馬辣台式鴛鴦火鍋 (創興廣場)

營業中

休息中

聽講依間馬辣同台灣個間唔同, 所以一直未去試, 今晚咁岩朋友提起話抵食, 就約埋放工一齊去食。6點左右入座, $168/位任食兩小時。餐廳中間依架巴士兩邊都放滿火鍋配料, 自助任拎。而牛肉豚肉同海鮮就係手機qr code落單。今晚食個無咁熱氣既芫荽湯同蕃茄洋蔥湯底, 清淡d但美味。蔬菜分好一份份放係自助區既雪櫃, 保持到新鮮。依度既牛雖然唔係高級, 但餐廳客人眾多, 勝在流量快, 肉類都新鮮, 其中既牛肩肉亦相對有牛味, 唔會韌。另外特別中意佢既海蝦, 新鮮彈牙, 以竹籤吉住, 剝殼唔洗用手, 相對方便。貝類同白鱔片亦不錯。

旺角馬辣 不嬲都係我同師兄弟飯腳地點， 貪佢選擇多，經濟實惠。但系今次真系差左好多好多。無論價錢、服務、質素都差左。首先價錢系10月1已加10蚊。 四款牛肉變三款( 冇咗藍色嗰款) 但手機落單又冇更新。 每次order兩碟都係得一碟。 食完嘅牛肉碟 堆 到成座山咁高都冇人清理，d職員見到當睇吾到。 雖然多咗幾款 冷盤小食 。但在我心目中已打了折扣……。 現在假日晚市差唔多成200蚊一位 。呢個價錢不如試下一些新地方或者會有更多驚喜。

想去食台式火鍋 .... 想食火鍋放題 .... 去 "馬辣台式鴛鴦火鍋 (旺角)" ~餐廳的優惠多多實在不能盡錄 , 不同時段有不同的收費 ~餐廳乾淨企理 , 冇油煙味，食物種類多不勝數 ; 火鍋配料 (台式丸類、餃子 、蔬菜、肉類) 應有盡有，全都是任吃 , 保證吃到飽！火鍋湯底 , 我們點了鴛鴦鍋底 "台式麻辣鍋" + "酸菜白肉鍋" ～台式麻辣湯濃郁 , 麻辣都算平均、又有多件鴨血，正！酸菜白肉湯 , 味道貼近台灣的味，亦不會過鹹 ~香港人食火鍋 , 又點少得牛肉 , 任點任吃的美國CAB安格斯牛肉 , 肉味濃郁 , 質地軟嫩 , 最合我心意 ~各式各樣的肉類 , 質素都頗不俗 , 但我就特別攻牛肉 ~海鮮種類都算多 , 我就比較喜歡蝦和蜆 ; 食落都覺有鮮味 ~台式火鍋 , 又怎少得豬大腸、台灣腸、墨魚仔、米血糕 、丸丸、當中最特色的是皮蛋丸 , 坊間少有 ~還有多種特色飲料和甜品，真是美滿 ~記住要珍惜食物 , 不可浪費喔 ~本篇完 ~

馬辣係香港開左好耐，終於有機會同一班朋友去朝聖一下。套餐百多元就有交易，價錢十分相宜，仲要有埋Asahi生啤任飲。湯底點左台式麻辣，仲可以加鴨血，非常惹味。海蝦，大蜆，新鮮肉厚，龍躉片膠質重。安格斯任點任食，以呢個價錢來講質素實在難得。海蝦爽口彈牙。出面仲有多款餐前小食任食，炸魚皮，新鮮爽脆，吸湯和作為小食都一流。飲品都有十多款，甜品仲有pancake同埋雪榚，仲有燉旦，，連花茶都有，好多選擇。百多元一位實在難得！

