鮨優

營業中

休息中

係旺角經過見到依間日整野好多人等緊外賣我就心郁郁想買d返去食睇左menu又唔係特別貴仲見到好似幾新鮮 所以就嗌左小小 試水溫三文魚 試試水準覺得都幾新鮮 d紋都肥厚度都好好 赤貝 食落爽口 少甜 口感唔錯鰹魚 上面有d忌廉蒜香豐富左鰹魚既味度 同埋多左d層次感有忌廉既creamy加上鰹魚既鮮味感覺幾特別 龍蝦沙律手卷有樣要讚既係d紫菜幾脆同埋d料都幾足 比例黎講都算多肉 加分 ！沙律醬甜甜幾 好正！ 整體黎講壽司質素同價錢都算抵食 怪唔得咁多人排隊如果間鋪有多d位比人坐低食就更好！

平時喺旺角掃街就掃得多喇 佢估唔到連壽司都有得掃😆呢日喺旺角行街經過見到呢間壽司小店 個樣好似幾吸引咁 所以就買咗啲返去試吓🙈餐廳地方唔大 所以都係外賣為主 我哋就叫咗幾款壽司試吓！•火灸赤魚•魚嘅面頭輕輕用火燒一燒 令到入邊嘅魚油迫咗少少出嚟 一咬落去香味出晒嚟！.•生餃蝶魚背(限量)•呢款喺其他地方好少見到 但原來好冧身好重魚味架！仲要係限量供應 可以一試😏.•榮螺•呢款就本身較啖味 但沾埋鼓油就啱啱好！主要係口感好爽口👍🏻-•真鯛•呢款魚就比較清新 食落去有淡淡的鮮味又唔會太搶👍🏻.•大甜蝦(牛奶蝦膏醬)•甜蝦平時就食得多 但加埋佢地調配嘅醬一齊食 更能帶出蝦嘅鮮味 仲好有餘悸添！.•間八(魚肝醬)面頭加咗少少魚肝醬 令到口感識落融合得幾好幾豐富！.雖然舖頭細細 但整出嚟嘅壽司質素都唔錯！👍🏻

主打日本新鮮直送刺身海膽等食材而做成既手卷 丼飯 便當 壽司刺身與手卷 卷物海膽手卷 $58一卷 鮮味濃郁入口甘香用料多仲有吞拿魚,三文魚 甜蝦 蟹籽 扇貝 蜆肉 玉子等唔同食材既配搭口味用一個好優惠既價錢去賣比食客 單件三文魚$8起 另有火炙版本手卷最平由$18起大大卷好抵食,估唔到而家咁多選擇刺身飯有十二種口味,三色吞拿魚 角切吞拿魚 鰻魚丼等等選擇亦都可以直接品嚐廚師發板6件$108由日本食材組成既配搭,有機會食到海膽架!鮨優 旺角登打士街43P-43S鴻輝大廈地下A9號舖（家樂坊斜對面）平均消費$50

🔻 鮨優旺角登打士街43S-43P號鴻輝大廈地下A9號舖///🧃三文魚壽司 $8唔好睇呢度舖頭細細，壽司質素完全拍得住omakase，呢度嘅三文魚超級新鮮，仲要只係買$8，一個字抵食！/🧃油甘魚壽司 $15油甘魚表面有油花，一睇就知好新鮮，唔同出邊嗰啲灰灰黑黑，呢度嘅魚食落去彈牙，然後滲出淡淡的油金魚香，10分滿分。/🧃火炙平目魚背壽司$12本身唔知道係乜嘢，諗住試吓，食落口似平時我哋講嘅左口魚裙邊，火炙過後嘅平目魚提升整體風味，入口爆油。/🧃大甜蝦壽司$15大甜蝦果然係大甜蝦，仲要足足俾咗兩隻，個大細差唔多等於我隻食指，入口勁滿足，蝦肉亦都好彈牙/🧃間八壽司$22間八即係比較大條嘅鰤魚，肉質肥美，脂肪比例亦都啱啱好，喺日本非常受歡迎，我當然都唔執輸啦，果然冇令我失望，口感非常細膩/🧃香芒蜆肉手卷$22感覺好本地化嘅手卷，抱住食甜品嘅心態點嚟試吓，發現意外地好食，蜆肉有咬口，芒果香甜，加上沙律醬，組合起來有種難以以語言形容嘅和諧/////

今日係廣華探完病，係黃店9份茶舍買左杯珍奶，見到隔離有間新鋪賣壽司，拎著9份張單仲有9折😍咁就買左啲壽司返屋企外賣😚😚.選擇都算多，有壽司、手卷、丼飯、套餐咁。價錢合理，仲有9折感覺幾抵🙈🙈.壽司🍣方面我就叫左三文魚$8、油甘魚$15、魷魚$10、火炙赤魚$12、赤身$20、車海老$12… 價錢幾抵食，刺身全部新鮮爽口，就算外賣都全不馬虎，認真製作，同埋要讚一讚既係個壽司飯好好食，細細舊唔實，咬落好好食😋.天氣熱熱地，叫左2個香芒蜆肉手卷 $22 ✅酸酸地幾開胃，重點係佢個紫菜係有張膠紙隔開左，屋企要先撕開張膠紙，咁個紫菜就唔會林晒👍🏻.可惜既係佢鋪頭主要只做外賣，得2張枱仔簡單食，唔係都有興趣坐低慢慢食🤣

