魚米 (華凱大廈)

營業中

休息中

點的是蔥油叉燒蛋飯，午飯時間，等了超過20分鐘，來的是一碗99%是肥肉肥膏叉燒埋單時向店員反應以上意見，她淡淡然回應可能叉燒煮得不夠時間。$58一個套餐來說，是實在太差。

我是買外賣的，結果從下單到拿到食物，等了40分鐘！ 實在是太離譜了！ 然後那個給米線和湯都碗根本就不合理，他是分開兩個碗的，但是那個米線倒進湯的時候他根本就放不下！ 他會全部溢出來！ 更多問題就不說了，剛剛被sh下了（哈哈哈哈哈，笑死

今天23/10/2024 約17:00在電氣道「魚米」叫了下午茶「魚片米線」。進食到尾聲發現湯麵裡發現下圖咖啡色物體，與老鼠糞便非常非常類似。拍了下面照片後我返到紙巾上，把物體從中間分開，中間是均勻啡色，材質與鼠類糞便非常非常相似。 （註：本人有幾年飼養倉鼠的經驗，對鼠類糞並不陌生。）本人隨即告知餐廳職員，一名中年男性職員沒有解釋，立即快速把啡色物體連同紙巾拿走，只告知我「不用埋單」。我嘗試阻止但未有成功。過了1-2分鐘，男性職員回到檯邊，開始聲稱物體為「肉碎」。我表示不滿，要求職員拿出物體跟「肉碎」對比。他們沒有保留「啡色物體」，只拿出一勺的「肉碎」，但根本與啡色物體完全不同顏色。事後有另一位女職員出現，堅持物體為「肉碎」。我反問，如果只是肉碎，為什麼要急著丟掉，又為什麼我可以不必埋單？他們除了不停重複此為肉碎，再沒有作任何解釋，兩個職員都走開沒有再跟我說話。

這每日都有兩款抵食$29粉麵早餐，以價錢已經完勝同街其他兩間茶餐廳，今日叫左五香肉丁太陽蛋麵配熱即磨熱咖啡，雖然是$29但味道與份量不會偷功減料，絕對抵食之選。

要說連鎖專門吃魚的店，而且簡單吃不是烤魚酸菜魚那些的話，應該就魚米了。剛好朋友想吃點清淡的，晚餐後的時間過來吃，各點了個套餐。黃立倉泡飯套餐，魚炸得很香脆胡椒豬肚湯配飯，好吃，咸酸菜也多

去食晚飯，見到很多小強在地下走來走去，已經心知不妙，點知食米線時，真係咁唔好彩，食食吓發現有隻蟲喺碗內游水，同店員講又唔理，嘥氣！店內環境惡劣，只有一個員工兼顧收銀存菜清潔和落單，想食乾淨餸菜同埋服務好都難，不會再幫襯！

今日和同事3人 前來吃中午飯 我叫了酸菜豬扒餃子米線 而且叫了冬瓜茶 等了一陣先來了冬瓜茶 一眼看到一隻曱甴 叫店員幾次 開頭都扮聽唔到 要我大聲講杯野有曱甴先急着沖埋黎拎走杯野飲 態度惡劣 重點係拎走完比我發現用番同一個杯沖番冬瓜茶 完全沒有歉意 以後唔會再食 米線味道不過不失 豬扒有d 韌 湯底無咩味 全靠用大量酸菜 加酸同咸 樓面只得一個女士 唔知係忙得濟定點 態度差 所以真係唔會再食 環境衛生惡劣 其實見到曱甴後我和同事們都食欲盡失 所以真係唔會再幫襯

早晨時候去了就近的餐廳，之前未食過魚米的早餐，最後叫了一份芝士🧀️蛋三文治外觀上也整得不錯，食落炒蛋也很滑，份量也夠食，29元包熱飲☕️環境也算舒服，早上的人流不太多，自己靜靜地食早餐也不錯🫠

係公司附近行咗一圈 都唔係好諗到食咩好 見到有魚食 就不如試下 唔算話抱好大期望 叫咗個煎封黃花魚米線外賣 主動分咗湯 沿路返公司都聞到個煎魚好香 返到公司打開見到 條魚又真係煎得幾靚 個湯都少少奶色 感覺不錯 試飲下個米線湯 又幾好飲喎 唔會飲完好口渴個種 煎黃花魚唔腥又好脆口 有啲驚喜 實在唔多地方有原條魚食 覺得都幾好 間中可以encore 下 價錢中規中矩 連鎖店黎講 我覺得味道算係幾好 雖然外賣 但個賣相都正正常常 👍🏻

