馬祖台灣養生湯麵館 (和安里)

營業中

休息中

去到中環除咗酒吧同多國菜，意想不到嘅係呢間位於中環嘅馬祖台灣養生湯麵館，店鋪細細，主打藥膳米線，喺門口已經聞到個湯底好濃好香，好吸引呀！加上依家秋風起，開始進補就啱晒啦！食完夠晒暖笠笠，好滿足。鹵水雞翼鹵水雞翼可以叫有3隻或5隻，雞翼大大隻，肉質嫩滑，最重要係鹵水汁香濃，好入味呀。藥膳農場醉雞米線M佬叫咗藥膳農場醉雞米線，好濃嘅藥材香氣，真係急不及待就先飲咗個湯先，真材實料，味道好香濃。米線嘅份量足，而最好味當然係個雞件啦！雞件滲出微微酒香，唔會好肥，但好嫩滑。藥膳桃膠農場雞米線桃膠有豐富嘅植物性膠原蛋白，可以補充人體膠原蛋白，甚有美顏效果，所以我就叫咗藥膳桃膠農場雞米線。桃膠份量超多，仲有紅棗同杞子，所以湯底超鮮甜。白家製桂花烏龍冷泡茶最後飲埋自家製嘅白家製桂花烏龍冷泡茶，夠健康又解喝。

日期：9月18日人數：4人話說公司最近嚟咗個新同事，好鬼鍾意食米線。呢日就同埋佢一行四個同事一齊去試呢間由佢推介，係蘭桂坊附近嘅台灣米線店。前身應該就係一間越南餐廳，以前我都好鍾意佢，但自從冇去一陣，再諗起果陣原來間鋪已經執咗。去到已經大概12:30 ，餐廳已經爆滿，我哋要等15分鐘先有位入去。Menu圖文並茂，加上款式都唔少，款款睇落都好吸引，簡直令我選擇困難症發作。最後我發現其他同事都揀藥膳雞米線或者餃子米線，咁我就揀古早牛肉麵先試吓啦。另外我哋仲加咗一份餃子同埋一份雞翼。米線上到來，飲下啖湯，又真係好好飲，同事果然冇介紹錯。而藥膳湯係最好飲嘅，亦都好夠熱，我自己都會推介叫呢一款。至於你鍾意食桃膠定係蟲草花之類就你自己選擇，冇乜所謂。餃子反而冇我想像中咁好食，餡料可以再豐滿啲。雞翼汁就整得幾好味，但未入到去隻雞翼度，雞翼中等大細，唔算好大隻。呢間小店環境有少少迫，樓上亦唔算有咩裝修，人手又唔太足夠，只有正常服務水平。價錢喺中環來講算叫做合理，一碗米線再加d小食就人均就來$100。

禮拜六收工最開心就食野。約定好再食哩間馬祖養生湯麵館。上星期食完，又一齊來到啦入到來坐低。睇下餐牌，大家都即刻諗好食乜。我叫左香辣藥膳牛肉湯手工麵。哩度既牛肉我至愛，又淋又香。咁係叫埋上湯時菜，哩個藥膳上湯菜係我食過勁讚。加多個麻辣白菜豬肉餃，麻辣醬好好味，連唔食辣嘅朋友都讚。食藥膳湯底配乜飲品好呢，都有多樣選擇，今次配搭桂花烏龍冷泡茶，絕配。又係美好的一餐。哩間價格合理，係中環唔食貴野都可以好正

呢個星期真係無時間煮飯， 放工就約老公食飯， 食左幾次都係西餐。今日轉轉口味～開附近餐廳，搵到呢間 台灣馬祖養生湯。 價錢相宜就不如入去坐低。餐牌主要雞為主。 有兩款牛。 加上不如口味既湯款。 我就叫左黑蒜養生雞。 老公叫古早牛肉麵。 古早牛肉面先來，好濃湯，咬第一口牛就超冧、正！ 岩老公，佢對牛有點執著，都話好食。就知真係好食。黑蒜養生雞： 未食已好香黑蒜味道， 忍唔住飲左湯先， 我都配了白飯來送湯食。用雞脾比我，有肉食之餘岩岩好、雞好滑。最後我係湯飯全吃清的。 馬祖台灣養生湯麵館 (中環)中環和安里6-7號聯安樓地下及M樓

