魚事者 (威德閣)

營業中

休息中

災難級數睇色已經知個湯無味魚麵成舊粉咁春卷魚蛋同街市買無分別侍應十問九唔應仲要西面用QR code落單但個menu同枱面個menu唔一樣明明係佢地問題要個客硬食唔係9bothew都唔會中伏， 坐又坐得唔舒服， 丁屎位坐4 個人災難級數睇色已經知個湯無味魚麵成舊粉咁春卷魚蛋同街市買無分別侍應十問九唔應仲要西面用QR code落單但個menu同枱面個menu唔一樣明明係佢地問題要個客硬食唔係9bothew都唔會中伏

餐牌入邊幾乎所有菜式都同魚有關，真係佩服老闆嘅創意叫咗三樣嘢最鍾意就係炸魚無薯條，口感似煙靭啲嘅炸魚腐，食得出魚香味，仲有四款醬汁俾大家揀，在場見到幾乎每一枱都會點蝦頭油炸蝦球撈魚麵炸蝦球爽口彈牙，不過魚麵醬汁就普通啲，蝦頭油味道唔夠重，似沙律醬，而且同個蝦球好似唔關事咁芫荽魚麵芫荽湯底清清淡淡，不過芫荽魚麵真係完全冇芫荽味，芫荽控表示有啲失望。

天氣熱到個人冇晒胃口，好想搵啲清爽冰涼嘅嘢食，見到呢間攞咗米芝蓮嘅食店，就入去試吓佢哋出名嘅魚麵叫咗個冷麵，魚麵爽滑，冷麵汁清新，配埋杯少爺啤，個人即刻降溫🧊聽店員講先知原來魚麵係好低卡，搞到我即刻想叫多份😏再叫多咗份芫荽燒賣，燒賣彈牙，有芫荽香，店員推介佢哋嘅自家魚辣醬，真係將個鮮味昇華咗。扮墨西哥魚皮都好得意，即係將魚皮變咗nachos咁食，估唔到都好好送酒🍻環境都好好，有啲Cafe嘅感覺，下次想試埋其他小食同埋湯魚麵，服務都好好，店員好主動介紹餐廳嘅招牌食品，唔怪得知拎到米芝蓮，一定會再返去！🙌🏻

米芝蓮推介砲台山美食有創意我鍾意去到晏晝食飯唔使等位就即刻可以入去啦呢間嘢都幾得意同有創意最入面嗰啲嘢食大部分都係用魚做嘅嘢原來用魚做嘅美食得可以有好多種裝修用上淺藍色幾清新同舒服啲menu又整得靚嚟到就梗係食魚麵啦叫咗個撈魚麵同埋炸魚條(個樣貌似薯條)啲魚麵食落去煙煙韌韌又彈牙咁樣不過啲炸魚條就偏幼少少, 如果粗少少可能會再有咬口啲不過點埋佢個汁都幾夾不過如果份量再多啲就好了我係女仔食完都只係啱啱好男仔可能就未必夠飽要嗌多少少

曾經買過好多次外賣，今日諗住去堂食，食物堂食比外賣有驚喜，尤其是係魚薯條。但是食食吓覺得比嘢咬好痕，食到最尾嘢飲都飲唔落，因為兩邊手臂和腳眼露出的地方都俾嘢咬，懷疑是有蝨，衛生環境有很大的改善空間。付錢時話俾店員聽佢都冇乜反應，下次不會再堂食。

絕對無第二次，想食嘅真係無必要試。份量少過茶記下午茶，奶茶水咁款，懶創新無驚喜，講到尾差到痹，自己人昆自己人？面得拳頭咁多湯得1/5水，醬1/4兜哈哈人才9588🙂‍↕️🙂‍↕️🙂‍↕️🙂‍↕️🙂‍↕️🙂‍↕️🙂‍↕️🙂‍↕️

