魅KTV

營業中

休息中

有多久沒跟朋友一齊去唱K？會否也是跟我們一樣很熱愛唱K呢？位於中環蘭桂坊的「魅KTV」，是內地連鎖品牌，最近來了香港開設旗艦店。踏出電梯，已被店內帶點迷幻的燈光效果吸引。房間內設有高品質音響設備、AI評分、超大的電視屏幕，而且前後左右都設有電視，不用擔心被阻檔視線。這裡的房間，全使用智能點歌系統，只要手機在手，就可輕輕鬆鬆，選擇喜愛的歌曲。此外，還可使用手機調節室內燈光、空調、點選食物及飲品，簡單又方便。假若使用手機時，遇到困難或出現問題，店員也很樂意解答。唱歌期間，口痕痕，也不用擔心。這裡提供不同款式的食物選擇，例如：串燒、燒烤類、小食…等等。店員告知這裡的VIP房間設有小型舞台，如想相約一大班朋友唱K，狂歡盡興，這裡也是不錯的選擇！ 😋是日選擇：🎙️拉絲水牛芝士棒🎙️蜜汁燒黑豚肉🎙️烤魷魚🎙️香烤蜜糖雞翼🎙️玉子燒🎙️燒羊架🎙️炭燒豬頸肉🎙️荔枝豚肉卷🎙️燒蜜糖叉燒🎙️燒明太子多士🎙️香蒜燒鮮鮑魚🎙️燒魚肉燒賣🎙️牛油黑豚肉燒🎙️炸鏝頭🎙️招牌燒澳洲龍蝦🎙️鹽燒雞皮🎙️芝士焗雜菌🎙️燒紫菜年糕串🎙️日本一口蕃薯仔燒

終於等到魅KTV由大陸開到嚟香港！一入到去就被個環境震撼到，裝修奢華闊落，每間房都有3個大Mon環繞式設計，配合可以自由調節嘅燈光效果，真係好似置身演唱會咁🎬最勁係佢地嘅AI智能評分系統！每次唱完會自動分析你嘅音準、節拍同表現力俾分數你，同朋友一齊比賽超好玩，完全提升咗唱K體驗🎯 音響質素都好高級，坐邊個位都聽得好清楚！歌庫選擇好齊全，由經典粵語歌到最新流行曲都有，想點嘅歌多數都搵到🎵食物都有驚喜！蜜糖雞翼微焦焗得啱啱好，泰式辛辣雞鎚炸得香脆配埋辣醬好惹味，炸魚薯條都做得唔錯🍗整個環境真係將K房體驗提升到另一個層次，高科技配奢華裝修，絕對係中環夜蒲新熱點！約朋友嚟體驗AI評分系統一流💯

魅KTV (中環)中環蘭桂芳德己立街30-32號加州大廈4樓@meiktv_hongkong 最近我到香港中環的魅KTV，這裡的環境、器材以及食物都讓人印象深刻，特別適合朋友聚會或慶祝活動。環境魅KTV的環境非常舒適，裝潢時尚且充滿活力，燈光柔和，讓人感到放鬆。包廂的隔音效果極佳，無論唱歌還是聊天都不會受到干擾，非常適合享受私密的聚會時光。器材KTV的設備也相當先進，音響效果清晰，麥克風靈敏，讓每位唱歌的朋友都能展現最佳狀態。選歌系統操作簡單，曲庫豐富，無論是經典老歌還是最新熱門曲目都能輕鬆找到。食物我們點了幾款小食來搭配唱歌，首先是黑松露粗薯條，口感酥脆，黑松露的香氣非常迷人，讓人一試成主顧。美式爆谷雞粒則是另一道亮點，雞肉鮮嫩多汁，外皮酥脆，非常適合搭配飲品。香烤蜜糖雞翼則是必點的美味，蜜糖的甜味搭配雞翼的鮮香，讓人一口接一口。最後，我們選擇了Chamomile Tea和Citron Honey Tea作為飲品，前者清香怡人，後者則是酸甜可口，兩者都很適合在唱歌時享用。總結整體而言，香港中環魅KTV是一個絕佳的娛樂場所，不僅環境舒適，器材先進，還有美味的小食讓人享受。成人人頭費$1

