馬辣台式鴛鴦火鍋 (創興廣場)

營業中

休息中

食物質素，價錢其實都不錯，可惜自作聰明壞招牌！用手機點餐無問題，但每點完要重新登入！系統經常操作失敗！到底係個系統設計有問題，定想玩下啲食客？逢二抽一！勁討厭！我兩個人去食每次點兩碟牛，永遠只来一碟。之後又要不厭其煩重新登入系統，就係敗筆中嘅敗筆！到最後不斷落單。先至正常返！十分討厭。湯底淡而無味！點左一個酸菜白肉，同水無多少分別！明明食到晚上10點，9:30去攞甜品竟話收左檔！🤬🤬🤬唔通一入枱先攞甜品呀？甜品檔果位呀姐係咪老闆？有權自行決定收檔時間？！個甜品呀姐仲係勁唔願郁咁坐喺度食緊話收左檔！不知所謂！

久唔久就想打邊爐今日搵到一間超級抵食嘅台式麻辣火鍋！平日食每位158加一 食120分鐘6點半入坐 算係第一批人 枱同枱之間夠晒闊落 而且環境都好乾淨坐低用QR code揀湯底、肉類、海鮮 其他配料就自己出去任攞台灣嘅小火車設計勁得意 車身全部都放咗喺鍋嘅配料！丸類肉類 都超多款式揀調味料全部都用蓋蓋住 衛生啲食都食得安心啲菜菜另外有雪櫃放好飲品除咗汽水仲有啤酒選擇～除咗凍飲仲有熱飲供應區！好surprise薰衣草茶玫瑰紅茶全部都幾薄切下～不過唔緊要 肉類都係任叫嘅！總括來講 我哋對呢度嘅火鍋食材選擇，環境，價錢，侍應嘅服務 都很滿意絕對唔會再嚟食呀！

今日去咗旺角行街，之後突然好想打邊爐，上網搵咗呢間台灣嘅打邊爐。見佢有好多款湯底揀。而且性價比好高。咁咪可以揀鴛鴦湯底嘅，我哋就揀咗酸菜白肉同埋胡椒豬肚湯。呢度係任食嘅，牛肉豬肉同埋一部份嘅海鮮，都係用電話用手機app叫，其他配菜例如丸雲吞蔬菜麵類就喺出邊自己拎。我哋呢啲無牛不歡嘅梗係主打食牛肉啦。而且飲品都係任飲成個雪櫃自己任拎，仲有好多甜品可以揀。一定要一提嘅就係佢嘅香蕉pancake好好食，仲有Dreyes嘅雪糕任食，食咗朱古力味同埋石板街味。環境都坐得好舒服，都係梳化位，職員亦都好有禮貌。

-💁🏻‍♂️用餐體驗💁🏻‍♀️✨馬辣由前菜、肉類、丸類、蔬菜、甜品、啤酒都一條龍有晒。✨入座時會主動問下需唔需要口罩袋，唔會造成浪費；亦有主動同客人確認入座時間同埋2小時即係去到幾多點✨晚市$158加一包晒（紅日或前夕每位加$10），本身我都唔知7：30前離座仲可以每位減$10，有同事大約7：10過黎提我地都好好！✨點餐紙搣左一半，剩返上面湯底🤣 因為點肉類海鮮已經電子化左，環保又完全冇漏單，好抵讚！✨店員收碟勁快手，一食完就唔見左隻碟 😂✨最欣賞佢首先鴛鴦湯底唔使另外加錢，重點係：佢個爐既隔夠高，一定唔會溝埋啲湯！因為唔食辣既我絕對溝唔起對面 😂✨醬油配料都用蓋冚返住，都好衛生-🤤多款食物😋✨最愛牛小排，肉味夠濃肉質又軟，點埋個生雞蛋豉油加乾蒜真係只應天上有 😋 豚肉既代表都好好食！✨常見丸類都一應俱全，唔常見既例如甜不辣，北海翅，麻吉燒都有又幾好-🍻甜品及飲品🍦✨選擇真心多，Somersby同Asahi任飲本身已經好抵✨仲要有Nescafe咖啡機，同埋可以自沖花茶（係俾唔同花唔同茶底你去配搭，有埋茶壺）✨咁當然幾乎間間任食邊爐都有既罐裝汽水同茶佢都有，仲有埋酥滑加士伯！✨甜品唔只獨立包

