魚鱻魚湯專門店

營業中

休息中

差不多6時左右去到，當時還無乜人。但是書包放在隔離的椅子，就被那幾個侍應插了。說阻住他們，不要霸位，但間店無什麼人。唔緊要，我拿開。之後點了魚餅米線先來米線，我見碗野乜都無，只有幾條黃牙白就問她。她又很不好聲氣說之後會來。結果5分鐘後，那一塊千呼萬喚的魚餅出來了，是新鮮炸的。魚湯....我真的覺得很淡，沒有什麼特別，無落味精所以無味，事實上，我在遠一點某間吃過魚湯米線的湯還有驚喜。米線....也是沒有什麼特別，反正我無飯吃時，去佳寶買的米線同等貨色。整碗米線除了幾塊黃牙白半粒豆腐卜外就什麼都沒有...關鍵是那塊魚餅，魚餅比較大塊，吃下去還算飽肚。食後總評:平時經過很多人吃，不知為什麼要排隊，好奇試一下。這間店最高的地方是「魚餅饀料之類是即炸的」，這樣上菜會熱騰騰，這樣很好，不過，我懷疑那塊魚餅是有下味精的，因為吃完後算口乾....30元左右的價錢，勉強可以，但態度方面，間店就不知所謂，好像不怕沒有生意似的，無給水....那幾個阿姐又凶...講真，魚餅我去街市買1X元，自己煎一堆出來也可以，店提供的也是這貨色，可能香港的上網的人少煮飯?實在犯不著排隊和被她們駡去幫襯....我去對面街雄記

次次見門口好多人都放棄嘗試，今次就下午茶時段去試，就唔洗等位喇，最推薦就係我最愛的蕃茄肉碎泡飯每次想食清清地既時候第一樣就會諗起佢，佢多蕃茄加上魚湯味真係一流!!爸爸就吃馬友泡飯，不過佢試過一次就唔會再揀馬友，佢話無嘜肉食喎，之後幾次佢都揀黃立倉，如果比起我加左蕃茄既飯，爸爸呢碗就真係原汁原味的魚湯，好鮮甜好味=)最後就係必叫的小食魚餅真係好好味，不過一定要熱食，雖然會熱氣D，但係熱食真係又香又鬆，正!!!而後面的九肚角我就覺得麻麻地，太多粉，另外仲有試鯪魚球，都係推介架!!!^^"

本來開開心心放工同班同事食飯，揀左來呢度。點知食到谷鬼氣，以後都唔再幫襯！！1. 魚湯淡而無魚味，你標榜無味精都唔駛連鹽都慳呀？2. 古法豬扒- 唯一good point, 無用炸粉炸3. 米線一般最氣人係d 阿姐既態度，人地食緊野你走埋黎問都唔問下就推張檯！後來才講話隔離唔夠位，要搬入d。我地坐最入面兩位已經貼牆坐了，你做野前可唔可以睇下情況先。或者問下人先呢？俾你推一推仲整跌埋人地d 野，爛左。連道歉都無句！離晒譜！！

這天朋友臨時約我吃晚飯，地點她希望是荃灣，於是我便提議到很久沒有去過的魚鱻吃魚湯米線。剛到達的時候有數位食客正在門外等位，於是我們也拿了個號碼牌，在門外等了約十分鐘便可入座了。我選了一碗鯇魚腩米線，上檯時看到魚湯的顏色不太奶白色，聞起來魚湯的香味也不太濃，入口果然魚味也不濃，相比印象中的水準是差了的。除了魚湯之外，魚腩也算不錯，吃得出是新鮮的，魚肉的質感不會很實，當然鯇魚也不是嫩滑的魚類啦。米線煮得不錯，入口算得上是彈牙好吃，若果這個魚湯能做得濃味一點，必定會更好吃。除了米線外，還要了一碟菜心。這個油菜灼得爽口，菜心也算嫩綠而沒有渣，不錯。以這個質素，等十數分鐘還可以，若是要等得再長時間的話，荃灣還有很多餐廳可以選擇呀！

真開心，連續兩日都可以出街拍拖搵食…星期日下午近近地在荃灣食 lunch，魚魚魚是我們的不二之選。以前的魚魚魚，無時無刻都大排長龍，依家擴充了，等位時間短咗，但係價錢貴咗好多，水準更有時會大失準。但…依然是死心塌地! 我這個潮州妹對他們的潮州炸魚皮好欣賞，炸得好脆口，是每次都必選的。見好耐冇食湯飯，今次就食吓!對我這個飯筒來講，我覺得湯飯仲好味過米線呢! 但我多手加的墨丸就真係好難食，好粉!而老公今日想試魚咀…加餸的都有兩個魚咀(魚頭)，其實無乜肉食，但係真的好滑好好味呢! 魚滑都是我們的必選 item，質數keep到，非常彈牙，真材實料!而魚湯湯底呢，其實我唔係太識分係咪冇加味精的魚湯! 但味道不會似其他米線的湯底段濃味，即係鹹…食完都不會太口渴!其實魚餅都好好食架…但下次真係要醒水，揀返他們自家製的餸會穩陣好多!

