高麗軒韓國餐廳

營業中

休息中

朋友仔好想食燒肉，見佢燒肉放題午市$228， 就即刻入去食。我並唔係一個食肉獸， 但我今日食咗好多肉，因為真係好好食。地方好大， 裝修靚，原來北角店係新開張。午市超多人。 侍應推介加$68任食加拿大Prime 雪花牛和3A雪花牛、帆立貝、澳洲新鮮帶子、法式羊架、紅炆牛肋骨。 咁當然要食好啲啦，真心要讚佢嘅Prime 雪花牛， 肉味濃，油脂分佈好靚， 肉質好軟腍，唔需要點咬。 我地仲追加咗四碟。回本😂。仲有仲有佢個魷魚都係超好食。 調味調得好，而家好爽身。帶子大大隻，勁新鮮。甜品仲送咗一個啫喱。雖然我唔係食肉獸，但都好享受呢餐。 除咗肉之外，仲可以任食年糕，人蔘雞湯，豆腐湯， 前菜等等。佢嘅前菜好好味，有魚仔、蘿蔔、芽菜、菠菜、泡菜。細細份， 唔怕浪費。即使追加，上菜時間都好快。呢個羊架好大份中午放題，二至三人食用時間係一小時半。我哋兩個女仔根本食唔到咁耐。返 #北角美食 #高麗軒韓國餐廳

打大風無所事事上網睇到kol推介呢間韓燒冇得輸即刻上openrice睇評價，全部都話性價比高即時book了早了價6時至7點半減40元，昨天假期早.左15分鐘到達，好多人都睇網上推介，够6点話事人老油條帶入場，坐底等了30分鐘都冇嘢食，其他人即時起哄，話事人話吾計時慢慢食第一輪30分到食物到2輪1.30分鐘都冇食物到，其他人再起哄，話事人冇計叫我起身免费，曲街啦我黎食系想食飽啵，吾系貪唔洗錢，費時失事，吾够伙記就吾好推廣，今次餐廳，客人，Kol三輸以後吾會再信jD所謂KOL😎

平常不會寫食評，今次真係要反映一下啦！當日準時到全場都係滿座既，攞咗個QR code就點菜，第一輪都要等咗成十幾分鐘先見到啲肉肉，而一齊叫既前菜就變咗後菜🤣成大半個鐘咁滯，真係坐喺度等㗎🧐而叫咗啲飯到最後都冇嚟仲以為自己張單甩漏啫，原來前後左右既枱都係，到最後見啲客互相贈送自己啲食物過隔離枱，聽聞有啲成半個鐘都未有嘢可以開爐燒嚟食，慘慘😢不過都開心睇到香港人發揚咗守望相助既精神啦😆👍仲見有啲人直程入去厨房問點解咁耐既？有啲離開嗰陣仲話都冇嘢食不如走啦⋯⋯想等？都夠鐘啦，係咪？時間就係咁一分一秒咁過冇咗，唉😮‍💨無奈📌希望餐廳可以改善下，當晚氣氛真係唔多好，真係乜嘢心情都冇哂㗎⋯⋯

呢間野我都黎過好多次，佢食物好味，所以會再encore，但今次既經驗令我以後都唔會幫襯呢間餐廳分兩邊，我哋今次兩個人坐喺燒肉達人嗰邊。一入去冷氣開到好大，大到我見到啲冷風吹出黎，好似開咗雪櫃咁。都明白燒肉店如果一開爐店面就會好熱，所以都冇乜嘢，諗住開爐之後就會好啲。 坐低左之後大概10分鐘終於有人黎serve，俾左個QR code落單同埋有兩杯茶（我哋已經算好彩，隔離枱有啲坐左廿分鐘都冇茶，有啲枱兩個人但俾咗一杯茶🥲）。等左咁耐都肚餓啦，即刻掃QR code諗住落單😀 但係！原來呢邊係上唔到網，淨係收到一兩格，有啲電話台就好彩啲，轉好耐有時都入到佢個網，而餐廳本身係冇wifi提供🙃 同侍應講佢完全幫唔到我地，之後我地再同經理反映，佢講左佢哋wifi密碼俾我哋聽，但都係連唔到。好彩我哋有一部電話連到自己data，搞左咁耐勁肚餓，所以拿拿林叫野食。我哋18:31落單，到18:50都未有野食黎，我哋問侍應可唔可以幫我哋跟一跟，佢睇返話落左單，要等咁耐係正常🤓過左5分鐘再問侍應，佢話佢哋淨係負責serve我地，其他野佢唔清楚。都明白佢難做，我哋再同經理反映，經理話會幫我哋跟，最後要我哋自己行到

