高明瀨粉 (已結業)

於早餐時段幫襯（10:00-12:00）只需$28就有一碗三餸瀨粉，加$3有冷熱飲品，加$9有3隻煎九菜餃我叫咗麻辣（中辣）瀨粉，menu set咗麻辣係配大腸、雞肉、木耳先試湯底，辣中帶麻，愈食愈刺激，好正👍🏻，感覺無/少味精，有少量肉碎、芽菜、酸菜同九菜，所以都幾濃郁😋到瀨粉，同街市買嘅瀨粉好唔同，呢度嘅瀨粉粗幼不一、好滑溜，好有手工自家製feel👍🏻大腸有兩舊，對得住呢個價啦，大腸有滷過，好林好入味雞肉滑同無雪味，都有7-8舊。木耳彈牙九菜餃剛煎起，熱辣辣，仲有汁架，又大大隻，好味加加埋埋埋單$40，好滿足的一餐，一定會再幫襯高質小店👍🏻

酸辣瀨粉配腩肉、魚旦、酸菜🍜$28 (下午茶)香煎韮菜餃🥟$9/3隻 (跟餐優惠)啱啱行過，見到佢地終有下午茶優惠😮早餐都有優惠😎下午茶個Size比平時細少少😂酸辣湯底，我覺得有D酸過頭😅腩肉有3片，白魚旦一粒🙃反而我幾欣賞個煎餃👍即叫即煎，餡料幾足😛

到土瓜灣取生日蛋糕，途經海悅廣場旁的一間瀨粉專門店，見門外廣告牌下午茶不到$30，於是便入內一試。坐下來找不到下午茶餐牌，只見類似車仔麵的點餐紙，點了一碗麻辣湯底(少辣)瀨粉加豬膶及腩肉。瀨粉粗幼不一，相較坊間常吃到的叉燒/燒鵝瀨粉，這裡的瀨粉較為軟身及鬆化。湯底配有韮/芽菜及酸菜等，可能是少辣的關係，麻辣味並不突出。豬膶簿切，過熟＂嚡＂口。腩肉肥瘦相隔，算是有咬口也帶肉香，但略為油膩。下午茶時段加$９追加了煎韮菜餃。餃子煎得香脆，韮菜夠鮮嫩，少許的肥肉及似乎加了少量的青江菜，增加了餃子的水份及香氣。不錯吃。怎麼味道有點像台/泰式奶茶呢？回頭率：   2.0/5.0

今日係土瓜灣探朋友先發現有間超好味道的瀬粉店忍不住要分享第一次來已經超喜歡因為不會很味精加上材料也很多普通一碗傳統瀨粉有脆脆花生豬肉碎，蛋絲，蘿蔔絲及薑絲真是十分罕見魚片頭都非常好吃而瀬粉感覺不是用機器制成的因為每條形狀不同回頭率100%😬😬😬👍🏻👍🏻👍🏻👍🏻👍🏻👍🏻👍🏻👍🏻

傳統鮮製瀨粉+豬頸肉🍜$36之前有不少土瓜灣之友都叫朕去試😎話抵食，好大碗，好好味🤔既然今日咁啱行過，就入去試試😬份量我就覺得同平日食米線差不多😀不過同平時食既瀨粉有D唔同😄食落口感比較滑😏手製的確係唔同D😆湯底的確夠清，無味精👍薑味都重，未必個個啱，但啱我😛豬頸肉亦都唔錯😃整體係唔錯，但又未係朋友講到咁正，不過可以一試☺️

從小到大，最喜歡食瀨粉，但這間瀨粉跟食開既很不同，比較軟淋，不似坊間的爽滑，正如另一食評所講，當食米線好了。車仔麵形式，叫了蘿蔔,竹笙,魚片頭及香茅豬扒。專登點清湯試功架。湯是很清淡，加上薑碎，大頭菜，肉碎，蛋絲，不過不失。蘿蔔味淡，煮得未夠身，不淋。魚片頭正常雪藏貨色最差係豬扒😤，麵先上，隔了幾分鐘豬扒才出現。諗住豬扒另上應該會香口惹味，點知又乾又凍。都無期望即煎，但好明顯塊豬扒攤咗好耐，又無翻炸😡因為趕時間，都費事出聲，用湯浸暖食算數。應該唔會再幫襯。

