葉蟹，仲有個炸蝦頭。簡單啲來講就平平地滿足晒n個願望。一定要book早d，最好12-1點。2:30師傅落場，如果2pm先到，呢壽司就係咁上，完全唔比機會停，超級趕。

這天到訪旺角這間壽司店，光顧的午市時段，不知道是否地段問題，客人不多，同時段只有三桌客人。午市只有一個菜單可以選擇，$298的9件壽司套餐，可以$150追加三款壽司及$68追加生蠔。我們各點了一個9件壽司套餐及生蠔，生蠔品種是真蠔，感覺爽口，與一般感覺肥美、Creamy的日本蠔有點不一樣，不過我還是比較喜歡日本蠔那種Creamy的口感。九件壽司包括有帶子壽司配紫菜醬、燒右口魚壽司配黑松露醬、鯖魚壽司配姜蓉、甜蝦壽司、池魚壽司配魚子醬、赤身壽司配蒜蓉、拖羅壽司配吞拿魚溶等。感覺九件壽司，每件都加上味道較濃的醬汁和調味料去掩飾了本來食材一般的感覺，有別於一般傳統壽司，感覺不能歸類於壽司類的餐廳去評分，但若歸類為日本創意料理，也仍尚有很大的進步空間。但價錢相宜，如以親民價錢一試也是可以，但若喜歡傳統、用料新鮮、手法正宗的壽司店就比較不建議。

平時食廚師發辦都要$800-1000今次午餐$300 就有得食每舊魚都係好 「嘩！」尤其出色係燒蝦膏牡丹蝦壽司另外個手卷都係 嘩！ 一聲 燒完d魚油落落d飯度勁香再配上魚子 好食到上天堂唯獨海膽壽司🍣有點失望！份量好充足好厚 好厚既三層海膽可惜海膽太涷 同埋唔夠甜同重味勁抵食既set想講一講廁所個垃圾桶有點令人反感個蓋生哂銹 一撻撻成個場都好乾淨 好和式 可惜去toilet見到呢幕有點失色！

在旺角地鐵站旁邊的大眾omakase. 不像一般omakase 在酒店或地鋪，而是位於一間商業大廈裏面。店內分為水吧枱和普通餐桌。也是走日式的風格，溫暖而舒適。插曲：用餐全程，有一群高談闊論的太太們，而廚師也是加入了討論當中，除了沒有顧及其他客人的感受，有時候嘈到連廚師介紹食物也聽不清楚。另外，確實很滋擾和不被尊重的感覺。菜單（壽司一濃一淡地上菜）前菜豆腐沙律雪魚干兵庫縣 真蠔 （套餐外另加）口感比較creamy、肥美和鮮甜，海水和金屬味不重。（蠔殼粹清不乾淨）北海道 帶子 配紫菜醬少咸紫菜醬特別，但帶子不夠鮮甜。東京灣 白肉鯖魚赤酢吞拿火炙 bb銀鱈魚櫻花蝦 松葉蟹容秋刀魚拖羅 吞拿魚腩沒有入口即溶的口感，不算充滿油份。火炙 右口魚 黑松露 反而油份較多，有入口即溶。海膽雜匯手卷這個像把一切材打包在一起的感覺。五味雜陳，但不太知道正在食的是什麼。蒸蛋和魚湯一起上菜（有種趕收工的感覺）芝麻雪糕（也是趕著上菜）總結這樣的omakase非常失望。雖然明白大多數食材於午後運到，但實在食得出不新鮮的味道。另一位師傅非常建談地與闊太們聊天，而服務我們的壽司師傅連壽司也沒有好好介紹，然後很趕著落場

