魅KTV

營業中

休息中

平時去深圳都有去開魅KTV，原來香港都開咗一間啊，位置方便響中環蘭桂坊。KTV位於大廈4樓，坐電梯上去一打開門，就感受到魅KTV嗰種Cyber的味道。我們被安排了一間都幾寬闊嘅包廂，包廂內的音效十分好，有多個屏幕環繞房間嘅周圍，咪高峰的質素也不錯。我和朋友都忍唔住唱咗一首接一首。店內嘅歌單好新，係用手機點歌和下單點菜的，好方便。高歌一曲之後還有AI幫你打分，如果用微信登錄，更加可以知道自己的歌聲在店內的排行，真係可以挑戰一下自己嘅歌喉。餐廳內有不同菜式可供選擇，有邪惡炸物類😆，亦有中式小菜，都幾特別，選擇都幾多。特別偏愛炸物的我當然不少得以下兩款小食：美式爆谷雞粒椒鹽炸雞軟骨兩樣小食都香脆可口，是非常適合的下酒菜。餐廳的中式小菜都頗出色：酸辣木耳酸辣木耳辣度適中，木耳爽口。乾煸四季豆四季豆香味濃郁，醬汁濃厚。嵊州老面小籠包小籠包入邊包滿肉，啖啖肉又多汁，小小辣， 10分抵食。蔥油拌麵蔥油拌麵，蔥油香撲鼻，大大份。當然唔少得飲番杯嘢，有各式各樣嘅啤酒烈酒可供選擇，亦有非酒精飲品。我們就叫了Sapporo 札幌啤酒和Ice Lemon Tea 凍檸茶。一邊食一邊飲一邊唱，都幾開心。

宜家越黎越多人北上唱K🎤，相信好多人都聽過「魅」呢個名，估唔到宜家開到黎中環，所以就黎試下🤩 裝修比較似bar都幾有feel，每間房四面都有超大屏幕，音響設備唔錯，可以隨時喺web或者迷你小程式到點歌🎵都好方便，個app仲可以體驗唱歌對戰、製作虛擬現實MV同埋AI修錄音等等Tim, 如果係VIP房仲有小舞台同埋落地mic🎤可以盡情hyper高歌😌 平日黃金時段 (夜晚6點至凌晨2點) 黎既話就268一位包一杯野飲🍹，可以唱3個鐘🎤(5 😍 係滿分，🤩係半分） 霸王辣子雞 🌶️🐥 - $168 (好味指數：😍😍😍😍)啲雞🐥全部都切得幾粒，所以食落脆卜卜～ 調味用左紅辣椒乾🌶️、花椒、薑蓉🫚同葱，紅辣椒主辣🌶️，花椒主麻，層次豐富，辣椒籽🌶️唔係好多，所以以麻為主，惹味香口～嵊州老面小籠包 🥟 - $29 (好味指數：😍😍😍😍)第一次聽呢種小籠包🥟幾得意😂 用老面發酵既麵皮蒸完之後會又柔軟又Q彈，同一般小籠包皮唔同，肉餡都係豬肉🐷，味道鮮美香口，配埋清香既小葱都唔錯香烤蜜糖雞翼 🍯🐥🪽- $88 (好味指數：😍😍😍😍🤩)每隻雞翼🐥🪽都脹卜卜，肥美飽滿，色澤光亮，加左蜜糖🍯味道香甜濃厚，甜中帶鹹，肉

魅KTV在內地知名度高,近來於中環蘭桂坊位置登陸了!!!..店內充滿霓虹燈,一直動感閃爍著,感覺時尚有活力.歌單包含最新流行曲,華語及經典粵語歌,加上智能點歌系統可用手機遙控,點歌點菜也很方便.最欣賞其燈光隨音樂節奏變換,與環繞音響與無線麥克風的極佳音效~不用常常調教音質！除此以外食物選擇多, 有川菜、泰菜、串燒及炸物,價格貼地.營業時間由下午3時半開始至隔天早上,非常適合一大班朋友盡興吃喝與高歌~

