魚鱻魚湯專門店

營業中

休息中

今日行開到荃灣所以係度搵野食魚鱻俾個名吸引左入去分別叫左一個炸豬扒 魚湯飯 同 炸魚餅魚湯米線先講魚湯有魚味新鮮不過吾夠濃 適合怕鯹既人試炸豬扒又幾好食 粉吾多 值得食炸魚餅 彈牙 好有鯪魚味 呢個都係推介最後炸龍鯏球 炸得幾滑不過無咩驚喜下次會返黎試鮮魚湯飯 好似幾正～～

因為荃灣太多好野食 今次我終於的起心肝食佢是日下午 我等左3,4張飛就可以入座啦 (比想像中快)叫左腐竹魚湯米線 另加炸魚餅 整豌穩約記得大概$40左右炸魚餅熱騰騰 外皮香脆 而且佢地已經預先幫你切開2舊 幾貼心~雖然娃娃菜同豆卜都係配料 但都幾足料首先即刻試一啖湯底先 魚味太淡 菜既甜味已經蓋過左僅僅有既魚味令到米線都變得比較淡口 腐竹都算香滑 雖然魚湯底沒有我想像中濃郁 鮮甜但炸魚餅令我有意外既驚喜 希望下次有機會再吃的時候 湯底會做得更好

放學去左路德圍食飯經過魚鱻魚湯專門店 聽朋友介紹佢既魚湯米線好正 加上小豬好鍾意食魚 所以一於入去試下叫左3個1. 招牌炸魚餅魚湯米線2. 招牌魚滑魚湯米線3. 蕃茄肉碎湯飯小豬係叫左第一個 一飲個湯就飲得岀魚既鮮甜味 朋友最後連個湯都飲晒🙈🙊魚餅係新鮮炸 好脆鍾意魚既朋友可以一試 

荃灣路德圍是美食的集中地，米線店更是多不勝數。這間魚鱻（音義同「鮮」）鋪位的面積橫跨約兩個小鋪，在門口可以見到阿姐埋頭處理魚肉，像是默默當著眾人宣示自己的真材實料。之前看這裡的食評，大多覺得這間店的出品今不如昔，已有一定的心理準備。看過餐牌後，「古法吉列豬扒」一道菜吸引了我的眼球，究竟是如何「古法」？不一會，這個吉列豬扒泡飯就來了。豬扒是普通的尺寸，不很大塊，已切開，有薄薄的五小塊肉。豬扒表面沒有甚麼炸粉，與自己一向認知的「吉列」有所不同。豬扒不算油，為它挽回了一點分數，只是很懷疑這種豬扒還靠算不算是吉列豬扒……說回鎮點之寶──魚湯底，的確是清甜鮮美的，個人不太怕魚腥味，故認為魚味還可以再濃一點。泡飯內有少量蔬菜和豆卜，豆卜吸收了魚湯的鮮味，非常好吃。整個泡飯都給人十分安心的感覺，不用怕喝了味精湯而口渴，就像是在吃媽媽親自為你煲的魚湯一樣。當然，我相信媽媽會放更多材料，味道更濃一點啦！補充：隔了數週，再次光臨。這次試試他們的招牌魚腩米線。水準與之前的一致，魚腩有六小片，對於喜歡吃魚的我覺得不是太夠，不過鯇魚腩配合鮮魚湯底真的美味。湯底一飲而盡，剛好夠飽，作為午飯實在是不錯的選擇。重要的

星期日三,四點諗住同男友去食碗下午茶,見到評語話好好味,見到間野成日都要排隊,諗住都應該會好好味,點知一坐低左叫左碗魚餅米線,同埋一碗魚腐米線,飲頭啖湯原來淡到一D味都無 ,點解會叫做魚湯專門店?!成碗清水咁就比人食,我同男友於是自己加豉油,胡椒粉同辣椒油先叫做自己調返D味,如果我一開始食就要自己調咁多味,碗湯先唔會水咁,咁不如你唔好話自己什麼魚湯啦~成個餐成到一肚氣~以價錢同哩碗野既質素我就覺得完全唔好食,簡直浪費左我肚既空間,都唔知點解仲可以咁多人食?

