馬德里餐廳

營業中

休息中

百幾蚊既西冷牛排，只係普通既凍肉鋪既牛排，五成熟變左七成，好失望，餐湯都好一般，個酥皮都好油，浸落湯到五會溶，特飲餐牌一半都冇得叫。整體尼講麻麻地，好五抵食，貴得尼質量差，下次五會再去。

無啦啦唔會行經呢度. 通常黎開黃金商場至會黎呢間野食飯. 西九個邊間間餐廳都多人到爆.見到禮拜六12點幾唔使等位就即管試下. 有午餐仲有自由配搭餐. 就每樣一個. 午餐要左個牛扒飯. 牛扒午餐黎講係OK. 不會好似出面茶餐廳或者大咩咩個D咁硬. 個D直情咬唔爛. 最後一塊牛扒咬剩半塊.然後要左個59蚊兩送自由配搭. 我就要左個三文魚同炸蝦天使麵. 好多配菜. 天使麵都係無中伏. 煙三文魚合格. 炸蝦都唔會太過多炸粉. 蝦有蝦味. 兩個湯要左羅宋湯同埋南瓜湯. 都係無出事.咁既價錢. 食咁既午餐. 堅係唔錯. 不過一點過後開始就好多人. 都係快快脆脆埋單走人.

室內環境舒適, 燈光柔和。價錢合理,食物亦達水準級。朋友聚會或情侶拍拖的好地方, 適合各階層的餐廰。另外,極力推薦澳洲羊架。不愛吃羊架的我,也不知不覺地愛上了。

深水埗放午飯想揾個人少少既餐廳係一件困難事，加上今天氣涼涼地食午餐想食個焗飯，路经馬德里餐廳，居然人流稀奇地少人，加上今日星期五精選有芝士焗咖喱汁鷄扒飯，结果咪同太太一齊入去食囉，我就叫咗個焗飯，等咗幾個字就有得食，賣相已经唔錯，鷄扒夠滑，炒飯啖啖都有芝士及青椒味，正！太太就叫咗個牛扒配吉列炸蝦意粉，牛扒都幾嫰口，炸蝦味道就似食蝦多士，質素都算ok，成個餐有湯有餐飲都係平均$56蚊左右，都算係平民化既價錢啦，我唔客氣嘞！

今日5點9與朋友到這餐廳下午茶，共點了兩個茶餐值98元。入座時沒有送上水，也算。到7點9，叫侍應取水2杯，侍應黑口黑面說晚餐時間已到，不肯送上水，更要我們離開!餐廳沒有標明入座有時限，當時沒有人等位，更有一半席位沒有人，此餐廳侍應態度極差，以後不會要光顧!

下午茶嚟講都算幾貴喎！焗三色法包賣相都唔錯！名正言順！有三款不同的既包！有煙三文魚啦～西式化！有 O mega 3！營養十足！有芝士蕃茄焗肉醬～味道最野味！很多蕃茄醬同多肉醬！超一流！有呑拿魚～味道都可以！但畧為失色！法包焗得很脆！總括嚟講，藉得一試！

同朋友到深水埗逛街，周圍搜購平野！行攰了，就揾地方食午餐！深水埗有馬德里餐廳喎！就入咗去啦！！我哋叫咗炸魚柳沙律，同黑椒汁炸蝦牛排配薯角。兩個午餐賣相都吸引！但係價錢在深水埗區算幾貴！所以見餐廳坐位不滿座！個炸魚柳沙律～魚柳炸得金黃色，外脆內軟！配上沙律！清新可口！黑椒汁炸蝦配牛扒同薯角～炸蝦同樣都脆脆金黃色，舖滿麵包用嚟炸！薯角外脆內軟！可惜牛扒多根，肉質嫩滑，加上黑椒汁味味濃濃的！都不錯！

深水埗一直都係搵平食嘅地方，收工就實行過去搵食!見到餐廳做緊promotion, 揀main course 就可以配上自助沙律吧及任食雪糕，岩哂女仔食 可以食沙律減減肥 又可以食雪糕增加脂肪Set dinner揀左焗澳洲羊架配意粉同埋忌廉汁煙三文魚意大利飯澳洲羊架配意粉羊架一D都吾覺得有羶味 味道好鮮 吾似雪藏肉，肉質煮得吾會老 吾韌 好容易咬開 所以女仔係男朋友面前食都無有怕忌廉汁煙三文魚意大利飯本人去親西餐廳都會叫一直意大利飯，今次亦不例外!!!!意大利飯煮得好綿 好creamy，吾會硬 食落係滑身嘅 好入味 平時吾食意大利飯又鍾意食好creamy忌廉汁嘅朋友可以試下煙三文魚吾需要多講 都係一樣味道 無特別餐湯可以自助refill，另外有栗米湯供應而餐湯一D都吾馬虎，足料 味道吾會咸 餐前飲 酸酸地好開胃沙律吧種類亦都好多 車厘茄絕對係我favourite，好甜好新鮮

尋日收工同同事去腦場尋寶，梗係係ssp搵飯食，見門口餐牌幾吸引，一於揀呢間啦！我就叫左個豬手飯，加杯檸檬茶，抱住包無死錯人的心態結果都唔太差吖～豬手炸得好脆口，係邊邊位無可避免有D硬，咬唔開咯。豬手皮脆，肉嫩，真心覺得唔錯，加埋脆皮上面加左D芥辣汁，另佢更香至於個番茄汁撈飯就一般般啦，正正常常番茄汁味道，唔太甜，唔太酸整體我個人覺得唔錯喔！

