馬辣台式鴛鴦火鍋 (創興廣場)

營業中

休息中

香港人喜歡打邊爐，今天和朋友一起去旺角創興中心14樓的馬辣台式鴛鴦火鍋。座無虛席，記得最好提早訂位，店堂幾大，十分寬敞。首先可選二款湯底，肉類、海鮮類是要划紙任點。其它食物、調料、飲品是自助的。有十幾款調味供食客選擇。食物都非常新鮮，海生蝦、白鱔片、鮮甜彈牙，美國CAB安格斯黑牛、美國prime頂級牛梅花，嫩軟牛肉味重。頂級小肥羊肉薄薄的好味。菇類及蔬菜也非常新鮮，還有甜品雪糕。餐廳不同期會推出優惠，性價比高，值得一試。

天氣開始轉涼，最岩打邊爐，今次試咗依間台式火鍋係幾抵食，除咗一般食材可以去common area任拿，海鮮同肉類例如大蝦都可以任點，上菜快，之後仲有多款飲品、甜點同雪糕，正👍🏻👍🏻

服務態度差，侍應無禮貌又唔願做就算食物再好，服務態度勁差，令人唔想再去交點食物餐紙一手搶走，6人打邊爐，坐一張枱一個爐，當食物唔夠位放，咨詢侍應可否俾架餐車放食物，得來回應是：你咪自己拎自己攞咗餐車後，另一位侍應話，架餐車唔係俾你呢枱用攞咗去隔離4人枱，對方只有兩個人，根本唔需要用，仲要同你講唔夠位，幫你執緊啲嘢攞走枱面放嘅全部係食物，佢想執咩呢收咗啲食物嗎整個用膳時間只有收錢個刻態度好少少，其餘時間都係一肚🔥🔥

事緣係咁，我食得開開心心，就食飽走人個陣諗住去雪糕Bar到攞一兩球雪糕食啦。好喇，去到個到個bar冇人都算 我等左陣 有個女人黎 。跟住我就話要一球(紅橙)味雪糕丫唔該 。跟住佢問我仲有冇其他 我就覆佢咁要多一球(石板街)。 跟住 個呀姐用極差既態度同我講 : 點解唔可以一次過講！ 當下我真係呆左 我答佢: 我諗緊！ 我真係無言 食物個啲全部都好食抵食 點知就係一個員工 令到我對間餐廳反感。唔係話客人大曬 但係都可以比啲禮貌掛 ！ 其他員工都好有禮貌。但係唯獨是佢。

最近香港多了很多台式火锅，价钱都有点参差。马辣位于旺角创兴广场14楼，去之前最好提早订位。由于订了位，只在门口报电话号码就可以了。店內的座位和通道都很宽敞，坐下后先点好汤底和火锅材料。丸子、蔬菜和腌制的肉都可以自取。东西分门别类放在柜子内，非常卫生。鲜肉和海鲜都要划纸仔，种类繁多，虾是随便点的。为省时间，一次叫完纸上的食物，不刻三分钟已经全部送到。除了鲜虾，安格斯牛肉也是最好吃的。牛味十足，吃下去又没有渣，我们总共点了10盘，结局对件不留。连加一服务费是175，好便宜。

基本上我之前喺台灣食嘅馬辣係超級好食，直頭我覺得係喺火鍋界嘅殿堂店舖。我帶着呢份期望嚟到依間香港馬辣試一試，我嘅結論就係就係基本上佢同難食的富臨係有得俾，首先我係是午市118的C餐，喺午市來講係最貴的。先講服務，完全係冇乜服務可言，問句都好似欠咗佢。講嘢食方面完全係難食。湯底古古怪怪，叫咗麻辣湯底有少少孫淑媚。嘢食方面都感覺上唔多新鮮。受氣又難食，如果想當探險試一試的話都唔好黎。其實難食都係時少，受氣唔開心就真係覺得好無奈。

