駿景軒

營業中

休息中

正好今日約到個同樣喜歡食辣既朋友，當然要搵番間有質素要米芝蓮川菜當然要一試啦!!位於酒店入面，位置寬敞又坐得舒服，未食已經加左分先~先飲個酸辣海鮮羹，味道香辣微酸，唔會太刺喉，而且材料十分之豐富，食到好多鮮蝦同帶子，正。朋友話食一陣食辣野，所以先飲個杏汁白肺燉湯黎滋潤下先，睇個顏色都知味道一定唔差，杏汁夠香，加埋豬肺，白菜膽，雞腳，味道好清甜。冬天飲真係一流。黑松露野菌安格斯牛柳粒雖然我唔好黑松露，但因為當晚想食牛，就姑且一試，安格斯牛柳粒牛味重而且肉質極好，軟腍得黎仍然保持肉既質感，而且黑松露唔會太重手，反而仲食到其他野菌既香味，有質素~砂鍋唐生菜(蝦醬)望落好似冇咩特別，但食落真係滋味十足。係冇落任何肉既情況下，個汁都極香極惹味，而且砂鍋炞得極熱，令個菜鑊氣十足，簡單材料配上好既手藝，一樣可以登大雅之堂~水煮魚片講好左黎食辣，當然要叫番個水煮魚啦~ 辣同麻既比例控制得剛剛好，麻味唔會太重，十分好~ 而且魚片好滑，真係食完一片又一片，加埋個紅薯粉，真係過足癮~果然係星級餐廳，所有食物都十分滿意，一定再去~

今日難得兩兄弟同一日放假，就約埋一齊去食晚飯，阿哥一向係有要求嘅人，於是我就定咗英皇酒店轄下駿景軒一級米芝蓮食中菜，中菜廳環境優雅別緻，服務周全到位，令每位客人都感受到親和貼心，舒適地享用晚餐。黑醋珠蟹肉帶子炒鮮奶 ($328)新派嘅菜式，頂級大廚嘅神髓展露無遺，一顆顆黑珍珠在口腔爆破，黑醋芳香配搭著蟹肉的鮮嫩，汁液的甜，再加上鮮奶炒得嫩滑無比，一同進食，妙不可言， 還有超級大嘅帶子，鮮味濃郁蜜甜多汁，真係極級享受。照燒黑松露野菌安格斯牛柳粒 ($288)火路控制得宜，牛柳粒柔柔韌韌，軟軟腍腍恰到好處，牛味香濃，肉汁豐盛，配搭黑松露幽香陣陣，多款野菌同樣出色，爽脆清甜。川味口水雞(小食) ($158)精選嫩雞，皮爽肉嫩，外皮晶瑩通透，非常爽口，雞肉嫩滑，肉質鮮味多汁，配上正宗川味醬料，簡直係錦上添花。杏汁燉白肺湯 ($90/位)原盅老火燉湯，賣相像似燉蛋一樣，濃甜又滋潤，加上芳香杏仁味道，零舍醒神。正宗四川擔擔麵 ($48/位)正宗四川手法烹調，麵條幼細爽滑，柔韌軟綿綿，食材調味出色，辣味配合均勻，整體嘅手作，大廚功不可沒。

為老伴慶生，心思細密的艾雲知他喜歡火煱，更情迷駿景之擔擔麵。投其所好，於是咱們一行四人便於拜六到英皇駿景酒店的中菜廳駿景軒打邊爐去！ 英皇之新酒店開張不久，人流愈見興旺，未夠七時，2樓中菜廳已有幾檯食客，及至晚市時段，駿景軒更是高朋滿座，座無虛席矣！ 駿景軒火煱之與別不同，在於其四川主題的醬料吧，於席上每人獲分一個坑紋碗子，內有芝麻與木棍子，咱們先親手盅碎芝麻，讓碗內透出芳香便可到醬料吧去自行混醬是也！醬料吧的香料不勝凡舉，除了例排的豉油辣椒，吧檯更設有花椒八角、生蒜泥、鎮江醋、麻油、芝麻醬、腐乳醬、沙爹醬、胡椒、芫茜、榨菜等林林總總，對於小的這結結實實的「混仗」兒，幾是再適合不過。 混醬完畢，恩師已揀選了香茜皮蛋湯底，正好為小的香辣麻酸的各式醬料降一降火。 湯底未滾，炸魚皮率先出場，火熱的魚皮早經調味，鹹鹹地香濃惹味，這一份香脆的口感，直是令人停不了口，在湯底滾燙以前，咱們已忍不住先行征服了整盤炸魚皮，小的不自覺地感到口腔內的輕微損傷，警戒自己要適可而止。 艾雲帶來的香檳清甜易入口，冰涼裡汽泡豐盈，最好用來調理一下小的輕微損傷了的口腔。 牛肉有本地手切牛與及美國肥

