魚蛋佬

營業中

休息中

太安樓嘅野食，出名平靚正，一場嚟到又點可以唔食埋呢間出名抵食嘅魚蛋佬呢，雖然佢細細間，唔多顯眼，不過都幾多人排隊架。我地就揀咗魚蛋同埋魷魚。一串五粒魚蛋賣6蚊，而魷魚就賣8蚊，市區嚟講，呢個價錢都算唔錯架喇。佢嘅醬汁都幾多，一層厚厚咁包住粒魚蛋，一拎上手就係咁滴。唔食得辣嘅我表示，好蠢咁樣一大啖咬咗落粒魚蛋到，點知辣到hihi⋯⋯ 魚蛋唔算彈牙，但醬汁好惹味、甜中帶辣，最正一定係魷魚，口感爽滑，幾蚊就有一串，抵食！

魚蛋哥🗣你真係好難搵呀！行左三個圈終於搵到啦！位於西灣河太安樓一角不起眼嘅小店，好多人推介話必食去到唔洗排隊，可以即買即食！買左4串魚蛋同3串齋。雖然只得一個醬汁選擇，但個醬汁超好味，係老闆秘製嘅咖喱汁，味香帶少少辣，質地濃厚，怪不得可以一汁走天下。魚蛋爽身彈牙，好有口感。齋老味吸哂醬汁嘅味道，食果時入口充滿香濃咖喱汁，真係令人齒頰留香，回味無窮。街頭小吃都咁有水準睇黎香港人對食物嘅要求越來越高啦！

I always feel hungry after work. Therefore, I went to 魚蛋佬 to taste their m fish balls. I made an order and paid while I was taking on phone. I put one dollar coin and five dollar coin on the plastic table or shell. The male staff accidentally pushed the one dollar coin into the rubbish bin. I picked up the coin from the rubbish bin immediately. However, the staff condemned me and said rudely "you treat me like a beggar." It was because I put the money on the table instead of his hand. I could no

今日約左朋友到西灣河打波，開波前先食小食醫醫肚，於是就相約去太安樓掃街覓食。我地點咗四款小食:魚蛋: 口感比較淋，無彈牙感覺牛丸: 街上買到的大眾丸類，口感都是和平時的一樣魷魚/牛栢葉: 本身無味，吸了咖哩汁便惹味其實個咖哩汁是靈魂，很香濃帶少少微辣，為平平無奇嘅食材加添了獨特性。

經過太安樓香港而加她少有呢d甘集中特色架食物一條街仲要系以台灣小食為主馳名鷄蛋，蛋撻，車仔面經過呢間，見甘多人排隊，加入埋六元五粒沙嗲味好濃，同印呢果d有差別不過好吃，魚味農缺點就系汁會滳，容易整度衫

好鍾意太安樓呢個地方，雲集咗多間小店式食肆，食物都係外賣嘅小食為主，咁就可以一口氣掃幾間，感覺就似香港版嘅士林夜市咁。聽過人哋話魚蛋佬嘅醬汁唔錯，甚至比食物本身仲出色。不過之前唔知係唔係因為太夜嚟定其他原因，每次都係閂咗門嘅，呢日早咗少少嚟，咁就買咗一串魚蛋食下，六蚊有五粒都算係平。魚蛋中等身形，食落比較軟綿，冇彈牙口感，但質感唔錯。醬汁濃稠同埋均勻咁沾晌表面，微辣惹味，食完都冇太重嘅口渴感，唔算非常出眾，但過一過口癮都唔錯。

每次去西灣河都一定一定要去太安樓掃街，嗰度簡直就係港式夜市，小食飯甜品應有盡有，總之你諗到想食嘅都可能搵到…去咁多年，有一家老店係大口必食嘅店舖---就係魚蛋佬嘅牛丸香腸同齋喇! 佢嘅秘制醬汁(我唔覺得係咖哩，反而味道近似沙嗲多啲!實在係無得輸，呢個時候你一定要點一份齋，點解?因為齋可以將所有嘅醬汁吸盡，一咬下去，所有醬汁湧入大口口中太爽喇!!!! 除咗醬汁，不得不提佢地嘅牛丸。佢地嘅牛丸好有咬口，咬下去會覺得好juicy唔係平時嗰啲低質空心牛丸，再配埋秘制醬汁，簡直一絕。真係諗起都好想再食….