上次中午去打邊爐，湯底有得揀兩款，就揀咗蕃茄同芫茜，點知原來係清湯然後加兩舊蕃茄同幾條芫茜，食落去完全無味lol 甜品除咗有雪米糍同雪糕雪條，仲有香蕉朱古力pancake同燉蛋🙆🏻‍♀️都唔錯！

好多時口痕都想打邊爐！今日終於有機會馬辣台式火鍋係我一直比較鍾意嘅店舖幾年前喺香港打響頭炮 吸引好多人去今日同朋友下午有時間就去食個快嘅邊爐正呀！呢度有任食安格斯黑牛每位都只係$118而且係任食頂級牛梅花精選牛五花同埋黑毛豬梅花同埋眾多嘅火鍋配料都係自助任食未開始食都已經夠晒興奮由於係午市嘅關係店裏面嘅人唔算多我哋點左鴛鴦鍋底分別係沙嗲鍋同埋芫荽皮蛋兩個鍋感覺都唔錯 滾起嘅時候芫荽嘅味道好香！我同朋友都好鍾意食牛 瘋狂點牛梅花大概食咗10碟每次encore三碟🤐🤐佢嘅紋理分明 薄薄一片 食落去好有牛味再加埋出邊自助調配嘅調味料味道更upgrade 牛又真係keep到水準出邊仲有無限飲品 我同朋友飲可樂同埋一啲有氣飲料 飲完感覺好舒暢另外配料方面我哋都加咗個烏冬同埋一啲魚皮餃 整體來講佢嘅火鍋配料都算新鮮 下次我都一定會嚟食！

今日又係我銅鑼灣食神微服出巡，去到網上列評如潮嘅，馬辣台式鴛鴦火鍋！今次陪我去嘅係我非常之開心，一定會同我做到好朋友嘅彤彤，因為我講解，我嘅劉健遠定律/劉健遠現象/劉健遠效應，仲有最新嘅劉健遠經濟學，聽完之後我第一次見到有人唔係當我痴線，仲極力用佢嘅學術配合，當然他相知天文下知地理係我見女仔之中極為少見到達萬中無一。廢話唔講早知原來咁高質素嘅女仔就同佢去最高級嘅地方食啦其實呢間野都可以嘅，PQ值好高！兩個人食唔使$300係打邊爐真係唔知邊度搵...食物質素好，自助配料又多，湯底都唔錯，連添湯嘅湯都好講究。飲品都算好多選擇嘢食好好食絕對抵啲$300唯一有少少唔開心我就同個女仔傾得好開心時間過得特別快唔知道。其實善意提出如果夠鐘之前早15分鐘叫一下我，而唔係夠鐘就同我講夠鐘，我人會開心好多，我咁多年做食評價家，有啲位我係會真心寫出嚟。點解我咁多人睇，係有原因嘅！收枱阿姐好有禮貌，值得一讚！如果輪抵食一定係抵食，但如果係要食服務就要諗吓先

好一段時間沒打邊爐，今日心血來潮，同朋友去旺角馬辣臺式火鍋，由於限聚，兩個人都可以坐窗口卡位，非常闊落舒適，而且是鴛鴦鍋，我哋可以各自在自己的一邊湯底煮食。雖然係午市火鍋，價錢比晚市平，但絕不欺場，除配菜選擇充足外，飲品甜品一律任飲任食。午市火鍋無需加一，雖然冇乜貴價食材，但食物選擇亦唔少，每人更送海鮮一份，有鮮蝦及生蠔，勝在夠經濟，以這個價錢，圍爐傾下偈，簡直抵抵抵。調味架選擇好多，而且乾淨整齊。火鍋配料車的兩旁，放滿一盆盆的配菜任食。打邊爐必備的丸丸選擇很多花膠, 豬肚, 牛筋, 凍豆腐, 丸物, 豬雞牛, 瓜, 菜, 拉麵, 水餃, 炸魚皮, 響鈴, 腐皮, 魷魚, 鵝腸,蟹柳, 午餐肉....。在食物車看到這個我原本以為是雪米糍的東西，原來是湯圓，有花生及黑芝麻，黑芝麻必定要試。除了飲品櫃的凍飲，還有熱咖啡, 熱朱古力及果汁等。最後，當然是來個甜品，作個完美的句號。除了雪糕, 雪條, 雪米糍外，還有豆腐花, 芝士蛋糕, 奶凍及水果等。全場的夥計，除了一個肥姐姐比較有性格外，其他都非常友善。如果疫情過後，客人再多，都能夠保持這個水準的話，必然是再回頭之選。