今日去左間新開既ktv，佢係大陸過江龍魅Ktv,呢間係香港第一店，入面既裝修非常新穎華麗，音響都非常高質，同平時去開既差好遠價錢都係幾相宜，仲有好多串燒同飲品包括酒類選擇烤魷魚（一隻培根蘆筍卷極品即燒乳豬風味燒雞腎串招牌雞皮墨魚滑原隻魷魚串椒鹽薄燒白鱔燒羊架炭燒豬頸肉鹽燒牛舌心燒肉鬆小貝吐司蔥油拌麵串燒都係即叫即燒，上枱熱辣辣，好似去左串燒舖食咁，下次都要再黎呢個場唱k👍🏻👍🏻👍🏻👍🏻

勁耐無唱過k😂😂喺蘭桂芳開咗間ktv，即約同事放工去唱下K，但唔知係咪太耐無唱，真係有啲緊張😂😂入面裝修都好靚，房間空間唔細，無煙味都乾淨👍🏻👍🏻包一杯無酒精飲品，叫咗菠蘿汁同Iced latte個歌list都算幾齊，有我最鍾意嘅MC😍😍不過真係好難唱，要再練習一下😂😂食物都好多選擇，燒肉鬆小貝吐司幾好食😋炸魚薯條好啱一路唱一路食，輕輕鬆鬆👍🏻烤蜜糖雞翼好好食，呢個推介👍🏻👍🏻叫咗個酸辣無骨鳳爪，有啲後悔，因為太辣，喉嚨有啲痛唱唔到歌，下次唔應該叫辣😂😂唔覺唔覺唱咗3粒鐘，好玩，下次會再嚟👍🏻👍🏻

魅KTV開到黎香港啦！殺入蘭桂芳，去唱K又多一個選擇，係正中心地帶，放工就即刻過黎減壓▪️三小時K歌+一杯無酒精飲料$288/位（星期五、六18:00-02:00）入到黎嘅環境都好未來風，音響同燈光都做得好正，可以掃app自己揀唔同feel嘅燈，房嘅四面牆都有mon，坐邊都可以望到。啲歌就唔算好多，但係近幾年熱門歌都有，不過就要睇簡體字。唱完仲有得計分，同朋友比唱功🤣👍🏻野食有啲係附近嘅十二味或者係泰國菜提供，本身魅就會有啲炸物串燒提供～試左爆谷雞、黑松露薯條、串燒等等，我哋一致認同炸蝦角最好食😋

🎤「MEI KTV」香港首店正式登陸蘭桂坊！呢間KTV未來感十足，全黑設計配上不同燈光，帶來K歌新體驗，全新娛樂方式。餐飲方面亦有好有特色，中菜泰菜西餐都有，各種酒類、Cocktail！ 內地有名KTV店，梗係要試吓食川菜，第一次邊吃辣邊唱歌🎤。🐠黑豆花鮮椒魚 $138～特製的湯底麻辣濃郁，佈滿青辣椒、香辣味層次分明，魚肉及黑豆花口感嫩滑。
🐓武隆尖椒雞 $133～重慶特色菜，色香味俱全，雞肉鮮嫩，尖椒微辣，仲有蓮藕粒，口感層次豐富。
🥔酸辣土豆絲 $78～口感清爽，酸辣適中。
🥤Coke Zero 無糖可樂 $38
🍹Cranberry Juice 蔓越莓汁 $48

呢間KTV喺中環開咗香港首間分店難得約齊班好朋友收工嚟唱K放鬆下除咗歌曲夠新．平時唱開嘅歌都好齊房間夠大．乾淨舒適用自己部電話就可以控制哂音響．燈光效果．點播歌曲同點餐．實在太方便喇仲有Mic Stand 可以企喺台上盡情跳唱環迴音響．每首歌唱完仲有評分收工未食飯．嚟到當然叫野食估唔到食物味道有水準難得出嚟Relex下．點少得飲下酒🥂$268/位 唱足三小時包一杯無酒精飲品今餐開心滿足．下次唱K一定再嚟食物味道有水準串燒熱辣辣．點了小籠包大大隻．肉汁豐富茄子灑上辣粉．香軟惹味帶點微辣嘅四季豆．份外香口

