高麗軒韓國餐廳

營業中

休息中

晚上跟同事於炮台山這邊下班，逛了一陣子旁邊「油街實現」藝術空間。題外話，近期的主題為「安樂」頗有意思，現場有工作坊，可以去參觀一下。餐廳介乎炮台山與北角站中間，兩邊同樣也大約數分鐘路程。之前於尖沙咀吃過，是人氣的韓燒料理放題，幸好一早已訂座，現在北角的是新分店。晚市放題每位$268，一至三人用餐時間為90分鐘，四人或以上則120分鐘。餐廳空間非常之寬敞，充滿傳統韓式味道，爐的抽風也很好，完全不覺有油煙，巨型的卡位足夠坐上六人。升級只需再額外每位加$68，會多上六款美食。加拿大的牛隻是優質谷飼的，牛肉味特別濃郁，柔嫩的肉質及結實，潔白的脂肪具有更加良好的油花度，入口好甘香，PRIME比起3A更加高級，油花的品質最多；鮮甜多汁的帆立貝燒起來裙邊位帶點爽脆，月牙位好軟糯；澳洲新鮮帶子肉身肥厚，味道鮮爽帶甜；法式羊架醬汁好濃郁，完全不覺羶味，入口軟嫩多汁；紅炆牛肋骨燉煮後變得鬆化，還有不少清甜的蘿蔔。其他食物方面，由於集中吃加拿大PRIME雪花牛，所以沒有試到太多。薄切的牛舌特別硬脆帶點嚼勁；海虎蝦充滿鮮味，肉質彈牙緊緻，容易去殼；蛋包蝦已去殼蘸上蛋漿油炸，比較方便；韓光不少得的生菜及韓國面豉

友人住北角，話呢間高麗軒韓式燒肉好高質，食左多年味道依舊好味！今晚係附近行完outlet，一於試下！入到去乾淨企理是傳統韓燒店的格局，當然不乏時間歷練的味道。今晚星期一任食收費是$268加一，有前菜、燒肉、海鮮、湯品、主食、小菜等～店員會提供QR code 點餐～ 餐廳同時亦有供應單點、套餐及二至四人套餐！韓式小碟都是經QR code 無限量點餐，點了6小碟。韓式小魚、韓式泡菜、豆卜出色！放題價錢無包飲品，叫左壺菊花茶$30 下下火！菊花味幾濃，唔太甜！單單牛肉類已有5-6款，豬肉亦有4款，肚仔已經裝不下雞肉，不過所有食材可以點半份！每款肉類都會分別以一個盤盛住，望落肉嘅色澤都幾新鮮。韓式牛肉、牛骨肉、牛仔骨醃料都是正宗韓國甜甜燒汁的味道！肉質軟稔亦不乏肉味，最推介牛骨肉。連肉眼扒都有，超大塊！韓燒少有嘅牛舌粉嫩爽彈，但偏厚要燒耐少少時間。魷魚意外地亦鮮味十足，感覺唔似急凍貨。五花腩有兩款，選了黑毛豬五花腩，外皮非常Q彈！包菜、麵豉醬都有得單點，將五花腩夾埋蒜片、韓式泡菜就更解膩！小食因肚嘅空間有限就是食了韓式粉絲同蛋包蝦，蛋包蝦係好似濃邊荷包蛋包住蝦肉，幾特別，韓式粉絲味道亦正常。其

This is a place for all you can eat Korean bbq But you can also order a la carte if you want something different Love the ginseng chicken soupWith the entire chicken soaked in thick but not oily chicken soupThe ginseng flavour is moderateNothing too strong for those who doesn’t like herbsBrisket bowl is also fascinating The carrot and white radish are deeply soaked in soupCooked well and long enough to make them all tender and moistWish I could encore those sides

尖沙咀人氣韓燒及料理放題登陸北角，高麗軒韓國料理係北角新店開張，呢度秉承傳統韓國餐館嘅風格，高質食物性價比高😍 韓燒有好多款選擇，有肥牛、牛肋骨肉、五花腩、雞翼、蒙古羊等，海鮮有秋刀魚、鯖魚、魷魚、青口、海虎蝦，又有生菜雜菜😋 熟食有年糕、蛋包蝦、韓式炒粉絲、辣炒五花腩 仲有唔同滋潤湯水包括人參燉雞都好正，連泡菜炒飯同石鍋飯都有😍 每人另加 $68 升級仲可以任食🥩加拿大Prime 雪花牛🥩3A雪花牛🦪帆立貝🦪澳洲新鮮帶子🍗法式羊架🍖紅炆牛肋骨 餐後仲有免費甜品啫喱🍮，係classic 羅拔臣啫喱加花奶，好滿足嘅一餐