最近與幾位上學時期的朋友聚會，大家都不約而同想來這裏開餐，皆因它曾經是我們的飯堂。地點就腳之餘，價錢不貴，食物種類亦多，就算無去多時，今日一到依然是要等位，果然大人氣！——————————🔹鴛鴦鍋：酸菜白肉+台式麻辣小辣 $168/人朋友各有喜好，當然要點鴛鴦鍋，一辣一不辣！酸菜白肉湯底夠酸夠濃，酸菜量多足料；台式麻辣就比想像中淡，就連不嗜辣的朋友都可以接受，細細品味亦吃得出麻辣鮮香～自助區有大量食物可自行夾取，蔬菜、麵類、丸類、醃肉、餃子等一應俱全；另有冷盤小菜、飲料、雪糕雪條選擇，難怪甚麼年齡的客人亦有！🔸美國Prime頂級牛梅花食肉獸的我們最愛這款牛肉，肉及脂肪比例剛好，入口嫩滑不覺油膩，幾個人至少點了10碟，必點～🔹黑毛豬梅花豬梅花肉味香濃，但不會有一般的豬臭味，口感算爽脆，同樣表現不錯。
🔸韭菜餃韭菜餃有驚喜，內餡足料大份，肉汁超級豐富！韭菜與肉的比例恰到好處，吃起來不會太乾或太膩。🔹炸魚皮+響鈴卷打邊爐最愛的當然是吸汁孖寶——魚皮+響鈴卷，前者完整大塊，放入湯中滾幾秒，脆中帶軟的質感確實過癮！響鈴卷不過不失，不怕肥的邪惡之選！

突然打八號風球，失哂預算，晚餐冇嘢食，只好出街搵食。行咗大型商場都唔啱食，於是打電話去問下呢間，竟然有開，就上去幫襯啦。食過幾次，覺得價錢不貴，牛肉質素都有保證。星期一至四，168加一，任飲任食2個鐘，星期五、六、日+10元。♡prime牛梅花♡屬於美國最高等級，極佳級的牛肉取自42個月齡以下的年輕牛隻，約僅有不到2％的牛肉能到得到這個評級。取自牛的肩胛部，是由下肩胛翼板、襯底肉及肩胛心3種肉所構成， 市面上常說的超大牛排、比臉還大的牛排。♡CAB安格斯黑牛♡「美國牛」大致上可分為Hereford、Gelbvieh、Santa Gertrudis及Angus(安格斯)種，其中在坊間被大量採用的安格斯是最受歡迎的品種，而品質最高的安格斯牛會被冠上「CAB認證」，通常只有2%，數量極少、價格極高。綜合上述，以美國牛來說，品質高低可分為CAB USDA Prime > USDA Prime > CAB USDA Choice > Choice，大理石紋脂肪含量豐富，若真要品嚐高品質牛肉的話，不是安格斯就好，記得要看看有無CAB認證才是王道呀！♡美國choice無骨牛小

話說呢間馬辣好耐之前都已經食過一次, 個陣仲要係岩岩開張個時, 因為我係台灣食過一次, 就想睇下台灣同呢間有冇差好遠，我印象中食物唔差。太耐冇食過今日就重遊舊地啦~其實係任食呢講呢個價錢都真係幾抵架啦~ 又多款式, 講真無論食物, 飲品都真係好多選擇。 仲有海鮮喎!雖然牛肉好似好薄, 學大家咁講，但叫多幾 round囉牛肉黎講有幾種, 有美國 prime頂級牛梅花，牛小排，黑牛仔以及牛五花「 每飯我都試哂，我覺得最好味, 最有牛味就係黑牛仔「大家可以試下, 真係唔錯。魚類同海鮮都未係我鐘意食既，所以未能俾評價。 外面既食物都好多, 腸仔午餐肉丸類唔少得啦仲有新鮮包既餃子, 蔬菜種類都好多喎而澱粉質類就有韓國既辣面, 烏冬仲有紅薯寬麵 甜品唔少得雪糕啦，味道都好多款架