魅KTV登陸香港喇，當然要去試下。蘭桂坊嘅旗艦店設有13間房，全店設有幻彩led燈佈置，非常夢幻，而且音響設備都好正。以手機掃描QR code，就可以進行點歌、點餐及控制燈光及冷氣， 非常方便。仲有AI系統由音準、節奏及感情幫我哋評分添👍。呢度嘅小食串燒比起居酒屋還要多😆，啱哂同朋友仔邊食邊唱。🥢烤魷魚 $40同朋友歡聚，餸酒一流。🥢招牌紙鶴雞皮$38脆卜卜嘅口感，相信冇人能夠抗拒。🥢鹽燒雞頸肉$38幾好咬🥢玉子燒(四件)$38甜甜香香嘅玉子燒，唔使去居酒屋都食到。🍻Sapporo札幌啤酒 (6支套餐)$298唱到口乾，無啤酒濕濕口又點得呢😆，呢個6枝啤酒嘅套餐確係實惠。

內地連鎖唱K集團《魅KTV》登陸香港，在蘭桂芳開設7000 尺 旗艦店。房間都超大屏幕，先進音響設備，QR code 點唱落單。奢華時尚環境 ........係呢度可以盡情地唱K。雖然是內地品牌，大家可以放心，呢度除了內地歌曲外，係有大把廣東歌及外語歌可選，例如Mirror、G dragon 和 周杰倫 d 歌都有。呢度並會提供多款食物和飲品，今次嗌左：炸魚薯條共2大塊炸魚，咬落卜卜脆。薯條份量都幾多，香脆可口。雞軟骨一啖一口，啱啱好，濃味又不會太鹹。蜜味雞翼甜甜地，好好味，雞翼嫩溜。飲品叫了一大桶橙汁，主要因為個桶會發光很美。味道就正常發揮。

以前去蘭桂坊係落Zentral，以家就去 魅KTV 唱K🎤🎶店鋪裝潢很cycber🪩K房亦很寬敞！亦有小舞台俾你大展歌喉🤣好適合一班朋友去聚會！仲有AI評分🙂‍↕️仲有彈幕互動❣️大部分歌手的歌曲都有～當然唔少得抖音歌🙈有呢排大熱嘅跳樓機🤓當然有我的最愛容祖兒及Twins的歌～會唔會暴露年紀？😤食物種類都多元化！但我偏愛食小食！大推薦🌟 爆谷雞粒‼️黑松露醬薯條‼️蜜糖焗雞翼‼️每款都係即叫即整！上枱時都係新鮮熱辣🔥

最近蘭桂坊新開左一間內地過江龍KTV，環境設計時尚，燈光、音響都玩出高級感，走廊似迷幻空間，燈光有幾種風格可以選擇，音響設備特別夠力，聲音特別立體，用二維碼點歌/點餐，科技感拉爆，Al會根據音準和表現打分。最特別可以一路唱K一路食中菜，有得揀黑豆花水煮魚，魚片鮮嫩，黑豆花軟滑細膩，吸收紅油的香氣，辣得剛剛好，送白飯一流。川式口水雞雞肉嫩滑，紅油醬汁裡嘅蒜香、花椒香、芝麻香恰到好處，辣中帶鮮。乾煸四季豆炒得外皮裹脆脆的，帶鹹香味。嵊州老面小籠包有點像香港菜肉包，餡料湯汁一口咬下立刻爆出。蔥油拌麵簡簡單單，滑而彈牙，配上濃郁的蔥油香。