同喺中環返工嘅fd食lunch, 沿住上蘭桂芳條斜路行, 轉入小街和安里好幾間餐廳, li間藥膳主題嘅湯麵🍜館都係around 60-70蚊一個麵, 同區來說真抵食. 裡面嘅枱櫈坐得舒服唔迫, 餐牌選擇係多款有辣有唔辣但全部藥膳湯底嘅麵/飯.>藥膳養生湯農場雞米線 (HKD65)湯底熱辣辣, 湯頭微甜, 有濃濃嘅藥膳味道, 雞肉白雪雪好嫩滑, 仲有雞脾肉同全翼喺我碗呢, 米線口感夠哂煙韌, 勁多健康木耳同甜甜紅棗杞子.>藥膳古早牛肉湯手工麵 (HKD75)呷左一口濃厚牛肉湯有啲相一口氣飲哂成碗, 手工麵彈牙好索湯, 牛腩件件都軟腍腍一咬就啖啖肉又唔肥, 原來藥膳嘅湯麵咁好味👍🏻, 要encore!>上湯白菜豬肉餃 (+HKD28)加一碗豬肉餃🥟share食, 餃皮略厚多了一份口感, 白菜豬肉比例均匀包到滿餡. 湯底又係熱辣辣嘅藥膳湯👏🏻.>白家製桂花烏龍冷泡茶, 自家製四季春冷泡茶 (HKD15)一人一枝店家自製嘅冷泡茶非常香, 茶味花味飲完會有after taste, 無添加糖, 好好飲.

上次週末在中環閒逛，無意中發現這家新開的台灣養生湯麵🍜，香港身為美食天堂，身為香港人當然要勇於嘗試，怎知一試愛上，顛覆我對傳統湯麵的理解，回味無窮。這次約上三五知己好友，帶他們試試。由於是約晚餐的關係，這家餐廳有個好處，就是門口可以泊車，不用千辛萬苦再找車位，吃飽就可以開車回家的感覺真好。哈哈哈上次試了店員推薦的「藥膳養生農場雞湯飯」，這次我們另外還叫了「黑蒜」「蟲草花」「牛肉」，外加「餃子」「生菜」，不得不讚一下，雖然是小食，卻都是藥膳湯底，龍眼肉、紅棗、杞子食材滿滿可見。這次的湯麵我們嘗試了「手工麵」，上次沒有留意原來有手工麵這個選擇，看相片的餐牌才發現。不喜歡米線的朋友可以嘗試「手工麵」，比米線好吃，個人感覺更加健康。「黑蒜雞湯麵」也是一個很驚喜的嘗試，同行的朋友很讚！我試了口湯底，真的很讚！因為在我印象中，黑蒜不是人人都能接受的食材，但作為黑蒜雞湯麵，的確很讚！黑蒜和雞湯的比例掌控的很棒！雞湯麵還是一如既往的鮮甜，雖然自己不是牛肉愛好者，但朋友也是讚不絕口的！飲品由於桂花烏龍缺貨，所以今次試罐裝荔枝烏龍，我覺得幾有荔枝味。

近排食太多煎炸野，又唔太夠瞓，所以想食返d健康野。Menu講明話d雞係選用農場雞，加上見周圍既人大部分都係點雞米線，所以自己都揀咗藥膳桃膠農場雞米線（＄67）。碗米線好大碗，除咗桃膠之外仲有紅棗同杞子等，超級足料，所以湯底鮮甜好味。至於主角農場雞，食落好新鮮又有雞味，係真材實料。除咗藥膳桃膠農場雞米線，仲點咗上湯白菜豬肉餃（＄28 ）。一共有5隻餃子，湯底係同米線既一樣。而餃子都算大隻，食落啖啖肉。喺中環食個晚飯埋單100蚊唔洗~

放左工同朋友係蘭桂枋飲左杯野段有點肚餓，上網見到附近有間以養生藥膳湯底主打的台式粉麵，被那濃郁湯底相片吸引著。 以多項藥材㊙️製嘅滋補養生湯底🍲配合農場雞🐥或鮮牛肉🐄肉質鮮嫩美味😋很🈵足的👍🏻====—====—====—====—🌱麻辣木耳（$28） 木耳爽脆可口，配以麻辣醬調配非常惹味！🍗鹵水雞翼（$28/3隻） 鹵水雞翼鹵得非常入味，肉質夠嫩，非常美味。  藥膳粉麵選擇大約有10款，配料以養場雞和牛肉為主打。 🐥黑蒜藥膳農場雞米線🍲（$68） 湯底配以藥膳的清甜味道，入面有杞子等藥材。 農場雞雖然唔係新鮮雞，但食落一點雪味也漫有，而且肉質嫩滿可口。 米線爽滑，而且份量挺多，估唔到出行食麵可以咁健康！ 🐄香辣藥膳牛肉湯手工麵🍜（$77） 香辣藥膳湯底濃郁惹味，牛肉是牛肋肉條，煮得夠腍，帶有嚼口。 配有白蘿蔔、芫茜等配料，令湯底更添風味。 手工麵爽滑有口感，配上濃郁的藥膳牛肉湯非常匹配。 ====—====—====—====—