初初一心以為同尖沙咀一樣，因為去過尖沙咀食過好多次，諗住今次去北角試下，點知去到好失望乜都無，連汽水都要比錢，尖沙咀係任飲，生牛肉又無，湯種類又小，……真唔會再去

lunch 去食韓燒，好過份？！ 非也！呢間韓國料理係有lunch set 食，佢既主菜有好多款肉類，而且燒埋比你，但我叫咗個 蛋包魚 set。lunch set 包前菜一款，湯，主菜，白飯，飲品，甜品。先講佢個湯，係韓式既蘿蔔雞蛋絲湯，清甜。我地3個人可以有3碟前菜（款式係待應隨機給的），我地要求要小魚乾，待應都好好幫我地換，所以叫咗唔同款share，有泡菜，小魚乾（必吃），小白菜。主菜係蛋包魚，係魚柳外有蛋包住，煎得外乾內濕，沒有煎乾內裡魚柳，魚柳好滑，比起食燒牛肉，食落清清淡淡，配上白飯，食唔停口。飲品係凍菊花茶，最後係甜品，花奶啫喱，好有細嗰時阿媽整既啫喱既味道🤣🤣🤣午餐有加一服務費，$68食到高汁韓式菜，係邊度搵吖！ 讚吖！

成日食泥食去都係個幾間韓燒？🥩食到好厭？高麗軒韓國料理唔知大家有冇聽過？最近佢地係北角新店開張，主打人氣韓燒+料理放題高麗軒韓國料理원 新開張佢地環境都好乾淨，好舒適🎉 👉新張期內全單9️⃣折🌟依加星期一至四，只要730pm埋單，成人每位$228再加一，好扺🌈本身任食個到已經都好多選擇🌝，想食多少少種類，每人另加 $68 升級:🔸任食加拿大Prime 雪花牛🥩 (我喜歡食Prime多少少，肉味再重多3A少少)/3A雪花牛🥩 (脂肪多過Prime，但肉味同Prime不差太多，一樣好正🔥)🔸帆立貝 (好鮮味，重海水味🌊)🔸澳洲新鮮帶子 (極力推薦👍👍好鮮甜，記得唔好燒太耐，燒太耐會un，當日我都encore左3盤)🔸法式羊架🔸紅炆牛肋骨最後，仲有免費送甜品啫喱: Classic 羅拔臣啫喱

哩間韓燒無論食物同裝修環境都超韓室內以木質為主 掛咗一啲韓國裝飾同畫座位亦好闊落、好乾淨👍🏻👍🏻我覺得好似去咗韓國🇰🇷咁！肉類、其他食材都比一般韓國燒烤店嘅好食😋而且用手機order 店員就會送餐衛生好多！.星期一至四$268/位，星期五$288/位🆙仲可以加$68升級食加拿大prime雪花牛、A3雪花牛🥩、羊架、澳洲帶子、帆立貝、炆牛肋骨！.今次我哋食$268/位韓燒放題大推頂級牛頸肉、肉眼扒、牛舌🐮、辣豬肉、海蝦🦐、魷魚鬚、雞翼，仲有辣豆腐湯、人蔘雞湯都好正，用石鍋上，keep住熱辣辣，非常有風味！而牛嘅肉質好靚！肉味香濃又有彈性！辣豬肉惹味得嚟唔會好咸，入口鬆軟，用生菜🥬包住夾埋生蒜、青椒仔、麵豉醬一齊食，超好味！❤️仲有～佢哋前菜都有好多款！泡菜同魚仔都好好食！😋.另外仲有牛肉他他、石頭鍋飯…多種食物，但我哋太飽就冇叫到。.哩間韓燒真心值得試，以佢嘅食物質素、選擇嘅種類，環境同服務，哩個價錢實在好抵。我哋會再嚟食過💜。