今日我最鱻! 以前不認識就會讀作魚魚魚，「今晚食魚魚魚囉!」現在知道讀「鮮」，依然說「食魚魚魚」無論lunch hour抑或是dinner time，這間有三個舖位的小店都大排長龍，點解? 大家都衝着無味精，超新鮮而來今日我們都點魚湯泡飯，魚湯比上次來是更濃（其實只是上次是偏淡的），我們分別點魚滑泡飯、枇杷豆腐以及古法吉列豬扒泡飯，（經過觀察，要泡飯就只有幾粒豆卜，如果要米線，就有菜啦）再加半打炸餃子湯固然okay，就算有味精，我們都一致認為味精的份量好少，所以咕嚕咕嚕就把湯喝大半碗，魚滑大概用了胡椒粉醃過，唔腥，而且有咬口，鯪魚肉打得好滑，唔鞋枇杷豆腐同樣好滑，而且豆腐比例上較多，我最喜歡啦!這裡的古法吉列豬扒也不錯，豬扒薄身，肉質偏軟，味道好好，今日略為過左火，燶左少少最後就是半打炸餃子，裡面都是韮菜和椰菜，有些少肉，感覺都唔算好油膩

以前每個月總會嚟幫襯一兩次，因為某啲原因有好多個月冇嚟過，今日下午去到荃灣唔知食乜嘢好，就決定再去食！以前每次食都一定會叫魚腩,魚較之類嘅鮮魚食材，今次因為又想食佢哋嘅魚餅又想食佢哋嘅吉烈猪扒，所以就唔再加其他鮮魚配料，只係叫咗個吉烈猪扒米線加魚餅小食 (其實反轉嚟叫魚餅米線加吉烈猪扒小食都一樣)。魚餅同吉烈猪扒都係炸嘅，所以會用碟載住同米線分開上。魚餅同吉烈猪扒嚟到嘅第一個感覺就係份量細件咗，食落仍然保持原來嘅水準，都炸得好好。魚餅表面有啲脆而不燶，魚肉打得好好，有𡁻口有鮮味。食魚餅我都鍾意點佢嘅辣椒油，又香又辣配魚餅一流。吉烈猪扒係我嘅至愛，吉烈皮唔似普通吉烈猪扒咁厚，只係簿簿脆脆咁一層，如果猪扒可以切厚身啲會仲好。佢哋仲有一款古法炸猪扒，我覺食落差唔多，只係冇咁脆。個米線份量同以前差唔多，菜比以前多咗少少。米線冇以前咁滑，咬落仲有啲硬。成個米線嘅重點其實係個魚湯，但今次令我好失望，已經冇咗以前嘅鮮味，我一直都唔加胡椒粉，但係飲咗兩啖湯之後都係要加啲胡椒粉，希望提升吓佢嘅鮮味，但係作用唔大，我唔肯定係唔係同我冇加鮮魚配料有關。以前都會將啲湯飲晒，但係今次冇！本來冇諗過要寫呢個食評，

標榜鮮魚湯底，有原條魚，魚標，魚尾...任君選擇，唔識lur骨唔好亂試啊！招牌炸魚餅?! 又唔熱又多骨，細件得可憐，加左價但細件左，當食客係水魚咩！過隔離街篤魚旦好過啦！米線好似塑膠條咁，湯又淡到不得了，似溝左水咁-_-

話說個日系星期6，同呀媽行完葵芳之後去左荃灣食野 ，我地就食間魚魚啦 之前我反學年代 我系大角咀都有同同學食個依間野 。由於我本人勁中意食魚類既食品。我今次就叫左魚餅米線 呀媽就叫左豬扒湯飯，媽果個豬扒湯飯份量比較少d ，反而我魚餅米線份量比較多 ，同果個炸魚餅都幾好食 系用鯪魚肉整既。