北角一向也是隱蔽嘅美食堂🥰今次新開左間尖沙咀人氣韓燒同埋料理放題高麗軒韓國料理‼️北角新店開張🎏🎉佢哋有定食同埋放題燒肉食😋我哋今次就揀咗食佢哋嘅韓燒放題，星期一至四每位晚市$168。都係揀完食放題之後佢哋就會俾個QR code你自動落單，佢哋放題韓燒都包咗好多款牛肉、豚肉、豬肉、雞肉、海鮮，依家每人只要加多$68 升級，就可以任食加拿大Prime 雪花牛/ 3A雪花牛😍😍仲有帆立貝、澳洲新鮮帶子、法式羊架和紅炆牛肋骨！真係非常吸引！點完單之後嘢食好快嚟到，佢哋除咗有韓燒之外仲有唔少嘅韓式料理，例如有人蔘雞湯、辣豆腐海鮮湯，韓國炒年糕等等。我哋仲有叫咗唔同款式嘅配菜同埋配料好似蒜頭同埋青陽辣椒🌶️自己最驚喜而且又再叫嘅就係豬頸肉、牛仔骨、牛肋骨同埋辣味五花腩😚😚仲有牛肩肉，佢哋嘅牛肩肉就咁食都好有牛肉味唔使點醬汁都可以！另外佢哋有生菜你呢可以包住啲燒肉食唔會咁油膩👍🏻👍🏻食到最尾佢哋依家仲有免費送甜品啫喱: classic 羅拔臣啫喱🤭簡直就係完美嘅一餐❤️‍🔥

一向人氣爆燈嘅高麗軒喺北角開咗新店，我呢個咁鐘意食肉肉嘅吃貨，緊係要去試下啦高麗軒主打韓國烤肉，可以任食，亦可以選擇套餐。晚市$268, 每人只需加 $68 就可升級，任食加拿大Prime 雪花牛/ 3A雪花牛，帆立貝，澳洲新鮮帶子，法式羊架，紅炆牛肋骨，真係好抵食！韓燒有靚靚雪花牛肉汁豐富，配上韓燒必備的生菜及大醬＋辣椒，感覺冇咁肥膩又好食仲有呢度嘅帶子粒粒都大大粒，鮮嫩可口仲好鮮甜。蝦同魚都好鮮甜而呢度嘅熟食年糕同埋紅炆牛肋骨都好好食架。特別係紅炆牛肋骨非常惹味，牛肋骨好淋，肉味濃郁，蘿蔔好入味，真係正最後甜品仲送好耐無食過嘅羅拔臣啫喱添，呢餐真係滿足又抵食😋高麗軒韓國料理 (北角店)地址： 北角和富道20-36號明暉大廈1樓#北角美食 #高麗軒韓國餐廳 #koreanbbq #圓規 #香港美食 #韓燒 #bbq #Northpoint #大滿足 #foodporn #foodie #吃貨 #yummy #人氣韓燒#韓國料理 #韓國菜 #korean #foodiehk#explorehongkong #放題 #allyoucaneat #instafood #instalike

同朋友相約喺北角，一見面大家都話好耐冇食過韓燒，上網搵左一輪先搵到間唔太貴質素又唔差嘅放題，高麗軒平日晚市$268就有得食。呢度餐枱夠晒大張，就算六個人一張枱都唔迫，出面其他小店，呢度就冇話一坐低就黎一堆前菜同埋鍋邊蛋，不過我反而最鍾意呢一點，咁多前菜都唔係樣樣食的咁就唔會嘥嘢啦👍🏻講返7點時段$268嘅menu，選擇唔多，但應該有嘅都有齊，而且仲有熟食例如煎餅人蔘雞湯等，但見到+$68就可以升級肉同海鮮，就揀左呢個，升級左有A3同prime等級嘅雪花牛，當然質素唔錯，雪花紋路靚嘅又唔會太油脂多。再黎係海鮮，我個人認為帶子>蝦>帆立貝🤤不得不讚呢度海鮮比想像中質素好，蝦係去左頭，但燒完出黎爽脆的，帶子亦相當高質，叫左2大盤食😳