最近有親戚從美國回來了，住在英皇駿景酒店，有一晚就在酒店的中菜廳駿景軒用餐，我也是第一次去，環境好grand，又有不少中式擺設。餐具也是富有中國特色 先點杏汁燉白肺湯 $90/位 滋潤一下，這道湯十分費工夫，所以平日好少飲到。杏汁白肺湯以豬肺、雞腳、白菜膽及杏汁熬製四小時，奶白色湯有濃郁的杏汁香味，而豬肺軟腍香口，很不錯。瓦罉焗胡椒蝦 $428將熱辣辣的瓦罉蓋揭開時，胡椒香味四溢，蝦在胡椒煲內，意想不到的賣相，侍應將其蝦翻起。瓦罉焗胡椒蝦選用新鮮海中蝦，炒香再炸，殼脆肉爽口，有點帶辣的胡椒香味，一個幾特別的食法。酸菜桂魚片 $308用料十足，先呷一口湯，辣中帶酸，好開胃美味，在寒冬中很暖胃。而桂魚片肉質嫩滑，魚骨不多，啖啖肉很不錯。菠蘿咕嚕肉 $178一粒粒圓形咕嚕肉好有趣，肉質鬆化入味，甜酸適中。正宗四川擔擔麵 $48/位湯是麻中帶辣的味親，好香好過癮，麵質彈牙，令人不禁一口又一口夾起來享用。上網翻查資料，駿景軒是連續七度蟬聯米之蓮一星美譽的跑馬地英皇駿景酒店中菜廳駿景軒，於12月15日遷移至灣仔全新開業，今次有幸享用這美滿的一餐，確是幸運。

最近好想食中菜, 但上海菜同京菜都食得較多, 今次同媽咪食, 決定要帶佢食好D, 要環境同食物質素兼備既中菜地方唔易揾, 聽朋友介紹就book左呢間係灣仔駿景軒既中菜, 因為佢係連續6年米之蓮一星既中菜廳, 最近先由跑馬地搬左去灣仔, 令人好期待佢地既食物質素。 一入大堂已經盡顯奢華之感, 地面非常闊絡, 仲有小食生果同飲品提供, 中菜館位於一樓, 都好方便。餐廳面積唔算好大, 但座位之間距離夠遠, 即使我同媽咪二人都可以安排坐大枱, 入面好似仲有房, 應該可以比一大班人包房食~ 比較少食川菜既我倆, 因為我地都唔太食得辣, 但呢到除左招牌水煮魚, 店員推介左好多微/無辣既菜式, 唔洗怕食唔到辣! 川味口水雞 $158常見既口水雞係雞肉浸住辣汁, 但呢個係辣汁另上, 令我地怕辣既都可以自行調節辣度, 太窩心了~~~ 本身雞肉採用左龍崗雞, 所以雞肉以紮實中帶嫰既味道為主, 雞味足, 少量雞油由雞皮滲出, 難得連雞皮都好爽滑, 令唔食雞皮既都要食~~~ 辣汁我微微蘸點, 原來唔會好辣, 而麻油同花生既香味更加突出, 令雞肉鮮味提升! 杏汁白肺湯 $90/位雖然店員推介老火湯, 因為一共有

