馬祖台灣養生湯麵館 (留仙街) (已結業)

打波先黎落雨，原本諗住做運動出一身汗，點知最後變左過天后搵食，途經一間以養生湯麵命名嘅餐廳，無得打波唯有揀間健康d既餐廳抵消返餐廳環境相當不錯，牆上副壁畫同d燈都好靚，menu都幾多選擇，有飯，有米線，有麵，我地叫左台灣藥膳農場醉雞湯米線，台灣麻油農場雞湯麵，椰子雞湯農場雞湯米線 & 台灣藥膳古早牛肉湯麵台灣藥膳農場醉雞湯米線 &台灣麻油農場雞湯麵 兩個湯底味道很似，有紅棗，木耳，龍眼肉，杞子等材料，藥膳湯底帶清甜，雞件夠滑椰子雞湯農場雞湯米線湯底帶甜同有微微既椰香，真係好好味，飲完一啖又一啖，雞件亦都好滑台灣藥膳古早牛肉湯麵牛肉湯底食得出有藥材既味道，牛肉煮得夠腍，一d都唔韌4碗份量都好多，好夠飽，食完亦不口渴，$5x真係好抵食，非常不錯

今日中午同朋友試新餐廳，見到餐牌已經好興奮，係小編喜歡的口味！故叫兩碗平日會食的味道，比較一下不同之處。一見到勁大碗，就知十分足料！黑蒜米線湯底濃郁，除了黑蒜味很重，湯底帶有點胡椒辣味，出面比較少吃到的味道。湯底必備的有杞子、紅棗和木耳，吸哂湯汁，一定要食哂啲配料！藥膳湯底就較為清淡，係健康之選，藥膳湯的雞是醉雞，雞肉食落又真係有酒味，證明腌的時間是足夠入味的。中午時分都多人惠顧，可以早點來吃喔。價錢方面都算中等。冷氣非常充足，怕冷的朋友要多穿一件外套喔！這次想食既米線無lunch set，所以散叫了兩碗米線，如果有lunch set就更好啦～

做完運動之後，想食返啲嘢補一補。經過街見到呢一間寫明養生湯麵館嘅餐廳所以就入咗去試一試嗰日五六點去到好彩人都唔算好多而且下午茶都去到六點其實真係好抵食！但由於啱啱同朋友做完運動，所以都比較肚餓就帶咗兩碗台灣湯麵啦！價錢大約$50但睇張相都見到份量非常之多！比平時啲連鎖食米線嘅餐廳，分量多至少0.5倍！我就點左田園新鮮蕃茄湯，配肥牛、三杯雞同埋魚腐。點嘅時候啲侍應都好貼心，咁問需唔需要走莞茜。成碗面除咗有兩至三款嘅配料之外，亦都有雲耳同豆卜等等，所以就咁食碗麵其實真係好飽！個番茄湯底非常之濃郁，而且亦都有蕃茄。三杯雞呢個配料好值得推介，首先份量好多之外，而且唔會好辣，雞都好入味。魚腐亦都有三塊咁多，最後肥牛好大塊，肥瘦適中。而朋友就嗌咗一個藥膳清雞湯湯麵配三杯雞同埋花枝丸。配合埋藥膳湯底，一啲甘苦又鹹鹹地嘅味道，食落去真係好特別，但係又唔會難食嗰種，係好容易入口嘅味道。我自己都偷左佢好多啖湯黎飲，哈哈！由於我哋兩個都好鍾意食雞翼，又見到佢價錢都唔係好貴，所以就點左五隻雞翼。五隻雞翼都非常之大隻，而且肉質嫩滑，水準中上。最後！最後！呢一個上湯浸時菜一定係必嗌！唔使$20又飲到咁重藥膳味道嘅

101執左咁耐，終於又有新餐廳進駐2:00-6:00係下午茶時段，都幾抵食丫！我地叫左一個三杯雞飯，一個清雞湯花枝丸魚腐米線三杯雞幾惹味，肉好嫩，豆卜都好好味，有啲啲辣汁幾好送飯。雖然係下午茶，但其實好大碗好多飯，可以當lunch or dinner至於米線都係超大碗，雖然係清雞湯，但似藥膳湯多啲喎！有好重既當歸味，仲有杞子同龍眼肉，唔通比左藥膳雞湯我？湯底唔錯，不過花枝丸同魚腐就一般啦，淡而無味，下次可以試另一款不得不提既係呢度既特濃朱古力真係超特濃，好好飲，下次都淨係飲朱古力埋單每人三四十蚊，好抵