大家唔好幫襯我第一次食就有曱甴衞生情況非常惡劣，食食下突然有曱甴在枱面走來走去，完全唔知點解會出現，應該是在食物上走出來，食食下真係想嘔，完全接受唔到呀，真係無下次

平日七點來到等位好快一入來感覺抽風比人哋火鍋店大好多，以為應該食完身上唔會有味喇，點知返到屋企仲整陣沙爹味！🥺我已經好耐無試過食完衫有味.......服務態度ok，食材選擇性都算高，但係一家食肆來講味道好重要，湯底點架台式馬辣同沙爹味，真係好難食.....食材新鮮度一般，牛肉麻麻，羊肉太厚......雖然$158/位算平，係唔可以要求太高，我邊食邊諗咁多人來食係咪貪佢平？？😂😂實話咁講我諗我唔會再來，佢唔係我食過最平架火鍋店但係係我呢幾年食過味道最差架火鍋店😣😵

記得第一次黎馬辣仲係排到出lift口既時候，一路心思思想再黎食魯肉飯同酸菜白肉湯，所以同朋友7個人再食。可能因為疫情同埋星期一既關係，黎到已經有位坐，而全場係唔滿既，當然為左衛生，仲實行緊離座拎食物要戴口罩～一坐底，我地有兩個爐，分別叫左4個不同湯底，包括酸菜白肉，沙爹，麻辣同胡椒豬肚。而餐單上面既牛同豬同海鮮都可以不斷refill，其他食物，飲品自取。而今次食晚湯底失色左好多，冇味又少料，而牛同豬不過不失。丸類等選擇都還可以。飲品方面有雪櫃有即沖，最奇怪係朋友飲左啖熱朱古力發現有洗潔精味，即刻唔敢飲。最後去搵雪糕，選擇太少，個個都拎黑牛雪條。普遍搵侍應order都仲可以，始終都唔夠人手，等一等都接受到。整體黎講食物質素下降，但價錢還算可以。

打去訂位，響左好耐先有人聽，明白嘅，晚市可能好忙。一位男人聽左，講嘢態度勁差無尾音。想訂星期五630無位，晏d都無，得600點有，照訂。講左訂幾時，幾點，幾位，留名，留電話之後就突然砰一聲，無哂聲。（心唸，忙都唔哂咁，我都係比生意你姐）其實講多2句有無咁難？第一下覺得，到時d服務態度應該唔會好得去邊！🙄🙄🙄

$110 一人餐很抵，再用openrice優惠減多$20 超抵，套餐一人份量剛剛好，丸/餃/海鮮/肉 每款有d, 菜一大盒，仲有2款菜添，麻辣湯包內有3件鴨血，另會附上一包清湯，個餐仲會包一罐飲品。丸/餃 合共有十粒，海鮮有幾款選擇，我要咗蝦就有2隻，嚮領2件，麻薯2粒，仲有一盒豆腐花。其實個套除咗丸類和餃子係無得選外，其他野食野飲，都有得選，大家可自已入去睇睇，另外佢個麻辣湯包，係超大包，絕對足夠，因有清湯和麻辣湯包，所以個外賣餐都幾重吓。