好耐冇食過辣野，最近天氣甘凍，一於約埋好朋友一齊去食川菜。地點揀左駿景軒，因為身邊朋友食過都話質素好好，而且仲係米芝蓮餐廳，甘就梗係要試試呢到既裝修唔算好華麗，反而幾清雅，枱同枱之間好闊落，就算隔離枱嘈D都唔駛怕。口水雞(小) $158前菜叫左個口水雞，雞係咸雞，即用鹽醃過再蒸，所以雞身會好滑同帶有少少咸味~佢個辣油好香，辣味同麻味都好平均，而且係另上，食唔到辣既朋友都唔駛怕啦~例湯 – 土伏靈湯 $88/位多口問句佢地是日例湯係咩，竟然係土伏靈，平時係街真係好少見有得飲，所以同朋友一人黎一碗，用料十足，個湯好甜，帶少少藥材味，飲完真係成身又暖，喉嚨又舒服!酸菜桂魚片 $308酸菜魚好有質素，第一魚片岩岩熟，十分之滑，而且唔有浸泥味。二黎個酸菜唔會太酸，好似食緊醋甘，個味係岩岩好，令人愈食愈想食，份量亦唔細，2個人食岩岩好。胡椒蝦 $428呢個胡椒一上枱真係香到不得了，每隻蝦都先走過油，所以連個殼都脆卜卜好好食。望落甘多胡椒好似有D得人驚，但其實D胡椒係完粒，唔會好辣，但D香味又比隻蝦吸哂，真係好特別~擔擔麵 $192本身想叫白飯，不過店員介紹話呢到既擔擔麵唔錯，好啦，一於試下。但最後

香港人口幾百萬，但中國就有幾十億，做生意的人又怎會放棄自由行旅客呢？正因如此，香港的川菜館越來越多，而粵菜館亦得加進川菜菜式，奈何國內同胞大部份都是喜歡吃辣！雖然如此，能做到正宗川菜水準的不多。 一向走中高檔路線的駿景軒，十多年前起已經是川粵菜兼備的專家，屹立跑馬地英皇駿景酒店內多年，近日就隨酒店喬遷至灣仔皇后大道東，鄰近前新華社舊址，可見客路不乏有名望的國內專員，甫進酒店，軒敞輝煌、氣派不凡。 駿景軒佔了一二兩層，電梯大門一開已經到達，食用大廳面積不算大，估計設置了不少貴賓房，環境優雅，高級粵菜餐廳的風格。 火鍋配料設在寧靜的一角。 我們在一樓大廳用膳，星期二晚上亦近乎客滿，見本地捧場客亦不少，估計因為新張期內有九折，熟客奉場嘗新湧至。 火鍋與小菜兩大項目的選擇，我們相信後者會更見真章，並刻意自選有辣有唔辣的川粵混合菜式，自行作個小比拼。 餐具別緻有體面，雪白金色裙邊茶壺，碗碟仿玉顔色，塗上金魚圖案。 川味口水雞  辣辣前菜先出場，川味辣醬及白切雞分開上。 我最不喜歡打針肥雞，這些細細件、皮下脂肪不厚的正合我心意，皮爽肉滑，處理得好。 川味辣醬香而微辣，富多款辣椒的層次香

今夜，晚餐選了由跑馬地搬往灣仔的米芝蓮餐廳駿景軒，這是朋友著力的推介，吃的是經典粵菜及滋味川菜。大寒冷天，先點碗暖笠笠的杏汁白肺燉湯，滋潤一下，足料足味，以豬肺、雞腳、白菜膽及杏汁熬煮，入口香濃幼滑，非常養生。朋友的酸辣海鮮羹，材料豐富，啖啖鮮蝦及帶子，入口香辣微酸，味道醒神。主菜，九層塔川辣明蝦球，賣相吸引，飽滿的酸辣醬汁，裹著大大粒的蝦球，一口咬下，彈牙爽口的蝦球淡淡滲著九層塔獨特的清香，非常滋味，令人胃口大開。酸菜桂魚片，大大鍋濃稠乳白的漁湯混著酸菜，浸泡著雪白的桂魚片，隨著熱氣飄至的酸味，即時令人垂涎，急不及待，呷口熱湯，先來是酸酸的味道，接著是清鮮的魚香，咬下的桂魚片，口感嫩滑鮮甜，朋友決定做個漁湯泡飯，將湯汁全面清空。菠蘿咕嚕肉，脆醬輕薄酥脆，內裡肉汁豐富，肥瘦適中，配上新鮮菠蘿及三色椒，色香味俱全。上湯雲吞，皮薄餡靚，入口啖啖鮮蝦混著嫩滑的豬肉，湯底亦鮮味十足。駿景軒精挑上剩鮮美食材，搭配著廚師團隊的精湛廚藝，烹調出各式美味佳餚，我們坐在這個高雅舒適的環境下用餐，實在是星級享受。

