馬祖台灣養生湯麵館 (和安里)

營業中

休息中

今日好大雨，撞啱出中環做嘢又落大雨，又濕又凍，咁啱見到呢間台灣藥膳養生麵館就入嚟試試，鋪頭裝修雅緻，小店得16個座位，但擺位闊落一啲都唔焗促坐得好舒服。當然要試試藥膳養生農場雞配白飯（$65），及另一個藥膳農場醉雞配白飯（$67）。農場雞好嫰滑，食得出係新鮮雞，加上佢嘅藥膳湯，入哂味，濃郁得嚟帶點甜味，層次豐富 食完成個人暖哂，驅走寒氣。上湯白菜豬肉餃（$28）豬肉餃大隻多汁， 餡料有馬蹄多汁，有驚喜。飲品都是台式像品，黑糖薑母茶，及自家製的冷泡茶都值得一試。

呢間野個名改得無錯，真係夠哂養生！呢日同朋友去完大館，就過左黎蘭桂坊附近食個晚飯。我地大概七點左右到，唔算多人。間店雖然唔太大，不過坐得幾舒服，環境都好乾淨。我地叫左一碗藥膳養生湯農場雞米線，一碗藥膳農場醉雞米線，一碟麻辣白菜豬肉餃，一樽桂花烏龍泡茶，一樽四季春泡茶。野食都黎得幾快，先講下碟餃子，個辣醬幾特別，同個餃子好夾。然後到碗米線，真係好有驚喜，可能平時食譚仔味精食到驚，呢碗野既湯底真係好天然，飲得出係自家製煲左好耐既湯，好重藥膳味，好健康，面頭仲有好多湯渣，好真材實料。雞肉都好嫩滑，唔太多骨，點埋岩岩餃子食淨既辣醬簡直一流。另外試左兩啖朋友碗醉雞湯，酒味勁香！米線質感都幾好，不過如果無咁碎就更加好。最後講下飲品，茶既包裝好靚，飲唔哂仲可以拎走。食完碗面，有少少口渴，呢個時候飲支清涼既茶真係無得頂！

煮什麼都會好吃的最強藥膳湯底🧐～～～餐廳名稱：馬祖台灣養生湯麵館 (中環)餐廳地址：中環和安里6-7號聯安樓地下及M樓～～～話說今天下午下了場大雨 小Q正好在外 雖然有帶傘 ☔ 但可是大半個身子都淋濕了 搞得整個下午都面青青 口唇也好白 手腳好冰涼 整個人提不起勁來 好像快病快病的 把大舊嚇到捏一把汗 ～～～大舊：你睇你 凍到咁 仲話今晚食壽司小Q：😢😢😢大舊：今晚都係食D暖胃嘅嘢食啦 我老細話附近開咗一間台式養生麵館 話啲湯好正 今晚帶你去試吓 小Q：你點話點好😢我好凍諗唔到野～～～去到之後仲見到門口拜訪著花籃 店鋪環境乾淨企理 6點幾黎已經好多人 我們一共叫了四樣東西 分別是蟲草花藥膳農場雞米線 藥膳古早牛肉湯手工麵 上湯浸時蔬和上湯白菜豬肉餃～～～先說說蟲草花藥膳農場雞米線 這個湯底真的不得了 材料豐富 有黑木耳 枸杞子 紅棗 桂圓 等等 滋補到不得了 還有濃濃酒味 我和大舊都一致認同這是暫時我們吃過最出色的藥膳湯 不會有苦澀中藥味 把藥膳處理得養生又美味 雞肉沒什麼多餘肥膏 雖然談不上滑 但雞味濃郁 吃下去感覺也很健康 至於藥膳古早牛肉湯手工麵亦是出色得不得了 手工面彈牙 牛肉