除左中餐之外, 我最愛既就係食SUSHI 喇.今日晏就去到位於九龍旺角區既一間日本餐廳試食佢既Omakase.我最中意晏就食Omakase, 又唔太貴, 又試到間餐廳既質素, 雖然D食材就一定冇夜晚去咁貴價.但呢間只要298蚊 1位, 有9件加1件手卷同有個湯, 蒸蛋同沙律.真係好!抵!食!呢間野好易搵, 好近旺角地鐵站, 呢排天口咁興, 真係唔岩留響條街太耐.一黎到就係沙律同蒸蛋, 個蒸蛋好味, 好滑又足料.D魚都叫新鮮, 比起尖沙咀某D Omakase 揼本, 有曬大家好中意食既 左口魚, 拖羅, 帶子, 海膽同赤貝.整體好抵食, 唯一不足既係師傅件件都會落埋豉油比你, 我覺得有少少咸, 下次會叫佢走油, 自己落番岩自己既份量比較好. 最好食係拖羅, 有少少筋, 入口即溶. 個海膽都好多, 夠曬過口引.因為掛住同朋友傾計, 我唔太記得9件 SUSHI既先后次序. 去相~~~GO!以為食飽飽之制, 原來仲有個手卷未食. 佢個手卷好足料, 好爆TUNA  之後仲有少少脆米同魚子, 個口感層次直接提升至最高點. 最后埋單仲一人一個細細地既雪糕球. 食左成個半鐘既LUNCH 埋單700蚊有

聽完某名校的入學簡介會，順步走到彌敦道，來到之前經常食的「鮨心」。曾幾何時 2 樓是食串燒的，現在都是改回壽司吧。午餐只提供一個 $298 omakase 壽司餐（不夠可以追加），唔使煩。一來送鱈魚乾，好薄好脆；豆腐沙律有啲鹹！9貫壽司。第一輪，質素正常，唔算好有驚喜。第二輪，等了好久才上。蝦壽司幾出色，將隻蝦啲膏熬成汁，炸埋個蝦頭放喺面，一啲都無浪費。等了又等，海膽壽司，好正。唔係坐壽司吧，紫菜都仲係脆。最後上拖羅蓉魚油手卷，好味但原來好邪惡。師傅將一大塊吞拿魚皮火炙，燒出魚油，撈飯！所以特別香。Chawamushi 好多料，雞肉都大舊過人，但係又唔算好鮮味。 個湯唔知點解變左粟米湯！奇怪。Overall，食個 lunch 來講唔錯，係上菜慢左啲。

六/七。月之「海瞻宴」一直喜歡，他們的，午餐，廚師發板！都好滿意，物超所值，慢慢朋友都笑，我這裏是否我的飯堂！每一個月，想吃日本野，就會過嚟！我終於，可以捉緊最後的尾巴，趕緊，最後一埸「海瞻宴！😋人一世物一世，一定要試下！❤️❤️❤️真心一道又一道......💕💕💕驚喜！海瞻啫喱，夠凍，又特別！開胃！生蠔彈牙爽口👅👅👅好食到不得之了！和閏蜜同道中人，一起吃，幸福感滿瀉💕💕當時人先會明白😆👭原個「紫海膽」好好味，好甜！❤️海瞻夾拖羅＋夾青瓜，好青新！❤️（師傅好好知道我，不吃紫菜改了青瓜夾）細💕心！炸天婦羅海瞻，朋友說像個咸蛋皇一様！仲有好多驚喜。師傅完全不吝嗇，「大Pat 大Pat 海膽 」送埋黎！就係，最驚你唔飽！😋😋😋入貨又靚，呢個價錢，過海，一定過$2000/一位！隻蠔同啲，不同款式既，有淡有濃，海膽！令人食又幸福，又超飽😋😋😋食完好矛盾，又真係難忘同滿足！今日起床，仲好満足！和閏蜜大家食得好開心！同道中人一定明！

omakase旺角都有得食😯weekday dinner人唔算多, total 得6個人食物賣相都比較特別🙂拖羅好出色，油脂好多入口溶🥰甜品都好好食，係奶凍夾芒果🥭美中不足係個赤貝，帶子同個湯一般湯無乜魚味，赤貝帶子唔新鮮🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️ 👍🏻但魚類刺身同壽司都係好食既🍣🍣佢得兩個餐一個係$ 1,000 /p一個係$ 1 ,200/p仲要未加一價錢係偏貴

之前試過1樓的lunch set就搵日晚餐試omasake，由於胃口不算特別大，試個櫻，5個刺身，5個壽司，都食到好飽，食材夠新鮮，師傅好手藝，亦好有禮貌。用餐環境好，當晚8點時段有三組客人，唔嘈。5個刺身分別是：右口，深海池魚，鰹魚，拖羅（上有海膽）和（不記得咗添）；五個壽司：生蠔壽司，松葉蟹配海膽，牡丹蝦，北寄貝和海膽軍艦。另外還有黑毛豬腩。確實好味道，服務好，可惜食得太快，相冇影齊。希望下次再幫襯。😄