馬辣台式鴛鴦火鍋 (創興廣場)

營業中

休息中

朋友食過呢間餐廳打邊爐放題話好抵食, 性價比一流咁話喎~~有平靚正既野食我就梗係唔執輸啦, 試過先知咩料餐廳位於旺角鬧市既創興廣場, 地點好方便呢~成間餐廳面積仲好大丫, 全層都係佢既, 所以超多位不過我都係有BOOK位既, 驚要等位嘛~~2小時任飲任食火鍋午市 成人$138, 小童$98 (免加一)晚市4:30-9:30 成人$168, 小童$98晚市9:30-12:00 成人$148, 小童$98星期五, 六, 日, 公眾假期及前夕每位加$107:30PM前埋單每位減$10自助區有好多款式既火鍋配料!!!另外仲有小食~~~呢道既甜品種類都算好豐富....有雪糕雪條, 仲有豆腐花, 布甸, mousse等等~~鴛鴦鍋底~~有8款湯底選擇, 任選2款...除左係自助區拎配料外, 仲可以用qr code點肉類同海鮮.....美國安格斯黑牛每盒有3片...份量幾好丫, 唔怕食唔晒會浪費!!安格斯黑牛肉質軟腍, 牛味濃郁海鮮有聖子, 蝦, 魚等~~~蝦爽口彈牙, 聖子鮮甜冇沙....鱔片新鮮肥美!!真係不得不提呢道既脆肉鯇, 係超好味超正!!係香港未食過咁脆既脆肉鯇!!唔止新鮮, 仲爽口到一

呢度真係可以用大食積窮L恩物嚟形容，$185就食到任食打邊爐，$200有找，「馬辣」係鴛鴦鍋得嚟，唔洗額外加錢，同朋友可以揀一人一個鐘意既湯底，唔洗就是但一個，另外呢度全部都係卡位形式，兩個人嚟都係安排坐得落6人既卡位，相當闊落😆飲品都係自助形式，有基本既汽水、無糖茶、韓國汽水、啤酒；熱飲都有，有自助咖啡機，茶包等等，另外食物方面係海鮮類(有是日海鮮)、鮮肉類就用QR code落單，其他丸類、蔬菜類就喺出面既自助選區，順帶一提，基本醬料，雪糕都係🤩雪糕款式都多達五款或以上，其中一款仲要係最愛既榴槤味雪條，見到即刻食返條先🤪無論價錢、地點、環境、食物質素嚟講，呢個價錢真心係性價比好高既任食火鍋，如果想平平哋打個邊爐，十分推介呢間👍🏻

身為打邊忠粉一年四季都好鍾意打邊爐見到呢間位於旺角既任食打邊爐決定一於去試下上到去店員都好親切介紹入咗之後湯底好快就上餐廳提供了八款湯底客人可以任選兩款我今次就揀咗蕃茄洋蔥海皇鍋同蔬菜清湯鍋蕃茄湯底酸酸甜甜好開胃而蔬菜清湯亦都好健康餐廳係屬於半自助形式飲品 蔬菜 甜品 同火鍋配料可以自己出去 counter拎而肉類同海鮮就可以用電話掃描QR CODE落單餐廳亦都會不定時轉是日海鮮我去嗰日嘅是日海鮮就係聖子落咗單之後啲食物上得好快海鮮同肉類都好新鮮 飲品選擇除咗酒 仲有涼茶同汽水 選擇好多同三五知己打邊爐呢間真係一間好選擇 而且價錢實惠 大推大推