好耐冇食韓國燒烤，突然之間好想食，於是聽朋友介紹去咗呢間任食韓國燒肉ᕕ(ᐛ)ᕗ.每位$278 (星期一至四)，$298 (星期五六日、假期及假期前夕)燒烤食物種類幾多，除咗有豬牛雞羊等肉類，仲有青口、魚柳、秋刀魚、魷魚、海虎蝦等海鮮。除咗燒烤之外，仲可以任食多款廚師精選、一品料理、湯品、石鍋飯、涼拌小菜等等，非常豐富。.每位另加$68升級可以加點任食：加拿大prime雪花牛、加拿大3A雪花牛、帆立貝、帶子、法式羊架、紅炆牛肋骨等。.牛類 🐮♥加拿大prime雪花牛及3A雪花牛厚薄適中，油脂分佈細密，肉質幼嫩富油脂香。 ♥肉眼扒油脂分佈均勻，肉質軟腍牛味濃郁。♥牛舌口感爽彈。.豬類 🐷♥黑毛豬腩肥瘦均勻，肉質爽彈有油脂香，燒到微微焦香，生菜包住一齊食更清爽。♥辣汁五花腩以秘制醬汁醃製，肉質有彈性，唔使蘸醬已經好惹味。.羊類 🐑♥︎羊架唔會有羊膻味，肉質軟嫩。.海鮮 🦐♥虎蝦肉質新鮮，結實彈牙。♥帆立貝及帶子大大隻，口感柔軟Q彈，不過唔好燒太耐會縮水架！.湯品 🥣♥人蔘雞湯雖然無平時單點嘅咁濃郁，但都食到人蔘雞湯嘅味道♥辣泡菜湯開胃惹味。.廚師精選 👨🏻‍🍳♥海鮮煎蔥餅賣相好似唔係好吸引，但

有咩驅使我去到北角咁遠，就係因為有朋友拉住我要去食韓燒😝😝環境真係幾有韓國餐廳感覺，裝修都比較舊式，好有風味。除左有韓燒之後，仲有湯品、多款韓式料理都包埋，再加埋新張期內有9折，想試就快手啦😍😍唔同時段價錢由$228～$288，強烈建議大家+$68升級個韓燒，因為真係物超所值😎😎加$68就有齊以下幾款：-加拿大Prime雪花牛-加拿大3A雪花牛-帆立貝-澳洲新鮮帶子-法式羊架-紅炆牛肋骨👍🏻雪花牛真係靚野，雪花分佈平均，平衡到牛肉味同油香😋😋👍🏻 澳洲新鮮帶子又係我的至愛，大大粒仲有簡單調味😋👍🏻蛋包蝦岩晒想食蝦又唔想剝殼既我，用蛋漿煎起真係好香😊👍🏻生菜及韓國麵豉醬，呢樣野雖然好普通，但係唔係間間韓燒店都有會地咁仔細會跟埋韓國麵豉醬、紅/青辣椒同埋蒜片。五花肉、泡菜、韓國麵豉醬、蒜片包埋真係超正😋😋👍🏻菊花茶 $30/楂韓燒下火之選，唔會太甜又有菊花茶味，而且$30就有一大楂⋯⋯食得暢快之餘都要飲得暢快😈👍🏻羅拔臣啫喱又係我睇到食評介紹已經心心眼，因為真係好耐冇食過，自己又懶得整🙈🙈不過如果可以有唔同口味揀就更加正啦🤪😝😝

港島人的喜訊💯尖沙咀的人氣韓燒&料理放題——高麗軒韓國料理喺北角開咗新店😎 想幫襯呢間餐廳唔洗再過海，新張期內仲有全單9折🤩由於我食得比較多嘢，同朋友出去食飯傾向選擇放題🙈 呢度成人晚市放題只係$268，唔單止有基本嘅豬牛雞肉，仲有蒙古羊肉同埋海鮮😍.本身package已經唔錯，每人另加 $68仲可以升級😍🐮牛肉升級為加拿大Prime 雪花牛同埋3A雪花牛，肉質嫩啲，肉味都會香濃啲🤤海鮮方面有帆立貝同埋澳洲新鮮帶子，晶瑩剔透又鮮甜🥰🐏法式羊架好香又唔羶😋🦴仲有紅炆牛肋骨，炆得好入味😝.🌶另外韓式小食嘅味道都唔錯，特別係石鍋飯同埋豆腐辣湯🥘，好夠辣又鹹香☺️.其實仲有免費嘅classic 羅拔臣啫喱做甜品，可惜我哋食完主食太飽食唔到😂