早幾年公司由荃灣搬到九龍灣，已經很少去荃灣食中午，今日同男友終有機會來到荃灣食晏，當然要去我曾經最喜歡的一間魚湯米線專門店，回想起已有三年了，當時只有一間小店，依家旁邊擴充一間。來到的時侯，剛好亦是中午時份，人亦比較多，等了一會就有位，安排坐的仍然是舊店，可能只有二個人，坐在最入的一張枱，一張小枱已坐著四個大人及一個小孩加埋我倆，利害！小店真的坐得不舒服，未看餐牌前，馬上點了我最愛的魚鮫米線，而男友就點了魚鰾米線，另加吉列豬扒及炸魚餅小食。等的時候才再看餐牌，嘩！乜價錢加咗咁多，以前食好像一碗約二十多元，現在已加到接近四十元，真誇張！等了接近十分鐘，吉列豬扒上枱，咦！點解今次炸得咁燶，食落口感好乾，比豬肉乾好少少，差！再來炸魚餅，幸好，同以前一樣咁好食。到我倆的米線來了，先渴一口湯，同以前我食的魚湯米線差太遠，完全無味，只飲到胡椒味，還好魚鮫依然嫩滑。而男友的魚鰾米線，魚鰾就只得五件，乜依家魚鰾好貴咩，食落重非常鯹，唔通小店紅咗就將貨就價。男友食了一半已經唔想食。埋單接近120元。曾幾何時，這間魚湯米線是我的首選食店，現在用呢個價錢食一碗唔新鮮及只有胡椒味的魚湯米線，我諗我都唔會再幫襯

經常經過呢間野見到好多人，咁今日終於一試啦。等五分鐘就有位，但個企堂黑口黑面好似爭佢錢咁 ....唔理坐低就叫野食，舉左隻手一輪都常睇唔到，一係就話轉頭等等。到叫左野食啦，叫左個生炸豬扒米線同墨丸米線。前者個米線好快來到，但個豬扒等左好耐先有。而個墨丸米線都算上得快。咁個食物質責其實只係一般既米線，份量細同無麥味。一試個魚盪唔覺鮮甜但係就好腥，即時反胃。個生炸豬扒因為經過個腥盪既洗禮就比想像中好味，但份量真係好好好小。個墨丸只係普通貨色。總體來說唔可以話好品，什至有小小難食。

早陣子到了大窩口/荃灣一帶工作，那時天氣正熱，沒甚胃口，最後來到這家很多魚 (？) 的店家午飯去。差不多一時到達，客人川流不息，都是吃完就走的那種，所以等上不用三分鐘就有位。看店名就知道這裏主打吃魚 (後來見很多人吃炸豬扒才知道這也是名物之一)，鄙人一向好魚，在餐牌上也自然徘徊了好一陣子才能下單呀。要了一份炸魚餅湯飯，魚餅和湯飯分開上，讓魚餅的外皮不會過氣。鯪魚肉沒有腥氣，而且相當彈牙，店家做的魚餅夠厚身，吃起來就更有質感。倒是應該下了些味精，味有點太濃。湯飯很大的一碗，最後喝光了湯也吃不完所有飯。魚湯相對淡味，但又的確比其他標榜賣魚湯的店來得有魚鮮味，有人說是腥，但我對這魚湯不太抗拒的就是。隨湯飯還有幾塊吸湯的豆卜，讓湯飯沒那麼單調啦。這店以前來吃過一次，那次是吃魚腐米線，印象中魚腐的質感有點過軟，所以這次來也沒點。這裏的食物質素一般 (聞說原條魚煮的湯飯，湯頭會甜一些)，買單人均約 $40，不算貴，但也沒啥特色，所以也應該不會再來。

終於有機會試呢間炸豬扒嘩黎到, 塊豬扒真係非常薄切同細塊, 幾啖已經食完真係唔知有幾古法同有幾好味, 要專登黎食lawd 魚湯就普通, 偏淡另外炸鯪魚餅就好味d, size正常d食完, 過多2個鐘已經肚餓了