第一次食馬辣，估唔到星期六夜晚都唔使排好耐隊就入得座。我對今次打邊爐體驗一般般，呢度任食火鍋價錢都可接受，不過比唔上喺台北食辛殿咁滿足。任食火鍋$168- 首先講吓衛生情況，地板有少少濕滑，行出去攞配料要慢慢行。配料方面，我覺得餃子麻麻哋，蛋餃皮太厚，餡料太少。丸類就正常水準啦。我哋用手機點牛肉、豬肉、羊肉，初頭幾碟肉質好啲，之後再叫嗰啲多左肥膏。全場唯一覺得好味嘅係烏冬，佢似稻庭烏冬，麵條幼滑彈牙，推介！我哋叫胡椒豬肚同蕃茄洋蔥海皇湯底，蕃茄嗰個好濃味，湯底越食越鹹，最後都係轉唒去胡椒豬肚嗰邊打，清少少。最後講吓甜品，喺餐廳一旁有個甜品角落，我叫左一份即製香蕉班戟，同一球Dryers cookies and cream雪糕。香蕉班戟幾香唔錯，不過出事嘅喺雪糕，唔知係咪因為佢哋冇浸乾淨個scoop就挖另外一款雪糕口味，我食曲奇雪糕竟然有榴連味，感覺好奇怪。以為攞杯裝雪糕唔會出事，點知海鹽味道嘅雪糕仲奇怪。食返雪米糍最穩陣！

今日係旺角店訂咗7:15 四位 黎到你哋同事話搵唔到Booking 我有一位朋友係大肚要求幫我哋安排梳化位 當時仲有大約十張沙發位喺度 你啲同事話要訂位先可以坐 我哋原本有訂位 係你地冇mark低 最後仲趕我哋走

相隔1個月多3日, 姐妹兩個又來旺角馬辣食火鍋放題. 價錢仍是$138全包2個小時, 但在看馬辣面書的資料發現, 登記做馬辣的新會員可以有迎新優惠全枱所有人每人減$10,咁就梗係即做啦, 不過記住呢個迎新優惠只有1個月有效期, 而且記得要入座前同職員講要用這個迎新優惠.今次食嘅火鍋料同上次差唔多, 但上菜時硬係出問題, 今次諗住分開每次叫一款牛肉來試清楚,所以第一輪叫咗2份牛梅花, 點知一來就是5盒肉, 個盒邊仲係唔同顏色, 睇真啲原來4款牛肉每款1盒,再加埋一盒羊肉片, 店家真係太好心, 要我每款肉肉都試吓, 睇睇邊樣最啱胃口. 試落肉質與味道每款都滿意.今次我一個人食咗好多牛筋, 估計份量可以煮出7至8碗台灣半筋半肉面, 唔使自己買牛筋番屋企煮咁麻煩, 在呢度食乾手淨腳.今日特別在食到即製甜品, 香蕉班戟和焦糖燉蛋味道唔錯, dreyer's雪糕就每人食咗2球芒果, 仲加埋盒裝豆腐花和cocoberry嘅港式奶茶雪糕, 今次的甜品胃大滿足.

其實 呢間野 有兩間分店 今次朋友生日 去開個頭 就去試下 入面雪糕同埋甜品選擇好多 肉類一般般啦 同佢地講朋友生日 佢地仲會唱生日歌 同埋 幫我地上生日蛋糕 丸類 菜出面好多有得揀 都係自助 價錢都幾平 推介！！

行街經過幾次咁啱今次肚餓就入左去食。睇個門口又幾吸引咁😂個鴛鴦鍋好正。食得辣既梗係要一邊係辣架啦😂買糧既時候估唔到價錢唔算貴，因為我地2個人食既野都唔少😂😂下次會同朋友一齊再黎食過

馬辣台式鴛鴦火鍋係一間比較平價嘅台式火鍋放題店，價錢係旺角來講已經算平，平日嘅晚餐時段$159一位，9:30後$138一位。。有八款嘅湯底可以揀，最好嘅係可以免費揀鴛鴦鍋，咁我就揀咗台式麻辣同蕃茄湯底。。飲品除咗普通嘅果汁、汽水、咖、茶之外，仲有啤酒任飲。。肉類和海鮮就會由QR code落單，其他嘅嘢食同菜都可以係外面自己夾。好似有接近20款嘅丸類，多款蔬菜，粉面等等。肉類方面就有切片嘅豬、牛、羊，海鮮就係魚同蝦。食物方面選擇可以話係10分豐富。。甜品就可以喺甜品櫃度拎，仲有啲比較特別嘅甜品，好似Dreyers雪糕,法式焦糖燉蛋 同即整嘅pancake可以食。。整體來講食物選擇多，食物味道正常。蕃茄湯都幾足料，有唔少蕃茄，帶啲酸味，幾啱淥菜食。試咗幾份牛肉，質素都算唔錯，冇筋又唔會太肥。魚同蝦都算新鮮，魚既話都幾好食。個人比較鐘意焦糖燉蛋，好重蛋味，又唔會太甜。而且上菜都快，cp值幾高。📍 (創興廣場) (旺角)旺角彌敦道593-601號創興廣場14樓