秋風起最適合食大餐🤣今次去左韓燒呀~記得中學果陣會一大班同學仔去食任飲任食，一路燒一路傾計~經過北角見到開左間人氣韓燒+料理放題喎😍2個人去懷緬下先.📍高麗軒韓國餐廳.🥢晚市($268/成人) - 揀左每人再+$68升級可以任食加拿大prime雪花牛/3A雪花牛、帆立貝、澳洲新鮮帶子、法式羊架同埋紅炆牛肍骨!!好豐富好抵食~叫到成枱野食可以慢慢燒慢慢食😆最鍾意用生菜包住食~感覺無咁油膩🥬紅炆牛肍骨勁入味又夠淋，蘿蔔索哂啲汁直頭無得輸呀😋

🇰🇷🇰🇷🇰🇷同爸爸👨🏻歎韓燒！好耐冇同爸爸二人世界，佢嘅前世情人帶佢去浪漫下，欣賞一下我爸爸嘅攝影技術🥰👍🏻爸爸眼中嘅我👀陪爸爸🍺一🍺👏🏻👏🏻👏🏻呢間【高麗軒韓國料理】(北角店)係尖沙咀人氣韓燒+料理放題高麗軒韓國料理 北角新店開張🎊🎊🎊⭐新張期內全單9折！【溫馨提示】每人另加 $68 升級:任食⭐加拿大Prime 雪花牛/ 3A雪花牛(入口即化)⭐帆立貝(大大粒)⭐澳洲新鮮帶子⭐法式羊架⭐虎蝦⭐紅炆牛肋骨(好好味)⭐人參雞湯(大大隻雞肶喺入邊)⭐黑毛豬五花腩(記得嗌埋碟生菜包住食，正！)⭐海鮮煎餅(味道調得幾好)⭐仲可以嗌唔同嘅配菜🍮免費送甜品啫喱: classic 羅拔臣啫喱

恭喜曬北角和富道高麗軒韓國餐廳正式開業啦🥳見佢地咁受歡迎今次就食韓燒升級放題🔥任食既加拿大Prime雪花牛同3A雪花牛🐗絕對係回本之選升級仲有帆立貝，澳洲新鮮帶子，法式羊架，紅炆牛肋骨等等都係任食😍勁吸引呀特別推介帶子，大大粒又夠鮮味而兩款雪花牛都好有肉味😛雞翼同豬頸肉調味出色🐽令人食過返尋味呀海虎蝦就夠大隻🦐肉質唔錯湯品方面推薦泡菜豆腐辣湯唔會過辣之餘豆腐夠滑有豆香🌶️仲有免費送甜品啫喱添呀🍮食到經典既款色既羅拔臣啫喱真係咩回憶都返曬黎呀～員工服務態度又好又貼心餐廳氣氛都相當唔錯😙啱曬一家大細同朋友聚會

尖沙咀人氣韓燒+料理放題🌟高麗軒韓國料理係北角開左分店，甘近我當然約朋友去食下啦😁晚市放題每位$268，另外每人另加 $68 升級，可任食加拿大Prime 雪花牛/ 3A雪花牛，帆立貝，澳洲新鮮帶子，法式羊架，紅炆牛肋骨， 不過本身個套餐唔升級都好豐富😍牛肉選擇豐富，有肥牛，肉眼扒，牛肋骨等， 質素比預期嘅好，放題食物嚟講好有誠意。除咗牛肉，豬肉，雞肉，海鮮，仲有好多熟食 例如石頭鍋飯，海鮮煎餅，野菜炒牛肉 ，年糕，粉絲，仲有人參雞湯同唔同嘅湯品😍最後仲免費送甜品啫喱🍧，童年時最愛既羅拔臣啫喱， 食完真係捧住個肚走呀，超級飽。

韓式燒肉在香港有不少餐廳都可以吃到，不過最近朋友帶我去的一間絕對會想再來，是位於北角的 高麗軒韓國餐廳！好像有差不多店名，所以要留意下~別去錯。平日晚市的燒肉放題是$268/位，用餐時間~ 1 - 3 位會有1.5小時，4位或以上則是2小時啷QR Code下單，上菜速度超快也沒漏單。個人來說不升級其實都很夠吃，主要是看會否想吃升級後的雪花牛、羊架等如果升級的話就要每位+$68 飲品不屬於放題的部份，有酒精飲品和可樂，或者選擇 - 菊花茶 ($30/壺) 覺得稍微甜了些。另外還會有酸梅湯喔！不過一堆韓國前菜倒時是任食的，包括泡菜！亦有3款湯可以選，人參湯會有一隻雞髀 肉類方面，牛肉有5款可選～都很不錯。蒙古羊肉會有少許羶味，但能接受的。最推介的是五花腩，很香口又不會太韌！也可以用生菜+韓國面豉醬包來吃呢另外都有6款海鮮，如青口、鮮魷魚海虎蝦上桌時已剪掉了蝦頭，不論是燒還是吃起來感覺更方便一些！最後甜品會有一人一碗啫喱！

