37
3
3
港鐵西灣河站 B 出口, 步行約3分鐘 繼續閱讀
開飯介紹
魚蛋配上秘製沙嗲汁,辣中帶甜,十分滋味。而魷魚和牛柏葉也很受附近街坊歡迎。 繼續閱讀
付款方式
現金
其他資料
酒精飲品
外賣服務
加一服務費
食評 (57)
等級2 2021-03-09
317 瀏覽
西灣河嘅太安樓出晒名多野食好多年前嚟過掃街 對呢到一直念念不忘可惜地點實在離我太遠 所以一直都未有機會再嚟咁啱呢日同朋友喺小西灣行完山就決定嚟呢度搵野食補充體力🐒呢檔魚蛋佬係我一直都記得嘅無論沙嗲醬定魚蛋都非常出色憑住幾年前模糊嘅記憶 終於搵得返佢喇🤩舖頭細細間 Keep住都有人排架 不過唔洗擔心 都會好快買到🤣嗌左一串魚蛋一串齋 ($6+$6)沙嗲醬好香好濃 有花生香 而且唔太辣魚蛋都幾彈牙 齋就吸晒啲醬嘅味道 兩樣我都好推薦隻醬真係第二到食唔到嘅香同好味性價比超高 食完真係好滿足! 繼續閱讀
(以上食評乃用戶個人意見 , 並不代表OpenRice之觀點。)
鍾意掃街既你隨左葵廣,你一定有聽過太安樓,今次介紹既係太安樓我最鍾意既一間小食。每次去幫襯都係同一個姐姐開鋪,佢話有好多人係網上知道佢地間鋪特登黎幫襯,講緊既唔係香港人而係其他黎香港旅遊既人,最多人係台灣人,仲有其他咩國家既人都有。老細係早年西灣河碼頭擺車仔檔賣腸粉同糯米飯,之後搬到太安樓賣魚蛋,最初無店名,係第三代蔡先生接手之後先改名做魚蛋佬,呢家已經有40-50年歷史。呢度主打就係香港人最地道既小食魚蛋,配上佢既秘製醬汁,隨左魚蛋佢既牛丸、牛柏葉都係好好食,都係配同一種醬汁。-1️⃣ 魚蛋 💰6 (👅: 8.5/10)我係幾年前幫襯都係6蚊串,到呢家都係6蚊無加過價,呢家係香港要搵6蚊串既魚蛋已經好難,仲要係好食既就可能得呢間。秘製沙嗲醬汁,食落係好似沙嗲同咖哩之間,辣度係小小辣,唔食得辣既人可能會有小小吃力,出邊食到既汁多數係死辣,一係唔辣 ,我覺得呢個完全係恰到好處,除左辣味仲有小小甜味,食落似係花生帶出黎既甜味,會有小小炸蒜粒,非常惹味。老闆娘話係秘製所以無講個汁係用咩材料,淨係話係沙嗲汁加十幾種材料。魚蛋唔係陳皮個種,口感彈牙爽口,一D都唔粉,有魚味,食落個醬汁入味,大細適中,可以一啖一粒,唔係發脹變到好大個種。-2️⃣⃣ 牛丸 💰9 (👅: 9/10)牛丸雖然得三粒,但佢係我食過小食店既牛丸大細最大,口細一啲都唔可以一啖食哂。食完肯定係我食過最好食既牛丸,因為佢非常爽口彈牙,而且唔知點解三串小食,牛丸個串特別吸汁,所以食落都特別辣。-3️⃣ 牛柏葉 💰10 (👅: 8.5/10)牛柏葉口感超級爽,以前食過咁爽既係朗屏個夜市,之後係街邊就無再食返,呢串幾爽度有得同朗屏比。牛柏葉依舊索醬入味,可以食得出無醬個牛柏葉本身無味,個醬令佢變成一個美食,而且好大串,有特別剪開左三舊方便一口食。-🌟除左魚蛋、牛栢葉、牛丸,仲有魷魚、腸仔、齋,齋都係老闆娘推介,人氣之選。幫襯過就會發現一件事,就係佢地既竹籤尖個邊係比人手羅個邊,老闆娘話咁樣一黎尖個邊唔會吉到人個口,二黎個膠袋唔會比尖個邊吉穿,真係好細心。-👅味道: 8.5/10🍴環境: 6.5/10💰消費: 25 (服務費: NA) 繼續閱讀
(以上食評乃用戶個人意見 , 並不代表OpenRice之觀點。)
又係太安樓買完去公園食晚餐系列再再講多次 太安樓真係好多嘢食!!!次次經過都總有5-6人排緊隊但次次都捧住緊個肚 食唔落襯有一次口痕 就一人篤一串魚蛋🍡果然 次次都有人排隊係有原因嘅雖然本人鍾意食陳皮魚蛋多啲 而佢唔係佢係用唔會越煮越脹果啲魚蛋細細粒 一啖一粒而且都算彈牙 口感唔錯再嚟就係醬汁方面佢嘅秘製沙嗲醬我覺得好好味😋好濃味 但又唔算辣直頭想問吓有無沙嗲醬賣🤣價錢又唔太貴 $6有5粒絕對可以翻兜!!!沙嗲魚蛋 (5粒) $6 🙆🏿‍♀️ 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-26
245 瀏覽
小時家住西灣河,行經太安樓一定「扭計」要媽媽買魚蛋食,當時還是推車檔。今天駕車駕過,泊正係門口「吉」兩串。魚蛋佬已搬了入舖,由魚蛋佬的兒子經營。要了兩串魚蛋兩串齋。講真,香港成千上萬的魚蛋檔,都是麵粉制成,重點是醬汁。魚蛋佬的醬汁十年如一日,但好的東西就是歷久常新下可以維持不變而且有生意。特別是齋,因為將醬汁吸入齋內,放入口時,醬汁湧出來的口感,是難以形容的滿足。所以,齋反而是我推介的重點食物。提一下,魚蛋佬在上年曾作義買,捐錢俾612,如此有心黃店,香港人應該要去支持下。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-11
198 瀏覽
我繼續在「西灣河」食街「太安樓」裡面一邊「掃街」,一邊慢慢等候晚餐時間來臨,期間我在「太安樓」往「香港電影資料館」那一邊位置,光顧港式小食店「魚蛋佬」,購買了一串「魚蛋」。「魚蛋佬」店舖實際規模其實非常之簡單,入面只有狹小的空間,放置了一個看似是雪櫃的物體,方便店主一個人在裡面工作,和製作售賣「魚蛋」食品給食客享用。「魚蛋佬」裡面的「魚蛋」口味屬於「沙嗲」,「沙嗲」醬裡面的辣味固然濃厚,但是其實「沙嗲」醬的辣味裡面,原來還有夾雜少許來自「花生」的甜味。至於「魚蛋佬」製作的沙嗲「魚蛋」實際口感方面,沙嗲「魚蛋」一串有五粒,「魚蛋」實際體積屬於中等,不算完全發漲漲大那一種「魚蛋」。「魚蛋」體積雖然不大,但是口感仍然算是彈牙。至於「魚蛋佬」的沙嗲「魚蛋」實際售價價錢,一串五粒的沙嗲「魚蛋」賣港幣六元,平均計每粒「魚蛋」賣一元左右,價錢尚算便宜,再計算口感和「沙嗲醬」的甜辣味道,「魚蛋佬」性價比頗高,下次可以繼續幫襯。 繼續閱讀
(以上食評乃用戶個人意見 , 並不代表OpenRice之觀點。)