馬祖 (海之戀商場)

營業中

休息中

今日有嘢要攞俾Miss M👩🏻，就相約喺我返工前黎個午餐先！😁😁～～～黑蒜藥膳農場雞配飯～～～我哋向店員order之後，唔使3分鐘就已經快速上枱，果然厲害👍🏻👍🏻黑蒜味聞落就一般般，但飲落又另一回事😄😄，入口之後個香蒜味慢慢湧出嚟，食到最尾嗰黑蒜味仲係到😆😆，另外雞件有4-5塊，件件都中型size😄😄，雞肉質一啲都唔 ‘ 柴 ’ ，仲要幾滑添☺️☺️，整個午餐食完都幾舒服😚😚最後勁Miss 👩🏻勁客氣，一定要請我食飯，咁下次到返我請啦！😊😊

同仔仔上完補習班，經過海之戀，見差不多到食晚飯時間，仔仔話呢間未食過，好想食，咁就又陪佢試下喇！可能當日時間尚早，未到晚飯最繁忙時間，唔需要排隊等位就可以入座。我同仔仔選左Prime Grade牛肩胛肉放題套餐，有牛肩胛肉時仲有無激素豬肉。入座時就要選定湯底，我今次就選左藥膳台灣麻辣鍋；仔仔就選左藥饍椰子雞鍋。120分鐘任食，自取區有超過30款不同既火鍋配料，必試既有沙茶牛肉以及深海魚柳。當然亦唔少得午餐肉同台灣香腸喇！最特別係連台灣出名既王子麵都有提供。飲品方面，餐廳提供各式台式罐裝飲品以及各式汽水超過20款。最驚喜既係Movenpick雪糕無限供應。真係食幾盒已經值回票價👍🏻稍稍有待改善既係個麻辣湯底比較鹹，加左幾次水都偏鹹；相比起椰子雞鍋，我個人會覺得椰子雞湯更美味😋

馬祖平時都係台式火鍋，見到有午市套餐，而且仲係有好多養生米線，作為一個米線控又要衝入去試下🤤🤤見到餐牌有好多款都想試，今次叫咗⚫️蟲草花藥膳養場雞米線 $58加$6就有杯熱飲湯底有好多材料，例如杞子、紅棗、其他風唔知叫咩😂😂不過藥膳味唔算話好重，不過湯底清清地幾好飲，我飲咗好多之後都唔口渴，應該冇咩味精🤭雞方面好厚肉而且算滑整體嚟講性價比唔錯，食咗$64

今次去咗海之戀商場馬祖吃火鍋，入座前要揀咗湯底同食邊一款肉類放題，湯底方面都有十幾款可以揀，我揀台灣藥膳麻油雞湯，囡囡揀咗藥膳椰子雞湯，我倆二人要揀同一款套餐，揀咗西班牙無激素豬肉片。一人一爐湯底藥膳椰子雞湯豬肉係無激素豬，湯有超濃椰子味，涮一涮就吸滿濃郁湯汁好好味台灣藥膳麻油雞湯味道有D鹹，沒有麻油味另外有自取區，選擇款式不多，有雞腿肉同魚柳、沙茶牛肉……蔬菜有丸類，菇類、粉麵。有我最鍾意嘅羽衣甘藍同萵筍，調味料同醬油都有幾款。飲品方面都有兩個大櫃，有十幾款比你揀，最 窩心係有一個熱櫃，有烏龍茶，維他奶……甜品方面有幾款雪糕movenpick、Dreyer's……🍦、甜筒、雪條

到了要養生的年紀。。。🙃今次去呢間主打養生嘅餐廳補補先🍴藥膳養生農場雞米線內有紅棗、木耳、圓肉、杞子、當歸等料好足而且份量都ok多湯底好濃郁，食落藥材味唔太重反而有種清清甜甜嘅紅棗同杞子味，仲越飲越上癮，好彩味精唔會話好重👍🏻雞有唔少又幾大舊，肉質嫩滑可惜唔太相反米線比較吸湯所以較入味，麵質煙靭彈牙，份量仲幾多下👌🏻總結💁🏻‍♀️上菜快食物質素都唔錯，環境較狹窄所以食完無坐多陣即走