今日同阿女出街，去完準備食午餐，記得d人話呢間自家製瀨粉好食，所以慕名而來試一次。今日可能星期六，下午唔多人，入到即有位。之後叫咗個高明瀨粉加魚蛋（因為阿女鍾意食）同牛腩，同埋韮菜餃。等咗一陣先嚟個瀨粉，見到粗幼不一所以應該唔係機器做。個湯頭唔錯蛋就正常外面買到嘅白魚蛋，牛腩味道唔差，但真係好鬆化，阿女平時對牛肉麻麻哋都叫食，不過就搭咗一舊薑，都算啦。但瀨粉份量唔似其他食評講咁多份量，只係一般而已。至於餃子就耐咗d，食落熱辣辣，應該係新鮮煎，食落真係爆汁，稍為放耐咗（因為餵阿女食粉）都一樣有汁。價錢嚟講算係合理，下次可以再幫襯。

在土瓜灣上完興趣班，路經新山道，竟見有食店主打賣自己家鄉出名食品-瀨粉，急不及待入內試試。店面積不大，瀨粉屬自己製作。叫了傳統鮮制瀨粉，包少量鮮肉碎，薑絲，頭菜絲，蛋絲及花生。另加了腐竹，腩肉，牛坑腩，魚片頭，香妃雞及豬頸肉。瀨粉份量多，很彈牙，明顯是自家製作。湯底則比較清甜。這碗瀨粉越食越喚醒兒時記憶，真是百感交集。而追加的每樣餸，份量不少，味道不錯，亦食得出是用心制作。我真的想不到在香港竟有食店賣自己家鄉名物，加上此店食物質素不俗，而自己在情感上對此店亦加了不少分，一於以後頂力支持。

昨晚老公放工話經過一間瀨粉專門店話好吸引，他話平時通常見到米線餐廳，原本我們想食m記外賣，結果我們第一次試左這餐廳，老公習慣叫了粉麵都會配撘小食的，他又知我囗味，我和他食嘢口味好接近😋😋!他食傳統風味湯底+牛腩及豬頸肉，我就試酸辣湯底+香茅豬扒+豬大腸，他仲去七仔買埋2枝凍飲品回來（他買soda俾我飲👍），他拿到返黎湯底及粉麵係主動分開上有點驚喜，餵食的老公買了紅豆糕、椰汁糕及煎餃子回來一齊食❤，他高興話要我一定要試下他個湯底及配料🤣，我又俾左我d配料及湯底他試，瀨粉較米線更爽滑及易吸湯，有點像通心米線咁（現在好少地方食到），原來一個配菜已經好多了👍👍，牛腩特別淋冇渣及超夠味，豬頸肉及香茅豬排好好食，豬大腸好淋又乾淨（5大舊），他仲話餃子爆汁，又話椰汁年糕好食，我之後試下，餃子真是爆汁及椰汁年糕我們都話好香好食，我們下一次會再幫襯，聽老公講除了牛腩好掂，他話南乳豬手、豬軟骨及貴妃雞都好多人食，下一次試下先😊😊😊!**最驚喜係老公昨晚話訂左2月14日的情人節大餐同我去食啊！❤，I love you，老公豬😘😘😘