通常想寫食評都係因為覺得餐聽未如理想， 估唔到呢一間啱啱先至再次獲得米芝蓮推介餐廳 都會令到我要寫食評。公司喺附近，之前食過一次堂食覺得OK，成日心思思想叫外賣拎上公司食。見到佢社交媒體網站有個link可以直接畀卡嗌外賣自取，仲可以自備盒好似好環保咁（環保l），即刻嗌咗個外賣，跟住諗住自己拎盒落去裝，但落到去已經包好曬 ，一共 五件膠，已經冇拎交餐具，咁就只能夠怪自己冇 喺餐廳直接叫。上到去公司帶住期待試下個餐，叫咗自選四個餸。 湯同埋餸係分開，雖然個湯都有魚味，但係非常之咸！鹹到飲唔到！可以當係豉油點下就算，到最後我係飲唔曬。至於啲餸我係叫咗魚腐，魚肉春捲， 墨魚卷，魚餅。 可能因為冇浸湯，一開頭就咁食落就油少少，但係墨魚卷都叫做脆皮，一浸湯係好食啲，因為啲油落曬啲湯度，個湯更加飲唔到，失望之極，一定唔會有下次！

聽就聽得多，終於試了”魚事者”，米芝蓮嘅推介。撈魚麵和薯(魚)條都好香口，可以吃過不停，連奶茶都香過人，不過一定要熱食，凍咗會差好遠。呢個價錢，如果我住附近一定經常幫襯。

香港基本上冇餐廳主打魚麵見佢咁特別又有米芝蓮推薦就捻入去試下la點G…🙃一入到去坐低就發現張枱已經有D問題成張枱搖嚟搖去甚至連碗麵擺上枱之後都差D倒瀉😢😢不過呢個都係小問題。🟢🟢 《羅定魚腐+炸魚皮爽彈魚湯麵》🟢🟢$51羅定魚腐幾索湯炸魚皮正常冇油膉味白雪雪魚湯飲完唔覺口渴，算清甜🍜🍜魚麵有D淋身，唔夠爽彈🐠🐠🔴總括而言間鋪幾打卡able 嘅但性價比唔高一碗麵都成五十幾蚊總要係車仔麵質素😣真心唔值🥲

魚事者｜🐟米芝蓮推介 | 炮台山美食餐廳以魚作為主要材料，提供創新的料理。裝飾幾清新，感覺幾舒服。餐廳出品確實係幾新穎，炸魚無薯條同魚米粒粒確實幾煙韌彈牙，不過笑爺仔就唔太識欣賞，覺得如果炸魚無薯條比較油，而且主要係食醬汁嘅味道？魚米粒粒就真係唔識食🙃相對而言，蝦頭油炸蝦球魚麵撈就比較好食。識食嘅你方便就留言教吓笑爺仔啦！多謝😊🍟 炸魚無薯條🍤 蝦頭油炸蝦球魚麵撈🍚 魚米粒粒。扮意大利飯📍 魚事者 (威德閣) (北角)北角炮台山宏安道14-28號威德閣地下14號舖

魚麵專門店@炮台山 朋友聚餐好去處中午12點同朋友聚餐，唔使等位即刻有得入，一睇Menu已經知道呢間餐廳係用心製造食物，除咗好似車仔麵一樣嘅自由選，$46/2餸，$53/3餸喺港島嚟講，價錢好有性價比仲有啲好吸引嘅魚麵Menu同埋小食每一樣嘢都想試吓，係有驚喜嘅上菜之前侍應仲俾咗少少招牌嘅辣魚醬我哋試吓，服務唔錯嘢食嚟到，份量好足，擺碟賣相亦都好得體推薦原味及芫荽魚麵，魚麵好彈牙，蘿蔔超級甜！好食另外叫咗炸花枝丸同埋一個創意菜式「炸魚無薯條」問咗侍應，原來係用魚肉切成一條條攞去炸，薯條造型嘅炸魚，仲有四款唔同味道嘅dip 可以幫揀份量好足建議乜都想試少少嘅朋友，揀一個$58嘅小食拼盤會有齊炸魚，炸燒賣，雞翼尖等等埋單每人$80左右，性價比好高，餐廳環境亦都唔錯，可以同朋友坐低傾偈結論：Menu有心思，食物相當有質素，應該會再返嚟試吓其他菜式