又係約咗朋友去蘭桂坊happy hour🍻發現開咗呢一間台式養生湯麵對我嚟講真係發現新大陸因為生完bb之後 食過台灣嘅麻油雞真心好滋補！！😙想試下其他台灣嘢係咪都咁正正子！睇價錢六十幾蚊一碗絕對係金拱嘅價錢 勁抵！😂🍜藥膳古早牛肉湯手工麵超大碗 四嚿大牛肉🥩 配三嚿大蘿蔔🥕牛肉湯真係藥膳有杞子桂圓淮山等等材料 滋補補氣飲落好神奇係完全冇藥材味味道有啲似小王牛肉味嘅湯底 但係好飲咗😂牛肉煮到好淋好軟冇根 大大嚿啖啖肉😋真心食牛肉都飽 煮得好入味蘿蔔係又淋又甜 好香牛肉汁味手工麵 質地彈牙 分量亦好多🥶食完超飽飽🥺🍜香辣牛肉麵大同小異 但係變咗辣辣地刺激咗如果鍾意食辣我覺得呢個更加好味😌🍗鹵水雞翼大大隻 38蚊有五隻好入味🥟麻辣餃子皮都算薄 不過唔算特別🥛手工製四季春冷泡茶、桂花烏龍茶兩杯都好好味冇糖 亦都好精緻.因為飲唔曬仲takeaway中環其實好少中低價中菜呢間絕對係必食 性價比高😘.🎀馬祖台灣養生湯麵館🎀中環和安里6-7號聯安樓地下及M樓

中午由屯門搭車到中環，車程好長，巴士好冷。下車後更下起滂沱大雨，於是來到這間新開的馬祖台灣養生湯麵館避雨和温飽。餐廳主打養生湯米線，不收加一服務費。點了藥膳牛肉$75，可以選擇手工麵、米線或飯，而我就選擇了米線。一上枱時好大碗，湯底顏色濃郁，還有少許芫茜，賣相不錯。忍不先來喝一口湯底，發現牛味香濃，藥膳湯底入面有紅棗粒、木耳等湯料 ，夠晒真材實料，所以鮮美滋補，沒有味精感﹗台式牛肋條燜到非常軟淋入味，易咬不會韌。白蘿蔔大大舊，沒有渣，入口即融。米線腍軟，索晒藥膳湯底味道，正~本身想點自家製四季春冷泡茶，可惜已賣光，與它無緣。於是點了Nescafe冷萃咖啡飲料雲石牛奶$18，喝完後醒腦提神。特別推介枱面樽辣椒醬，入面有蒜蓉粒，不會好辣，惹味開胃﹗餐廳企理，吃完後，不但喂飽我的胃，更温暖我的心，大滿足﹗

有外國朋友過黎香港玩，所以我就帶左佢上山頂睇夜景。我地出發前就喺中環食飯先。我地去左一間新開既台灣餐廳食晚餐。呢間餐廳主打養生健康既米線，亦都有飯，而且價錢喺中環黎講算幾平。我點左碗藥膳桃膠養場雞米線，桃膠係平民版既燕窩，好岩女仔食架！啲雞好滑，而且米線又有好多藥材，估唔到出街食都可以咁健康！朋友鐘意食辣，佢就點左香辣養生湯養場雞飯，連外國人都鐘意食呢款台灣菜！飲品方面，我地揀左Nescafe冷萃咖啡飲料雲石牛奶！

今晚放工有事到中環，唔太熟悉呢頭有咩食，是但揀左呢間新開嘅餐廳食個晚餐。簡簡單單，只有十一款，大部分都係雞。飯、麵、雲吞都有。餐廳佈置都好簡單～心型筷子插叫左個小辣嘅香辣藥膳牛肉湯手工麵仲有藥膳桃膠農場雞飯牛蒡茶，原來係罐裝飲料個麵辣度適中，啲牛肉好嫩，雖然叫藥膳，但藥味唔會太濃。藥膳桃膠農場雞湯就咁飲咸左啲，不過送飯食就無問題，啲飯一粒粒，唔係冷飯，好食有好多雞夠曬足料而且好多桃膠，有益就咁睇碗嘢面個層好多油，其實雞湯都預左油膩，我都無理，照飲曬，因為好鮮味新餐廳嚟講都算唔錯，以藥膳為主題，夠曬特別同養生，尤其呢個價錢同食物質素，嚟中環區值得一試。小建議：如果唔食莞茜記得叫走青，無諗過有咁多