終於唔使北上都可以去魅KTV唱k啦！係中環蘭桂坊，地方大，一開𨋢門已經被幻彩LED燈包圍，勁有氣氛！每間房都可以用手機控制燈光、LED背景效果、麥克風音效同冷氣控制，非常方便！最正係四面都有大屏幕，而且音響設備先進，喇叭靚聲唔會有feedback！亮點當然係有AI評分，係音準、節奏、感情三方面打分，令人越唱越強！食物飲品方面都唔差！👉🏻巴馬臣芝士薯條香脆薯條配上濃郁巴馬臣芝士，仲有茄醬同沙律醬提升風味！👉🏻泰式辛辣雞鎚共八件，金黃酥脆，估唔到肉質juicy！配酸辣醬，好惹味！👉🏻香辣酥炸雞翼共八件，係單骨雞翼，容易食，調味恰到好處！👉🏻菠蘿汁清甜爽口，入口清新！👉🏻橙汁酸甜平衡，有果香！

真係好耐冇唱k啦，仲記得中學果時成日放學去k lunch，最近見到內地連鎖魅KTV進駐左中環蘭桂坊，即刻同朋友去試吓先🎵場內設計好cyber，裝修風格時尚，超大屏幕配上LED燈，好有高級感，房間乾淨企理，隔音一流，點唱都唔怕尷尬，利用手機掃碼就可以點歌點餐，非常方便👍🏻小食叫左香烤蜜糖雞翼、香辣酥炸雞翼、吉列魚手指，雞翼咬落爆汁好juicy，魚手指熱辣辣沾上沙律醬食到停唔到口，飲品就叫左凍檸檬茶&橙汁，一路唱歌一路嘆小食超正🎤🌟 最特別仲有AI評分，音準、節奏、感情，真心正🤩

最近同班friend去咗蘭桂坊新開嘅「魅KTV」朝聖，真係有驚喜！🎤 呢間內地過江龍果然名不虛傳，一入門口就覺得好有氣派，成個場佔地7,000呎，裝修勁時尚，走廊仲設計到好似迷幻空間咁，燈光仲可以轉幾種風格，打卡一流！📸 音響方面真係要俾個like👍，設備夠晒力水，聲音立體到好似歌手喺你耳邊唱咁，唱K嘅feel即刻提升幾個level！最正係可以用手機scan QR code點歌同點餐，唔使㩒嚟㩒去，科技感爆燈💡。仲有個AI評分系統，唱完會俾分你，同friend鬥高分不知幾過癮！ 歌庫方面真係無得彈，新歌舊歌乜都有，仲更新得好快，由陳奕迅唱到Mirror都冇難度🎵。另外，酒水小食選擇都多，一路唱一路食，不知幾爽！🍻 總括來講，「魅KTV」環境、設備同服務都係高質，價錢合理，絕對係同friend開party嘅好地方！下次一定會再嚟！💯

聽說中環新開了這間KTV, 便約朋友來玩玩。這家 KTV 的環境設計十分現代，使用了大量的 LED 燈光，營造出炫目的視覺效果。走進 KTV，迎面而來的霓虹燈和反光的地板，讓人感受到一種時尚且充滿活力的氛圍。房間內裝潢獨特，壁面和沙發均採用高質感材料，讓人感到舒適放鬆。我們的包廂都有一個大屏幕，加3個小屏幕，四面都有屏幕，照顧到每個角度。音響系統也非常出色，能夠提供清晰的音質，讓唱歌變得更加享受。麥克風靈敏度高，歌唱時幾乎不會有回音的問題，讓人可以毫不費力地投入到歌曲中。在這裡的食物選擇也相當豐富，我們點了不少小食。有雞皮餃子,黑松露烤蝦多士,川式口水雞, 蔥油拌麵, 嵊州老面小龍包, 香烤蜜精雞翼, 芝士薯條, 燒明太子多士, 雞翅, 芝士雜菌, 芝士黑松露大啡菇等。這些食物的味道都非常不錯，而且新鮮。整體來說，這家 KTV 不僅提供了良好的音響效果，環境設計也非常吸引人，食物的品質也值得讚賞。無論是團體聚會還是好友小聚，都是一個不錯的選擇