前幾晚見早收工就去左馬辣台式鴛鴦火鍋～～見好多人都有推介，價錢又唔貴！感覺好抵食🤩🤩-🍲任飲任食火鍋放題2小時 $158✨餐廳環境闊落，分左幾個區俾客人取配料、飲品同甜品～～雙拼湯底我地就揀左台式麻辣鍋同馬拉沙爹鍋❤️❤️台式麻辣鍋裡面有好多香料、麻香味出，而且夠辣～～馬拉沙爹鍋偏甜，味道都唔錯😋😋-自助配料區有好多選擇，各種丸類、蔬菜同幾款生肉，好豐富～～響鈴卷、炸魚皮都好新鮮，店員refill速度好快，我地幾次拎都係脆卜卜👍🏻👍🏻杏鮑菇、萵荀片都切得好大片，好有口感，唔驚一淥就散～～掃qr code落單既肉類同海鮮選擇唔算多，我地試左幾款牛肉～～當中牛梅花、牛小排肉質最好！紋理幾靚，食落口都幾嫩滑，唔錯！我地仲encore左幾次添🤤🤤同行朋友唔食海鮮，所以今次就冇試到鱔片同海生蝦～下次有機會試試～～飲品種類都好多，有啤酒、韓國汽水等等～～甜品區除左雪糕，仲有幾款自家製蛋糕、果凍～我地食左沖繩海鹽味雪糕，夠哂特別😋😋平時台式一人鍋都要預$100，今次$158食到咁飽真係好抵🤣🤣我地走個陣已經見到人龍，想黎試既朋友記得要bk位🙆🏻‍♀️🙆🏻‍♀️

今日放假，去完大角嘴大酒店送完朋友最後一程😮‍💨人生真係好化學，大家要珍惜眼前人😮‍💨跟著走咗就要行大運，要行去人啲人多既地方，行下行下就行咗去旺角，咁就行咗嚟創興馬辣食火鍋搭電梯上到嚟十四樓就見到好多天燈既裝飾，思鄉情懷自助區，自己鍾意食咩攞咩，牛肉同蝦果啲就用電話落單自助區既魯肉飯台灣的味道今次揀咗麻辣同皮蛋芫荽湯底雖然咁平，但佢哋既牛肉質素一啲都唔差㗎面包布甸小妹每次嚟都必會食呢個精華公仔面每次嚟都會最後食返個公仔面索哂牛同麻辣火鍋啲精華所在

食晚市21:30-23:30時段，很多食物都話唔提供，想飲杯啤酒都話出曬，問佢會唔會refill竟然話唔會，而且態度非常差，當時只係10點半左右，成件事真係好搵笨，但錢就要比足曬食品就唔提供，非常惡劣，以前食過都唔係咁，真心愈做愈差，仲要係咁加價但食物質素同服務質素變曬，唔怪得未夠11點得番果2至3台，全場勁冷清，相比樓上至尊重慶雖然食物唔多選擇但起馬同佢講佢都會fill番最基本嘅酒水比你，呢間真係好差！

今晚又係創興打邊爐平靚正之選我會推介馬辣兩個人嘅卡位都好闊落環境舒服湯底分別有八款台式麻辣胡椒豬肚酸菜白肉西紅柿洋蔥海皇湯蔬菜清湯芫茜皮蛋馬拉沙爹泰式冬陰功可以揀 鴛鴦鍋 我哋揀咗胡椒豬肚同埋泰式冬陰功肉類 海鮮可以經Qrcode手機落單我幾鐘意食羊肉 同埋 脆肉鯇腩羊肉薄切 好嫩滑脆肉鯇腩好彈牙其他火鍋料可以係出面任攞任食 好方便有好多丸類 蔬菜 菇類都齊我欣賞佢地嘅開胃小菜酸蘿蔔 手拍青瓜非常入味整體黎講性價比好高食物選擇多 而且上菜速度快

