駿景軒

營業中

休息中

其實我真係好中意食中菜#駿景軒 又連續7年榮獲米芝蓮一星⭐️襯5月有8折優惠，即去食下晚飯！呢度環境舒適，服務到位～ VIP房都坐滿人，隔音十分好～佢地共有18款主菜，我地揀咗4款～🐔《 脆皮黑松露炸雞（半隻） 💲318 》喺駿景軒嘅招牌菜式之一！表面喺皮脆肉嫩嘅炸子雞，其實脆皮下係用上黑松露醬同黑松露油拌勻過嘅手撕雞肉，肉質嫩滑，上桌前再刨上黑松露片，香氣四溢～🦴《 鹹骨大芥菜煲 💲298 》以豬骨湯加魚湯同普寧豆醬等烹調，湯底香濃帶咸香～豬骨肉好嫩腍，大芥菜嫩無渣，甜而不苦澀～🐟《 砂鍋生焗魚頭煲 💲248 》新鮮魚頭連同蒜子先喺砂鍋中以慢火焗製，魚頭鮮嫩多汁，蒜香中又帶麻辣香，味道惹味有層次！🥩《 醬油安格斯牛柳粒石窩炒飯 💲238 》慣咗要有飯氣落肚，呢個飯就正啦～ 用石窩盛裝，香噴噴～米飯粒粒，口感煙韌，配上醬油牛柳粒嘅肉香同油份，令米飯香氣四溢，爽身不油膩～放多一陣仲有飯焦添！ *有茶位及加一服務費*

之前嚟過呢間酒店嘅酒吧餐廳，今次第一次嚟佢嘅中菜廳，聽講係得獎名廚主理，一入到嚟感覺也不錯，傳統配搭簡約嘅裝修，感覺柔和舒服，設有獨立VIP房，方便黎聚會，除咗廣東粵菜之外仲加入咗四川同埋重慶嘅麻辣菜式，選擇唔會太單調野食方面川味口水雞$188Marinated Chicken Tossed with Peanuts and Chili Sauce口水雞少少帶甜味，醬汁唔係幾辣，係一隻辣椒仔嘅菜式，醬汁可以分開上，餸飯一流椒鹽九肚魚 $98 Deep-fried Bombay Duck Fish with Spicy Salt九肚魚炸得好出色，炸皮好薄，入邊熱辣辣，嫩滑九肚魚，肉質唔會散爛，啱晒做小食麻辣水煮滑牛肉（小）Simmered Sliced Beef with Sichuan Sun-dried ChiliSmall: $338呢個係大辣之選，湯底有齊平時水煮嘅薯粉，芽菜等，可能係有湯汁浸住嘅關係，感覺上比起三隻辣椒嘅霸王辣子雞仲辣，唔係好食得辣嘅朋友真係要小心霸皇辣子雞（小） $308Deep-fried Chickens with Spicy Dried Chili in

📍 駿景軒係灣仔英皇駿景酒店，不過近跑馬地多啲！駿景軒已經連續7年獲得米芝蓮一星殊榮⭐️嘅粵菜！裝修高貴雅致，仲有好多間包廂房間，好適合慶祝同聚會！💡仲可以免費泊車！—————————————————————❣️ 黃金脆魚皮 $98新鮮熱辣即叫即炸！外表金黃，炸到脆卜卜，成塊都鋪滿曬鹹蛋黃，好香口. ❣️ 蒜泥白肉（小） $128面頭有好香辣椒油，不過唔會好辣但係好惹味！肉肉包住青瓜，好fresh.❣️ 粟米鱈魚球（例） $468超好食！係🐷食過最好食嘅粟米魚‼️ 鱈魚件炸得又薄又脆，魚肉好厚身，超滑又有魚味，粟米汁另上，有好多粟米粒，不過蘸唔蘸汁都好好食！.❣️ 脆皮黑松露炸雞 (半隻） $318擺盤好精緻，用米粉炸成一個雞巢，好啱打卡！仲好有新意變成手撕雞，面頭鋪左高貴黑松露，面頭仲有炸雞皮，皮脆肉嫩，啖啖濃郁黑松露味！.❣️ 醬油安格斯牛柳粒石窩炒飯 $238用石窩上keep到飯嘅熱度，木魚絲鋪滿面，份量十足！牛肉粒粒鮮嫩，炒飯粒粉分明，食到尾仲會喺窩邊有啲飯焦添！✨超香！香到隔離枱都問係咩嚟！.💬 仲有飯後甜品，不過🐷真係好飽就冇食！—————————————————————不專業評分👅好味