今日一齊去咗中環蘭桂坊新開嘅「魅KTV」，呢間KTV位於蘭桂芳加州大廈4樓，裝修超Cyber，充滿迷幻燈光效果，一出電梯已經俾佢嘅氣氛吸引住！房間牆上面都有大電視，點歌用手機Scan QR Code，仲可以調節燈光同冷氣，好新奇👍👍🎵 K歌體驗魅KTV嘅音響設備真好高級🔊 音質清晰，唔會炸耳，仲有AI打分系統，會喺音準、節奏同感情三方面畀分，最高可以攞到SSS級🌟歌曲庫仲好新，無論係最新流行曲定經典老歌都有，簡直係K歌迷嘅天堂😎🍗 美食推介除咗唱K，佢哋嘅食物真是一個大驚喜～點咗幾款小食🍽️全部都好有水準🥢巴馬臣芝士薯條 🍟薯條炸得金黃香脆，上面鋪滿濃濃嘅巴馬臣芝士，入口香濃又惹味，食到停唔下來😋芝士味濃而不膩🥢美式爆穀雞粒 🍗雞粒外脆內嫩，咬落有啖啖肉汁，調味帶點美式風味，微辣又香口，超啱做K歌時嘅小吃🥢香烤蜜糖雞翼 🍖雞翼烤得外皮香脆，塗上甜甜嘅蜜糖醬，甜中帶點焦香，仲熱辣辣送上嚟～～😍🥢泰式辛辣雞翼 雞翼辣度適中，泰式風味好濃，帶點酸辣香草嘅味道，食完好開胃🔥 配住唱歌真是一個Perfect Match🤪

最近新開嘅《魅KTV》就喺鬧市核心，位置方便之餘，入面嘅體驗絕對驚喜十足🟡 音響方面真係不得了，用上高級設備，唱出嚟個人聲好立體清晰，完全唔輸比演唱會級別🟡 房間燈光可以自由調節，氣氛感十足想靜靜地唱情歌定係開Party mode都得，氣氛可以自己營造🟡 最特別嘅係佢有AI即時評分功能，唱緊嗰陣即刻顯示音準、節奏、感情💕搞下氣氛又有挑戰感🍢 食物方面都唔馬虎，有多款燒烤、小食、炸物可以order👍當中重點推介佢哋嘅黑松露薯條——外脆內軟，配埋佢自家調嘅黑松露醬，香味濃得黎又唔膩，必試！🍹 飲品選擇亦相當多，有齊酒精🥂同無酒精🧉🚻 最貼心係每個房間都有獨立洗手間，唱到high都唔洗出去排隊，夠晒方便

朋友介紹到中環這家近期開業，由內地引進的卡拉OK。接待處裝修簇新具型格，是日收費$288，包括3個小時唱K及一杯$48或以下飲品，另收加一服務費。飲品選擇主要有果汁、檸茶、檸水等。食物方面，全部都是炸物，種類不多，竟然沒有飯、麵類主食。點了炸魚薯條（$158），一咬那啖炸魚，內裡仍是有點冷，咬到有渣，好像是隔夜，又好像仍未熟透，薯條還可以。吉列魚手指（$108）、炸雞軟骨（$88）及炸雞粒（$88）全部一般，不過不失。香烤蜜糖雞翼（$88）算是全晚最好吃的食物，蜜糖及燒汁味吸引。這類點歌及下單全用手機掃QR code，但操作介面極不流暢，有時候停頓了、有時候不能返回上一頁、有時候自行跳返上一頁、有時候按制沒有反應，用戶體驗極差。最後，人頭費連小食，每人約$500，性價比不吸引。

