高明瀨粉 (已結業)

於早餐時段幫襯（10:00-12:00）只需$28就有一碗三餸瀨粉，加$3有冷熱飲品，加$9有3隻煎九菜餃我叫咗麻辣（中辣）瀨粉，menu set咗麻辣係配大腸、雞肉、木耳先試湯底，辣中帶麻，愈食愈刺激，好正👍🏻，感覺無/少味精，有少量肉碎、芽菜、酸菜同九菜，所以都幾濃郁😋到瀨粉，同街市買嘅瀨粉好唔同，呢度嘅瀨粉粗幼不一、好滑溜，好有手工自家製feel👍🏻大腸有兩舊，對得住呢個價啦，大腸有滷過，好林好入味雞肉滑同無雪味，都有7-8舊。木耳彈牙九菜餃剛煎起，熱辣辣，仲有汁架，又大大隻，好味加加埋埋埋單$40，好滿足的一餐，一定會再幫襯高質小店👍🏻