馬德里餐廳

營業中

休息中

去完深水埗黃金商場買完電腦野之後行下行下見到有間馬德里餐廳，見到有扒食woo價錢又幾抵食所以就入左去了選擇左自選扒餐！！自己的扒自己簡我就叫左肉眼牛扒拼出面比較少見到既香炸墨魚餅，個餐有埋西湯and+3有野飲添個紅湯羅宋湯幾入味足料！！有紅蘿蔔在內幾甜的！個餐包牛角包用得幾有heart鬆軟綿綿，送餐湯一流呢餐飲叫左紅豆冰，沖得唔會好甜剛剛好！！紅豆粒粒分明我既肉眼扒到左了大過我隻手掌！！輕輕已經切得開！！好軟綿肉質幾爽彈~炸墨魚餅好特別~內層夾住d墨魚粒~口感一流吸埋d黑椒汁更惹味。

今日陪男朋友去深水埗買野順便食埋晚餐先番屋企，行咗幾間餐廳最後決定食馬徳里睇餐牌見到野食種類都多e.g.牛排，炒粉麵飯，咖哩，叻沙餐廳環境都唔錯，座位都算寬敞，晚飯時間都要等位，不過都唔洗等太耐...我地叫咗兩個餐，價錢都好平民化，質素亦唔差芝士焗波士頓龍蝦伴肉眼牛扒配薯菜 $148牛排肉質軟林，加上黑椒汁味道唔錯，都出到我地叫既七成熟龍蝦肉都爽甜吉列珍寶蝦配黑松露意大利飯 $98吉列蝦炸得啱啱好，炸粉唔多，蝦就新鮮，爽口黑松露飯味道濃郁，份量滿足蜜椒雞中翼 +$28蜜糖+黑胡椒既組合，味道又唔錯wo味道唔會太甜，又有胡椒香，啱曬我

講起食西餐, 好多人都會諗FINE DINE但我覺得作為香港人, 最岩既都係LOCAL D既地道港式西餐廳一黎食既野會岩我地口味多D二黎食得都唔洗咁拘謹 今次食既呢間叫馬德里餐廳野食既種類都真係不少由鐵板到炒粉炒麵炒飯都有齊哂估唔到仲有新式既芝士撈丁岩哂我呢D唔知食乜既人入去慢慢揀 今次我嗌左有雞翼芝士撈丁等左大約15分鐘先有原來係因為雞翼現炸!!食到我辣親個咀咁而個撈丁D芝士超級多!!完全足夠撈勻成個麵!!而味道都係好到加零一又夠味又夠熱(撈丁凍左好難食)而且D雞翼炸到勁香脆!! 而我朋友就叫左個鐵板餐都幾抵食 唔洗120蚊就埋到單我見塊扒有成隻手掌咁大真係值回票價!!個餐仲要包埋有一塊扒, 一份小食, 配飯我食左啖都覺得係水準之上, 咁既價錢真係相當唔錯

好想買部swxxch打，就約埋細佬收工去黃金架下價。但個價錢都唔係好啱心水，心情難免有少少低落。就決定喺附近搵間坐得舒服少少嘅食餐好啲補數。行吓行吓就發現呢間餐廳裝修都唔錯，一於入去食餐好。同細佬一人一個波士頓龍蝦餐，佢嗰個就配意大利海鮮飯，我就配五成熟嘅牛扒。另外仲叫咗個蜜糖燒雞翼同芝士焗西蘭花。侍應首先拎黎既係熱辣辣嘅牛角包！充滿牛油香味，鬆化又夠脆。好少餐廳唔係比餐包而係牛角包！驚喜！餐湯有紅白兩款經典選擇，我哋各叫咗一碗。羅宋湯材料豐富。白湯係粟米蘑菇湯，細佬話係估唔到咁濃味。之後我嘅牛扒龍蝦餐先上。肉眼扒好大件，我一個女仔淨係食扒都夠飽！好在我細佬夠高大，我可以分一半俾佢冇問題唔浪費。而且真係五成熟，唔錯。波士頓龍蝦隻鉗好大隻呀！而且好細心已經將個殼打裂咗，輕而易舉就將原隻龍蝦肉拆出來！鮮甜又彈牙，細佬話味道好似蟹咁鮮甜。另外配菜嘅薯角都炸得好脆。細佬嘅海鮮意大利飯相當大份！原來驚喜係龍蝦下面海鮮相當足料，青口，魷魚，蝦，蟹棒！意大利飯煮得剛剛好，有咬口又入味！西蘭花芝士醬豐富蜜糖雞翼燒得外脆內juicy。餐飲我哋諗唔到叫乜嘢侍應就推介左紅豆冰同柚子茶。紅豆冰嘅紅豆大大粒又唔