今日終於能夠抽到時間到大概大半年前喺無綫電視時事潮流節目「東張西望」介紹位於土瓜灣工人俱樂部附近的「高明瀬粉」食午餐，喺廚房門口頂部寫住「高明瀨粉每日新鮮巧製，堅持用最笨的方法做好每一碗瀨粉，原始的風味源自純手工製作」，點了以下食物：1. 傳統瀬粉湯底，$24（配少量鮮肉碎、薑蓉、頭菜絲蛋絲花生）： 呢個湯底就咁飲落去好似䶢左少少，但係如果浸住啲瀬粉食唔好淡淡湯咁飲就唔覺鹹！我仲見到有少少白芝麻。2. 酸菜$5（雖然同譚仔雲南米線唔同味但係都好好食）竹笙$7（正，好索味！）豬大腸$9（冇乜特別！但係有四舊）豬軟骨$12（冇乜特別！總共有兩大舊）3. 凍檸茶少甜$7（正！做到少甜，雖然比譚仔多小小甜，但係都OK，沒有茶的苦澀味，有查的鮮香味！）合共$64同埋一張搭枱嘅伯伯長期顧客話我知，呢度嘅貴妃雞、豉油雞、牛筋腩同豬手都好好味，咁我出咗去行咗一轉之後返轉頭買咗一個外賣貴妃雞湯瀬粉搭的士返沙田屋企俾爸爸食，$37。返到屋企打開之後原來湯和瀬粉分開裝的，超級多粉，爸爸話啲貴妃雞雖然唔係超級無敵好食，但係都比一般餐廳和快餐店做得好，佢居然成碗食晒!話時話，兩星期前我搭的士和的士司機傾開土瓜灣

由細到大都好鍾意食瀨粉，不過真係無乜地方有瀨粉叫。以前食燒味既地方多數都有，宜家都買少見少。。所以見到宜間專食瀨粉既餐廳，真係心心眼！！４個人嗌２碗粉SHARE，再嗌2個小食！每個小食都係~$27咋，講緊既＂小食＂係一份豬頸肉（起碼有十片，都好野味！），同埋例牌一份香妃雞（唔算多，但都滑！）。小食係高質的，讚啊然後2碗瀨粉。一碗酸辣香茅豬扒豬潤，香茅豬扒又係好大份，有成5舊，仲要係好味的。但個酸辣湯底就麻麻了，似係泰式辣醬咁ＬＯＬ另外個碗麻辣就幾好，叫左少少辣都幾辣ＸＤ兩碗粉都係大大碗！不過想講既係，瀨粉真係唔係大家諗既個種半透明，燒味檔嗌個種。。因為一食落去我真係有點失望既，我只可以形容佢係林左既米線，絕對係似米線唔知宜種係咪先係正宗啦，但同我EXPECTATION太大出入Ｔ︿Ｔ所以就算佢Ｄ送呀，小食其實都幾高分，但重點的瀨粉真係要扣分了＞＜　＊＊＊勸大家當米線咁食，會開心Ｄ！＊＊＊

這裡的瀬粉是每日都即製，所以很新鮮。今晚想起很久未來，便在晚上時間吃個晚餐。清湯瀬粉$23，生菜$5，豬扒$9，豬扒都幾好味，不過涼了。瀬粉夠彈牙，湯㡳清甜，大大碗算低食。

今次第二次食手製瀨粉了, 依然覺得好好食。  平時食開的瀨粉, 質地好硬, 用正常筷子係挾唔到瀨粉, 好快甘滑落0黎, 食的頗辛苦又狼狽。  但高明的手製瀨粉, 質地非常軟身, 好滑也不硬, 筷子挾得起之外, 食的很爽快, 又唔夠喉, 好想食多碗。 第一次食清湯鮮製瀨粉配香妃雞 : 香妃雞好嫩滑, 唔肥, 冇咩雞肉甘, 所以食唔夠甘, 要趕住返焗包班; 令我有第二次的光顧。第一次酸辣湯鮮製瀨粉配滷水雞翼, 豆卜 : 酸辣湯底真的好好飲, 真的好飲好食。 店主好好人, 只有5分鐘就過下午茶餐時段, 因為等埋朋友仔, 最後都趕的及點餐醫肚

好有特式0既麵，同出面瀨粉吾同，雖然吾似瀨粉，但好特別好彈牙，配料都好好，叫左香茹貴妃雞湯粉餐and豬頸肉湯粉餐，豬頸肉好香口，雞好入味，湯底又清甜。東茹都好入味又大舊。會再黎食

叫左一個清湯，一個麻辣。再叫左沙拉雞球同豬頸肉。清湯味道可以，麻辣就一般，個粉一d都唔似瀨粉，同食米線差唔多。沙拉雞球份量都幾多，兩個人食唔哂。豬頸肉唔錯，$29一份好抵食 👍🏻