鬼金棒

營業中

休息中

同朋友喺附近staycation晚飯未諗到食乜嘢喺尖沙咀行吓行吓朋友仔望到有間鬼金棒問我想唔想食拉麵🍜我話好啊冇問題呀～佢話呢間鬼金棒 好多人食佢都好想試吓佢話好出名，但係我就聽都未聽過見到啲拉麵價錢大概都係$100一碗都算平我見到覺得都可以試吓嘅我抱住一個完全為咗陪朋友食嘅心態入去呢間拉麵店 估唔到咁好食我叫咗一個味玉拉麵初頭見到以為全部拉麵都係有辣，原來自己用手機落單可以選擇唔辣同埋唔麻，我揀咗最細嘅小辣，果然呢個辣到我完全接受到，我平時食譚仔都係食10小辣㗎咋，佢呢個湯底非常之惹味我留意到師傅係每一個湯底都會開鑊炒，啲火焰仲會燒到好高，好似表演咁，好犀利朋友就另外加咗粟米仔，需要加$15我嗰碗味玉，嘅意思其實就係有一粒糖心蛋，日本拉麵店嘅糖心蛋我都食得多，但係喺香港第一次食到真係個蛋黃非常紅色嘅真係第一次，完全唔係橙色 完全係紅色，味道亦都一流，拉麵我冇特別指定面嘅粗幼度，同埋軟硬嘅質地，但係面質，完全係我鍾意食嘅質地，彈牙好味，另外好值得一讚嘅就係佢個湯底真係非常濃郁，而且佢個叉燒唔係好薄嗰種又肥又乾，反而係好厚實又大嚿，口感鬆軟亦都好入味坐低如果唔嗌嘢飲 🧃，可以自己斟清水飲

嚟自日本東京超人氣嘅鬼金棒主打辣麻味增拉麵，招牌嘅地獄鬼增級辣麻更加係吸引咗唔少嗜辣者挑戰店舖裝潢採用黑紅作為主色加上大量傳統日式鬼怪面具以及吊飾擺設切合地獄主題增量叉燒x2辣麻味噌拉麵湯底用嘅味噌係由日本鬼金棒秘製後直送到港再以肉骨魚鮮同埋多種蔬菜熬足八個鐘調製，以調校唔同份量嘅唐辛子同香麻油分為五種麻度以及五種辣度總共廿五款辣麻度可以自由搭配，就算唔太食得辣嘅個人覺得小辣小麻都可以接受叉燒厚切成立方體加上肥瘦相間層次分明外觀睇落有啲似東坡肉，經過慢火燜煮過夜肉質軟腍肥美好正芫茜辣麻味噌拉麵(追加玉米荀)滿滿嘅芫茜鋪面份量多到完全睇唔到啲湯同拉麵真係超誇張；湯底質感稠厚而且浮面有啲油花入口濃郁甘香配搭海量芫茜減輕油膩感整體嚟講相對清新另外加咗十五蚊追加嘅玉米荀同樣堆疊成座小山咁增量勁多；玉米荀芯口感爽嫩清甜而且經過快炒帶啲鑊氣真心推薦

老友去到日本必定會食番碗拉麵，今晚行過尖沙咀的鬼金捧，就入去食番碗正宗日本拉麵🍜。呢間可以用qr code order, 見有辣麻可選, 就點左佢黎食下，呢度辣嘅程度可以按個人喜好選擇，另外可更可追加配菜。#芫荽辣味噌拉麵 上枱見到一碗芫荽山😍，即刻飲吓佢嘅湯底，鮮濃嘅芫荽香，芫荽控必叫。同平時食嘅义燒唔同，係一舊厚厚嘅义燒，帶小小肥，好腍好滑，夾埋啲芽菜一齊食，好正。佢哋嘅拉麵煙韌彈牙，仲索晒啲濃郁湯汁，好好味😋。#增量叉燒辣麻味噌拉麵 我哋都係點了小辣小麻，雖然小咗芫荽味，湯底都係鮮濃帶小小辣。增量叉燒係double份量，都係又厚又腍又入味，見佢即炒芽菜咁有鑊氣就追加一份芽菜，拉麵係粗身而且煙韌。食完開心大滿足🥰。

芫荽麻辣味增拉麵 $110—-增量麻辣味增拉麵 $115可樂 $15芬達 $15 天氣太熱忍不住叫汽水飲😂第一次食叫小辣試下先，唔覺有辣味，平日食開譚仔小辣覺得足夠下次應該可以試下中辣同大辣义燒真正的半肥瘦，口感幾好食賣相似車仔麵同公仔麵🤣