很久沒吃過茶餐廳。據聞馬德里餐廳換了餐牌，於是來試試。羅宋湯湯很濃，質地很厚，味道濃郁，很帶點惹味的辣，內有不少蔬菜，但實在太油。同事說以茶餐廳來說，忌廉湯算是不錯。薏米水／紅豆冰我的薏米水少少甜，頗多薏米，不俗。蟹捧蘋果凱撒沙律普通沙律醬，不是凱撒沙律醬，只是加了少許麵包粒。除了蟹捧，沙律內有車厘茄、菠蘿、提子乾、蘋果，都幾多料，但份量不大，作為一個午餐來說，絕對不夠飽。自選鐵板餐同事的牛扒、日式炸蝦配意粉。牛扒很大塊，中間尚有點紅，看起來都可以。鐵板曾經是小時候的至愛，每次去扒王之王必點鐵板。準備好餐巾擋油，店員便把醬汁倒上去，鐵板嗞嗞作響，醬汁四濺，逗得我們很高興。已經很久沒有吃過鐵板了。似乎大家都想回憶童年滋味。這份豬扒、香炸墨魚餅配薯菜。兩大塊豬扒，份量都幾誇張。墨魚餅沒甚味道。豬扒不嚡不韌，反而不錯。自選焗飯先選醬汁，選肉類，配意粉、天使麵或蛋炒飯。這就是我的意式茄茸汁龍脷柳蛋炒飯。鮮紅的茄醬上鋪了一層芝士，焗至微焦，賣相不俗。龍脷柳不錯，沒有雪藏味，厚身，肉滑，少少實，不會散開。還記得Green Door Coffee又硬又薄又乾的龍脷柳，直至現在還留有陰影。飯炒得乾身，

我就好鐘意去D港式西餐廳食飯點解? 因為又多選擇, 價錢又唔貴, 而且岩我地香港人既口味 今次我食呢間係位於深水埗黃金附近既港式西餐廳MENU上既食物真係包羅萬有, 講得出咩都有 呢度除左有一般西餐廳有既扒餐之外, 我覺得最特別就係佢可以自己配唔同既材料整一個自己想食既餐 我就嗌左焗咖哩雞扒蛋包飯, 夠哂特別呀呢, 出面D餐廳都未必會有呢個配搭比人嗌, 但呢度就可以 好有約等左15分鐘, 一碟熱辣辣既焗咖哩雞扒蛋包飯就送左上來LU我覺得最特別係佢個飯底係蛋包飯底(自選), 估唔到出奇咁好食 我將佢地全部撈埋一齊食, 雞扒就大大塊, 而飯既份量都好多, 我作為一個男人都差D食唔哂(因為我加左杯凍奶茶)而友人就嗌左一個德國咸豬手飯拳頭咁大個豬手, 食到友人LUM LUM脷, 因為入味之餘好淋滑, 一咬D肉就甩出黎, 食得勁輕鬆 凍飲都只係加3蚊, 埋單81加1, 係晚市黎講已經算係平如果2個都係女仔, 可以建議佢地嗌多個小食SHARE就已經夠哂因為個份量真係好多!!!

岩岩去完深水埗度行街行到肚都餓埋就見到呢間餐廳門口有張poster係寫住鐵板餐價錢抵食之餘仲要係鐵板!! 必試 呢度既鐵板餐係超級FREE，咩汁咩肉配飯定意粉都可以任揀只係108蚊就可以有一個扒再加一樣小吃，再配有白飯/意粉/薯條/沙律 我選左既係肉眼+香炸墨魚餅+白飯+蒜蓉汁未埋到台就已經聽到鐵板既聲音見到上面D肉跳動就食指大動!!! 牛扒最新鮮既食法始終都係要鐵板先好味, 又KEEP到鮮味, 又KEEP到熱 塊扒有成隻手掌咁大, 都知係超足料, 有排食但因為係鐵板上面, 所以KEEP到食到最後都係未變凍 黃色個就係個炸墨魚餅, 入面都幾足料, 外面係炸到脆卜卜, 點埋D汁食真係一流!! 總結黎講真係超級抵食同大份, 男仔都未必食得哂!! 