前晩我哋去旺角馬辣，行了10次，問了整甜品嗰位姐姐，她每次部敷衍和重語氣，回覆十分鐘先啦！等我做完D嘢先啦！2個鐘吃不到pancake, 我哋又加了一個鐘，最尾都係冇！她從來沒有製作pancake, 只係扮洗碗，扮忙，只企係雪糕面前。重點：妳冇就唔好要我們行咁多次啦！浪費時間嘛！

火鍋一直是個人的最愛，最近在網上發現了這裏，今天便和老公一齊來到了。兩小時任食，連加一只是$185，非常抵食。火鍋配料有60種以上，大部份丸類、蔬菜和麵食都會放在大堂中間自取。丸類種類繁多，有芝士丸、貢園、牛丸等等，非常適合愛丸人士。至於海鮮及肉類，便可以在手機點餐，很快侍應便會將所點的食物送上枱上，非常有效率。　肉類有美國Prime 頂級牛梅花、美國Choice無骨牛小排、美國cap安格斯黑牛、美國精選牛五花、黑豚五花肉、頂級小肥羊肉。個人覺得頂級牛梅花和小肥羊肉的肉質，最為鮮甜美味。海蝦食蝦味十足，是必點的海鮮之一。除了汽水之外，還有咖啡、啤酒和果汁任飲。啤酒方面除了罐裝，還有Asahi生啤。飯後甜品有自家制的奶凍、雪糕糯米糍、雪糕和雪條。

今日係旺角食晚餐，見到馬辣台式打邊爐有分店，最愛食台式火鍋。可能我時間比較早，上去唔算好多等世，入到個場都好大，坐得好舒服。除左湯底要用紙寫，點肉類，蝦，魚係要掃code ,而飲品，丸類，蔬菜類，調味料，仲有甜品都係出去外面自取。湯底：台式麻辣鍋&芫茜皮蛋鍋，麻辣頭頭食品覺得好辣，越食越辣，而芫茜皮蛋比較下清淡，肉類，我自己比較鍾意食牛梅花同黑毛豬梅花，食落去唔會好肥膏。配料方面丸類都正常，蔬菜都新鮮，但係餃子一般般。飲品方面選擇都比較多，氣水，啤酒，想飲熱飲茶類，咖啡都有。最後食完有雪糕食，仲要有甜品區😋簡直食到飽飽，性價比十分高。～

「快啲啦！又甩咗啦你！」「識唔識玩架你😂」「唔識就咪同老娘鬥啦！」我對住果住友咁講。「知道大小姐無敵手啦！」「我都係去返玩推銀。」果條洩晒氣講。我即刻叫住佢「喂啊！係唔係咁唔玩得啊？」點知佢回頭一笑「仲唔俾我玩返你一次，鬼叫你打機咁勁咩！」「咩啫，又係你話要同我一齊打機既！」我啤住佢話「而家係唔係咁唔玩得先？」佢好明顯嚇親咁既樣，真係好好笑🤣🤣🤣「專貴既大小姐，係我錯啦！」「細佬有冇可以做啲咩補償返啊？」佢個誠懇樣真係好搞笑😆 同佢一齊總係有一總無盡快樂感！或者呢啲就係叫做鐘意？我決定對佢話「如果有人請我去打邊爐，可能我會開心返掛！」你條友夠膽激嬲我？食返你一餐先！「俾五分鐘你搵地方。」我話。「其實呢！我已經book左樓上馬辣啦！」佢繼續講「唔知點開口，但係呢啲係唔係叫心靈相通？」點解佢會知既？塊面有啲熱，點算？「鬼得閒同你心靈相通啊？」「仲唔快啲帶本小姐去？」我即刻背住佢行去出口度。嘩！個門口多人到呢！明明都成10 點幾架啦，個大堂都仲係逼到咁⋯⋯⋯⋯「唔洗擔心喎，我真係book 左架！」佢對住counter 講「book 左兩份10 點！」「人齊。」跟住個侍應生入去見到好多野食啊！