午飯時間，很多附近的上班族都來這邊吃午飯，有麵、飯、小食，選擇蠻多，而且以藥膳湯底作招徠，特別適合講求健康養生的客人。步出天后地鐵站，走數分鐘就見到餐廳了。食物質素高，價錢不貴。除了藥膳農場雞湯底外，還有椰子湯、番茄湯，以及台灣出名的牛肉麵等。滷水雞翼：雞翼不單止外皮入味，入面的雞肉滷水味也很濃郁。台灣養生藥膳蟲草花雞飯：這次想吃飯，惟白飯份量不多，尤其是惹味的醬汁拌飯，一小碗，真的有點不夠。湯汁有紅棗、龍眼肉、杞子、芫茜及蟲草花，材料足。數件大大的雞件，雖然雞肉連骨，但挺多肉，肉質鮮嫩，酒味香。飲品點了個特飲解渴。愛文芒果汁，味道就是芒果味的果汁，不算什麼特別。下次來天后再encore，這次選擇了飯，下次要一試他們的養生湯底麵。

尋日去左天后一間小店，主要係食養生麵嘅，見到都有啲花膠雞湯等等特別嘅養生麵不過呢我重口味所以就冇揀呢隻我就揀咗個番茄麻辣牛肉米線，不過好可惜嘅係店員竟然聽錯咗幫我叫咗做雞肉米線不過我費事轉啦湯頭來講蕃茄味都幾重仲帶少少酸辣我都幾鍾意 一心想食牛肉食唔到雞就正正常常咁有四五件另外我哋叫咗個滷水雞翼$35有五隻，同樣地店員又漏單，上完兩碗面先發覺留咗隻雞翼冇叫，不過食物質素來講隻雞翼都真係幾好食老得幾入味都好重滷水味唔錯唔錯。另外識任何面類加$8可以玩一杯嘢飲我叫咗金橘檸檬朋友就叫咗凍檸茶兩杯都正常$8來講都幾抵總括嚟講呢間野嘅嘢食唔錯只不過係職員留單嘅情況有啲嚴重聽錯單等等

今個星期六喺銅鑼灣搵嘢食不過周圍都係人行遠少少喺維園附近近天后地鐵站嘅呢間台式餐廳試吓佢哋嘅台灣麵。唔好睇鋪頭細細地，估唔到呢間野又比到驚喜我喎。我就叫咗一個麻辣番茄牛肉麵，蕃茄湯都幾濃仲有少少辣辣地叫咗中立都幾辣唔錯唔錯，另外佢哋嘅牛肉都幾好食牛肉煮得夠林又夠味呢一個番茄牛肉麵超推介不過佢都有兩個蘿蔔蘿蔔就比較學識左少少唔夠入味。另外佢嘅份量都幾大$69超大一碗另外我都叫咗養生湯底有花膠雞湯，本身係配米線我加兩蚊轉咗做台灣關廟麵關廟麵識落有少少似上海麵，不過呢我覺得呢個關廟麵如果配花膠雞湯就唔係幾夾啦因為呢三舊雞湯嘅味道冇番茄湯咁濃郁所以比較難吊味。呢個面入邊都有幾個花膠嘅另外都有啲雞相對來講兩個面之中我都係推介番茄麻辣牛肉麵小食方面佢都有好多款揀我哋就揀咗個上湯餃子呢個餃子食得出係冇超市大品牌哈哈，小食都係唔好叫餃子啦可能叫下其他好啲，本身仲以為係手工自己包嘅餃子添。總括嚟講呢間餐廳我都幾滿意都會再嚟多次特別為咗佢嘅番茄麻辣牛肉關廟麵