今天放工，老公打電話給我，要我陪他去深水埗黃金電腦商場買電腦零件，屋企部電腦又壞了，好在老公識維修，行左成個鐘先買齊，肚餓極了，深水步區出名多食店，一於食埋晚餐先回家，行出電腦商場附近，有一間好搶眼的食店，大大個招牌寫著：馬德里餐廳，門面大又光猛，像是間高級餐廳，於是我們就入去試一試！餐廳地方雅潔，座位寬敞舒適！多款套餐中，我們都喜歡有龍蝦的套餐！我們要了：芝士焗波士頓龍蝦伴香煎雞扒配薯菜，芝士焗波士頓龍蝦配意式鮮茄海鮮意大利飯。首先上枱的是餐湯：羅宋湯和餐包，羅宋湯味酸酸甜甜，好醒胃。餐包鬆軟，好香牛油味！餐飲：凍咖啡和凍檸檬茶（凍飲加3元）芝士焗波士頓龍蝦配意式鮮茄海鮮意大利飯：龍蝦肉鮮甜彈牙，加上芝士惹味，味道超正！海鮮有墨魚仔、青口、蝦、蟹棒等，海鮮都很新鮮爽口，配鮮茄汁和意大利飯，十分美味可口！芝士焗波士頓龍蝦伴香煎雞扒配薯菜：龍蝦和芝士真的非常夾，焗至金黃色，真是色香味俱全，又鮮甜又惹味。雞扒醃過後再煎至金黃色，配黑椒汁更好味，雞肉嫩滑又入味，薯角炸得很脆，加上椒鹽，令人食不停口，美味極了！套餐加28元可以有椒鹽雞亦4隻，雞亦入味，加左椒鹽、黑椒、蜜糖，味道甜甜的，很好味！

呢晚同好耐冇見既朋友嚟深水埗揾食，一向覺得深水埗冇乜高質西餐，見到呢間餐廳環境唔錯，西餐價錢又平民化，一於試下！被安排坐卡位，空間同私隱度都足，吹成晚水都冇有怕！叫左set再加芝士西蘭花，set會附送湯同飲品。忌廉湯好滑溜，稀杰度適中，唔會好膩。羅宋湯就清新啲，微辣刺激味蕾，加埋番茄酸甜，好開胃。芝士西蘭花焗得夠稔，芝士香口惹味，咸香十足，配上淡口既西蘭花就剛好！我叫既餐系芝士焗波士頓龍蝦配肉眼牛扒。龍蝦肉唔多，亦韌左少少，但芝士味好香，肉眼扒就幾令我驚喜，烤得粉嫩，帶點脂肪，食落稔滑有肉香，唔錯。朋友要左吉列珍寶蝦拼卡邦尼蟹肉意粉。佢話蝦炸得夠脆，裏面彈牙。意粉我試左少許。忌廉味香濃，可惜意粉質感偏稔。跟餐既紅豆冰用奶加紅豆而成，冇椰汁成分，啱哂唔太鍾意椰汁既我，而且唔太甜，紅豆又夠稔，好飲！呢度環境食物都唔錯，系深水埗既西餐之選！

今日和太太往馬德里餐廳食晚餐, 我點了波士頓龍蝦伴香煎雞扒飯配燒汁套餐(連西湯, 餐包和凍奶茶), 芝士焗西蘭花和蜜糖燒雞翼。波士頓龍蝦伴香煎雞扒飯波士頓蝦好彈牙大大隻, 咬落新鮮, 食落鮮甜；雞扒煎得香脆, 咬落鮮嫩, 配上燒汁令口感更加豐富, 美味十足(西湯味道香滑, 餐包熱辣辣,咬落鬆脆和凍奶茶茶味香濃, 好滑!), 整個套餐份量十足, 好美味；芝士焗西蘭花芝士汁好香濃, 西蘭花新鮮爽脆, 食落去口感香脆而不覺油膩；蜜糖燒雞翼雞翼燒得好香脆, 雞翼肉汁嫩滑, 蜜糖好惹味。餐廳食物美味, 座位舒適, 波士頓龍蝦伴香煎雞扒飯配燒汁套餐份量十足, 食落美味, 值得一食

