魚蛋佬

營業中

休息中

講到掃街，點可以唔提太安樓呢，而喺太安樓有一間最出名歷史悠久的小店，每次去都大排長龍，正正就是這一間魚蛋佬。今次專登吃了魚蛋、牛柏葉、齋、牛丸及腸仔。個人來說10分推介齋，因為他吸收了極多香濃的醬汁。其次推介魚蛋同樣10分好吃。

呢間嘢啲秘製醬汁簡直一流，去咗太安樓，都會忍唔住要買一兩串，過下口引,。秘製醬汁應該有沙嗲同辣椒，甜甜辣辣的，好有層次，令人食完又想食。初初食落唔覺得好辣，食完先覺厲害，要去隔離食多碗糖水解辣。今次冇食牛丸。叫咗魚蛋($6）、齋（$6）、同腸仔（$3）。只係15蚊。齋係必食推介，因為能夠吸盡秘製醬汁，醬汁係口入面爆出嚟，嗰種滿足嘅口感，非筆墨能形容！腸仔煑得太淋，似豆腐多啲，冇咬口，個人都係鍾意炸腸仔多啲。魚蛋質地冇乜特別，佢冇幫我點夠醬汁。你知咖哩魚蛋唔夠汁就唔好食㗎喇。職員姐姐一如既往的，好有霸氣。係對自己食物嘅信心表現吧！

相信各位住西灣河嘅街坊, 都唔會唔知呢間魚蛋由佢一開始推車仔賣到而家入咗舖,都係好出名嘅. 魚蛋佬可以話係我住咗喺呢頭咁多年, 百吃不厭嘅一間小食店. 呢度主打嘅係佢嘅咖哩, 選擇唔算好多, 有: 齋, 魚蛋, 牛丸, 牛柏葉, 魷魚, 腸仔.... 近年嚟仲有埋芝士腸添!! 雖然近年真係加價加咗好多, 不過都係每次經過, 如果見到唔多人都會買嚟食, 我最鍾意嘅就係佢嘅齋同埋魚蛋啦!!! 啲炸咗嘅齋索曬啲汁真係好惹味呀~~非常之邪惡, 反而魚蛋就唔會好掛汁 夏天嘅太安樓真係好熱，所以通常我都會買外賣返屋企食 ，建議如果大家經過見到冇乜人可以試下呀😍齋 $6魚蛋 $6

如果要我揀太安樓邊一間最好食，我會揀魚蛋佬🤣🤣🤣 個人好鍾意食港式嘅小食，平常篤一串魚蛋都已經好正最特別嘅係佢哋嘅秘製沙嗲醬，我食過好多間唔同嘅沙嗲魚蛋，都係覺得魚蛋佬嘅沙嗲醬最好食🤤🤤🤤🤤🤤 有好香嘅花生味，辣得來又唔會好”確”喉，鹹鹹甜甜配上魚蛋就最正😋 平平無奇的魚蛋，配上超好食嘅汁，就好似賦予左靈魂一樣，搞到停唔到口😍😍🥰🥰除咗食魚蛋，之外我仲會叫牛柏葉，本身無味嘅牛柏葉索晒啲汁一樣好好味

🥢筲箕灣太安樓濃汁咖哩魚蛋面筋黃店🥢其實今次係第一次去傳說中的美食集中地太安樓，梗係要掃下街睇下有咩好食，見到有間咖哩魚蛋大排長龍，一定有好野🥢咖哩魚蛋一串六粒$6而家食魚蛋仲有$6串真係抵，魚蛋彈牙又夠爽口，仲好有魚味，真正真材實料，咖哩汁入曬味🥢咖哩麵筋齋一串四件$6麵筋索曬咖哩汁，一口咬落去咖哩汁係口入面散發，是傳統的咖哩魚蛋汁，夠曬濃味🥢美味的舊式秘製咖哩汁，加上爽彈魚蛋，六蚊雞良心價錢，難怪大排長龍，而且店家為保持衛生問題大大隻字寫明買魚蛋一定要戴上口罩買，否則唔賣俾你，如果真係無口罩會送一個俾你，真係好好

今日難得放工早咗，決定去遠少少幫襯香港人的小店！今日3:20先開店，咁就等一下吧！到差不多時間就去，竟然有好多客人排隊，真好！這裡的食物簡單，是香港式小食。有魚蛋、牛丸、芝士腸、腸仔、齋、牛柏葉等，點上自家製作咖哩汁。服務哥哥招呼都幾好，勤快友善，好用心幫客人準備！魚蛋有5-6粒，都好軟好香，一口一粒，配上這個咖哩汁辣辣香香好惹味！齋都有3-4塊，好有口感入味，配上咖哩！喜歡香港人的堅持及支持！大家加油