手工麵質偏硬,牛肉有咬口,不算太腍，但蘿蔔可以的,牛內湯底滿載紅棗甜味!追加菜豬肉水餃,藥膳湯底美味。蟲草花藥膳雞湯米線,湯底鮮美濃郁,農場雞肉幼嫩,配料也不錯。

說好的2個小時任食也只有1個半小時，10點關門但9:15已是最後下單，而沒有通知。自取區域9:30已消失；雪糕融化再變冰提供給顧客；服務態度極差。這間餐廳真的很伏，以後唔會再幫襯，已加入黑名單。

湯底只有鹹味，仲要好鹹，好難食，鹹到食咗兩盤牛肉就唔想食，乜胃口都無哂，鹹到想嘔，返哂胃叫咗牛小排餐，牛肉ok,猪肉ok係出面攞嘅食物好普通，無特別，同大xx嘅質素差不多服務態度 ok,有禮貌整體：性價比低，不會再嚟

今晚忽然好想食火鍋，入到海之戀見到呢間有120分鐘一人一火鍋放題，加上有自己鐘意食嘅牛肩胛，於是就揀左prime grade牛肩胛肉放題套餐$228（星期五，六，日加$10）,另外揀左台式麻辣鴨血凍豆腐湯底+$10,個套餐嘅牛肩胛肉同無激素豬肉係可以無限追加，加上自助火鍋配料區，仲有飲品任飲同雪糕/雪條任食，120分鐘絕對夠時間食今晚自己都追加左三次牛肩胛肉，牛肩胛肉嘅肉同脂肪比例平均，都好有牛肉味，食多幾碟都飽哂，無激素豬肉都算ok,有豬肉味，個鴨血麻辣湯底幾濃，其他火鍋配料都好易索汁呢度d職員服務態度都算唔錯，會主動收碟幫客人加湯，仲會提示客人尚餘用餐時間，枱同枱之間比較窄，環境稍逼硤，但一路食火鍋一路對住晚上海景都幾嘆

一個過了繁忙時間的平日下午，其實都下午茶時，海之戀食肆林立，我想試這一間很久了，今天終有機會。我覺得這店的賣點是藥膳湯，所以就叫了藥膳湯豬肉餃米粉。很快送來，一嗅，那陣陣的藥膳味很吸引哩！不會覺得藥膳味怪。嚐一口，感覺暖暖。成碗米粉都有不少紅棗，平時少食，但今天卻全吃下了。當中還有點杞子，少少雲耳。豬肉餃都不錯，皮不會太厚，都多隻。要批評的反而是米粉，有點硬，我都再浸再拌勻才軟點。不過，我喜歡這幼身的。下午茶時間加$2便可飲凍的愛文芒茶（類似呢個名），大大杯。一望張單，加$8？！侍應話打錯，然後更改了。這個茶第一口有點藥味，怪怪的。再飲更感苦澀，我覺得麻麻。環境是舒適，不過客人少，都感到侍應的待客之度一般啦。我都會俾多次機會，或者下次試下飯。

收工去荃灣馬祖打邊爐🍲一人一鍋👍🏼頭幾碟d牛都唔錯，第四碟之後就比d超肥牛，有叫佢哋比瘦小小嘅牛，但連續幾碟都係咁質素參差⋯⋯之前元朗店都唔係咁，真係有啲失望😮‍💨