Hello 大家好，又係我地Hkfunlife小編分享好餐廳既時間啦 實在好耐無去旅行，突然好想食韓燒。今日就搵左呢間韓國韓燒放題餐廳試下。呢間餐廳位於北角和富道20-36號明暉大廈1樓，叫做高麗軒韓國料理。呢間其實係尖沙咀人氣韓燒料理放題高麗軒韓國料理既北角新店。我地到達餐廳後，等幾分鐘便可入座。埋到枱見到餐具清潔，同埋最緊要係抽氣做得好足，唔會煙霧彌漫，環境舒適。坐低之後，店員說明點餐步驟，只要掃一掃QR code就可以落單，方便客人點餐及追加，非常簡單方便。宜家任食放題的價錢，星期一至四成人$268位, 星期五$288位。而每人加$68仲可以升級任食加拿大Prime 雪花牛、3A雪花牛、帆立貝、澳洲新鮮帶子、法式羊架同紅炆牛肋骨等等添，仲會送classic羅拔臣啫喱，而新張期內全單仲有九折優惠。太多野食喇，我地用左10分鐘先諗好要嗌咩。負責樓面工作嘅店員友善好客，而且效率高。點餐後好快就上左韓國小食，跟住就係加拿大Prime 雪花牛，油花均混，燒完後相當香口。呢個澳洲帶子同帆立貝好鮮甜，所以追加左幾次。

因為臨時想食烤肉所以係在北角亂搵一通，搵到呢間，價錢都好合理應該都夜，差唔多8點幾鐘先去到，咁都有好多位，唔會要等好耐因為朋友唔食牛，所以只叫咗牛舌，另外仲有五花腩，豬頸肉等都好好食而泡菜炒飯同炒粉絲都值得一試，所有野食都可以叫半份，非常體諒一d咩都想試下嘅朋友仔服務態度都非常好，感覺到餐廳氣氛好愉快，我地個爐頭唔知點解係咁熄咗，都好快俾到位我地換最後好想多謝個姨姨🥺🥺🥺都怪我大懵漏咗野，係人地收舖掉曬垃圾先沖入去，姨姨好好人幫我係大包細包嘅垃圾裡面搵返我d野🥺🥺真係唔好意思同好感激🙏🏻🙏🏻🙏🏻

9 0 後 的 味 蕾.有時放lunch真係好想搵一個地方坐得舒服，可以同班同事講八婆野嘅地方😂，和富道呢一間樓上韓燒餐廳滿足到我要求。.座位好闊落，枱同枱之間嘅通道都好闊，偷聽唔到隔離講嘢😂佢嘅套餐好抵食，一個肉類套餐，包湯、飯、肉、小菜、飲品，都係講緊70幾蚊.當然咁嘅價錢你唔好要求食和牛嘅質素，但係整體食物質素都唔錯.四個人食俾咗六碟小菜，款式可以自己選擇，唔知有咩揀就可以問吓員工，佢個魚仔幾好食😋.叫咗兩碟牛、一碟雞，雞肉都軟滑，加上調左味，送飯一流。.牛唔會肥，到香口..海鮮豆腐湯，足料，泡菜辣湯底好味，撈埋啲飯，滋味。.上菜速度都幾快，Lunch time打工仔最緊要把握時間，所以上菜速度都好重要，所以呢間餐廳lunch嚟食CP值幾高

📍#高麗軒韓國餐廳🇭🇰香港北角和富道20-36號明暉大廈1樓#MFJ北角 #MFJ韓國菜人均消費: HKD400味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆尖沙咀有間人氣韓燒+料理放題: 高麗軒韓國料理 ！發現北角新開分店，仲要新張期內全單9折！餐廳位於北角和富道，地鐵站過去5-10分鐘左右， 十分方便！餐廳環境真的非常令人懷念，細個非常喜歡去食韓燒，感覺返晒黎！💕平日晚市$268 ，另加 $68 升級任食:⭕️加拿大Prime 雪花牛/ 3A雪花牛⭕️帆立貝⭕️澳洲新鮮帶子⭕️法式羊架⭕️紅炆牛肋骨加拿大3A雪花牛非常好味！帆立貝和帶子都超級好味！兩樣都爽口新鮮！特別推介是紅炆牛肋骨，估唔到咁好味！牛肋骨炆得超級入味，超級淋！又香又惹味！加$68真的非常抵食！⭐️海鮮:除了加$68的帆立貝和帶子，正常餐仲有其他海鮮！我們點了海虎蝦和鯖魚，海虎蝦比我想像中，夠新鮮，肉質爽口彈牙！而燒鯖魚都非常好味⭐️牛肉:牛肉類試了牛舌及牛肉，牛舌厚度剛好，食落十分爽口！而牛肉醃過，燒完再點醬汁好正😋⭐️豬肉:豬肉類就點了辣汁五花腩，有辣