駟馬拖車潮州飯店 (東九匯)

營業中

休息中

今晚外賣了兩個小菜回家食，真心份量少，以為比的價錢唔少啦，諗住夠，原本都有點期待，但番到屋企打開真係有點嬲😡😡，因為好似比1.5個人量咁，我今晚叫的餸分別是 燒汁脆薯牛仔粒 & 鹹菜豬肚。燒汁脆薯牛仔粒 要$133，分量好少😿 牛仔粒都好味既，但無薯仔唔係脆既。鹹菜豬肚 要 $80，呢個價錢相對少啲份量都還可以，但水就比較清，好似無乜煲過咁，得些少鹽味😕兩小菜加埋就要$213，呢個價錢真是偏貴，主要量真係好少。😫😫總體味道都ok，係唔特別出色。

寫字樓搬去牛頭角之後都未正正式式去搵好嘢今日同事book咗酒樓所以就去試吓牛頭角中午搵食唔容易呢間酒樓一樣 逼到滿晒真係好迫 本來有扣分嘅不過食物上場又ok喎鮮蝦腸粉晶瑩嫩滑甜豉油非常討好 讚蝦餃燒賣食味同賣相都一流蝦餃餡料新鮮 爽滑彈牙燒賣豬肉鮮甜 好味椒鹽鮮魷係我特別點嘅完全冇失望 爽脆惹味鹹水角香脆不痴牙餡料就落嫌太少蘿蔔糕都冇乜特別不過不失 可能因為太多櫻花蝦我覺得有啲腥有人一定要食白灼菜都OK嘅翠綠爽口總括來講 食物質素非常好環境同服務有待改進😉

唔係講笑，唔怪得知成日排長龍唔怪得知要早咁多日要book枱我哋喺年尾嘅時候，D同事們就話新一年一定要食呢一間，真係好彩我book咗枱仲要好彩我book到不過呢間餐廳過咗六人就一定要八成人打咗針先至可以食好彩各位同事都打晒咁滯哇我真係唔識形容每一樣嘢都好好食蠔餅啦春卷啦蝦餃燒賣唔使講啦仲有好多其他金錢肚….etc唯一一樣係啲樓面態度一般可能因為忙得滯😅😅我哋嗌得超多嘢有好多都唔記得影相🙈差啲食唔晒仲要我哋食都飽到爆，每人都係好似講緊$140開年飯經理埋單😂經理萬歲

星期六嘅牛頭角少了上班的人潮 🚃望着觀塘海邊多了一份寧靜及舒適🌊 嚟到呢間潮式酒家原來下午都可以叫點心❤️ 見座位幾舒服闊落就試一試😋 食物有水準下次可以再試多D 潮式料理呢🤣⭐️ 蠔仔烙 🦪炸得非常酥脆唔會滿口油💛蠔仔份量飽滿帶蔥香🌱 加上魚露食滿滿鮮味⭐️ 魚湯浸鮮竹卷 🐟鮮竹卷魚肉彈牙😋值得一讚嘅係魚湯唔會太濃太鹹🤗仲有粒粒杞子係好滋補嘅感覺⭐️ 潮州蒸粉果 🥟皮薄餡多望入去晶瑩剔透👍🏻比一般粉果多了一份精緻😽⭐️ 鴛鴦水晶包 ✨最喜歡嘅潮式甜品🥰 奶皇同蓮蓉餡嘅甜度恰到好處🧡甜而不膩

今日去牛頭角飲茶，駟馬拖車潮州飯店呢間有潮州特色的餐廳！餐廳嘅裝修都好有特色，美輪美奐的。前菜是酸菜花生，酸菜十分開胃，酸酸美味的！ 如果可以再加就好了。點心都有好多款，叫了個方魚肉碎粥，1碗上或一大煲，肉碎份量好多，方魚是大地魚，粥底鮮味十足，出面好少酒樓有得食！仲要有個棗皇糕，算是中國特色的甜品吧！做到層層分明，清甜清甜的，不是太甜的那種亦都好煙靭軟棉，不錯。腸粉都是不錯，皮薄餡靚，叫了個鮮蝦腸粉，蝦仁都10分彈牙！你間茶樓地方很闊落，枱同枱之間的距離很足夠，好彩安全！仲有一盞枱附近有個水煲，可以隨時自己加水同煲滾水！

裝修環境不錯，價錢合理不太貴，餸菜款食又多，餸菜食物水準比預期中好，招呼亦不錯，除了晚飯外亦品嚐過中午的點心，效果及款色亦多選擇，值得再去多次的潮州菜館😋😋😋👍👍👍