之前去台灣已經好想去馬辣🐴台式鴛鴦火鍋🍲，不過好可惜次次去親都大排長龍，無機會試，偶然發覺原來都開咗一間，一定非試不可。今日6點即刻去食，去到都已經差不多full晒，真係好多人。 星期一至日16:30-21:30 成人只需要$158，可以任食兩個鐘，如果19:30前埋單仲可以平多10蚊。 湯底方面揀咗個胡椒豬肚鍋同埋馬拉沙嗲鍋🍲。呢度用電話apps落單，好方便，有多款唔同嘅豬、牛、羊、雞肉。 出面嘅自助吧仲裝飾到成架鐵路咁，好得意。有多款丸類🍡、香腸、餃子🥟、蔬菜等🥬🥦。 仲有台灣必食嘅滷肉蛋。 又有啲涼拌小菜，食完都好開胃。 飲品款式超多，果汁🍹、啤酒🍺、汽水任飲🥤。 甜品自助專區仲有師傅駐場整法式燉蛋同香蕉班戟配朱古力漿，熱辣辣，好好味！法式燉蛋🍮又軟又滑。仲有麵包布甸，同多款Dreyer's雪糕口味任你揀，有士多啤梨、石板街、曲奇妙趣、薄荷朱古力、青檸雪葩，除咗雪糕🍨，仲有雪條。 仲有好多款唔同甜品呀，又有生果、豆腐花。

我哋叫咗兩個湯底❤️沙嗲湯同麻辣湯湯底方便不錯😋好香濃！海鮮有蝦啦,,,,同埋聖子仔😋😋海鮮方面都幾新鮮,,,幾鮮甜而且黎得好快,,,,,份量亦都好夠肥牛好靚❤️❤️❤️好重牛味，正呀好食丸十分多😋😋而且有啲丸都幾特別例如薑汁皮蛋貢丸墨汁墨魚丸，仲有蛋餃TiM呢三隻丸都好好食😋😋😋😋另外豬肚都好好食仲有豬大腸魷魚，火腿丸，午餐肉粟米好甜❤️鵝腸超正選擇都幾多啊菜類亦都有好多款仲要好新鮮

{高質台式火銅}#kong_girl_foodie出街食#馬辣台式鴛鴦火鍋.今日同媽咪去食馬辣火鍋🍲馬辣係要現場拿飛入座，不設訂座😯我次我地早啲去拎飛，6點入座，任食到9點。入座率都幾多下，慢慢開始爆場🤪馬辣特式就係自己出去拿野食嘅.❣️湯底方面，我地揀咗一邊麻辣湯底（小辣，另一邊揀咗芫荽皮蛋湯底，我個人會鍾意麻辣湯多啲，又唔會極級辣，同時又食到麻香小辣嘅味道🥰.❣️火鍋配料方面，我覺得最正係有牛筋、魷魚鬚、豬皮、牛栢葉，依類食品放落湯底食一流😛❣️丸類方面，好少見火鍋放題有咁齊種類，有芝士、海膽，蟹籽、牛、墨丸等等！.❣️甜品方面，其中有個甜品區域比大家去雪糕，另外仲有雪櫃比大家任拎雪糕雪條！.📝總結依間台式火鍋真係好抵食，款式真係超級多，食材都新鮮，refill得好快，唔洗擔心出面無曬🤙🏻❣️食完俾分時間❣️🌟食物: 9/10🌟環境: 7.5/10🌟服務: 8.5/10🌟打卡: 8/10🌟推介: 9/10.📍 馬辣台式鴛鴦火鍋 (創興廣場) (旺角)旺角彌敦道593-601號創興廣場14樓#香港 #香港美食 #美食分享 #香港吃貨 #hkfoodie #hkfood #ho