同重要人物食飯，一定要好好揀餐廳🔍依間🏨英皇駿景酒店內既中菜餐廳🥢榮獲過多次米芝蓮一星🎖️野食質素 • 環境方面唔洗擔心😌而且店員們服務都好好💕(有禮貌 • 會因應我地嗌既食提供唔同既餐具 • 不斷主動幫我地加茶…)~•~•~•~•~•~•~•~•~•~•~•~•~•~•~•~•~•~•~• ▪瓦罉焗胡椒蝦 必食❣️上枱打開鍋蓋時，陣胡椒香味攻晒出黎💨有6隻🦐蝦肉爽口 • 有胡椒辣香🤍.▪拔絲咕嚕肉 咕嚕肉薄薄脆漿層💥外層酸酸甜甜糖醋汁份量岩岩好，真係做到拔絲效果，唔會硬左黏牙🧡配料仲有三色椒🫑 • 菠蘿🍍. ▪清香藤椒魚 魚片滑滑 • 大片厚身🐟。湯底唔會好油 • 微微辣🌶️仲有薯粉 • 木耳 • 大豆芽 • 䈑筍…🍲.▪百花炸釀松葉蟹鉗 比常見既大件，炸得金金黃黃✨(表面)脆卜卜 • (百花)彈彈彈牙😝.▪️甜品▫️海底椰雪耳 雪耳膠質出晒黎，甜度適中，潤一潤🧏🏻‍♀️▫️豆腐花🤍.~•~•~•~•~•~•~•~•~•~•~•~•~•~•~•~•~•~•~• 🔺需加𝟏𝟎% 服務費 ~•~•~•~•~•~•~•~•~•~•~•~•~•~•~•~•~•~•~•

英皇駿景酒店中菜廳氣派十足，裝修高雅，節日同屋企人黎慶祝非常適合～以米芝蓮一星粵菜廳黎講，性價比更是吸引🤩拔絲咕嚕肉做到真正嘅外脆內軟！肉質炸過後keep住Juicy配料包括三色椒、洋蔥、菠蘿，都係鮮甜夾起嘅食材都做到拉絲嘅效果粟米鱈魚球粟米汁正到湯咁樣！鱈魚炸過後好香脆魚肉新嫩又紮實粟米汁食唔哂仲當湯添黑松露手撕雞皮雞勁香脆 調味又足夠肉質嫩滑，用上黑松露調味超香亦都好下飯🙈醬油安格斯牛肉石鍋炒飯上菜果陣已經勁香 真係流哂口水飯係好乾身 粒粒分明石鍋邊嘅飯焦好香脆，口感十足最後食埋個腐竹薏米糖水＆海底椰雪耳糖水真係好滿足呢

為左儲多啲Asiamiles換機票 有時食飯都會特登揀可以儲里數嘅餐廳今晚就揀左英皇駿景酒店入面嘅駿景軒食中菜曾經連續七年榮獲米芝蓮一星 出品果然唔錯脆皮黑松露炸雞如果鍾意黑松露呢道菜必食！！鳥巢入面嘅手撕雞每啖都食到黑松露碎超級香雞皮炸得好香脆好似食緊薯片咁雞翼位就另上 可以食到原味嘅炸子雞瓦罉焗胡椒蝦一上枱已經聞到好大陣胡椒香氣喇 焗得好入味好香好惹味 連蝦殼都係脆嘅清香藤椒魚魚片又厚又滑完全冇魚骨 味道少少麻但唔會好辣仲有萵筍大豆芽煙韌薯粉 吸左藤椒湯好好味拔絲咕嚕肉脆漿唔會太厚 裹滿咕嚕酸甜醬都係咁脆口用新鮮菠蘿好香甜仲粒粒都切到圓形好cute食飽飽仲送糖水 海底椰雪耳同腐竹白果都咁好味煮得好軟又唔會太甜 成餐飯每一樣都好滿意👍🏻

我相信有米芝蓮一星的吸引力，就算地方難找D都阻止不到，大家食好野好味道的決心既，今次就找到一間係灣仔區邊小小，的酒店中餐廳食中菜。一到步已經有一種驚喜的感覺，大堂有前衛的裝修，黑白的配色特顯時尚味道，中餐廳以金白色為主，和大堂有種不一同的對比，有新鮮感~▪️瓦罉焗胡椒蝦 ($468)胡椒味濃以不搶蝦肉鮮味，蝦肉爽口野味，一定要試~▪️粟米鱈魚球($468)鱈魚球肉厚鮮嫩，炸醬薄脆配合粒粒粟米汁，大人小童都鍾意~▪️黑松露手撕雞 ($318)手撕雞肉嫩滑，有濃濃的松露醬，加上雞皮香脆不油脷，有驚喜~▪️醬油安格斯牛肉石窩炒飯 ($238)石窩飯分量大，熱胃飽肚，大大粒牛肉加上木魚絲，香氣撲鼻食慾大增~

