馬祖台灣養生湯麵館 (和安里)

營業中

休息中

係中環蘭桂坊附近，發現左呢間新開嘅台式米線，好少可係中環地段見有米線，所以就決定去試下。蟲草花藥膳雞米線好多款米線都係配上藥膳湯底，我就揀咗款有埋蟲草花嘅。蟲草花嘅份量好多，爽口得黎帶點甜，另外仲有木耳同杞子。我個碗係有雞腿同雞胸，雞嘅份量都好多好大件，肉質唔算嫩但還好。配上清甜嘅湯底感覺唔錯。藥膳麻油雞米線同行嘅朋友叫咗碗麻油雞米線。呢碗就比較惹味，麻油味好出，幾有台灣嘅味道。除咗米線之外，餐廳雖然選擇唔多，但有幾款小食可以揀，我哋就帶咗三隻雞翼試吓。雞翼比較細隻，但都好入味，如果無埋雪味就更好了。另外我哋仲加咗兩支佢哋自家調製嘅桂花烏龍茶同四季春茶。包裝好用心好靚，仲好細心隔開咗茶包，唔會飲飲下個茶包跌咗出嚟。茶味都好濃好夠，好解渴。米線來講價格唔算平，但中環地段都可以接受，不過餐廳可能新開張，人手唔係好夠，但嘢食係幾好的。