馬祖 (海之戀商場)

營業中

休息中

與友人係海之戀商場準備食晚飯，經過見到藍配金的招牌，盡顯高貴的裝潢。原來係主打全港首創藥膳台式火鍋🍲「馬祖」，一個價錢可以任食計劃內的牛肉豬肉，仲有超過30 種火鍋配料，加埋任飲飲品，回本位更有任食M 字頭雪糕🍦。餐廳設有卡位雅座，枱與枱之間闊落。先一人選一個湯底，乾淨衛生。提供多款藥膳火鍋湯底，如麻辣、沙茶湯、花雕清雞湯、芫茜湯等。我地簡左PLAN B，包了Prime grade 牛肩胛肉濃郁牛肉味，肩胛肉是運動較多的部位，肌肉纖維較粗，但Prime級別的脂肪滲透均勻，賦予肉質更濃郁的牛肉香氣，比精瘦部位如里脊風味更足。Prime級別的脂肪能有效保持水分，即使全熟也不至乾柴。配上壽喜燒湯底，吸飽湯汁後風味濃郁。仲包埋無激素豬肉片，自然肉香，優質脂肪，慢養的豬脂肪層可能更細膩，熔點適中，烹煮後帶有淡淡甜味，類似穀飼或放養豬肉的特性。腥味較低，甚至帶甜，肉質不柴。火鍋配料多達30幾款以上，有多款丸類，特別要食龍蝦沙律丸，爆漿沙律醬溢出、帶有蟹籽顆粒感，當然仲有芝心丸，芝士做到拉絲效果，好味。仲有特色沙茶牛肉。，唔會過鹹，帶有淡淡花生味香，搭配在麻辣火鍋吃也不錯。蔬菜類仲有油麥菜、皇帝菜、

90分鐘午市任食套餐一人一鍋打邊爐牛or豬有2份自助區食材任食我和太太覺得份量啱啱好有12類湯底，適合唔同口味嘅人士試了蟲草花覺得幾好，桃膠也唔錯沙嗲湯底夠晒味，芫荽黨可以留意，有芫荽的湯底！自助區食材質素幾好！雞肉好大塊，愛吃雞的真心推，超好食，留意要煮比較耐魚塊就有d 雪味，放濃味湯底比較適合丸類選擇超多推介花枝丸，鱈魚湯包(福州魚丸)其他丸都好好食，每樣食一粒都飽咗蔬菜都好好，食了很多蕃茄，可以做湯底提鮮仲有油麥菜、羽衣甘藍、金菇、蟲草花飲品種類多可以免費配餐飲or自助喺雪櫃拎嘢飲（有暖櫃）甜品方面有Movepick雪糕（雲呢拿味、咖啡味）極力推介 香港品牌 CocoBerry 沖繩鹽味！鹹甜雪糕人士真心推！！健康D可以揀芒果雪葩，懷舊雪糕都有唔少

外賣$82一碗米線狗也不，圖片絕對係打開個蓋即影，完全可以辨識到d雞好鞋口，切得極度樣衰三尖八角咁嘅樣，勁多油脂有怪味，圖中有一舊勁多黃油懷疑係雞屎忽位置。簡直係垃圾，難食（兩碗都係打開個蓋見到都即刻覺得無胃口），米線淋哂發脹痴成一餅嘢拆都拆唔開，比$82一碗，叫咗兩碗都係咁嘅樣真心絕望，明明肚餓到爆，諗住呢個價錢唔會hea得去邊，打開個蓋嗰下真係喊出聲。絕對絕對絕無下次，各位見雷即避呀，睇下幅圖幾咁令人倒胃口。

🥢星期日約左朋友去海之戀買野，買完都差不多下午茶時間，覺得好肚餓，咁啱行到呢間餐廳門口，見門口個餐牌有飯有粉，就決定食呢間。🥢餐廳除咗可以打邊爐，仲有全日套餐，我地太肚餓叫藥膳桃膠農場雞新竹米粉🍜同鍋燒牛肉香蔥海苔燒汁飯。🥢原本以為藥膳湯底應該會好勁藥材味，但食落又幾有驚喜，湯式清清地，雞件都好大件，仲有唔少桂圓、紅棗、桃膠、雲耳、芫荽等調味。桃膠好多粒，仲大粒過啲桂圓，食落煙煙韌韌，幾特別。🥢新竹米粉就比較有咬口，想軟身啲可以揀返米線。🥢朋友叫嘅鍋燒牛肉飯一樣好好味，牛肉切得好薄，燒汁亦都好濃味。但眼見啲牛肉都有少少肥膏，另外仲有啲菇，粟米粒，海苔，蔥花，撈埋一齊食應該幾好味。🥢我哋仲加咗個上湯時蔬，上湯又係用藥膳熬製而成。🥢野飲都係凍檸茶同熱無糖茉莉花茶。