下雨天無總掛念從前，只係為大地降溫。淋濕左對腳怕寒氣入侵，即刻搵間補身子既餐廳暖一暖！估唔到中環會有間經濟實惠既雞湯米線，食完真係有種飲左媽媽既湯的幸福感沿路上蘭桂坊，到差不多BBQ串燒位置行入去小巷，就見到呢間鋪仔細細、光濛企理既米線店。自家製冷泡茶，宜家好少有食肆餐廳會咁有心機整，比個like！好！到戲肉！我叫左藥膳麻油雞米線（$66）鐘意食飯可有飯選擇。都係一碗雞湯（足料）同一碗白飯上。用既係龍崗雞，雞肉嫩滑有口感，個湯仲充滿藥材既味道（飲得出有黨參、當歸、紅棗、龍眼肉），滋陰補腎。再到熱辣辣既米線！完美吸收湯汁既精華，細食人士有機會食唔曬（因為一邊飲湯一邊食），不過我超級好胃口，就完全K.O.左呢碗養生米線了~養顏潤膚可以選擇藥膳桃膠農場雞米線（$67）同樣足料！米線有一兩條菜，唔夠食可以另外添多份（$22），分量一人都能完成。唔想飲冷泡茶都可以試試呢個韓國既罐裝飲品（都係$10真係好抵）中環快餐林立，想搵健康飲食既地方買少見少。想享受養生me-time，天后都仲有間，套餐款式仲多，如果可以開多間喺九龍就更加perfect啦~

朋友在附近反工，中午有食過，話覺得味道唔差又抵食，今日放假，佢有份文件要反公司取，所以我地就順便係昵到食午餐。如果唔係朋友係呢到附近反工，真係唔知昵到有間甘好昧既藥膳養生台灣面我地叫左1-藥膳古早牛肉湯手上面2-蟲草花藥膳農場🐔米線3-鹵水🐔翼4-牛奶咖啡和黑咖啡藥膳古早牛肉湯手工麵—-牛肉濃香湯味，望見已經覺得流灑口水，加上牛肉味濃郁飄香，😋😋😋😋😋牛肉入味炇得又夠腍，手工面軟熟又帶有煙硬，口感一流👍藥膳蟲草花農場雞湯米線—-雞肉滑溜，蟲草花清甜爽口，藥膳雞湯味道清香甜美，平日我食湯面米線米粉之類，好小會將湯🥣飲洒，今日呢個藥膳草蟲雞湯，味道香甜滑溜又正氣，我完全係一點兒也沒有剩下，全吃清光😂😂😂🤣🤣🤣🤣𠧧水雞翼——味道比平日吃的鹵水好味，因為佢做的味道有點似瑞士雞翼，所以味道較比一般的鹵水雞翼好味👍地方需小，但也坐得舒適，原本想喝佢地自家制既🌹花🌼茶，但可惜賣哂，甘我就等下次去食既時候先再試下佢地既自家制花茶🤗

友人正式踏入社會大學，好久沒見便待她放工後在中環隨意覓食，這間鄰近蘭桂坊的養生雞湯米線正正符合朋友的口味🤪餐廳食物款式不算多，主打養生雞湯和牛肉湯，也有泡飯提供👍🏻我們分別要了蟲草花藥膳農場雞米線和藥膳桃膠農場雞米線😚吃雞湯米線湯底自然是重點🤪這裏的雞湯放了相當多紅棗和杞子，湯底滋補足料，確實很有喝媽媽燉雞湯的養生feel😛朋友加了桃膠的那碗更為甜些，桃膠份量亦足夠養顏😌至於農場雞亦有四五塊，大大隻夠嫩滑👍🏻唯獨米線份量不是很多🥺我們女生吃自然是剛剛好，可是對男生來說應該就不夠飽了😂我們另外還叫了一碟麻辣水餃，水餃是普通的白菜豬肉餡，味道不過不失，不過蘸上麻辣汁還是挺惹味的😛飲品方面要了瓶自家沖泡的桂花烏龍茶，桂花香非常突出，好評👍🏻總體來說有時想吃米線但又不想吃麻辣酸辣那麼重口味的話，這間養生雞湯米線絕對能滿足你的願望😉