太安樓係港島美食既寶庫，淨係小食店已經有五，六間以上，但係由細到大，只有呢間係我不離不棄 ，仲要係我心裡面三大小食店之一，食足十幾年！先講門面同環境，真係唔好有任何期待買完仲要企係垃圾堆到食！而店員就串串烘咁但係就係呢種亂糟糟既感覺，小食店先至有親切感仲記得以前仲係用小販車擺賣，宜家已經進化到有招牌重點推介我個人最鍾意食牛丸～牛丸本身大大粒, 爽口彈牙！而佢個特製醬先係呢間店既鎮店之寶，沙嗲醬既狂野加上咖哩既瘋而不癲！滲透牛丸每一部分！堪稱美味的暴力！齋串，吸收左120%既特製醬，美味程度亦隨之急速上升！可惜係牛柏葉面對二大鎮店皇者，無奈往往令人失望，牛柏葉堅持拒絕吸收特製醬汁，味道淡而失色埋單20蚊

一直都想黎呢邊掃下街，但我係新界人，真係覺得有多少遠，上月底襯咁啱要過海，就決定點都要過黎太安樓掃下。因為當日都落幾大雨，所以基本上唔係好多人，想食嘅檔都唔洗排隊。因為午餐唔係食左好多野，所以即刻整幾串小食食下。魚蛋佬喺正門口位，就呢度啦。中大伏啦，魚蛋佬係咪都起碼要唔難食先對得住魚蛋佬嘅名(?)魚蛋 $5/串都唔知幾耐冇見過得5粒為一串嘅魚蛋，貴就唔係想話貴，但真係好一般。魚蛋質感唔好，鬆拋拋(唔等如彈牙)，唔爽口。唔知係咪落大雨唔算多人買，浸脹、浸淋哂。仲有，明明點左咖哩味，咩事係完全冇味？喊出黎…牛栢葉 $8/串冇乜特別，冇魚蛋咁伏。腸仔 $3/串，叫左兩串都冇心機影了，都係冇乜特別，最主要係冇味。

來到西灣河太安樓，朋友說絕對不能錯過這裡魚蛋佬的咖哩魚蛋，便宜不在話下，最重要是好吃。去到魚蛋佬看見滿滿的人潮，店面雖小，但都無礙食客們排隊的熱情。愈靠近魚蛋佬就愈聞到其濃郁咖哩香氣。魚蛋口感滑彈好吃，而且非常入味，帶點微辣香醇的咖哩汁相當迷人，值得一吃。魷魚相當爽脆，沾滿惹味的咖哩汁，同樣出色。

魚蛋五元齋四元牛栢葉七元魚蛋又軟又淋彈我喜歡這款多過硬邦邦的陳皮魚蛋特調沙爹醬汁好惹味 入味又平又好食怪唔之得咁多人排齋甩晒出黎 要自串黎食齋軟淋淋的 一般齋件麵筋味但索晒醬汁又係好正牛柏葉都爽 但偏大塊食起黎D汁好易彈到衫 要小心同埋牛栢葉反而味道較淡掛汁力弱 有點失望

一般在香港隨便「吉串魚蛋」都八九塊錢這間位於太安樓的小店只需七塊錢就能吃到好料 排隊一下也在所難免 牛柏葉與魷魚 7@1當天和朋友點了兩款老闆娘相當大方 只要你點餐沒要求少辣或少醬料她就會把整支煮好的串串掉進沙嗲醬裡面牛柏葉掛汁力驚人 拿到手之後沿路滴了好幾十公里（太誇張）害我都不太好意思 只好站在垃圾桶旁邊吃雖然只有兩塊 但都是大塊紮實爽彈相比朋友的魷魚更推薦牛柏葉以上

牛栢葉 ($7)...平常都只是吃這店的魚蛋，這次試一試牛栢葉。的確不算便宜，但比起他的魚蛋無疑更出色。牛栢葉爽脆，即使較肥厚的位置都是一嚼即爛，加上無可匹敵的沙嗲醬汁，整個就是好吃。

太安樓大家都可能去過喔！不過希望大家如果去開太安樓就去支持吓「魚蛋佬」！一間細細既鋪頭十幾年前就已經係到啦！食物既種類都唔係好多(齋、腸仔、魚蛋、牛丸、魷魚、牛柏葉)！不過我最鍾意食齋，因為佢個汁真係好好食！個汁比較深色有少少辣，不過會越食越想食呀！我分開左三次食左五串齋，老闆問我做咩只係食齋其他野都好好食呀！我其實係為左個汁呀！其實好多年前我都有食過其他野呀！不過之後因為個汁只係食齋！大家可以食吓魚蛋同魷魚呀！魚蛋就一D都唔粉既，魷魚就好新鮮！不過。。如果可以就咁買汁就好啦！老闆話個汁起碼要烹兩個鐘呀！比曬D心機係到唔係話要搵大錢，其實背後都係為左一個家！

唔知點解我成日去佢都冇開 今次終於俾我試到佢魚蛋幾爽口 唔會成口粉 不過就冇乜味 味道全靠佢個勁好味咖喱汁咖喱汁係偏甜帶少少辣 食完會上癮 見佢個咖喱汁咁正 梗係要叫番串齋食啦熱辣辣 吸唒d咖喱汁 係個口一咬爆唒汁 好juicy*我都唔知佢邊日開幾點開 所以要食就要碰下運氣