自問味蕾天生不是太敏感，但因為愛吃的關係，長時間到處品嚐不同的美食，可以說訓練了味蕾辨別好壞，是否靚貨一吃就知，特別是海鮮、刺身等，靠新鮮招來沒有得騙人。早前有段時間常吃omakase，所以對優質刺身壽司很熟悉。在旺角開的一間小店鮨優，主要做外賣生意，每件壽司價錢十幾至二十幾，大部分日本直送，我吃到的味道很接近高級壽司店omakase的出品，除了新鮮以外，刀功好切得平整，適當的配上火炙，及為它配上不同的醬汁輕輕調味，也屬於高級壽司店的誠意之作。這次吃了八件壽司:油甘魚 柚子胡椒蘿蔔火炙赤魚深海池魚 魚肝醬金目鯛 機雪昆布間八 魚肝醬平目魚赤蝦 牛奶蝦膏醬醋鯖魚每件都一直驚嘆著，它的鮮甜美味，魚香和配醬在我口中融和，形成感動的滋味，自己比較有印象的是赤蝦那牛奶蝦膏醬，未試過用creamy的奶香配赤蝦，很特別，而每種配醬都不會太濃太搶，調較得剛好。我心想，如果住在附近，一定忍不住經常光顧它，偷聽到店員說回頭率很高，這也一定的了，性價比太高了。

今次搵到間新嘅壽司店不過店內只有兩三個座位於是中島決定外賣拎走😊—————————————————————款式都幾多中島最尾揀曬白身魚成盒變左白雪雪😂每件壽司刺身都好新鮮魚味濃郁當中平目魚背同真鯛質素唔錯雖然白身魚無三文魚有咁豐富嘅魚油但魚肉就較有質感另外中島推介三文魚腩手卷大大舊三文魚腩放左喺手卷上面淨係望都見到魚油閃閃發光而且啲三文魚係去到飯底每啖都可以食到豐富油脂嘅魚肉🤤大家經過開都可以試下啲手卷👍🏻—————————————————————◻︎ 三文魚腩手卷 $28◻︎ 三文魚手卷 $18

呢間壽司舖嘅壽司真係好特別！😍行經旺角，見到新嘅壽司店，鍾意食日式嘅我，點可以錯過？佢哋好快手，即叫即整，好新鮮👍因為同朋友一齊食飯。所以試咗下佢哋嘅16件廚師發板。諗唔到同樣有驚喜😚最特別嘅，一定係要數芒果蜆肉壽司，呢款真係第一次試！一邊有芒果嘅酸甜，又有粒粒嘅蜆肉，好鮮甜。又酸又香，芒果，真係好入口❤另一個令我深刻印象嘅，就係魷魚壽司。因為佢晶瑩剔透，而且上邊加咗特別嘅乳酪，每張酸酸美美更加開胃廚師非常之用心每一舊飯用都係人手整所以大小不一睇落去已經非常之有心思每日返嘅大細啱啱好一啖食落去入口即溶係一間好高質嘅壽司小店

近來越黎越多呢種外賣壽司店, 特別係旺區。鋪頭裡面其實都有2個位, 如果想坐低食都可以, 不過都要睇下天氣。平時都冇乜機會食, 今日STAYCATION就可以試試佢, 同男朋友想快靚正, 所以揀左2個魚生飯。三色魚生丼 ($88)❤️❤️❤️幾新鮮, 魚生都大片, 有三文魚, 油甘魚, 另一種唔識, 加隻蝦仔, 主要係個飯底都幾好食角切魚生丼 ($88)❤️❤️❤️❤️其實D料同上面三色丼一樣, 不過切法唔同, 切得大粒D, 口感幾好!! 食到底都仲好多魚生㗎小提示, 外賣魚生丼記得拎多D豉油, 如果唔係食到尾會好乾

係旺角行街行到餓餓地有時都會掃幾串野食的，但今次同謙買完野後竟然比佢見到呢到有間小店食壽司的，佢就緊係唔同我客氣自己入去睇下有咩正野食啦！呢間小店有壽司、刺身、手卷和 丼飯選擇， 由於店舖面積比較小，所以得一張枱可供座來食，但我地進食其間不斷都好多人來買手卷來食，仲好多人買外賣一盤盤壽司。❤️ 謙謙大愛的角切魚生丼飯， 材料豐富有唔同的什錦刺身在內，醋飯味道亦唔錯。我就叫左好幾款壽司， 當然有我喜歡的三文魚， 赤貝，赤蝦， 油甘魚腩， 池魚等等， 呢到的魚夠新鮮，所以壽司人手即整出來即入口係最好味。見咁多人叫手卷，忍唔住都叫左辣味三文魚手卷， 紫菜夠脆口，三文魚肥美帶點香辣幾好。