#北角 住附近時, 見呢間韓烤一直好想試, 今日終於有機會🤣😂! 座位寬闊, 裝潢有點懷舊 feel, 服務非常周到! 任燒任食, 最貴都只係 $268, 💰價錢好吸引! 用 QR code 落單好方便! 除咗燒物仲有一品料理, 湯, 石鍋飯同埋韓式菜品, 超讚🤤🤤! 最欣賞係有得選半份, 咁可以食多幾款! 燒物有🐄牛、🐖豬、🐥雞、🦑海鮮、菜…多款選擇! 當中最愛牛仔骨、牛肋骨肉、牛舌! 滿滿的肉香, 肉質細嫩, 調味方面好合我們胃口! 黑毛豬腩亦是至愛, 燒至焦香, 包生菜及麵豉醬同食, 正’s! 海鮮方面只點🦐海虎蝦及🐟魚柳! 蝦激讚, 鮮甜爽口彈牙, 魚柳唔腥無雪味! 🥬牛肉炒雜菜, 🦐蛋包蝦, 🦑海鮮煎餅…全部我至愛! 不得不讚下個蛋包蝦, 唔係任食就比劣食, 蝦爽口彈牙又大隻🤤🤤, 高質得很! 為免太飽就無要🍲湯品喇, 要一壼自家製菊花茶 $30🥤, 唔太甜, 濃濃菊花🌼味, 抵到一個點! 🤗前菜都係自己點, 各前菜口味好啱我, 特別喜愛個小魚, 第一次食呢種味道! 每人另加 $68 仲可以升級任食加拿大Prime 🥩雪花牛/ 3A雪花牛、帆立貝、澳洲新鮮帶子、🐑法式羊架、紅

黎到高麗軒韓國料理食放題，令人好有驚喜，裝修以傳統韓國餐館風格，除左有韓燒食物，亦都有熟食款式，食物性價比高😍 韓燒選擇多，有牛雞豬，亦有海鮮等熟食有蛋包蝦，韓式炒粉絲，辣炒五花腩，年糕同人參燉雞湯，石頭鍋飯 ⭐升級仲可以任食加拿大Prime 雪花牛🥩，3A雪花牛，帆立貝，澳洲新鮮帶子，羊架同紅炆牛肋骨飯後仲有啫喱食🍮呢度食物有多款選擇，食完韓燒又可食熟食韓式粉絲、韓式炒年糕等，真係好豐富，味道又唔錯

之前成日會去尖沙咀既高麗軒韓國料理食韓燒放題～～佢地最近喺北角開左新分店，當然要同朋友黎支持下啦❤️❤️餐廳裝修好有舊式韓燒餐廳既感覺，味道仲好正宗呢！！-🔥晚市韓燒放題(90分鐘) $268✨呢個韓燒放題好豐富！有齊多款肉類🥩、海鮮🦑、蔬菜🥬、廚師精選🧑🏻‍🍳、韓式小菜🥒、一品料理🥘、湯品🍲同石鍋飯🍚等可以任食～～我地另外加左($68)升級，可以任食加拿大Prime雪花牛、3A雪花牛、帶子、帆立貝、羊架同紅紋牛肋骨～～肉類同海鮮都好新鮮，上菜時間都好快👍🏻👍🏻當中推介加拿大prime雪花牛，油脂分佈平均！肉質十分軟腍，仲好有牛味😍😍另外要讚一讚佢地既韓式小菜！除左平時食開既泡菜，仲有幾款比較正宗既小菜～～當中最鍾意韓式小魚乾，食落好香口開胃😋😋而佢地呢度都有提供生菜同韓式麵豉醬，用生菜包肉食真係特別好味🤤🤤-除左燒肉，我地仲叫左幾款熟食，包括海鮮煎蔥餅、蛋包蝦同人蔘雞湯等～～整體味道都唔錯，而人蔘雞湯最有驚喜❤️❤️湯底飲落濃郁，裡面仲有成隻雞髀，好足料！！餐廳最後會送羅拔臣啫喱作甜品，不過我地實在太飽食唔落🤣🤣今餐真係超滿足，推介大家黎試試！！