野食是好的，但是最大的問題是漏單，叫了8盤牛肉但係只係給了2盤我，尤其係那個法式布丁，真係好好食，牛肉質數算好，cp值高，只是希望店家改善一下漏單的問題這樣會變得更好

想講想去呢度食野好耐，見佢地喺台灣都幾出名，但係上次去食都幾失望🙄上次去係平日夜晚8點，每round只可以叫2份肉，我地4個人食，2份肉送到上嚟切得薄過紙，都算。諗住唔緊要啦，可以嗌多幾round，橫掂係放題丫嘛，suppose係任叫任食啦。最好笑嘅就係無論落單幾多round，都係只會嚟1 round，又係3 4盆薄過紙嘅肉，一盆2 3塊咁，薄到完全透晒個盆嘅顏色出嚟，4個人真係完全唔夠食。真係想問咁驚人食嘅話點解要開放題？嗰陣都有叫員工幫手追一追啲肉，叫佢每樣上5份，話會幫手跟進，跟住都係求其比多左每樣一碟打發左我地就算🙂到最尾真係完全食唔飽，幾個人淥左3個烏冬，咁大個人未試過食放題要食烏冬先食得飽同埋坐嗰個位個冷氣凍到hihi，又冇野食又凍，雪上加霜🤢呢間野真係試過就算，冇下次😂食翻其他連鎖店仲好，起碼人地啲肉係真係任叫

因天氣轉冷,又是我老公生日,所以選擇打邊爐。因近來非常流行台式火鍋,便想找一間台式火鍋,上open rice看看。找了此馬辣台式鴛鴦火煱。此火煱都非常火爆,見到很多人等位。因預早訂了位所以去到有位,但安排到一張很细的2人四方小枱,d食物都放不下。湯底及牛肉都有多款選擇,有是曰海鮮,蔬菜很新鮮,甜品更有榴槤班戟及香蕉班戟。。。。

呢間野相對其他火鍋店平，但佢啲牛同配料都幾多下同幾好食，啲配料有好多款，仲有好多甜品雪糕同生果，雪糕係好食雪糕黎，生果都好新鮮，啲牛唔會好難咬開，雪花都幾均勻，下次會再去

相約火鍋控好友打邊爐黎到旺角既馬辣火鍋 @malahotpot_official試下佢地有咩咁特別麻辣（少辣）湯底非常濃郁，感覺似餐廳自己煲既而唔係落味精就算湯入面有多舊鴨血好有驚喜芫荽皮蛋湯底芫荽味重，皮蛋夠香又唔苦養生之選配料方面淨係肥牛都有4款揀推介美國choice無骨牛小排肉質好軟滑海鮮方面推介鱔片廚師刀工好好完全冇骨既而蝦都值得一試雖然唔太大隻但有鮮味且肉質佳 勁鐘意食呀完全返唔到轉頭要再黎

平日晚上九點半後入座 成人$138, 小童$98, 須另加一由於友人帶住小朋友咁尼度座位寬敞所以佢想嚟尼度好坐d同埋就算小朋友食得唔多都無話太肉赤填Order紙落湯底、牛肉、海鮮牛肉唔差 所以encore咗兩次自取食物就鍾意食豬腸、薯粉同牛筋員工refill得快飲酒仲有Asahi任飲是日海鮮係蟶子仔肥美但多沙 可惜

之後黎過同一橦其他嘅仼食火煱今次試下馬辣由於係平日夜晚唔使排隊又唔先book位食得真係超舒服由座位到上菜都好好湯底唔算太辣但勝在有辣有唔辣可以自己去拿唔同調味料例如粟米等去煲牛肉豬肉驚喜地好新鮮溶雪溶得好好吾會成塊冰肉仲要食到最尾上嘅肉依然好靚而是日海鮮同脆肉鯇都好正 加上自助材料亦好多選擇不過最令我surprise 嘅係佢有draft beer有Asahi 同 Apple Cider真係好爽自助形式 你飲幾多斟幾多 食得好飽 好滿足

今次去旺角創興廣場嘅一間台式麻辣火鍋店， 地點相當方便就腳， 佢個火鍋湯底有好多個選擇 ，可以選擇兩款湯底， 我就選擇咗台式麻辣火鍋同埋 胡椒豬肚湯底， 裏面可以任點牛肉，有唔同款嘅牛肉食， 自助拎食物有好多款唔同嘅丸類蔬菜 等等 ，食材方面都幾豐富 ，不得不提甜品方面，最喜歡佢新鮮即製嘅榴槤pancake同埋 香蕉朱古力pancake， 有個阿姐喺度即場製作 ，同埋仲有 焦糖燉蛋都係即刻燒出嚟 ，味道都相當唔錯， 同埋仲有佢嘅榴槤雪糕都幾濃郁， 甜品方面有驚喜。