英皇駿景酒店最近由跑馬地搬到灣仔皇后大道東尾段，地理上位置相距不遠。米芝蓮星級食府駿景軒亦一改裝修風格，由古色古香改為時尚清新風，令人耳目一新。駿景軒以川粵料理馳名，川菜以麻、辣、鮮、香為特色，味道較為濃烈，而粵菜的特色在於着重食物原本的味道，使用少量香料以保留原味，菜式一般比較清淡。駿景軒將兩種不同特色的菜系結合，以迎合港人既嘗鮮又嘗辣的口味。皇后大道東入夜後一向較靜，行到差不多錫克廟位置見到閃亮的建築物，就知道已經到達駿景酒店。踏入酒店大堂，沿著樓梯行上一層即可抵達駿景軒。當日客滿，稍候片刻，待安排好坐位後，剛好坐在落地玻璃旁，可以望到皇后大道東景色。眼見食客與侍應有傾有講，應以熟客居多。廣東人用膳喜以湯水作為開始，此杏汁白肺湯以豬肺、雞腳、白菜膽及杏汁熬製，湯水杏仁味道香濃而且清澈，南北杏常見於食療湯水中，有止咳平喘功效，而豬肺則以形補形，現時流感高峰飲用此湯最為合適。瓦罉焗胡椒蝦乃駿景軒名菜，海蝦炸後再以大量白胡椒粒炒香，胡椒濃香味四溢。胡椒粒有保溫作用，就算食到最後，胡椒粒依然熱到出煙。海蝦肉質鮮甜而外殼香脆，經油炸後外殼與蝦肉稍為分離，方便食用。照燒黑松露野菌安格斯牛柳粒外

餐廳環境十分優美, 坐得都十分舒服, 服務十分周到, 基本上d服務員係睇實你咁! haha桌面上有個碗仔,  呢個係裝醬料用, 本身上面有d芝麻,整碎佢再加d醬料, 就會香好多! 配埋本身既麻辣湯底,就會更加perfect!醬料有好多種選擇, 打邊爐黎講醬料多係好, 因為多種類既調味都係打邊爐既一大特色!當中仲有好多辣既醬料, 如果愛辣既朋友應該會好中意!為左想試更多既湯底, 我地都係叫左雙湯嫁啦,講返主要既麻辣湯啦, 佢本身辣度唔算話好辣,我估應該係fit返香港人口味啦, 香港人整體都唔會食到好辣既,麻味就十分重, 湯都本身都幾好飲, 同埋好香, 配牛食我覺得相當不錯!手切牛, 本身就係為左個質感去食既, 手切牛一般比較爽身d,硬多小小, 就唔係太軟, 呢隻口感我個人幾中意, 同埋打邊爐比較好食就係安格斯, 同手切牛~和牛反而唔太岩, 因為打邊爐唔係最好既煮和牛方法, 味道會有小小流失, 多脂肪既和牛都未必岩咁樣整熟佢.所以手切牛係唔錯既其中一個選擇!花膠同龍躉係呢到黎講幾好食, 因為鮮味比較重,質素都比較高, 我自己個人會中意係高級餐廳到食海鮮多因為處理得比較好, 我覺得鮮度比較高