食過會上癮嘅拉麵上次係銅鑼灣食完就念念不忘今次同朋友一齊食朋友叫咗粟米仔再加麵包份量變得驚人😱粟米仔炒過，食落香口！我個碗中辣中麻加溫泉蛋湯底濃郁，慘喇，食完又想再食😅

位於尖沙咀金馬倫道的「鬼金棒」，係一間主打辣麻味噌湯底的日式拉麵店🍜店內裝修神秘有格調，座無虛席。餐牌上有八款拉麵可供選擇，麻度和辣度都可以自選，另外有多種追加配料芫荽辣麻味噌拉麵無麻無辣🌶大量芫荽碎鋪滿喺拉麵，芫荽控必點！湯底味道濃郁，油脂豐富，配上粗拉麵，好掛湯，麵條好Q彈呢，好好食！日式叉燒大大件，肥瘦相間，肉味香濃味玉辣麻味噌拉麵湯底同樣揀咗無麻無辣🌶基本配菜有芽菜、蔥花、玉米筍，口感爽脆～半熟糖心蛋好大隻，蛋黃呈鮮橙色，半流心狀態，充滿蛋香🥚增量豆芽菜$30有一大碗增量豆芽菜😂加咗蒜粒一齊炒香，爽脆美味Zero可樂

鬼金棒嘅拉麵出名係辣同麻，我覺得同一般嘅日系拉麵唔可以比較，因為係兩件事，日系係食湯底鮮味，好純粹嘅；而麻辣拉麵係食調味。第一次食，叫咗芫茜拉麵同辣芽菜拉麵，保險啲要小麻小辣。心諗日式拉麵唔會好辣，應該冇料到，事實係都辣喎，小麻小辣對我剛剛好，有啲刺激又唔會好大負擔。辣芽菜拉麵 - 好多芽菜呀芫茜拉麵 - 好多芫茜呀，再加咗隻味玉。麵質，佢似刀削麵嘅麵質，偏粗硬，等一等食會好啲，亦唔會好掛湯，不過我覺得ok, 我唔會將佢同其他日系拉麵比，如果佢好掛湯，又辣，唔係好多人受到。叉燒，係一件五花腩肉。正常。味玉，好impressive，生熟程度控制得好好，蛋黃偏紅色，靚蛋，有蛋香又入味。（抱歉比我整得咁肉酸）星期六晚7:30pm唔係好使等，又坐得舒服，缺點係貴少少，兩個麵加咗一個替玉一個味玉，要$250。我會再幫襯。

食呢間既拉麵真係一波三折啊🤯終於都比我食到了🙈可以話係期待已久😂-🎈增量叉燒x2 辣麻味噌拉麵 +$15味玉 (小麻小辣) $150增量版既叉燒係足足有兩大舊😂😂呢度既叉燒有啲似係五花肉咁，半肥瘦好軟稔～不過對我黎講兩舊真心有啲太多，淨食叉燒都食飽啊🤣而佢既湯底係幾欣賞的🤪因為味噌既關係所以味道濃郁少重口味既～叫左小麻小辣令成碗都更惹味😌但個人唔覺得好辣，應該下次可以挑戰高一級既中麻中辣😎至於拉麵的麵條好有㬭勁，絕對唔會偏淋身好軟咁😝最後加埋溏心蛋係碗拉麵到簡直係完滿啊💯-🔸鬼金棒📍尖沙咀金馬倫道20號地舖

#尖沙咀美食 #小蓮星呑食尖沙咀🔻 鬼金棒 尖沙咀金馬倫道20號地舖主打麻辣味噌湯底，有死神拉麵之稱嘅鬼金棒，總共有25種嘅麻辣度可以揀，開咗咁耐，今日終於有食得辣嘅朋友同小妹一齊試。/🧃特製麻辣味噌拉麵 $120呢款係舖頭嘅招牌，秘製湯底用咗好多種唔同嘅辣椒同埋唐辛子炮製而成，而麻香就用咗頂級和歌山葡萄山椒整成嘅香麻油。朋友叫咗中麻丶中辣，原本以為會好辣，其實又唔係，反而係有一種好濃郁醇厚嘅辛辣，配上唔會好啃喉嘅麻，而且唔會過分油。喺譚仔食三小辣嘅人絕對可以駕馭呢個辣度。/🧃玉米筍辣麻味噌拉麵 $100小妹因為怕怕嘅關係，只係叫咗中麻丶小辣，辣度即刻細咗好多，講真就唔係幾夠辣，不過就啱唔食得辣嘅朋友一試。粟米仔爆香過，非常香口，甜甜嘅味道亦都同湯底好夾。拉麵麵身較為粗身，嗰舊豬腩肉，肥膏入口即溶，豬肉炆得好腍，一啲都唔韌，仲好入味。/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