今日去左深水埗條食街即係褔榮街覓食,咁已經係夜晚9點45分,但見呢間門口有menu提供,發現左有我最愛的豬手😍一入到去比平時西餐光亮同埋啲位唔會逼,又多卡位啲服務員都超nice 笑容又好,同埋仲逐一介紹菜式,咁就點左呢間主打既德國咸豬手同咖啡雞扒飯。咸豬手同龍蝦伴肉眼牛扒都係跟餐既,所以提供埋餐包同湯飲,咁我就叫左個羅宋湯係勁好飲料足仲要有結身得黎又唔會太咸仲有個餐包係好鬆軟又陪熱辣辣已經秒清。去到主菜個豬手啲皮係脆,入面啲肉係軟同埋夠滑身,食落去一啲都唔覺得油膩同打渣,對於我呢個豬手迷真心10個like,仲有個意粉我平時好怕食軟林林果啲,點知意外地個意粉夠晒爽消滑個份量又夠大,最後我中意食燒汁我朋友中意黑椒,個服務員比埋两種汁我地,認真貼心。個咖哩雞飯辣度適中同埋啲汁夠野味,同埋雞肉係入味得黎又夠滑,仲有埋菠蘿,食落去好開胃,两個人嗌左4個餸都唔會覺得制,因為超好食。由於我同我朋友都唔中意食太熟既肉,中意比較滑身同鮮啲既肉,所以龍蝦肉眼扒我地叫左6成熟,唔太熟得黎又唔會血腥,啲肉係好滑,到我地食龍蝦服務員仲主動拎蟹拑比我地,個龍蝦好鮮同埋個有一陣芝士,芝士本來就是我的菜大愛😍食下食下

今天約了呀Will 大談公事，我知道男士一般都比較喜歡吃Steak, 一於帶他到深水埗附近的馬德里餐廳吃過痛快，也十分感激他為我們公司工作，能夠請到一位聰明的男士工作，也太不容易吧!馬德里是一間親民大眾化的西餐廳，我們各叫了兩客扒餐!首先的羅宋湯酸酸甜甜，而且有很多雜菜和紅蘿白，感覺真不錯!我們等了才十分鍾，芝士焗芝士龍蝦牛扒配薯菜熱辣辣，牛扒七成熟，烤得很入味，而牛扒厚薄適中，而且龍蝦舖上濃濃的芝士，令人停不了口，真的回味無窮! Will 的雞扒又香又滑，伴上厚切薯條，他也吃光光了!一邊喝着心愛的凍檸樂，一邊談公事，感覺真不錯!  Life is need to work and have fun, play hard and work hard, I need to earn more money for travel again on this year ! 

深水埗 lunch 鋸扒跟餐羅宋湯番茄味好濃，我鍾意～跟餐西蘭花湯 相比羅宋湯淡d西冷扒 + 炸蟹鉗 + 炸薯角 + 黑椒汁 $88份量都幾夠，大大塊，肉質夠爽配菜有迷你紅蘿蔔同西蘭花肉眼扒 + 珍寶腸 + 炸薯角 + 燒汁 $88份量都一樣好夠，肉質比西冷更嫩。要三成熟，冇過熟煙三文魚蘋果雜菜凱撒沙律 $52有好多菠蘿同雜菜，蘋果剛剛好消除牛扒油膩感少見的薏米水 唔太甜，女士們想去水腫就啱晒～齋咖啡，可能冰太多，有d淡以深水埗咁人逼人ge地方，呢度算坐得舒服

經朋友介紹去試這間西餐廳，好耐冇食到咁有水準嘅西餐，價錢仲平民化添！首先入到去環境乾淨舒適，座位也不會擠迫，光線柔和！趁其他朋友未到叫左個蜜糖雞亦嘅小食，估唔到咁簡單嘅食材會有超級驚喜，皮焗得香脆充滿蜜味，真係超！超！超好味呀！好快消滅了，再叫了一碟😂然後再試左豬手外脆內軟，羊架勁好味肉質嫩滑，三文魚沙律就一般些，三文魚扒大件又香脆，鵝肝迷一定要選鵝肝意大利反喇，仲有好多選擇....下次要再試埋其他先😋黎呢度一定要試蜜糖雞亦呀！是日一行六人晚餐🤗

有人說深水涉是龍蛇混雜的地方，假如此話成立，那麼，我今天就決定要深入虎穴覓食。出乎意料，沒有失望，薄餅很脆很香，滋味無窮，採用新鮮的菠蘿，更加清甜可口，加上其他食材，令食品層次豐富多彩。令人回味。鐵板可以保持溫度，食得更加滋味。八成熟的牛扒卻不韌，肉質仍然保留應有的滑度，肉汁豐富，醬汁入味。另外，薯菜肉質豐厚，炸得顏色金黃酥脆，鬆軟香口。面包非常松軟，香口得很。湯和沙律是跟餐任食的。非常適合食量大的朋友。