作為一個Part-time 孤獨美食家，食店的環境、食物的質素及服務水平，會直接影響感受和享受。我被店外的相片吸引，尤其是護國菜（太極素菜羹）而決定入到店內試試。可惜，此款菜式並沒有一人份，而且餐牌上好多食品都沒有為单一人的顧客考慮。所以想静靜一個人放空，獨自嚐鲜，可選擇的食品就好有限。在這限制下，我先點了一碗方魚肉碎粥。方魚片炸過，好香，粥的稀竭度適中，咸淡度也調教得好。喝下去好，整個人都感到好舒服，配上甜咸菜花生，好爽。只厭棄那花生不夠脆和香口。由於餐牌上沒有其他小分量的送粥之選，只加點了上湯菜心，味道偏淡，而菜腳也沒有削尖來增加吸湯，所以有些失望。另外要讚的是茶，普洱茶水滑，飲得順喉。可能新開，人手不太足夠，服務不周。整體來說，是不錯的，若能在服務和設一人餐，那就更好。我會给78分。

晚上與朋友剛好至牛頭角附近, 去了最近聽說不錯的一家潮州食館試試. 上去的門面放滿了茶具. 感覺是高價的潮州食店. 枱面整潔, 最討好的是每桌可自行煲熱水, 沖茶方便許多. 朋友說椒醬肉好像香港不是每家潮州食館都有, 便點著一份來吃. 裡頭的材料豐富, 有菜脯, 肉粒, 蝦乾, 花生粒, 紅黃椒, 豆腐粒. 感覺配白粥也會很好吃. 朋友想點鵝肉時讓我制止了. 潮式滷水裡我很常點滷水鵝頭頸, 這裡的正好價格又便宜. 以$78來說, 我覺得這個份量太超值了. 滷水汁香, 鵝頭頸肉嫩滑. 朋友竟嫌骨多, 我一人吃盡一碟, 好. 沙茶醬的味道濃郁, 菜心的咬口適中脆嫩, 不錯. 比起蠔餅, 我更喜歡吹水瓜烙. 而這裡提供的是九肚魚烙, 新鮮感更加多了. 九肚魚的柔軟口感其實跟水瓜有少許相似, 但感覺好吃一點. 煎出來若更脆一點會更好, 例如用較熱的碟上桌. 價格實在超值得很, 2人點4個小菜的價格每人不用$200. 店員的服務水準及環境亦不錯. 

潮州菜最會發揮食材的原本味道，但如何處理就得當就要看廚師的功力。先來的是功夫茶，這入口苦而回甘是我喜歡的感覺，就如人生先苦後甜。還有一碟菜脯花生，菜脯爽口，花生脆口。九肚魚烙，煎得香脆，蛋香味濃，還有葱香及菜脯脆，而且有花生增加口感。方魚炒芥蘭，廚師細心地將芥蘭硬的外皮批走了，使薑汁更入味在芥蘭内，方魚炸得香脆味道濃郁。家鄉娘酒炒嫩雞，雞肉嫩滑帶點甜味又有酒香，雞皮更是不可錯過的，還有雞肉的薑味香濃。味道: 值得一試環境: 舒適衛生: 清潔服務: 不錯價錢: 抵食

this restaurant is quite comfortable. this time I tried dim sum not dinner. Dim sums were really good e.g. dumplings, fried fish ball... let me show the photos.This one must try. I never ate this good quality. very crispy but not oilychui chow dumplings was transparent skin very sticky. this 方怎魚must try too!

想吃中菜，找到這間新式潮州飯店，環境大又新穎，感覺良好😜😜😜 🥰荔芋香酥鴨 $138 超級推介，一定要試，我也是第一次吃到這道菜鴨肉外層炸得十分酥脆，鴨肉十分香，冇骨，十分出色😋😍😍😍  😍蠔仔烙 $92 平時喜歡吃蠔餅可以叫這個比較特別的是看得出有兩層，有層次感可以配特配魚露吃，不配也十分美味😜😜😜  🤗潮式芋頭炒飯 $88 跟上面兩道菜相較，炒飯有點比下去，但還是很不錯炒飯粒粒分明，調味不會太重，令芋頭的清香在炒飯中散發😋😋😋 人均$198.5，算十分出色的中菜，吃得出廚師的功力🤗🤗想Encore指數爆燈😍😍 