🍜 藥膳雞湯米線 @ 馬祖 (荃灣分店) 不嬲都好鍾意食馬祖嘅藥膳雞湯米線，今次第一次喺荃灣分店試，依然冇令我失望！叫咗藥膳雞湯米線配肥牛同餃子，湯底依然係咁濃郁，雞味同紅棗味好鮮甜，飲落好暖胃又舒服。肥牛份量都幾多，嫩滑得嚟又唔會太油膩，餃子都幾好味，皮薄餡多，整體好滿足！ 🌟 馬祖嘅藥膳雞湯米線真係百食不厭，荃灣分店嘅水準同中環一樣咁高，湯底濃郁得嚟好滋潤，肥牛同餃子都係加分位！如果你鍾意藥膳湯底，呢間絕對值得一試～

我們於5/1（日）晚上六點十五分左右到達餐廳，同行人見到全日套餐啱食，於是入去。侍應帶我們到較入的位置，用QR code落單，無論menu定QR code都冇火鍋放題，只有全日套餐的。我們叫了2個全日套餐及1個自選麵套餐和小吃。❶鍋燒牛肉香蔥海苔燒汁飯（$56）：有不少「吉野家feel」牛肉，一條洋蔥絲🧅，少許菇，而飯的份量都幾多。❷蟲草花藥膳農場雞白飯（$58）：有4條雞尖，白飯另上，藥膳湯的蟲草花幾多，還有一些雲耳紅棗等。❸田園蕃茄湯（加$4）+芋頭貢丸（3粒）+鱈魚湯包（3粒）+新竹米粉（$60）：蕃茄味濃，芋頭貢丸的芋頭味比想像中多，鱈魚湯包入面粒肉丸ok，也沒有味精，新竹米粉份量好多，湯有香菜，亦有雲耳紅棗和少許杞子等。❹上湯白菜豬肉餃🥟（6粒）（$28）：ok 一般，湯也是藥膳湯上菜速度驚人的快有菲律賓姐姐幫襯，幸好有店員幫忙🤪冷/熱飲要加$6/8，見到凍飲🥤好大杯同行人想飲熱奶茶，QR code冇熱奶茶此選擇，但有凍奶茶（黑人問號），問店員，居然話夜晚冇熱奶茶，豈有此理有乜可能

每次經過馬祖都系晚飯時間好多人排隊。呢日朋友約我食午餐話馬祖午市套餐好抵食就同我食。我以為只有放題原來午市有米線飯餐食架。午市套餐超多選擇。朋友同我都一樣揀左5號餐香辣養生湯農場雞米線/飯我地唔食米線就轉左新竹米粉（免費轉抵）辣度都可以選擇（少辣/大辣）杯野飲好好飲只係加$8。大大杯好解渴少辣養生湯底有好多材料 有杞子，紅棗 ，當歸味重仲有好多雲耳湯底好好飲 , 好補身。雞件都多大半隻雞甘大件又厚肉嫩滑雞味濃郁。勝價比高

第一次來這間餐廳，我就非常喜歡他們的麻油雞藥善湯麵，味道真的很好，完全不苦，入口十分順滑。因為第一次來的時候是午餐時間，餐廳人不多，這次晚上來用餐，我們選擇了麵食，因為不算餓。不過，我們點錯了花枝丸，想要更換成貢丸。於是我詢問店員，但她竟然對我翻了白眼，說已經做了不可以更換。我理解更換菜品是人情，但這樣對待客人實在讓我感到失望。那天晚上餐廳人多，我們只好繼續選擇麵食。剛好餐廳裡來了一對情侶，但他們的一桌爐子壞了，店員要求他們等我們吃完再換桌，然而我們當時還未吃完。店員卻告訴他們，只要我們走了就可以換我們的桌子，儘管全場還有很多空位。看著別人打邊爐是計時的，他們當然會不斷望著我們吃東西，這讓我們感到很有壓力。更讓人不滿的是，還有一位客人佔用了四人位，但他們竟然指名要我們的桌子。對方也在看著我們吃飯，等著我們離開。這樣的服務態度實在令人難以忍受，我們決定不會再來這間餐廳，已經把它列入黑名單。

限量來講唔錯，豬牛都不錯，158來講好滿足～火鍋區有雞髀肉，牛肉同魚柳，又飽又滿足。 同埋有梳打有movenpick雪糕任食等，食平餐更抵～ 仲有芫荽及各種湯底！ 會再食☺️

到餐時間快捷，肉質不錯；湯底咸咗啲啲，另外自助挑選食材位置refill頻密多啲，蔬菜類未有太多選擇，大多是油麥菜、生菜、羽衣甘藍、有太多瓜類，有時係蔬菜類 refill, 而雪糕及飲品好多款選擇，職員服務態度良好。

