影片
以上資料只供參考, 請與餐廳確認詳情
招牌菜
今日去完銅記行街，本想在附近食d野就算，但我fd提議話不如去大坑搵食，既然係咁，我又未去過，就一齊展開大坑搵食之旅啦去到大坑，見到林林種種的食市，拉麵，西餐，串燒..最後，見到一間以零味精私房菜作招倈的小店，見到門口貼了很多相，賣相又幾吸引，仲有好多菠蘿tim,就試吓呢間啦入到去，即有位笑臉迎人既男人招呼我地，介紹我地食鮮菠蘿咕嚕肉，（哦，出面d菠蘿原來係整咕嚕肉既）好，見你講到咁好，即管試試，到最後，點左鮮菠蘿咕嚕肉，辣酒煮花螺，牛油蒜片海虎蝦，清湯牛坑腩，椰青皇青咖喱牛肋條，馬拉盞椰菜苗豬頸肉，椒鹽白飯魚，嘩，好多餸呢先嚟頭盤辣酒煮花螺，好香酒味，唔會好似其他地方咁好多油，呢個一滴油都無，最後我酒都飲埋呢跟住就到咕嚕肉，見佢成個菠蘿攞出來賣相好好，咬落去好鬆化，d粉好薄，真係有別於其他地方呢，牛油蒜片海虎蝦，好惹味，椒鹽白飯魚好大條，送啤酒一流，清湯牛坑腩，d湯真係好清，坑腩好淋，令到我呢個平時唔係好食牛腩既人都食左2件，老闆話要整2天呢，真大工程，之後仲有個椰青皇青咖喱牛肋條，又真係成個椰青上，初以為椰青只是器皿，但原來真係用晒d椰青水來做青咖喱，所以食落好香椰青味，辣得來又甜甜地咁，好清新，最後到馬拉盞椰菜苗豬頸肉，又唔錯wo～總結：食得出好用心做，又無味精，一定有下次
繼續閱讀
星期五撞岩放假，就帶埋婆婆去大坑搵野食。周圍行行下就見到有間鋪既門口痴左"出品不含味精，原汁原味"婆婆就話不如試下啦? 咁就試下啦～一坐低就有人好好招呼介紹下有乜好食因為鋪頭雖細，但好多野食叫左3樣野，其中1個系冰鎮原隻西瓜汁因為天氣太熱又見原隻，就膽粗粗叫左點知原來都幾大個，味道都幾甜第2就系魚湯三寶雞咁3寶就系魚湯，雞同埋自制餃子有韮菜同白菜餃。原來佢地d餃子即叫即包無過夜魚湯就終於知道邊到無味精。 因為吾腥又夠魚味！第3就系個茄子海上鮮，個日既魚系黃花黎到既時候心諗，d魚肉呢? 因為好多茄子睇吾到魚肉，原來佢切開左條魚 將茄子同魚肉放埋一齊，食落去魚皮頌脆架！講都無講就食哂(￣∇￣)
繼續閱讀