早前行山老友請飲汽水，今晚就請佢食餐拉麵，當然，都喺講笑啫，志在乘機搵個機會出嚟一齊聚聚吹吓水。老友食得吓辣，就揀咗尖沙咀嘅「鬼金棒」，一來地點我哋都就腳，二來喺店家嘅特製麻辣頗有口碑。一入到餐廳內，好自然有一種「拉麵」鋪嘅格局，大抵喺因為一眼先望到右邊嘅吧位及開放式廚房，餐廳呈長形，都幾深吓，以紅調為主，牆頂掛上好多日本鬼鬼怪怪嘅面具，卻唔會有太嚇人嘅感覺。我哋被安排坐晌吧枱位，企高就可以睇到師傅整麵、炒配料嘅手勢。 枱上放有水杯、筷子，更有啲紙圍裙，俾客人着住，就唔怕湯汁彈到上身，不過，環保關係，我哋就無着喇，食得小心啲就無問題，反正，平常食湯麵有幾何需要着件圍裙架，哈哈。 講到拉麵，一般日式拉麵店都做得好專，選擇唔會太多，就算「鬼金棒」標示有8款，其實都萬變不離其中，叉燒、拉麵加味噌湯底嘅基本盤，再配加大份量嘅味玉、炒豆芽菜、玉米筍、增量叉燒……等等，辣度、麻度、走蔥、走蒜……都可以自已控制，此外，仲有少少飯品供應。而落單，就以掃描二維碼自行落單，方便快捷。之前都已經試過好幾次，最好喺自已可以慢慢搞，唔使有個侍應晌隔離，怕落得慢加重心理壓力，又可以睇番落單記錄，乜都清清楚楚，減少

琴晚放工去咗食辣減減壓！💆🏻‍♀️酸辣或者麻辣嘅米線就食得多，不過麻辣味嘅拉麵都係第一次試～呢間拉麵店雖然唔算好大，但座位之間有一定距離，坐得好舒服～裝修好地道，擺咗好多日式公仔，好似真係去咗日本咁😍介紹下啲嘢食先～呢間舖頭主要提供辣麻味增味嘅拉麵，不過如果你唔食得麻辣，都唔緊要，因為可以自選辣/麻程度，走辣亦OK！我哋order咗兩款拉麵：特製辣麻味增拉麵湯底除咗麻辣味，仲食到濃郁嘅味增味😍我揀咗小麻小辣，唔係好食得辣嘅我都接受到～拉麵嘅配料好多，有叉燒、溏心蛋、玉米筍、芽菜、蔥花。叉燒好腍好入味，肥瘦均勻。玉米筍有燒過，所以有炭燒風味😆芽菜應該有爆炒過，好有鑊氣！雖然湯底好濃，但因為蔬菜比較多，所以食落都唔會覺得膩～拉麵比較粗身，都幾有咬口，就算浸響湯裡面一段時間唔會糊咗，唔錯唔錯～增量叉燒x2辣麻味增拉麵+追加味玉（溏心蛋）呢款嘅湯底俾上面嗰款清淡少少🤏，但都好好味！叉燒大大塊，好似東坡肉咁，脂肪入口即溶🤤其他配料同上面介紹嗰款拉麵差唔多，只係無味玉（溏心蛋）～想特別讚讚追加嘅味玉，因為真係整得好好食，溏心程度恰當好處，有蛋汁流出黎㗎，仲食到少少醬油味，好惹味哦🥰再想讚下餐廳嘅衛生

麻辣與芫荽是我最愛的食物，身為一位芫荽控當知道人氣拉麵店「鬼金捧」，有齊三樣我愛的食物必定要來朝聖，今次來到尖沙咀分店， 期待著品嚐這合我心意的美食。拉麵店內裡燈光陰暗， 很有神秘感， 四周放了很多赤鬼及青鬼的擺設， 還有一個開放的廚房， 可清晰地看見廚師在煮理食物， 還不是有熊熊的烈火， 傳來陣陣的香氣， 令人食慾大增。個人首推「芫荽辣麻味噌拉麵」，點了中度的辣和麻， 上桌後看見滿佈芫茜的拉麵，已經非常興奮，湯底是很重味噌，夠麻又夠辣，份量十足，拉麵彈牙， 叉燒質地超厚肉嫩腍， 味道香濃，超贊。「增量叉燒辣麻味噌拉麵」 叉燒加倍份量， 這碗點了小辣小麻， 更飲出味噌湯的濃香， 加上一隻溫泉蛋，倍感滿足。在日式拉麵店，總會愛用飯來撈拉麵湯底，再叫來一碗「肉飯」， 珍珠米軟綿綿，加上濃郁的肉醬汁，再放在拉麵湯上，大口大口吃， 十分飽腹。