之前試過中環個間，食過番尋味，然後發現天后都有間，仲要唔同餐牌，多d選擇，一於過黎試下！間野距離地鐵站好近，一分鐘就到。午市都幾多人，不過唔洗等位。我地叫左兩個set lunch加一份小食。椰子雞湯米線好清新，椰子味得黎又唔會過份濃，味道岩岩好，同個雞好夾，鹹得黎又帶點清甜。花膠醉雞飯成功地灌醉我個胃，好香濃既花雕酒味，仲比左兩舊大花膠，啖啖骨膠原，好養生。滷水豬大腸好入味，洗得好乾淨，唔會帶內臟既臭味，幾新鮮。不過同中環個間一樣，如果米線可以無咁碎就更加好，因為本人比較中意食長而細既米線哈哈。最後想講野飲都好出色，柑桔檸檬酸酸甜甜好開胃，朱古力好香濃，呢一餐夠哂養生！

記得上星期喺中環食過嘅養生麵好好味, 原來有間分店喺正天后MTR出口附近, 裝修好新好光猛menu選擇仲非常多款添. >蕃茄湯農場雞湯•台灣手工拉面 (HKD60)第一口當然係呷湯吧, 點解蕃茄湯濃稠之餘味道可以咁甜? 湯底竟有大量切半紅棗, 龍眼肉, 木耳, 蕃茄粒, 足料到不得了. 幸運地有雞脾肉食, 滑嫩多肉. 貪新鮮轉左手工拉面估唔到可以咁飽肚, 麵嘅份量驚人, 然後熱飲仲要係送嘅....真心大碗夾抵食!!!!>椰子雞湯•台灣幼麵 (HKD58)叫兩個麵share點知li碗湯差啲俾我飲哂🤩. 白雪雪椰子🥥雞湯一路食一邊聞到勁香椰子味, 集濃香清甜於一湯. 又係食到勁多紅棗龍眼肉. 幼麵口感煙韌, 農場雞係特別好味.>柑桔檸檬 甜甜酸酸, 熱飲杯size好OK.>香芋雪香 (+HKD2)濃濃芋香味, 仲有脆脆口感, 都只係加兩蚊咋👏🏻.

今晚收工後嚟到呢度食米線，好耐之前已經聽過養生湯麵，呢次特意嚟食返碗。🍜台灣藥膳農場醉雞湯米線 $55第一次揀藥膳湯，不禁令人期待。米線到～！湯低有好重藥材嘅氣味，飲落去有紅棗嘅甜同其他藥材嘅甘香；另外，湯底配有醉雞嘅酒香同雞香，整個配搭新穎。雞件嫩滑，肥瘦有致，口感厚實，經酒精嘅熏陶，昇華咗雞肉嘅香美。🥤香芋雪香 （+$13）食台灣菜，當然要配一杯台式特飲！香芋特飲配有木槺，香芋味濃，甜度適中，抵飲之選。環境舒適，座位編排得宜；侍應服務良好，反應迅速，態度親切。😋總括而言，醉雞藥膳湯米線值得一試，香芋雪香亦具特色，下次嚟要試吓其他湯米。

還記得上手也是間台式餐廳。最近見到餐廳轉手了，主打養生雞湯麵線，不喜歡湯麵的話，亦有飯類選擇。餐牌上的推介主要是農場雞湯麵，有固定材料及湯底，另有自由配搭，自選湯底及配料任意選擇。我當然喜歡自己選啦。先揀藥膳湯底，配料包括兩款，包括三杯雞肉，麻辣雞件挺多，肉質滑嫩，已去骨，帶點酒香，少許辣。另外配料還選了方形魚腐，不過口感跟魚蛋差不多，純粹扁扁的。麵條有三款選擇，自己點了一向很喜歡的台灣手工拉麵，因麵條有韌性、口感。湯底是養生的藥膳湯，足料湯料，味道帶紅棗桂圓香。份量大碗，吃完飽肚且暖胃。另加個小食－上湯白菜豬肉水餃。餡料醃得濃味，而且湯底偏鹹，有點重味。

天氣轉, 鼻敏感又發作, 與醫生的一年一度約會又黎啦～ 睇醫生前先到附近搵個下午茶食先, 見到這間養生湯麵餐廳, 下午茶價錢好平, $36 已經有碗米線。香辣三杯雞飯 $39大大碗飯, 完全不是下午茶份量, 比起集團式的大碗, 啖啖雞肉, 肉質細嫩, 香辣汁辣得好惹味, 撈飯食一流。紅油抄手 $32有6粒抄手, 全蝦肉幾爽口, 但紅油不夠辣, 味覺偏淡。愛文芒果汁 跟餐加$2, 有大大杯濃郁芒果汁, 飲得出不是鮮芒果製。 (另可加$5 換重量級大杯裝)