收左工6點幾約左友人食飯，可能仲早，所以唔洗等就入得叫左吉列豬排米線加魚尾（＋＄12)多蔥佢D魚湯其實對比起條街其他米線店係淡D，但係食左幾次之後又習慣左，覺得幾好飲，最緊要飲完唔口乾，唔會好似飲味精湯咁！吉列豬排同生炸豬排，我都係鐘意前者，可能脆口D黎到次次都加魚尾，個人喜好以後去個邊淨係想食依間，因為有唔係浸湯既料，而且價錢唔算貴，又好食病左去食依間清清淡淡又得，平時食亦好鮮味！！

 堂食環境比較擠迫，所以只能買外賣回家食, 印象中外賣等候時間比堂食快唔係好明白點解叫古法豬扒，其實豬扒都係平時嘅吉列豬扒，不過個金黃色嘅皮好爽口,豬扒有少許肉汁我比較鍾意個魚湯，一打開個外賣就聞到香噴噴嘅魚湯, 清甜，開胃，一向不吃魚湯嘅我(因為怕腥),都係因為呢間食店嘅魚湯令我破誡

聽講個魚湯好正, 就去試試 啦個場十分簡陋 , 當佢地道吧 !叫左個生炸豬扒米線   碎上 好大件 豬扒炸到岩岩好 是即整 唔會好硬  入口好鬆化 好味! 但個湯就真無咩味. 好似飲緊有魚味己既水咁 可能D唔夠料!! 米線軟硬適中都OK魚湯無魚味, 比較失望啦 就算豬扒好好食, 都未必再去啦 沒飲品都要約$40 算貴

好中意食魚,一向都有幫襯依間,幾個月都會去食一次。每次去都必叫魚腩米線, 中意佢湯底夠甜有魚味,每次都會飲晒;另外炸魚餅同潮州炸魚片都係最愛, 脆卜卜好好食。不過D員工態度唔好就係人都知架喇, 但想食都冇計 都會去照食。點知今次去食真係食到一肚火, 等位10分鐘左右都可接受,唔算耐,我同男友兩個人入到去搭一張已有兩個人的台, 坐低冇耐又有一對情侶坐埋黎。好, 我地兩人每人叫左一碗米線, 男友食完, 我仲有少少未食晒就拎個手機出黎睇下按下(仲一邊食緊), 點知個呀姐就突然大大聲係到鬧我地,佢話: 你地食完就好走啦, 出面大把人等緊!  我當堂呆左,同我地同台早過我地黎果PAIR人都仲食緊, 真係好嬲 果下完全俾唔到反應。呀老闆, 唔該你見到依遍食評真係檢討下,我係客人, 而家黎幫襯你仲要受你員工氣?你唔想做生意你就出聲, 我自問入左黎食都唔夠1個鐘就俾你地趕?你係咁巴閉既不如就係人入去之前講明每位限時食幾耐啦,而唔係咁樣去趕人走鬧人囉!!有時間就教下D員工呀姐啦, 一個二個冇禮貌,我食你三幾十蚊唔需要你好好服務, 但基本對人尊重都要有啦? 好食唔係大晒, 你地再係咁差態度冇

事隔一段時間，第二次再來魚鱻魚湯專門店。用膳時間正值lunch時段，店內尚算滿座。我們一行三人，只等了約莫一分鐘時間便能進入店內。店內環境不算充裕，一張大飯枱便能容納四五人。餐牌種類尚算可以，都係以魚類製品為主打。滿心期待當然是濃濃的鱻魚湯！由於不想吃米線的關係，便點了碗生炸雞翼魚湯泡飯。盛惠31蚊，價錢在區內算是可以。等了大概不到十分鐘的時間熱騰騰的泡飯經已送到，果然魚湯不及以往濃郁，有點像溝了水的感覺。泡飯份量亦算大碗，生炸雞翼不俗！香脆可口。吃到最後，店員站在身後，有種想你吃完快點離開的感覺，這種壓迫感不太喜歡。題外話：店員果真服務欠佳，但只能安慰自己，我是為食物而來！！有機會會再一試！

返工lunch 搵野食, 見有人等位應該幾好食. 但係好失望呀！魚湯米線冇魚味都算嘞. 個湯底好似水甘淡…我未試過食米線要落豉油囉…下次都唔去嘞…都唔明點解仲有甘多人食…