味道：⭐️⭐️⭐️⭐️⭐️依家係一間東京過江龍嘅餐廳主打味噌拉麵🍜仲被稱為全港最好食嘅拉麵👩🏻‍🍳❶玉味辣麻味噌拉麵 $100🥢唔食辣嘅朋友唔好比佢個名嚇親🌶拉麵係可以自己揀辣度或者唔辣而我就揀咗小麻小辣😈入口嘅時候味噌湯嘅味道好香濃 再帶點麻辣嘅味道 😽配埋粗麵一齊食簡直係Perfect match👍🏻而呢度嘅叉燒就有啲似中式東坡肉咁樣🐷肥瘦夾雜 咬落都相當肥嫩 而且入味🐖而最重要嘅糖心蛋都相當出色 帶有流心嘅效果🥚❷炒豆芽菜辣麻味噌拉麵 $100同樣都揀咗小麻同小辣🌶同上面提及嗰碗拉麵嘅味道其實都冇乜分別👺唯獨是唔同嘅就係呢碗就冇糖心蛋🥚不過有大量嘅芽菜🥗芽菜配上拉麵一齊食令到口感豐富左 口感變得爽脆🦷❸肉飯 $45好少見拉麵店會有飯類🍚而呢個肉飯就係用咗日本嘅珍珠米🇯🇵再配上一舊好似東坡肉咁嘅豬肉🐽珍珠米嘅口感軟硬適中 粘而不腻👻但略嫌醬汁比較少 食到最後會變咗食白飯咁👽Ps:尖沙咀、銅鑼灣都有分店🥰

好耐無食拉麵啦～今晚揀左呢間東京過江龍辣麻拉麵店 - 鬼金棒，裝潢以日本神怪為主題，擺設都好有心思。主打八款拉麵，辣度同麻度分為5個級別，自行掃QR CODE落單夠哂環保又方便，更免費提供圍裙，好貼心～增量叉燒辣麻味噌拉麵，兩大塊叉燒肉質柔嫩好入味，肥瘦相間入口即化，完全唔乾柴~麻辣度方面揀左小辣小麻剛剛好，拉麵爽口煙韌，掛湯力佳，芽菜爽脆清新好有咬口，仲有流心溏心蛋，極富蛋香~莞茜辣麻味噌拉麵一上枱忍唔住嘩左聲，滿滿新鮮莞茜鋪滿成碗拉麵，唔太食得辣揀左無辣小麻好過癮。拉麵彈牙有嚼勁，配細膩軟稔叉燒、爽口芽菜同香濃流心既溏心蛋，好滿足~

鬼金棒 一 具日式而帶點神秘感的一個名字，是日式拉麵店，主打麻、辣味噌拉麵，亦有一款非精獨特，部份人愛，部份人恨的《芫荽拉麵》，作為芫荽控的我，絕對是為此而來，今晚十分滿足。但就算不吃芫荽，其麻辣拉麵（亦可選不辣）亦十分出色，值得一試。湯底可自選辣度及麻度，均設大/中/小/無四個選項，非有著極大的自由度。芫荽辣麻味噌拉麵（$110）： 作為一名芫荽控，這碗芫荽辣麻味噌拉麵令我期待萬分，湯底是麻辣湯底，隨後大灑芫荽及蔥粒，非常eye-catching辣度我選了中辣，麻度則小麻（由於不太喜歡那種咀唇麻痺的感覺），先喝幾口湯，中辣的麻辣與味噌湯底非常融合，極為惹味，但麻辣又不會奪去湯底的鮮香，非常出色。曲麵硬度適中，不硬亦不淋，帶點韌度又能掛湯，質感不錯。有別一般拉麵店的薄片叉燒，鬼金棒一律採用整厚切叉燒（豬腩肉），厚厚一層脂肪極具油香，而豬肉肥瘦相間，每口也能嚐到豬油香及肉香，肉質軟腍，咬下去呈一絲絲的質感，十分出色！大肉飯（$55）：極厚切叉燒與拉麵的那款相同，同是軟腍多汁，味道香濃入味，非常滿足，飯有滷汁，整體味道十分濃厚，比台式滷肉飯更為美味。