已經轉左做半自助晚餐，決定一試。先附上餐牌自助沙律吧、雪糕及餐湯區域真係眼闊肚窄，原以為可以食多碟菜，但因為豆類太多，都好飽肚。沙律菜雖然只有3款，但勝在呢3款都多人食，加上配菜同醬汁都唔少，眼見都算受歡迎。味道方面唔錯，菜都爽口，粟米唔甜，值得一讚。但豆類較甜。餐包方面，內裡好鬆軟，如果有得烘熱，相信會更好食。主菜來了---------水牛城芝士和牛漢堡包配薯角 108蚊個包皮脆，個汁同蕃茄帶出酸味，味道中規中舉。以價錢而言都唔會覺得唔抵食。但食落會覺得個漢堡味道唔夠多汁，仔細一睇發現中間真係有少少紅色，所以食落唔會覺得乾。薯角方面，真係無特別。（如果再熱d上枱更好）焗鮮茄芝士豬扒飯 98蚊茄汁夠酸，芝士略嫌唔夠多，豬扒入口都算軟身。以呢個價錢，會覺得唔抵食。食後感轉左做半自助晚餐的確吸引到人黎幫趁，但真係會覺得借呢個轉變黎加價。食物款式比以前係少左，雖然味道還可以但選擇少左，真係食前要停一停（睇餐牌）諗一諗（作選擇）。

不知食什麼就求其走入一間餐廳用膳它有寫每天有什麼餐可以揀魚子珍珠帶子意大利飯：比我想像中多料，珍珠帶子好稔，意大利飯帶小硬的質地幾好味，粒粒米都入味，煮得均勻。但建議趁熱食另外，我亦加了$16轉酥皮湯：加得不值！雖然個皮係焗得不錯，但個湯就。。。。好咸！咸得不能入口！而且好傑好漿，相信下了不少生粉！近看會看見一點點的油在湯面。西冷牛扒配炸墨魚餅：先說好的，墨魚餅炸得好脆身！意粉份量多幾好味。但來到主食：牛扒，實在是可一不可再！！塊牛扒是稔的！下得太多肉鬆粉了，有點似食腐肉的質感！完全沒有咬口！只有筋位較好味！最後，這個價錢在深水埗食會有更多更好的選擇

入到餐廳地方好大...服務員態度都幾好，餐點好了等左一陣就上菜叫左個雞pizza，簿簿既餅底，雞肉夾左青椒、芝士煙肉等，香口又有芝士味驚喜既系：燒羊架配著條羊架好軟又入味，一點都吾會「so」，上面有爆香左既香「算」抄過，味道更香口配左薯條同沙律做伴菜，食落更吾會油膩咖哩牛腩農夫包，樣貌睇落吾吸引，出乎意地好食....鬆軟既面包要夾咖啡汁才會令味道同口感出曬黎牛腩好入味又夠軟🙈加上青紅椒同菠蘿失望既系呢道煎三文魚，配上黑椒汁，佢睇落煎到好吸引，但食一口會有魚腥味，只系試左一口就冇人再食了意粉系麻麻，配左黑椒汁都系成碟食物冇人掂佢咁濟呢隻大大隻豬手一上碟份量十足，仲要配勁大份白飯用刀一切，不用怎用力就切到一份份，證明佢系煮左好耐，講真：真系好軟，佢好入味，跟本不需再配任何醬汁軟軟又香值得一試!

我本人比較好靜, 繁重的街道使我滿身不自在, 所以 " 深水埗 " 基本上是一個我少踏足的區域 ~ 很然而, 今天接到一位友人的來電相約一起到這間餐廳吃晚餐 .... 心中在忐忑暗想, 深水埗的食肆之多有如恒河沙數! 何解這位友人偏要 "瞄準" 這間餐廳呢 .... 香草燒春雞配忌廉汁煙肉碎天使麵 雞皮烤得香脆入味, 而且香草味濃郁, 雞肉是煮得過火 ~ 至於忌廉汁煙肉碎天使麵, 濃濃的忌廉汁卻也非常奶滑, 輕輕的掛著意粉, 可惜意粉偏腍 ~凍咖啡 點了凍咖啡作為餐飲, 冰粒下得重手了, 但咖啡的濃度以及酸度算是適中 ~本篇完 ~

晚上20:00深水步隨行隨吃。在門等咗十分鐘入座，又系無用飲要叫先有，這店只糸侍應不足，食物就OK嘅。叫咗一份西冷五成，嗰計味道不太重OK嘅，但西泠肉汁欠奉，薯菜很香口。叫咗一客石頭飯，如不想太多飯消焦；在進食前要等到無嗰石頭窩乜呅吱聲之後就可以食，味道不太重OK嘅。兩份餐仲有餐湯有茶跟。

好耐無食過馬德里 , 諗住再試下, 唔駛等就搵到位.叫左個黑椒牛肉炒公仔麵, 份量細  , 不過都唔係最大問題, 好食就得啦.點知 ... 咸到九彩, 咸到係無飲品, 絕對食唔落 ... 但飲品又遲遲未上, 追左二次先上飲品 ... 短期內唔敢再去了