其實呢間餐廳唔係特別吸引，間舖門口黑媽媽，但係超多員工，收銀長期企住一個人，樓面起碼6、7人，但係全場10個客都無，我地係門口睇餐廳，居然無一個人出黎介紹下，我地主動行入去，職員問我地係食火鍋定飯麵套餐，坦白講，火鍋既料睇落一啲都唔吸引，價錢亦唔平，所以諗住簡單食下飯麵套餐就算，平日夜晚6點半左右，全場起碼有二三十張枱，但係只係坐左幾枱客，我地4個人入去，一個大約40歲，廣東話唔流利既女職員主動帶位，但係咁多居然有咁多枱既情況之下，居然帶我地去一張已經坐左2個人既六人枱，當時起碼仲有十張以上既卡位，所以我地問可唔可以坐獨立枱，個職員即刻話全部枱已經俾人book晒，陣間有人坐，所以我地嬲到即刻走！而家咁確定個職員講大話既原因第一：我當時即刻上openrice apps，居然係仲可以即刻用apps book7：30既枱，即係唔係個職員全講既俾人book晒！第二：個三四枱打邊爐既人，全部2個人就可以坐4人卡位第三，我地去左另一間餐廳食野，食完大約8點，再次經過餐廳，都係8佢空枱！由此可以證明，個職員見我地只係幫襯套餐，嫌我地唔係食火鍋，張單價錢相對金額細啲，就逼我地兩枱人逼埋一張六人枱，所以

同小朋友打邊爐，90分鐘真係唔夠食，呢間120分鐘就岩晒啦！小童90cm以上就要收費～晚上6時入座，仲有好多位，餐廳有BB凳提供。店舖主打藥膳火鍋，一人一鍋。叫左個椰子雞湯同莞茜湯底椰子雞湯椰子味濃，好香甜，食到中後段都仲食到椰子味莞茜湯見到賣相好似好足料，但食落莞茜味唔太濃，好快就已經冇晒味🙈牛肉質素不俗，有牛味，之後食果D賣相靚D，有雪花紋自助形式，多款丸類、蔬菜，另有少量肉類。飲品超多款，多達二十款，仲有暖飲櫃，很貼心另有多款雪糕雪條，包括，Dreyer's 及Movenpick 星期六日，成人$243，小童$188，食物種類不多，枱都比較細，但勝在用餐時間比較長，飲品雪糕款式都算多。

我常光顧馬祖，荃灣分店是第一次。今次吃午市時間，由於任食所以係限時，就係門口等埋我朋友。今次店家好好，比入坐住等，雖然時間唔耐，大口10分鐘，當時沒有滿座，但相比元朗分店個位女reception，荃灣服務同禮貌都好好多。佢初時開店時晚市都至少排1-2個小時，用餐時間也只有1.5小時。後來生意無咁好就轉咗2個小時。食物方面我真係好鍾意佢個番茄湯底，夠酸夠番茄味。火鍋配料方面 ，不過不失，飲品雪糕也可以。

外賣 計埋$50優惠券都要成400蚊，嗰度裏面仲有一個小食係45蚊嘅鴨血豆腐。個鴨血竞然淨係得三塊，同埋三舊豆腐。45蚊連埋呢個大大嘅膠盒，裡面非常之空虚。而且成個膠盒入面竟然連條菜都冇，真係令人非常之失望。跟住仲有我專登加咗十蚊叫個手工麵，你真係好難想像個手工面可以幾咁難食，我從來冇食過啲咁難食嘅麵，然後佢嗰啲辣真係就咁加啲辣油上去，一啲調味都冇，直程就係茶餐廳嗰啲辣椒油到好多落去就算。加上佢個價錢，我哋四個人食平均都要成一百幾蚊一位。成個用餐嘅經歷簡直就係不知所謂，令人眼界大開。破壞咗一個咁完美嘅星期日。千祈唔好去食，食完後悔系列。

其實我都可以話係馬祖嘅常客😂不過經常係食晚市放題，無論經常和朋友和家人都食這間晚餐。因為中式火鍋已經食到好悶😂今次選擇午市放題，價錢平均每人$150左右，午市仲會送多一杯特色飲料。每次來，都必定會叫椰子雞湯底，真係很香很入味。每次未食嘢之前都會飲一碗先。而且我喜歡這間餐廳的配料很特別，每一款丸類都有餡料，而且質素都很好吃。特別推介芫荽燒賣，每次來都吃很多，哈哈。而且放題的飲品櫃，真的很豐富，幾十款飲料飲品選擇。甜品櫃亦很豐富，至少有10款雪糕雪條，非常多選擇。