有被驚訝到距離灣仔鬧市的駿景酒店內中菜餐廳,午市時段全場竟坐無虛席,甚至是包廂全滿!作為連續7年米芝蓮一星,可見其實力完全不受地域限制!以中菜小炒最能感受到食材新鮮度與功架.【瓦罉焗胡椒蝦】一打開蓋白胡椒香氣撲鼻,蝦肉在瓦罉中吸盡白胡椒味道,蝦殼脆口,蝦肉爽彈.【粟米鱈魚球魚肉】大件厚身又實在,薄身炸衣脆口同時吃到鱈魚的鮮度,更貼心地將粟米茨汁分開.【脆皮黑松露炸雞】松露味突出,雞皮薄脆有雞油香味,而雞肉軟熟.無飯不歡的, 【醬油安格斯牛柳粒石窩炒飯】應該完全能被滿足到! 石窩的熱度令飯粒都保持溫熱,牛柳粒選用安格斯牛肉,柔軟帶牛香~加上送贈的足料糖水,更豐富飽滿!

奶奶生日話想食粵菜，就搵咗星級米芝蓮嘅粵菜同奶奶慶祝😏🥰🤗❣️瓦罉焗胡椒蝦鮮蝦裹滿濃郁胡椒香，打開煲蓋時濃濃胡椒辛香，熱辣惹味，香氣撲鼻，瓦罉高溫焗製逼出蝦膏精華，蝦肉緊實彈牙，熱辣惹味令人吮指回味！❣️醬油安格斯牛肉石窩炒飯安格斯牛油香四溢，醬油炒飯粒粒分明鑊氣足，石窩烘出焦脆飯焦，肉嫩飯香雙重享受！ ❣️拔絲咕嚕肉酥脆外衣裹著 juicy 肉塊，酸甜醬汁拉出晶瑩糖絲，冰火口感交織，經典粵菜驚喜升級版，大愛😍😍❣️香烤豬髀仔伴咖哩豬髀仔外皮烤至金黃酥脆，肉質軟嫩多汁，蘸上微辣香濃咖哩醬，蘸醬更添風味

今晚被好朋友挾持去咗位於灣仔英皇駿景酒店入面嘅駿景軒，朋友話餐廳一向貫徹傳統不計成本🫢，堅持選用新鮮食材🥰，所以幾遠都要帶我去食😂。餐廳位於酒店1️⃣樓，地方唔算大，但環境舒適，座位闊落。瓦罉焗胡椒蝦 $468一上枱已經非常吸引😍，勁多胡椒粒包住啲蝦🦐，香氣撲鼻，而且採用新鮮嘅海蝦，隻隻爽口彈牙🤗，食落仲有啖啖胡椒香味☺️。霸皇辣子雞 $358雞肉🐓炸得十分酥脆香口，加入大量乾辣椒、花椒等材料一齊炒，辣、鹹、香風味兼具，辣勁十足🌶，十分惹味😋。百花炸釀松葉蟹鉗 $98/隻2️⃣隻松葉蟹鉗🦀好巨型，入面好足料，外面就炸到金黄色🟠，蘸埋甜酸醬更好味😋。醬油安格斯牛肉石窩炒飯 $238安格斯牛肉🐂切成粒狀，炒飯粒粒分明，每啖都充滿醬油🧉同埋牛油🐂嘅香味。最後食完仲會送埋糖水，今日有腐竹薏米糖水和雪耳海底椰可以選擇，兩款同樣口感順滑，唔係太甜😋

🫖駿景軒🍵呢間英皇駿景酒店既駿景軒連續多年榮獲米芝蓮一星餐廳有兩層 裝修高貴優雅 座位舒服 好適合聚會🦐胡椒蝦用瓦罉焗胡椒蝦 鍋蓋一揭開充滿住胡椒的香氣蝦殼脆卜卜 蝦肉爽口彈牙 辣辣地好惹味 🦀百花炸釀蟹鉗一碟兩隻 好大隻 好耐未食過咁好味既蟹鉗外層炸至金黃酥脆 鮮甜的蝦膠蟹鉗中間仲要有松葉蟹肉 🐟粟米鱈魚球四塊厚切鱈魚 炸至金黃鬆脆鱈魚無骨啖啖肉 新鮮嫩滑粟米蓉分開上可以按喜好添加🐽拔絲咕嚕肉必點菜式之一 每塊夾起都有拉絲效果酸甜比例剛剛好 外皮酥脆 肉質好嫩滑甜品有滋潤既海底椰雪耳腐竹白果薏米糖水