朋友是一名正宗「辣妹」無辣不歡，2018年開年飯到米之連一星駿景軒，希望大家風山水起，豐衣足食，繼續享受生活，駿景軒先為我們掀起2018年精彩一夜餐廳主打新派粵菜，還有多位名人推介這裡四川菜，米之蓮一星美譽並非浪得虛名，有榮獲多項殊榮的名廚梁耀基師傅坐陣，加上餐廳堅持選用新鮮及當造的食材，不加味精，帶給客人健康美食。而調味料多由四川直送，做出精彩麻、辣、香朋友知道灣仔駿景軒全新開業，有九折優惠一樓巳滿座，我們更上一層樓溫馨提示：最好預早訂位喔入到去一派高級中菜館格局，待應殷勤有禮貌，詳細介紹菜式連每張檯上餐具很精美飯後還可到優美戶外露台喝酒談心杏汁燉白肺湯 $90/位我最喜歡杏仁香，對於杏汁略有究研，這杏汁燉白肺湯用料足，沒有加入杏仁精油，入囗杏仁味道天然香濃，湯內數件白肺新鮮，滋補潤肺川味口水雞 $158侍應推薦口水雞，餐廳用新鮮龍崗雞，肉質嫩滑，雞味濃郁。醬汁會分開上檯，方便不吃辣人仕。入口層次豐富，入口不會太辣，還吃得出花椒、花生、芝麻、醋，非常惹味瓦罉焗胡椒蝦 $428胡椒蝦未上檯胡椒香已經撲鼻，揭開瓦蓋胡椒香味更闖進嗅覺，蠋動食慾，看到侍應從胡椒粒掘出新鮮海中蝦，已經急不及侍

今日和媽媽補吃新年飯，所以訂了枱食川菜，因為她還是比較喜歡中式的菜式。*杏汁燉白肺湯 ($90/位)一上枱就已經有香香的杏仁味傳出；湯很清甜，一點都不油膩；飲完感覺很滋潤，真的很適合這個乾燥的季節呀！很多湯料，有雞腳、肺、豬肉和菜。用來沾湯料食的*瓦罉焗胡椒蝦 ($428)一煲有八隻的胡椒蝦；用了大量的胡椒包著蝦，蝦已經開邊去腸和頭的膏，方便起蝦肉；蝦身很有胡椒香味，比較乾身。胡椒香而不辣*酸菜桂魚片 ($308)這個用超大碗上的酸菜桂魚片，是帶點辣味的菜式；桂魚片起了肉，一點骨都吃不到；酸菜帶辣味，所以不吃辣的只吃桂魚片都可以接受；桂魚片很彈牙，肉質很滑。*菠蘿咕嚕肉 ($178) 菠蘿咕嚕肉酸酸甜甜的；菠蘿是用了新鮮的菠蘿；咕嚕肉外脆內爽口，而且不肥膩。*紅油雲吞 ($98)雲吞皮薄餡靚，是豬肉和蝦的餡；紅油這個看上去很辣，但其實因為加了黑醋，所以其實不太辣；反而帶點酸酸的。*上湯雲吞 ($98)上湯這個味道最吃到原來的味，比較清一點。*甜品今日的甜品有紅豆沙和這個雪耳海底椰；最近比較乾燥，所以想要滋潤一下！雪耳的質感不太硬也不太軟，糖水質感有點厚，不會太甜。

上兩星期爸爸忽然晚上有空, 可以Join我和媽咪食晚飯 想起原來聖誕節和新年都沒有陪兩老好好食餐晚飯 於是問問同事, 有什麼地方可以坐得舒服, 食物質素又好 朋友提議我去英皇駿景酒店的駿景軒中菜廳吃晚飯 她之前食過, 覺得服務態度一流, 環境舒服衛生, 而且食物好味, 亦是米芝蓮一星的餐館~ 來到酒店, 意外地人流不算太多, 環境真的頗清靜 只要按lift 上樓就直到中菜廳了~ 駿景軒地方好闊落, 裝修幾有心思, 很中國風的佈置令人感到古息古香 坐下後, 有善和面露笑容的服務員就立即為我們添茶 又送來餐牌, 令人感到親切有禮 而且她們都很主動積極, 亦常常有服務員站着隨時提供服務 更令人心情愉快, 加分加分~ 看了餐牌後, 我們點了: - 杏汁燉白肺湯 - 上湯雲吞 - 黑醋味蟹肉帶子炒鮮奶 - 照燒黑松露野菌安格斯牛柳粒 - 砂鍋唐生菜(蝦醬) 杏汁燉白肺湯 - 很足料的湯品! 杏汁湯飲落去口感好滑! 好似飲緊鮮奶一樣, 熱辣辣香噴噴, 白肺同埋廋肉既清甜, 再加埋杏仁既香味, 質感好順滑, 令人好回味! 照燒黑松露野菌安格斯牛柳粒 - 碟頭唔算細, 但