沙嗲汁魚蛋好正 好好食超級黃店 我今日食果陣勁多人排隊 老細係後生仔到我果陣問我:係咪大學生 我唔小心答左係 之後佢話請我食 唔收錢btw 早知唔講係大學生 佢唔收我錢下次懲罰佢個陣記得唔好自爆

難得黎西灣河，朋友帶我黎太安樓掃街～佢話每次黎必食一串齋，我就揀左牛柏葉～個汁幾好味，辣辣地掃完街再買黎返左幾串，帶返屋企同屋企人分享～～～呀姐同呀哥都有笑容，態度幾好👍👍👍👍👍👍

Best stall in 太安樓, definitely. Beef balls are amazing, as is their sauce. Strong support for democracy as well--you can't beat this place. I'll keep eating here for years to come.The stall is classic Hong Kong style, everything is local and delicious.

未聽過西灣河，都應該聽過太安樓🤣太安樓真係好多野食，愈來愈多元化，有好多新店進駐。有時未到食飯時間，經過都可以買啲小食，又唔會太過飽土🤣雖然有好多新店，不過有一間老店開咗十幾年，細細個已經開始食佢嘅魚蛋🍢呢間魚蛋佬個重點係食個汁，有魷魚鬚、牛柏葉、牛丸、魚蛋、腸仔、芝士腸同埋齋。魚蛋如果你係同旺角比，係貴左少少，不過嗰陣真係無人能比👍🏼今次就食咗魚蛋($6)同腸($3)，一串魚蛋有五粒，夠彈牙👍🏼

太安樓內充滿美食已是街知巷聞的事，不論在網上還是在電視上都看到人很稱讚這一間鋪頭的小食。餐牌上看到食物款式頗多價錢便宜。一次過吃了魚蛋和牛丸。醬汁非常香濃，所以馬上添加買了牛柏葉和魷魚。

經過太安樓，想食少少野，一入去就係魚蛋佬，見到有啲人在排隊，排我前面的食客都買兩串即食，食完一串先攞另一串，之前又聽聞過呢檔啲魚蛋幾好食，就排隊買左串魚蛋食，真係ok好食啲醬汁，這醬汁真的得重要😆。

魚蛋佬唔好以為最出名係食魚蛋，如果你咁諗，就大錯特錯 . 因為之前上網上睇過介紹,沙嗲齋最出名和同多人推介, 因為佢嘅沙嗲汁好香，是那種香濃偏甜沙嗲醬，而齋係經油炸，表表皮脆脆的 特別容易吸汁，當食沙嗲齋時，你會食到沙嗲齋吸晒大量沙嗲汁，成口就係濃濃香香的沙嗲味 好讚 ！ 所以呢度最出名嘅係佢嘅沙嗲汁醬！ 魚蛋方面係唔屬於彈牙 亦食唔到魚味，魚蛋出名 只不過係魚蛋上啲沙嗲汁令到魚蛋變得好香濃。 所以我覺得沙嗲齋比魚蛋更好味，因為沙嗲齋掛汁能力更高！ 平平地 食返串都吾錯😂

次次經開西灣河都要黎吉番串魚蛋，皆因佢永遠毫不客氣咁落好多秘製沙嗲醬汁，贏就贏係佢個醬汁方面，配牛柏葉，魷魚同齋呢三款，完全吸曬佢個醬汁精華，佢個醬真係食過番尋味，價錢方面最貴都只係$9（牛柏葉，魷魚）最平腸仔$3巳經有交影易，平價醫肚之選！

見到好評都算多， 琴日就去試下食， 啲野食只系一般， 價錢都可以接受， 不過個嬸既態度真系不得了！見到comment都有講呢間鋪啲人既態度都系有問題， 我十分贊同， 我唔會再幫襯！前面有個人買左野食， 擺左啲錢系個透明膠架上面， 其實個阿嬸唔得閒收錢， 佢比完野食人地就問下一個要咩， 到我女朋友買既時候， 同樣諗住擺系膠架上面， 點知個阿嬸鬧人， 你唔識睇字啊？唔好擺啲錢系上面啊（有個膠牌寫左），乜你地咁無禮貌，不斷咁鬧， 在旁既我聽到都忍唔住出聲鬧佢啦， 佢話以后唔賣比我wo... 雖然我地系有唔岩， 都唔洗用呢啲咁既語氣鬧人，你覺得你間鋪有什麼了不起？我會再幫襯你？食你幾十蚊野要受你既氣？如果做到咁厭世， 我勸店主執左佢啦！各位唔想受氣都避免去幫襯！真系好嬲！