非常高質👍🏻我哋對食好有要求除咗好味環境要舒服 唔好同人迫服務友善～今次嚟駿景軒就滿足到要求啦！2個人叫左4道菜食物質素好高 feel到用料絕不馬虎好食得嚟 食完唔會覺得口渴我比💯🔸瓦罉焗胡椒蝦熱辣辣香噴噴！蝦殼炸到好香脆，充滿胡椒香，辣地好惹味但食到肉質好鮮甜！高質👍🏻🔸拔絲咕嚕肉必食！完全做到外脆內軟，仲食到豬肉嘅香味！伴有新鮮菠蘿，醬汁酸甜開胃！🔸清香藤椒魚魚超滑、好大件、鮮甜完全唔腥！湯嘅藤椒味好突出，微微酸辣，好食得嚟唔會蓋過魚嘅鮮，喜歡💕🔸川味口水雞&椒鹽九肚魚雞肥美肉嫩，雞皮好Q彈，個醬好出色，有麻辣、蒜香、醋香….好濃郁惹味，就算食到好飽都係會食到停唔到。

同朋友黎左呢間榮獲多年米芝蓮一星既駿景軒餐廳以精緻粵菜為主 融合四川及重慶風味座位舒服 員工有禮貌 用餐感覺舒適 百花炸釀松葉蟹鉗蟹鉗好大隻 肉質彈牙爽口中間有松葉蟹肉好鮮味配有甜酸醬 啖啖肉大滿足拔絲咕嚕肉拔絲要做到拉絲效果要掌握溫度同時間每夾起一塊都有拉絲效果 咕嚕肉肉質幼嫩可口 外皮酥脆酸甜醬汁好開胃 食到停唔到口粟米鱈魚球外層炸至金黃仍然睇到白雪雪的鱈魚肉無骨又厚身 咬落新鮮嫩滑啖啖肉 加埋甜甜的粟米蓉更好吃胡椒蝦一打開蓋就傳出胡椒香氣 用瓦罉焗熟胡椒蝦蝦肉鮮嫩 濃郁胡椒味又唔會太辣最後有甜品送係海底椰雪耳同腐竹白果薏米糖水 清潤滋補

這家榮獲米芝蓮推薦的川菜館，將傳統麻辣風味與精緻粵式手法融合，每一道菜都展現出主廚對火候與調味的精準掌控。⭐️瓦罉焗胡椒蝦用傳統瓦罉焗製的胡椒蝦，上桌時熱氣騰騰，胡椒粒香氣撲鼻。蝦肉爽彈鮮甜，外殼沾滿濃郁的胡椒，微辣中帶點甜，鑊氣十足。⭐️川味口水雞&椒鹽九肚魚口水雞雞肉嫩滑，麻辣醬汁層次豐富，花椒的麻、辣椒的香、麻而不辣，每一口都刺激着味蕾。 椒鹽九肚魚外皮炸得酥脆，魚肉卻如豆腐般嫩滑，椒鹽調味恰到好處，不會過鹹。 ⭐️百花釀松葉蟹鉗松葉蟹鉗外層裹上蝦膠（百花釀），再輕炸至金黃，外脆內嫩。蟹肉鮮甜，蝦膠彈牙。 ⭐️水煮鮮魚片一上桌就被紅油香氣征服！魚片切得厚身，嫩滑不散，麻辣湯底用辣椒和花椒熬製，麻而不燥，辣而不嗆。底層的薯粉吸飽湯汁，爽滑入味。⭐️腐竹薏米銀杏糖水腐竹薏米銀杏糖水溫潤清甜，腐竹煮至融化，薏米軟糯，適合解辣。 ⭐️雪耳海底椰海底椰的清香與雪耳的膠質感，讓味蕾從麻辣中舒緩下來。

屋企人好鍾意食中菜今日特登黎到呢間中菜廳好有驚喜每一樣都展現出層次豐富、細膩入味的特色令人回味無窮.💎拔絲咕嚕肉外層糖漿炸得酥脆金黃散發出誘人的焦糖香氣一撥開糖衣，內裡的肉塊仍保持多汁與軟嫩糖漿的甜味濃郁，伴隨著微微的焦糖焦香與肉的鮮美融合得恰到好處😆.💎鹹骨大芥菜煲這道菜的湯底層次豐富帶有鹹骨的鹹香味道🥰散發出濃郁的肉香與微微的鹽味滋味豐厚卻不膩口芥菜清新爽口，吸收了湯汁的鹹香口感細膩咀嚼時還能感受到芥菜的微微苦味與脆嫩，令人回味.💎百花炸釀松葉蟹鉗蟹鉗炸得金黃酥脆蟹肉的鮮甜多汁搭配外層的酥脆口感咬下一口，鮮味濃郁並帶有一絲微鹹😎與蟹殼的香氣相輔相成，令人陶醉.💎醬油安格斯牛肉石窩炒飯這道炒飯香氣撲鼻醬油的咸鮮與微帶甜味使米飯散發出誘人的醬香牛肉片選用優質安格斯牛烹調得恰到好處，入口嫩滑多汁帶有濃郁的肉香米飯粒粒分明，吸收了醬油的豐富味道🥹每一口都充滿滋味，令人滿足