旺角登打士街的家樂坊變了Aeon🛍全條街的食肆都變得更加旺場👫👫👫看上了這一家壽司小店🍣感覺有點似「立食」那種但有兩個座位🪑不用站著吃就好了😆Jon仔👦🏻和Jon媽👩🏻各點了一碗三文魚親子丼三文魚🐟四片甜蛋🥚一件連殼甜蝦🦐一隻三文魚籽❣️一大勺刺身下面的飯量適中還有紫菜和芝麻等拌飯三文魚油光潤澤👍味道鮮美但不過肥👍魚籽鹹香很宜拌飯吃👍店長說用的是日本七星米所以連飯也特別好吃$88一碗不算便宜但質素都在價格裡性價比還不錯👌👌每天午市有三款丼飯85折更是划算🉐

依間壽司款式幾多選擇，仲有好多飯類選擇，叫左一個「特上刺身丼」和「角切魚生丼」，飯上刺身數量非常的足。另外壽司就選了「日本直送六貫」和「特上壽司十貫」，老板說「十貫」那款都有其中5款係日本直送的，外賣回家吃的時候都很新鮮，有在日本當地魚市場吃的味道。而刺身方面「三文魚腩」非常出色，夠厚之餘又無筋，非常好吃，「帆立貝」見師傅都很有心思，會放在檸檬上面調味，而又真的想不到那麼夾的依間壽司吃得出食材都很新鮮，會推介給身邊朋友來吃，值得再吃

經過見到登打士街嗰度新開左間食日本野嘅舖頭！見到個餐牌樣樣都好吸引呀！就俾佢吸引左過去啦！ 太多選擇都唔知揀咩好！哈哈，咁就決定同朋友一個叫一個丼啦三色魚生丼 $88 - 三文魚，深海池魚，蝦，玉子角切魚生丼 $88 - 好多種野⋯不能盡錄🤣🤣太好味啦⋯⋯食材新鮮肥美，唔會有雪藏味三文魚～脂肪甜美又唔膩口😋 深海池魚 （應該係…其實我都唔係好識分！總之肉質鮮嫩肥美⋯👏👏👏角切丼咩都有啲⋯ 🤣一次過滿足哂咩都想試嘅我！😋

去開旺角行街～係登打士街發現依間壽司刺身同丼飯外賣既舖頭，見到好多人密密咁排隊，睇一睇d價錢見幾抵食！於是就去試下啦！我哋叫咗魷魚，蠑螺，左口魚，金木鯛等壽司😃仲有幾件唔知係咩魚都叫左😁全部壽司都好新鮮好好味呀火燒左口魚好滑，個左口魚淋淋地燒到好香！講吓壽司飯，唔會太多壽司醋味道岩岩好蠑螺都好新鮮好好彈牙，唔會硬！金木鯛都唔錯，魚油幾香！魷魚都好彈牙，好新鮮！味道唔錯！見到好多人都係買外賣走，由於我地要繼續行街所以就立食😜下次去開旺角行街都真係要買下外賣番屋企食😀我見佢仲有刺身同丼飯！價錢都好抵！

最近有朋友大推呢間位於家樂坊附近嘅壽司小店，朋友喺附近返工，開店冇耐已經成為常客，仲不停大讚呢度嘅壽司平靚正，今日行完街經過決定外賣返屋企同先生做lunch。雖然舖頭細細，只有一個細細嘅位置俾客人堂食，但係望落相當整潔舒適，而且食物選擇亦算豐富，主打即叫即製嘅手握壽司，仲有沙律、手卷同丼飯等可以選擇，價錢亦非常親民。壽司選擇花多眼亂，最後我揀咗八款我同先生都比較喜歡嘅壽司，一打開好有驚喜，壽司擺放整齊，賣相精緻。金目鯛非常新鮮，入口味道清新，油脂適中，肉質細膩。赤魚魚味比較重，油脂亦比較豐富，係先生嘅最愛。平目魚背油脂豐富，火炙過後令油香更突出，入口滋味回甘。平目比前面幾款壽司質感更清爽，味道清淡，油脂感亦較低，但新鮮程度絕對唔失色。深海池魚肉質鮮嫩肥美，魚油甘香細膩，配上魚肝醬更加係錦上添花。真鯛味道清淡，透住淡淡嘅鮮甜味同油香，肉質有彈性，入口回甘。蜆肉大大粒，鮮味突出，淡淡嘅海水味撞上新鮮香甜嘅芒果肉，係最佳拍檔。熟蝦非常爽口，配上香濃嘅牛奶蝦膏醬同櫻花蝦乾，入口更加鮮甜惹味。蟹籽沙律份量唔細，清爽幼細嘅青瓜絲配上鮮味嘅蟹籽同蟹柳絲，無論係味道定口感都非常合襯，炎炎夏日食實在係一