一直都好鍾意佢地的藥膳湯底米線。。。見都好耐無食，於是同幾個同事去食，點知呢次就遇到煮得差的廚師～佢呢到的水准都好參差，運氣好的，遇上煮得好。。呢次差的點是：米線好硬，入面都未煮熟，就算浸佢一陣，都依然係硬😖😖😵‍💫.呢次兩碗都好硬ge 米線😣😣😖藥膳雞湯米線 🐔$56.黑蒜藥膳雞湯米線 🐔$59.另外兩個同事嗌左兩碗。。。香辣藥膳牛肉湯手工麵 🐮$72大辣 同小辣～見佢地話呢個好味🤣😁 應該比我地的米線好🥺🥺.普通時段，凍飲+$8都好大杯～蜂蜜茉莉綠茶。。凍檸茶x2。。愛民芒茉莉花茶.下午茶時段飲品優惠些～.另外都有火鍋食。。以下是火鍋區食品，見飲品種類都多 (飲品果part 無影到🙈）

又到覓食星期一, 今次去到馬祖食火鍋. 平時我好鍾意食佢的米線, 火鍋就第一次食. 點左$228 Prime Grade牛肩胛肉眼. 共有十多款湯底可選, 最後揀左藥膳花雕雞湯同埋藥膳麻辣鴨血凍豆腐 (+$10).$228呢款牛肉味道, 肉質同口感都唔錯. Mr平時鍾意order一舊靚牛返屋企切, 都覺得幾OK! 外面的配菜自取, 有雞件同魚塊, 算係小驚喜! 其他都係丸, 菜, 菇, 麵等, 選擇上唔算太多. 飲品有2個櫃, 普普通通. 最吸引係雪糕雪條都有2個櫃. 食左好多, 正

呢間餐廳係小妹第二次幫襯，嚟得第二次當然有啲原因嘅～我同上次一樣，叫咗藥膳麻油雞米線（$57）。男友就叫咗未叫過嘅香辣藥膳牛肉湯米線（中辣）（$72）。另加兩杯凍檸茶（每杯加$8）。其中一個有返頭嘅原因，就係上菜夠快，3分鐘內就有得食，男友唔使趕頭趕命就倒碗麵落肚再衝返公司。藥膳麻油雞米線一上檯就好香麻油味。份量唔少，女仔未必食得哂，我俾咗2件雞同1/3米線男友都夠哂飽。雞好滑，有3件係髀位，其他位置都唔算多骨，而家仲幾滑😋食米線最怕唔煮得過淋，呢度嘅米線滑得嚟又有啲煙韌，不知不覺就清哂。至於個湯可以放心飲，我兩次飲完都冇口渴，唔錯。男友叫嘅香辣藥膳牛肉湯麵線（中辣）一上檯就搶飲頭啖湯😜中辣嘅辣度係X仔嘅10小辣咁上下，唔食得辣嘅我都絕對handle到，鍾意食辣嘅朋友可以直接叫大辣～呢個麵嘅牛肉係牛肋肉嚟嘅，有成4-5大嚿。食咗一嚿，我覺得可以再淋啲，但都入味嘅。蘿蔔冇試唔知點，但男友冇特別講乜就應該冇大問題。至於檸茶就中規中矩，大大杯好抵飲～環境就唔錯，我地都高大，坐卡位一邊都完全唔迫，係冷氣大咗啲，不過我地都好怕熱所以冇問題。服務都唔錯，一入門口有問清楚係食米線定火鍋。上菜另外俾多

今日下午行經荃灣西海之戀，試下一間台式料理。講起台式料理，我去了台灣都好多次也沒有試過藥膳雞，今次我就試下蟲草花藥膳農場雞白飯。現在環境尚算ok，坐位都舒服，坐低1，2分鐘我已經可以選定好食品，不到2分鐘已經放左係我枱面，聞到一股好香既藥膳味，先一8試個湯非常足味藥膳味也帶點點蟲草花味，雞肉就不過不失，不算是十分滑但也不會覺得會硬。雞味就一般般因為幾十元你都知咩料，食到一半，我決定了將個湯倒晒入碗白飯度，黎個藥膳湯飯，最後飯量都很多當然係食唔晒。置於會否再食？我諗會既但不會是明天吧！