都知道我是火鍋控，台式港式粥底都鍾意食，今晚食咗馬辣，每位價錢只係$158，但現場提供嘅食品飲品種類超級豐富，呢個價錢真係好抵！入場會提供紙袋俾你裝口罩，好細心。現場座位好闊落，檯與檯中間有好充足距離，食得安心。首先想講飲品，飲品係我近年食任食火鍋見過最多種類選擇的餐廳，無論熱飲凍飲，甜嘅唔甜嘅都有好多選擇，周圍都有嘅罐裝汽水唔洗講啦，仲有自家制無糖檸檬茶俾唔想飲甜嘢但又想飲凍嘢嘅女生，仲有三款花茶俾你自己沖泡，女生最愛的玫瑰茶，真係見到都心心眼😍男士最愛的啤酒唔少得，仲要有埋Asahi draft beer任你自己斟，好有誠意！唔止，仲好受女生歡迎的Somersby蘋果酒都係自己draft！食品方便選擇都唔少，肉類係要落單點，丸類配菜就出去自己攞。可以點嘅牛肉有四款選擇，首推Prime頂級牛梅花，厚薄適中牛肉味濃郁，入口夠晒淋；無骨牛小排都唔錯，偏薄牛味都有。安格斯黑牛比較厚身，比較有𡁻口但相對嚟講牛味比牛小排濃。豬肉我只試咗黑毛豬梅花，厚薄適中有口感但唔會鞋，味道不錯。出面任拎的食物選擇都好多，午餐肉、牛柏葉、水魷魚、韮菜餃、海帶結都係推介。如果飯桶可以試吓珍珠飯配滷肉蛋，聞起嚟非

今日晏收工經過創興樓下 見到有姐姐派傳單 拎起張傳單$138任飲任食打邊爐😱 好啦明明話減肥既我又唔爭氣咁去食大餐😝 .9:30後入座$138 任飲任食，一坐底就可以擇2款湯底係鴛鴦鍋黎 ，另外肉類同海鮮都係要order , 我就叫左「美國Prime頂級牛梅花」同「美國CAB安格斯黑牛」個人比較喜歡牛安格斯多d 因為牛梅花會比較肥d 我個人中意比較瘦既😝 因為仲要留肚食其他野，當然除左牛係有豬同羊點.海鮮方面都算係咁 有海蝦 脆肉鯇 白鱔片 ... 點完order之後就出去拎其他野食同調味料 調味料都有成10幾種😑勁誇張 之後就係成個火車既野食可以拎 種類太多（可以睇相） .除左打邊爐料齊全 最開心係飲品都有啤酒同apple cider , 除左汽水個d之外仲可以擇竹蔗茅根水 酸梅湯..最後連甜品雪糕款式種類都有得好多野擇.D人話佢同台灣馬辣相差好遠 ，咁我又未食過台灣個間 🤭 但以$138價錢黎講咁多野食 真心連自己去街市買都唔得🤣🤣 不過提提大家 我9:30上去時都幾多人 應該正價時段要預左等位😆

馬辣火鍋聽得多，但喺香港真係第一次食。嚟得馬辣，當然要嗌麻辣湯，另一邊就整個胡椒咸菜湯啦！麻辣湯偏咸，🌶一條辣條仔既辣度適中，食到辣既朋友可以叫兩條辣椒🌶🌶既辣度。湯底附有鴨血，仲可以追加添！😍辣湯用尼烚蔬菜超正，夠入味又嗆喉，夠晒刺激！✌🏻食材方面，廚師腸、響玲、金菇、木耳、豆腐係我食火鍋必攞既蔬菜🥦🌽🥗，仲有各種丸、菜、麵等等，應有盡有，走幾轉都食吾哂咁多種！肉方面，牛既肉質都吾錯🤠，又夠大塊，烚熟之後都吾會”un”，我地追加左好多次🤩豬就肥d，好多脂肪位，不過落湯烚熟食落有少少脆身，一塊就吾會好膩嘅🤭呢間食火鍋一定係抵食之選，吃到飽！💪🏻👅