～ 其實，這間店路經多次都沒有衝動走進去，因為眼見店內客人不多，也不知道好不好吃，所以，久久都沒有嘗試。 但今日又是路經這處，但又要趕時間食飯，所以就試試！1）點了滷肉碎海鱸魚飯 $69鱸魚煎炸得很透切、很脆啊！魚頭都可以吃（如果喜歡的話😅）！ 味道也很好，豉油味香香甜甜、鹹味剛好；整體來說，魚煎得非常香脆、調味也非常好！😋~ 至於滷肉的肉質和味道就一般了，食完都不太記得它是什麼味道😅。 而且，飯有點不夠熱，可能是天氣冷的緣故吧！～ 店內的環境都很靜，可以讓人吃得自在和舒服😊！自助形式的水吧（其實只擺放了一個小水桶😅）；喜歡飲多少，就自己去拿多少，不用勞煩店員，可以省下服務費😂！～ 不用加一收費 ～～ 價錢都算公道 ～👆~ 滷肉飯味道一般 ~👆 ~ 脆炸鱸魚 ~ 😋

又到下午茶時間，上網睇吓有乜野外賣優惠，見到魚米有折就叫個下午茶自選米線連熱飲$36，落完單即刻行去就已經有得拎好方便果醋豬軟骨米線湯夠熱，湯煲到奶白色，裏面會有芽菜同韭菜，而豬軟骨都夠多，果醋豬軟骨幾好味

之前已經中過伏，今次四圍食到無野好食，諗住俾多個機會佢叫左個香煎雞扒菜飯外賣，點知俾左個炸雞扒飯成塊炸到硬晒點食杯茶就老到苦澀既點餐果陣個姐仲要好串咁講，要叫就快d, 唔好諗咁耐，我好忙架垃圾服務同食物，多謝晒！

接老公放工，週圍揾食，記得係元朗食過魚米嘅煎比目魚，念念不忘，可惜再去已經執咗⋯⋯見到個餐牌仲有，當然要重溫舊夢！差唔多八點，人手非常不足，冇人帶位，枱面有條用過嘅牙籤⋯⋯老公冇潔癖，都忍唔住用左兩張消毒濕紙巾抹枱，然後用濕、乾紙巾抹餐具⋯⋯金髮男待應略帶鄉音（魚米嘅特色？好似譚仔⋯⋯），老實講，佢態度唔差，同幾勤力㗎⋯⋯叫左比目魚魚湯准山麵、肉燥雞扒飯、魚湯生菜、鹹檸七。大約等左三個字，個比目魚准山麵最先到，魚係炸唔再係煎的，少少失望，不過炸得乾身，魚皮香脆、肉嫰，份量唔少⋯⋯准山麵本身冇味，勝在浸耐左都唔會好淋，配魚湯幾夾⋯⋯湯底有少少韮菜、芽菜、腐皮⋯⋯$69，滿意！老公個飯就等左起碼半個鐘先到。周圍好多食客追單、甚至發脾氣取消柯打⋯⋯後來見到廚房出左好多外賣，應該係整唔切⋯⋯個肉燥雞扒飯睇落好一般，雞扒好似好乾好硬，冇碎上，櫃桶又冇刀⋯⋯不過老公話雞食落有味又炸得乾身，肉燥都ok，冇投訴。個生菜食到最後先嚟⋯⋯乜生菜唔係綠綠地嘅咩？！可以整到全部又軟又黃似娃娃菜，真係高難度！埋單14x，ok的，為左舊魚，應該會再幫襯！

我已經依過好多次魚米家呢間舖頭，每次都只係會叫N14呢個餐，從來無轉過，今日第一次去北角分店食，本身個魚骨米線係應該配半個魚頭的，我去過旺角同彩雲分店，都係有半個魚頭，而我就係為左個魚頭先食呢個米線，今日去北角分店，果到既職員竟然同我講話不嬲都無魚頭，佢做左幾間分店都係無魚頭，咁講🙄仲話有魚頭果個係N15餐，搞到好似我叫錯左咁，我再睇番餐牌，根本無叫錯到，講講下，另一個職員又話佢地根本無魚頭賣，又講講下，職員又話問左其他分店，佢地話第二D分店係廚房煲湯多左先比我地，下?????越講越離譜，又唔見廚房多隻鮑魚比我? 咩叫多左先比我? 當客係咩? 完全比我感覺係hea 我同補鍋式回答，發誓以後都唔會再去此分店!!!

入到去淨係聽到樓面同廚房同阿姐三個圍埋喺後邊坐喺度傾偈大大聲講大大聲笑完全唔理人唔會招呼人講鄉下話我又聽唔明好似間舖頭係佢咁！叫個早餐雖然都黎得幾快因為舞客我入到去嘅時段成間餐廳得兩張枱多士同火腿先到然後到通粉一尺之下真係娓娓道來啊碗通粉啲雞湯粉雞粉都未熔晒嗰塊火腿凍嘅唔明點解間舖頭可以生存落去一年前佢係咁換咗人而家又係咁！唔怪之得間舖頭經常有位根本冇人會去幫襯或者有人幫襯完一次之後瀨咗嘢以後唔會再去！