六月二十四日 (星期日)魚湯米線，我們心目中的皇者非上環的生記莫屬當然身為一個為食人，仍會不斷找尋更好的，魚湯米線也不例外到荃灣前，也到過開飯網先搜尋該區人氣小店第一版就見到這家魚湯米線專門店，評分也很高，更令我們熱切期待記得前幾年到過位於大角咀的魚鱻，仍然記得它的缽仔焗魚腸和魚湯米線相當美味，但如今已經關門大吉了姑勿論兩者有否關係，見到這好評如潮，也一定要走過來試試看來小店生意挺好的，小店也擴充了，但小店座得不太舒適而且店員談話大大聲，還以為他們在吵架，我們選位時也像被呼喝般餐牌上寫著鯇魚魚湯米線是招牌菜，就點這一碗來試另外還點了一碗枇杷豆腐魚湯米線，令我失望的是沒有魚腐呢鯇魚魚湯米線｜枇杷豆腐魚湯米線鯇魚肉質不錯，鮮味十足，只嫌肉質有點稔，有點鬆散，還是喜歡更貴價的脆肉鯇而枇杷豆腐用上魚肉茸以及豆腐做成，質地軟腍易入口魚湯米線的靈魂不用多說，必是魚湯飲第一啖已經感到不對勁，沒有什麼味道，是清湯嗎?既然是魚湯米線，必須有魚鮮味，這裡卻丁點也沒有不知道是當日水準下跌，還是本來就是這樣？如果小店不是標榜賣魚湯米線的話，也許會是一個OK評級但這卻是一家魚湯專賣店，只值一個劣評！荃灣的街坊，

一行三人到魚鱻晚飯叫了兩碗魚腐魚湯米線大家一齊share米線相當足料魚腐中有少許魚骨, 魚皮碎湯底一貫清淡一份生炸雞亦有2隻雞亦, 2隻雞小槌我覺得炸得偏乾而且唔入味, 咸味只停留在表面一碟炸魚皮普通, 脆~再叫了一碟脆魚皮幾爽脆, 不過唔夠味道

本身我又唔係食呢間咖..想去吉野家打邊爐..但收左鋪..sosad之後我fd介紹黎魚魚魚食..又係想試左好耐..期望都幾大...然而......2個字..清淡..我地叫左2個魚湯米線..餸係豬扒同魚餅我朋友食過好多次都話今次D魚湯好淡..冇咩魚味..而且有D腥..睇黎我第一次食真係唔多好彩..不過算喇, D送都好一般..好油..但魚餅好食過豬扒喎..好香..但D湯真係腥左D...好稀..好似溝左水咁X_X米線都OK..硬度岩岩好喎..食一個都已經好飽..另外..我見到d冷氣機..滴水不過係滴人地到..但係佢feel唔到既...好彩我地坐個位都ok...希望可以改善

要等好耐位下。生意太好食完服務生請你離開。叫左生炸豬扒泡飯。生炸雞奕。菜同埋可樂。豬扒真係無乜多餘油。松軟好味。生炸豬扒比雞翅出色。菜同可樂偏貴吾係好抵。間鋪頭菜單日日吾同。因為每日來架魚都吾同。有時去到都已經無得食。泡飯okay 份量大一個加小食加菜足夠二人份量。主菜價錢公道。

之前黎食呢間野 成日要等位 ..咁岩呢日去到唔洗等 兩個人去食坐低又係例牌.. 炸豬扒魚湯米線, 炸魚餅魚湯米線.加一碟生菜味道不變...但炸豬扒好似薄左 魚餅林左d 不過都好好味!平時食開泡飯...今日想食下米線 都唔錯...食過咁多次 開始懷疑有冇落雞粉/味精...搞到我食完去坐車 未詆過口 明明等緊車 都要跑去7-11買支水..不過整體來說...還可以吧

第一次來呢度食係bf帶我來食ge ,之後來親荃灣都會諗起呢間, 呢日我就帶左個朋友來試下:- 招牌魚腩湯米線 – 呢間用魚湯為主打的食物, 厲害在於佢無魚腥味,有湯飯湯米線任君選擇。呢個魚腩米線次次來親都話買晒, 呢日終於食到, 不過同魚片其實無乜分別, 當然都係好鮮甜ge ^^- 招牌魚滑湯米線 – 呢個朋友都話好好味, 佢話米線夠彈牙, 配菜亦好爽口, 魚滑夠新鮮, 雖然我無試到, 但見佢臨尾將d 湯同料都食到一滴不留, 我諗應該真係好好味 - 吉列豬扒 – 係呢間食過最好食ge野應該係佢, 佢地係用好幼的面包糠來炸,用的係薄豬扒, 脆得來又可以鎖住豬扒的肉汁，超讚!