{🐟魚事者｝主打特色魚湯魚麵，又有米芝蓮加冕，今日晏就就試一試，睇吓有冇各不符事實先🙈✴️炸魚無薯條✴️嚟得呢度食嘢嘅人一定會嗌嘅小食🤟🏻將魚肉攪成魚漿後炸，形狀似薯條，不過冇薯條咁油膩咗滯，食落煙煙韌韌，又幾果癮喎🤩✴️蕃茄薯仔湯紫菜鴨件手打魚麵✴️湯底無味精，好似阿媽煲嘅湯再杰啲咁，飲落好舒服和諧☺️手打魚麵都算彈牙，但質地較鞋身～✴️蕃茄薯仔湯魚腐墨魚春卷烏冬✴️烏冬好彈牙🫢不過夾嘅時候要小心，因為太彈，所以啲湯會彈到周圍都係🙉✴️手工魚辣醬✴️辣醬好食，沾餸或加落湯都好OK👍🏻不是唔知點解要叫做魚辣醬，食唔到同魚有咩關係🙈

我多數黎呢度食都係食自由點。選擇唔少，餸只要唔係揀多汁果d，口味都偏向清淡（對我黎講岩岩好），麵量對於食第一餐黎講唔會過飽，可以飲埋d湯，冇味精，飲完唔會口渴。我玻璃肚，如果早餐太豐富太多食完會肚痛。呢間食完唔會覺得絞肚痛，飽但腸胃感覺都係light既。

全魚主題幾有趣都好有興趣想知到底可以整到幾多款菜式🤡當日去到冇咩客 得兩枱講真見到有啲擔心😂兩枱都係放工一個人黎食晚飯既🐒當日上菜速度相對就快啲啦~<Fishotto魚米粒粒 • 扮意大利飯>幾個好正🤤口感好特別 好似Risotto但又冇飯個種煙靭感當然兩者要揀我都係會鍾意飯嘅口感多啲😂但我覺得魚版本既Risotto值得一試👐🏻加上蕃茄🍅洋蔥🧅蟹籽🦀成個"飯"口感好豐富<越式-蒜油香雞翼魚麵撈>先講個麵🍝有淡淡的蔥油香🌱少少鹹味其實冇乜味😂齋食佢唔配其他餸係真係相當清淡嘅🙊可能想大家食得出佢魚麵嘅香味🐟的確魚味好香係一個好食嘅魚麵👍🏻至於個雞翼🐥啲汁非常之杰蒜蓉汁係重鹹😂😂所以呢兩樣嘢真係絕配一個好清淡一個好鹹🤡我覺得個麵可以配搭其他嘅嘢會發揮得更加好個雞翼唔會再有take two了🙅🏻‍♀️<炸魚無薯條>🍟呢個炸魚條幾好食因為係魚條其實唔係好食得出魚味/口感本身以為會好稔但係食落有薯條嘅脆感但係又冇薯條咁飽滯加上椒鹽好惹味😋<無豬肉燒賣>其實就係魚肉燒賣普普通通OK啦👌🏻<雞軟骨>小食拼盤跟埋既(唔肯定依家

呢度嘅野食真係超正呀！我今日試嘅第一樣係卜卜脆鹹豬手，真係又香又脆，口感超彈牙！肉質又唔會太硬太乾，一啖落口，真係好好食！再嚟就係魚湯浸翡翠苗，個湯底有啲魚香味，清淡又開胃。翡苗菜都好新鮮嫩綠，湯底同苗菜嘅組合真係好和諧，一食就令人心曠神怡呀！最後一樣就係煎雞排配炸魚條，真係創意料理！炸魚條即係炸魚無薯條。同想像個味道口感都有分別，但係又係好食嘅。煎雞排金黃酥脆，啲雞肉 OK，同炸魚條一齊食真係好開胃！兩種口感配埋一齊，真係好特別！