今日收工有d時間，同同事兩丁友去咗唱吓K，諗諗吓對上一次唱已經係5年前！中環唱K！「魅KTV」唔單止音響夠新夠靚，仲玩AI即時評分，同朋友鬥吓高分！💥 🪩打造舞台燈光開Mic就有演唱會feel，自帶spotlight效果，可以扮吓巨星！ 🤖AI智能評分系統分析音準+節奏+感情，即時比分，練埋歌喉！🌯食物飲品小食有雞翼、魚手指等，唱到夜都唔怕餓！ 總括嚟講，個場都幾好玩，又多一個娛樂嘅地方做選擇！

身為忠實K迷，聽到內地連鎖KTV集團「魅」正式進駐香港，我迫不及待約朋友一齊撐場，整體非常滿意！環境新穎氣派，成個場非常新淨，裝修走時尚路線，寬敞舒適，畀人一種高級感。房間隔音一流，可以盡情放聲高歌又唔怕尷尬。另外揀歌超方便，沿用內地超先進嘅點歌系統，介面清晰易用，仲可以連手機App即時同步揀歌，效率高到唔使等！配合高質音響設備，每一首歌都好有feel，真係唱到唔想走！連小食都有驚喜，照燒雞翼香甜可口，外皮微焦，咬落多汁；炸雞軟骨爽口又唔油膩，係我當晚嘅最愛！真係一邊唱歌一邊嘆美食，心情爆燈。今日唱得意猶未盡，我同朋友已經約定下星期再嚟續唱！呢間KTV真係K迷界嘅新寵！

今晚同男朋友去咗中環蘭桂坊新開嘅魅KTV唱K🎤🎵，真係勁開心！地方超大，裝修又型格，最大K房可以坐到20人，我地入左VIP房，配有小型舞台同落地咪，唱歌好有星味✨。歌單由經典老歌到最新流行曲都有，啱晒唔同朋友！除咗唱歌，啲食物都好有驚喜！🍗香辣酥炸雞翼外脆內嫩，啖啖肉香，辣得嚟又唔會太刺激；美式爆谷雞粒香口惹味，一口接一口停唔到；黑松露粗薯條外脆內軟，黑松露香味超濃郁，必食推介！飲品有Pineapple Juice同Fruit Punch，清新解渴，邊唱邊食好爽！營業時間由3pm到翌日8:30am，無論放工定凌晨都可以嚟high！快啲約fd一齊嚟玩啦！

同幾個朋友打算試下新野唱下K，帶緊我地入房個時$268包一杯$48以下嘅飲品。入到房見到得2枝Mic。問佢可吾可以拎多2支mic，點知佢就話我地每間房都係得2枝mic。環境整體可以。但埋單後發現，張單收左野飲錢，又多左個奇怪嘅收費。問退錢又話要2-3個月。🫩

最近有間內地唱K連鎖品牌殺入香港，位於中環蘭桂坊，由下午3點開到早上8點半，通宵唱都冇問題！品牌自2017年開業，依家已經有成500幾間分店，環境闊落奢華，音響設備高質，難怪大受歡迎。香港首店佔地7,000平方呎，共13間房，有超大屏幕、LED燈、VIP房仲有舞台同落地式咪，適合約朋友仔嚟開Party😆現時餐廳只供應飲品，菠蘿汁、橙汁、蔓越莓汁、薑汽水、柚子蜜、檸茶、咖啡等。私心推介Tower，足足有三四杯，價格親民，性價比高。因冷氣溫度較低，叫熱飲暖住胃，滋潤吓喉嚨都係咁唔錯嘅選擇。全部QR Code落單加點歌，夠晒衛生又方便，每唱完一首仲有AI評分，音準、節奏、感情，同朋友Battle超好笑🤭