係門口經過個陣發現佢餐牌係同我之前食「鍋霸」放題個間好似，又係藥膳養生主題，自家制既飲品都一模一樣，先知係同一間公司，上次對佢既評分都幾高，所以決定去試埋佢個麵！😚.7️⃣ 香辣藥膳牛肉湯(手工麵)$77［滿星］⭐️⭐️⭐️⭐️⭐️‼️湯底層係好濃郁嘅牛肉味，辣味偏重，冇乜藥材味，牛肉好嫩，一咬岀唒肉汁，手工麵就只有兩款牛肉湯先有得配，麵有咬口，有驚喜，不錯！/8️⃣藥膳桃膠農場雞(米線) $67⭐️⭐️⭐️⭐️湯底偏鹹同有好多藥材，桃膠一大羹😍發脹嘅程度岩岩好，不會過大而失去口感同散唒，雞都好新鮮，易咬！/⏺滷水雞翼(5隻)$39［滿星］⭐️⭐️⭐️⭐️⭐️‼️雞翼索唒滷水汁，滷水汁味好濃，濃到雞翼變到好深色😍好入味，直情好似浸左成一個星期滷水汁咁🤤/飲品一樣推介自家製桂花烏龍冷泡茶$15💕-環境：7/10服務：6/10好味指數：8/10回頭率：7/10

老人家說，打風不成三日雨，的確是真的。剛除下風球，天氣仍然時晴時雨。跟同事去完中環見客，經過蘭桂芳，又突然下起滂沱大雨，見有一間新開台灣湯麵店，立即跑進去食午飯及避雨。這間台灣餐廳，主打養生湯米線，午餐價錢可以接受，柒至八拾左右，不收加一服務費。因為今早趕開會文件，同事跟我也未吃早餐，肚子有點餓，所以點湯跟飯，而沒有點米線。一個葯膳養生雞湯，一個香辣葯膳牛肉湯。因為沒有跟飲品，另外點了兩樽冷泡茶。在雞湯中加入中藥材，做成了藥膳雞湯，不但滋補，也有食療作用。雞湯底、黑木耳、紅棗、龍眼肉，藥材味不太濃而帶甜！甘香湯底十分順喉，飲完身體感覺暖暖的！不過湯底有點油，不過跟白飯還是很配合。香辣葯膳牛肉湯，湯底牛味香濃，牛肋條煮得很冧，肉很入味。我點了少辣，辣味令牛肉湯更惹味。不過有一兩塊白蘿蔔有點老，食到有渣。不過餸飯仍很好味。用原片茶葉，新鮮冷泡，清甜沒有苦澀味，夏天透心涼之選。兩樽冷泡茶，不過不失，剛剛可以解去牛肉湯的辣。沒想到用葯膳湯佐飯，原來不比米線差。

經過和安里，發現新開了幾間餐廳，剛好下午茶時間經過，人流都比較少，隨意就挑選了1間台灣養生餐廳，門面不花巧簡簡單單餐單雖然只有一張，但可以挑選手米線 或白飯，有幾款更可以挑選手工麵呢。選擇困難症發作之際，親切既店員走過來，熱情介紹每款食品，最後推介了牛肉麵，細看其實是牛腩黎架香辣藥膳牛肉湯 (少辣)上枱時嚇一跳，因為實在太大碗喇。牛腩香味四溢，肉質淋，入口味道已散開，正。試一啖藥膳湯底，色澤深但味道不濃，入口少許甘甜味道，與手工麵配搭得非常好，麵質少許咬口，一口吃到湯跟麵剛好。至於飲品，見到有2款自家製冷泡茶，決定不了就2款也點了呢四季春冷泡茶職員比較推介呢款，試飲一啖，味道清清的，都唔覺得飲緊茶，好易入口桂花烏龍冷泡茶呢款一入口先有桂花味道，然後才有淡淡既烏龍茶味，如果鐘意茶味多點的話，這款覺得好啲呢非常滿足的下午茶

係中環蘭桂坊附近，發現左呢間新開嘅台式米線，好少可係中環地段見有米線，所以就決定去試下。蟲草花藥膳雞米線好多款米線都係配上藥膳湯底，我就揀咗款有埋蟲草花嘅。蟲草花嘅份量好多，爽口得黎帶點甜，另外仲有木耳同杞子。我個碗係有雞腿同雞胸，雞嘅份量都好多好大件，肉質唔算嫩但還好。配上清甜嘅湯底感覺唔錯。藥膳麻油雞米線同行嘅朋友叫咗碗麻油雞米線。呢碗就比較惹味，麻油味好出，幾有台灣嘅味道。除咗米線之外，餐廳雖然選擇唔多，但有幾款小食可以揀，我哋就帶咗三隻雞翼試吓。雞翼比較細隻，但都好入味，如果無埋雪味就更好了。另外我哋仲加咗兩支佢哋自家調製嘅桂花烏龍茶同四季春茶。包裝好用心好靚，仲好細心隔開咗茶包，唔會飲飲下個茶包跌咗出嚟。茶味都好濃好夠，好解渴。米線來講價格唔算平，但中環地段都可以接受，不過餐廳可能新開張，人手唔係好夠，但嘢食係幾好的。