事緣麥先生架車要返車房維修🧰，咁車房呢就係觀塘，咁等緊車維修嘅期間架要搵嘢食下啦，我地就行左去牛頭角東九滙「駟馬拖車」食下潮州菜。一坐低後侍應就比功夫茶我哋飲咗先，茶🍵香唔錯。滷水鵝四拼盤內有鵝片、紅腸、五花肉、鵝腎，滷味好入味，唔🤔錯👍🏻。海蜇手撕雞海蜇好爽脆，加埋啲雞肉好滑，食完後好開胃。潮州蠔仔粥呢個係麥生至愛，每次去到潮州餐廳一定會點嘅菜，蠔仔🦪都幾大隻同肥美，湯成好鮮甜。椒鹽九肚魚魚肉外皮揸得香脆，內裏好嫩滑，加上調味得啱啱好。坐低後侍應就比功夫茶我哋飲咗先，茶🍵香唔錯。

很喜歡觀塘的海濱長廊，走著走著，我們看見對面商廈二樓看見一家食肆駟馬拖車潮州飯店，名字很特別，好奇的走去看看。那裏佈置寬敞舒適，便進去試試！經一輪防疫手續，「嘟」了安心出行，便被引領入座。一入坐，服務員就介紹我們先飲功夫茶，雖然不懂茶道，但就是有不一樣的感覺，好特別一間傳統潮州食店。服務生也講解煲水操作，可以自己加水，非常方便。潮州蠔仔粥粥料豐富，肉碎剛熟而不老丶方魚炸炸得鬆脆，混在粥內，外林內酥，蠔仔飽滿剛熟；口感豐富，粥調味到位，食到停唔到口！正！酸甜梅膏骨排骨炸得外脆肉嫩，炸的時間剛好，外層包著梅膏醬，濃稠剛好，酸酸甜甜的，已十分好味，再與薄蘋果片一起吃，另有一番美味！滷水鵝片賣相不錯，咸淡得宜，鵝片切得厚厚薄適中，林而不太肥，蘸上醋吃，美味！

今日去開牛頭角做嘢，順道係個邊食晚飯。上網搵到間食潮州嘢嘅，見好耐冇食，就上去一試啦。🥬酸菜 $16好好食，爽口，酸酸甜甜好醒胃🦢滷水鵝四併盤 $148有鵝片，紅腸，雞腎，五花腩，兩隻雞蛋。鵝肉滲岀滷水香料味，但不會搶了鵝肉嘅鮮味，雞腎爽口唔會太硬，五花腩半肥瘦而帶點爽口，食落甘香唔油膩，紅腸正常發揮，下面仲有軟綿豆腐，索晒個滷水汁，唔錯！🦪蠔仔烙 $92食潮州嘢一定要叫番個蠔餅。炸蠔餅個賣相好似pizza🍕咁，炸至色澤金黃，唔會好似岀面炸到咁深色就燶咁，咬落酥脆可口，餅底有一啲煙韌嘅口感，仲見到一粒粒嘅蠔仔肉，蘸上魚露，味道酸酸地 ，愈食愈滋味🥰🍜潮式糖醋麵 $98係潮州嘅傳統美食，呢個唔係脆卜卜嘅炸麵，而係將烚淋咗嘅橙黃色蛋麵餅煎至金黃香脆，今次呢款就跟返傳統做法只煎香麵餅嘅單面，食起上黎個口感外脆內軟，按喜好灑上黑醋同砂糖，酸酸甜甜，唔錯，食完個麵之後勁飽，😹，再食唔落其他嘢，本身想試埋個甜品都要放棄。

朋友約飲茶，去咗牛頭角東九匯新開咗間潮州菜飯店，除咗潮州菜，早午茶市都有點心食，早，茶市仲有折扣優惠😄飯店光猛，有古典風格，空間感足夠，侍應微笑有禮，開茶後再教我哋用自助加水器，我哋剔咗幾款點心，等十五分鐘左右就到😄潮州蠔仔粥(碗)蠔仔粥大大碗，鮮甜多料，夠兩人份量，粥底有肉碎、香菇、方魚同蠔仔，蠔仔十分多，脹卜卜，肥美新鮮😋錦鹵雲吞大大塊薄脆蘸酸甜醬汁同蝦仁、肉片，紅椒、五柳絲一齊食，回味下懷舊味道😋彩色蝦餃皇蝦餃皇彩色，顏色鮮豔，食感覺歡欣開朗😂七彩牛柏葉有紅蘿蔔、韮菜絲同粟米粒，牛柏葉爽脆入味😋特色棗皇糕棗皇糕層次分明，煙煙韌韌，棗香味濃😋總結：食物出品有水準，價錢合理，坐得舒適，適合飲茶傾計，公司聚餐，見餐牌嘅潮州菜同小炒都幾吸引，下次要食晚飯試下先😉