呢度環境真係一流，裝修高貴又時尚，最啱一班朋友聚會玩到盡！每間房仲係獨立設計，冷氣、燈光同螢幕全部用電話一手調控，私隱度爆燈，完全唔怕畀人打擾～📱💡🎵唱K之餘，食物選擇實在太豐富！🍴由中式到泰式應有盡有，包括人氣蔥油拌麵、大盆花菜；小食控必試燒肉鬆小貝吐司、芝士黑松露大啡菇、芝士北海道魚糕，個個都係爆款！🧀🦐鍾意Party Food嘅朋友仲可以試椒鹽炸雞軟骨、黑松露粗薯條、香辣酥炸雞翼、炸鮮蝦角同燒魚肉燒賣，絕對食到停唔到口！🍗🍤優惠方面，去大眾點評LIKE魅KTV再寫個評論，就有額外$50優惠！💰快啲約埋朋友一齊試試，無論唱歌定食嘢都係滿分體驗！🎊

N多年無去K房唱K，本人的聲線‘“好聽”’😱得令人卻步，好朋友約了幾個朋友，帶上了我，以前唱K都是為了吃K Buffet，那我就當來吃飯好了😝🤪。這裏的裝潢果然魅惑，面積不算太大，但閃爍的LED燈及四周的玻璃，不局促，反而映襯得空間感十足。入房後，大屏幕360°圍繞，好震撼。先掃描QR Code，因為點歌／點餐／呼叫服務生，以至調校聲音／冷氣，都可以用QR Code 處理。重頭戲來了，我朋友當然是唱K啦，大家都是唱家班，這裏有一點很好，每一首都會一邊唱一邊評分（音準／中間忘了😅／感情），唱完還有評級，唱家班都SSS級，超厲害👍。本人也有獻醜一下下，這裏的評分／評級挺貼心的，作為魔音小薯的本人，在感情0分之下，也得到S級（可能最低就S🤣）。我還是進行我此行的目的吧，吃飯，做聽眾就好。其實這裏可以點餐的食物挺多的，不過主要都是小食／燒烤／串燒這些，主食就一個蔥油拌麵。✴️雞皮餃子：好吃，沒覺得是雞皮，餡料有咬口。✴️黑松露烤蝦多士：沒甚麼黑松露味，但蝦肉爽脆，多士也脆脆的。✴️川式口水雞：不太辣，是我較為喜歡的味道。✴️蔥油拌麵：最好吃就這個麵，粗麵彈牙，蔥油也香。✴️嵊州老面小龍包：不是我們預期的

卡拉OK在香港曾經風靡一時，成為不少八九十後的青春回憶，現時風光不再，大部分為人所知的卡拉OK集團分店都相繼結業，但卡拉OK在內地依然大行其道，設備、環境等都與時並進。內地最知名的連鎖卡拉OK集團定必要數「魅KTV」，之前到深圳亦曾經與朋友朝聖，最近原來已經進軍香港在中環蘭桂坊開設分店，據稱佔地7,000平方呎。最大的一間K房可容納15至20人，K房內配有超大屏幕、先進音響設備及幻彩LED燈佈置，VIP房更設有小型舞台和落地式咪高峰。唱K收費由每位$168至$288不等，另收取加一服務費，因應歡樂時光（15:30-18:00）、黃金時段（18:00-02:00）或深宵時段（02:00-08:30）價格亦有所不同，包括唱K三小時及一杯無酒精飲品。在K房內透過手機即可點歌、控制燈光及調節冷氣，更可以進行唱歌對戰、製作虛擬現實MV及以AI編輯錄音。食物方面有各款小食及主食供應，無論中菜抑或是泰國菜都一應俱全，經典炸魚薯條配塔塔醬($158)即點即炸保持香脆，正常發揮。黑豆花水煮魚($138)魚片嫩滑無骨，湯底辣度恰到好處，黑豆花與凍豆腐有異曲同工之妙，吸湯一流。霸王辣子雞($168)雞粒肉質