見中環新開咗間米線 見佢主打藥膳養生米線 就入去試吓 🐣🍜藥膳麻油雞米線一放上枱已經聞到好香麻油味，試吓佢個湯底，果然係主打藥膳湯底，飲落一啲味精味都冇，而且都見到湯底有龍眼肉紅棗嘅養生食材，夠哂補！另外，麻油雞肉地好滑，一啲都唔嚡口，而且好大舊，滿足哂🤤🐣🍚藥膳農場醉雞白飯另外食試咗佢嘅醉雞，同樣啲雞好入味，醉雞好濃味，岩哂啲酒鬼🤣 而且配白飯都好夾！🥟麻辣白菜豬肉餃大胃王緊係叫多個小食試吓 就試咗佢個白菜豬肉餃 個麻辣唔會太辣🥤自家製桂花烏龍冷泡茶見佢哋有自家製飲品，就叫咗個冷泡茶試吓！一入口有淡淡嘅桂花味，香味不濃不淡，剛剛好，亦冇茶嘅苦澀味。

今日放工同大學同學敘舊吃晚飯，選擇了近蘭桂坊的台灣餐廳。裝修非常新淨，空間很大，整齊企理，感覺很溫馨，冷氣也非常足夠。我們坐了上層，比較寧靜。 叫了一個藥膳雞肉米線，湯有濃濃的的藥膳味，雞肉分量很多。雖然湯面有少少油，但喝起來的時候不會太油膩，店員有給一個小碗去放多餘的油，很貼心。小食叫了一個豬肉湯餃，有六粒，大大的餡料吃起上來非常滿足。朋友就叫左個蟲草花藥膳農場雞肉米線. 成碗用料豐富，個朋友本身脾胃氣血較弱，而蟲草花滋補而又不溫燥，不易上火，令到佢讚不絕口，食完仲想食。飲品叫了冷的四季春茶，喝起上來非常清新，可以解油膩的感覺。大大杯既荔枝烏龍茶既淡淡甘香好消濟 一個字正！

琴日join左個event喺中環California Tower，早到咗成個鐘，決定到附近搵嘢食，這間新開的馬祖台灣養生麵館， 以藥膳養生湯作招徠，與event場地距離只有1分鐘， 吸引我入去食。 🥢藥膳古早牛肉湯手工麵 $75湯麵傳來香濃藥膳味，眼見內有紅棗、木耳等湯料， 一碗有三大條牛肋條， 牛肉味濃，口感微韌， 麵質爽口， 不錯。(由於手工麵頗大碗， 建議可兩人share食， 再加小食）🥢自家製四季春冷泡茶 $15淡淡的冷泡茶， 消滯解油， 配湯麵一流。

是日喺蘭桂坊搵地方食lunch，無意中發現和安里新開幕的這間主打藥膳湯底的台灣粉麵店，見到餐牌價錢頗為合理，便入來一試。餐牌選擇不算多，雞肉或牛肉配上藥膳湯底，再選擇米線或白飯，而牛肉還可以跟手工麵。因為特別想嘗試手工麵，便選擇了香辣藥膳牛肉湯手工麵。餐食很快來到，首先份量非常巨大，本人頗為大胃最後都險些食唔完。台式牛肋條燜至非常軟淋，白蘿蔔入口即融。手工麵非常筋道。而亮點當然是藥膳湯底，非常鮮美滋補，絕無人工香精。對味精頗為敏感的我喝了大半碗湯都無事，大家可以放心嘗試。美中不足的是，香辣牛肉麵比唔辣的貴上$2，但湯底的辣醬其實在檯面亦有提供，有點唔抵。但總體非常滿意，已經迫不及待想試埋雞肉米線