同朋友二人相約打邊爐，上網睇到呢一間價錢比較經濟實惠，就一早定位黎試下。坐低之後店員好快問我哋要咩湯底，我哋選擇左沙嗲同埋蕃茄。落咗湯底之後我就急不及待出去行一個圈巡視下有啲乜嘢好食，佢飲品類有好多選擇甜嘅唔甜嘅酒精類都有。仲有自助draft beer。本人最鍾意去睇佢個調味料吧，超過10款嘅調味料，本人表示好滿足。打邊爐嘅食物丸類，餃子，海鮮，各樣蔬菜應有盡有。而肉類同埋精選海鮮就喺scan qr code直接落單，好方便，而且好快速就送上。甜品種類有好多，有雪糕（有杯裝嘅亦都有一球球）。 而且有師傅即場製作嘅香蕉班戟同埋法式燉蛋。總括嚟講依個價錢，有咁多嘢食，真係好抵，因為都好多人嚟食所以建議大家一定要訂枱。

又係時候出動搵嘢食, 今次就選了旺角創興中心的馬辣台式鴛鴦火鍋來試.講開食台式火鍋, 我們一向食開旺角的一X堂, 貪佢食物品質OK穩定而且冇漏單,真係落單叫幾多就來幾多, 唔使食得勞氣.但自從佢分開咗3個套餐選擇, 價錢仲升咗冇咁抵食, 所以知道馬辣午市做緊2小時放題全包價$138, 就即管去試試.一早訂咗位, 但係見人就咁walk in都係分配坐卡位, 今次2人坐窗邊4人大卡位, 好舒服, 仲見到有1個人來打邊爐的, 可以有免費一個湯底,但就不能要鴛鴦湯底, 要加錢才可以.店內的黃色車車有好多邊爐料可以自取, 醬料款式亦多, 總有啱心水的叫咗1個沙嗲和1個西紅柿(蕃茄)湯底, 沙嗲湯底幾濃, 淥肉片及海鮮比較好食.幾款牛肉質數都唔錯, 係薄啲, 不過退冰做得幾好, 唔會雪硬到一餅餅咁,都可以完整一片片咁淥來食海鮮中的蝦比較細隻, 不過食多2隻都補番數, 蟶子仔都係細細隻, 冇沙但係冇咩味,白鱔片同脆鯇骨腩就真係差過一X堂, 下次想瘋狂食魚都係要番啅一X堂.見開飯食評話呢度有漏單, 都有啲驚架, 但今次都算OK, 淨係last order果次叫4碟牛肉(2款)只送上2碟,但其實真係已經

今日嚟到旺角行街 想打去邊爐 隨意上咗去馬辣台式火鍋 去到覺得都好似無咩話特別台唔台式 我哋揀咗一邊要香茜皮蛋一邊要蕃茄湯 味道都偏天然 唔會話食完好口渴 而且配料好多 可以自取配料嘅地方大到成架車咁 丸類都十幾種以上 好似大大粒蟹籽丸 芝士丸 黑墨丸 龍蝦丸 魚皮丸 白魚蛋 當中個黑芝麻麻糬 平時打邊爐地方都唔覺有佢嘅踪影 食落鹹香煙韌 幾特別 值得一讚係都算多菜菇豆腐草帶芋頭 呢啲素食類嘅配料都唔少 就算係素友都可以一人一邊打邊爐 幾好牛豬羊海鮮仲可以掃單barcode點 點完都好快就到 無話俾小咗 亦全部無漏單 肉類薄切後滾一滾後配搭我混好嘅醬料 醬汁加蔥加濕蒜乾蒜加辣椒 好正 飲品方面呢度幾好嘅係除咗汽水仲有自助沖茶沖咖啡機 有花茶沖茶養生提神降火都可以 價錢方面更加係平過出面一截 都算cp 值幾高