中秋都過埋，係時候要得閒就要補下😊原來天后昵間總店既養生麵和飯好多款式，之前去過中環分店食過午餐，覺得好好味，原來係我公司附近又有一間，所以今日收工又約埋honey去食晚餐，忙左成日，收工鬼甘肚餓😫昵間環境同裝修幾別緻，而且大好多👏上次食左面，平日小吃反的我，我今日食下反🤣🤣花膠濃場🐔湯反——花膠湯清甜，雞肉又夠滑，😋😋Honey簡直就係一個牛魔王，哈哈...........牛當然炇得出色，夠腍又夠甜，番茄🍅濃湯又濃郁👍香芋雪香——濃郁香芋又夠滑，味道又不會太甜，好味道😋水蜜桃🍑紅茶——-🍑桃又是我喜愛的一種水果，味道清甜解喝。人生態度——活在當下，養生又養❤️心「👶🏻🧒👩‍🦳👨‍🦲..........👱‍♀️」

出街食野有時都想食健康D,,見到呢間打正旗號講養生，見到餐牌幾有趣就入左去。點解話佢餐牌有趣係因為見佢又蟲草又花膠又藥膳養生湯咁，唔係周街食到，所以就好豪咁試左個台灣花膠農場醉雞湯拉麵，佢有米線，台灣幼麵同手工拉麵，梗係配返個台灣幼麵襯返呢間台灣店舖!😂😂上到黎有勁香既醉雞酒香味!材料大概有雞，花膠，芫茜，雲耳~試左啖湯，酒味都幾濃下~!首先梗係搵下花膠先啦！有大概3~4塊~口感方便爽軟度適中偏軟，係我鍾意既口感，唔會太似橡筋!size都適中，平民價錢食到花膠都算幾抵!我都會建議試下轉台灣幼麵，因為平日周圍都有米線食!呢款麵大概似拉麵同奶油麵既mix,,都幾好味!雞件數量都幾多下，仲有翼位添，因為d雞浸住湯，所以有陣淡淡醉雞味😄menu有教點整醬油另碗麵更好食!我都試左，幾鍾意佢個辣油~每個餐佢都有得追加小食，但食完碗麵已經夠飽，唯有下次先再諗小食!飲品叫左朱古力牛奶雪香，平日食台式野就算唔太match我都會叫朱古力既飲品😂杯朱古力好濃滑，同埋好鍾意食d雪香，類似粟米片咁~我仲特別鍾意等佢浸開左先飲!🙈🙈

今日諗住行過天后食食開個間台灣野個陣, 見到新開左間叫馬祖又係食台灣野架喎!而且個裝修睇落唔錯, 門口有menu望左兩眼見價錢唔貴就入左去見到依度用養生湯為主, 款款都好似好好食咁, 醉雞湯又想試, 麻辣湯又中意, 結果揀左蕃茄麻辣牛肉湯麵Latte雪香午餐同下午茶時間只係加4蚊就有依個特飲, 好抵呀勁大杯, 面頭有燕麥, 推介蕃茄麻辣牛肉湯麵一黎到就聞到好香既味道, 估唔到咁大碗, 好似全部野都king size咁, 連個蘿蔔都大舊過人, 湯底有碎蕃茄, 芫荽下有紅棗紀子同埋少少中藥材, 所以成個湯都好香藥材湯味, 而蕃茄味同麻辣味亦mix得好好, 成個湯底好濃郁又好夾好有層次, 超好味! 牛肉大舊有成3, 4舊, 唔會好柴因為唔係全瘦肉, 脂肪比例ok所以食落都幾腍身而手工麵可以話依2蚊絕對值得加, 麵質爽口之餘唔易斷, 口感好好, 掛湯能力唔錯, 加分食到好飽, 我諗依個份量對普通食量既女仔黎講係多左d, 男仔食都一定滿足! 但真係好好食, 如果兩個女仔黎食可以試下叫個麵加個小食share啦