今日同朋友敘舊，去開中環蘭桂坊見到呢間馬祖台灣養生湯麵店🍜🍜見佢幾特別就行咗入去雖然間麵店唔係好大，但係啲擺設都幾整齊，枱枱櫈櫈都幾企理，地方清潔😉😉店員態度親切，遞來餐牌，前面嗰頁係米線/白飯/湯麵類，後面呢就係飲料同埋小食。我朋友叫左碗藥膳古早牛肉湯手工麵，我就揀香辣養生湯農場雞米線（小辣）仲揀左個小食上湯白菜豬肉餃，大家一齊Share黎食👧🏻😋落完單之後等咗唔係好耐，已經好快上咗湯面同米線喇。見到大大碗，賣相唔錯。平時唔係好多時食開台灣嘅面，一聞到牛肉麵咁香，雞米線色澤咁好，就梗係食指大動喔🤗🤗忍唔住想即刻試啦。雖然佢呢度係以養生湯同一些中藥藥材湯麵做生招牌，但係d中藥藥材味道又唔係特別重，啱啱好，啱晒我，特別係我呢啲咁鍾意紅棗嘅人食就最好不過啦👍🏻感覺好健康有真正嘅牛肉同埋雞味，簡直係絕配👍🏻👍🏻特別要讚一讚嘅係佢嘅牛肉湯底同埋佢個手工麵，個湯底整得唔錯，牛肉味道濃郁，蘿蔔都足料㗎😆牛肉惹味唔韌，湯麵彈牙，蘿蔔無渣。唯獨是有少少油🥺但係如果淨係講求味道同賣相都算好正宗😆👍🏻至於雞米線，雞肉質地嫩滑，米線口感唔錯，同埋小辣做得好好，啱我呢啲又鍾意食辣又唔捱得太辣嘅人🤣🤣佢個上湯豬

係中環附近返工， 放左工就約左位朋友食飯。 最近食咗好多唔健康嘅食物，所以就決定食養生麵。呢一間養生麵好似得兩款，一係雞一係牛。所以我同我朋友一人嗌左一碗雞一碗牛。 嘢飲方面佢全部都係獨立支裝，非常方便，飲唔晒可以拎走。我嗰面係牛肉麵，我揀咗手工麵因為我鍾意食一啲比較有咬口嘅面。上菜嘅時候碗麵好香，唔算好重嘅藥材味， 比較重牛肉味。碗麵仲有幾舊蘿蔔，非常之入味同埋好林，一啲渣都冇。牛肉嘅份量都好多，非常慷慨，以$68一碗麵來講，仲要去中環食真係好抵。至於我朋友嗰碗雞麵，我試咗個湯底，就真係好重藥材味啦。啲雞都係用雞脾🤤 正呀 最後不得不提嘅就係佢哋嘅手工麵，真係好彈牙好好食，好香米味。 計埋嘢飲最後每人埋單80幾蚊，食晚餐來講，有咁健康，可以食多幾次啊

一直都好鍾意食藥膳湯底嘅米線🍜🍜🍜但係香港好似唔多，之前都係食過一兩間今日朋友介紹我嚟到中環呢間馬祖養生湯麵館食米線我揀咗醉雞米線所有藥膳湯底其實係一樣根據返唔同材料on top加返其他調味藥膳湯底味都幾濃郁，但未算好苦食唔落口個人認為都算幾重口味，適合平時都飲到藥材湯嘅人士湯底就咁都見到有龍眼肉、杞子、紅棗等等我揀嘅醉雞酒味唔算好濃，容易接受👍🏻米線口感唔錯，雞肉唔鞋口滿足到我食藥膳湯底嘅癮☺️

要在中環區找便宜又好吃的餐廳不容易啊，這間麵館是新開張沒多久（因為前陣子來這街吃Hungry Korean時還沒見到它）先看餐牌，主打藥膳湯料理，而且定價挺合理的，於是便來嚐嚐。和友人點了藥膳農場醉雞米線、香辣藥膳牛肉湯米線、自家製冷泡桂花烏龍茶及四季春茶各一。藥膳農場醉雞米線這是友人點的，嚐了一下湯頭，好甜好順口，好好喝啊！配米線很夾呢！醉雞的肉質亦十分嫩滑，而且很夠味。香辣藥膳牛肉湯米線本來擔心藥膳湯的味道會較淡，於是點了香辣湯底（有點後悔...）不過加了辣味的湯頭，也很惹味，個人覺得藥膳湯配米線更合適呢(⁎⁍̴̛ᴗ⁍̴̛⁎)真的有驚喜，會再來光顧的。