馬德里餐廳

營業中

休息中

今日2017年9月15日。。。我同男友剛剛睇餐牌。。有個四眼男待應己經吹住晒。。又無禮貌。。講野又呼喝...其實我地都係消費者。。只係簡單開心...食過早餐.....有必要當客人係仇人嗎？定睇唔起客人..既然係咁....就咪打工la!返屋企坐la!

話說我果日去呢間野 咁呢巳經要係出面要我等位 等3張2人枱 跟住見到入面其實好多位 唔知點解要我等跟住有個阿姐落單 我同佢講 跟住佢叫我講慢d 仲要佢係唔識寫字真係寫到好慢好慢 跟住落單又聽錯 咁我叫一杯熱檸水一杯凍檸茶 佢黎左杯熱鴛鴦比我 咁我叫佢換 跟住黎左杯凍奶茶 之後另一個同事拎住豬扒意粉 同我講：“應該唔係你地？” 我叫左常餐-五香肉丁公仔面

咁岩去到深水埗就打算搵間平平地又有肉食既餐廳食個癲那。咁岩又見到呢間野賣肉唔貴又有位。就入左去叫左兩份鐵板扒餐食。六點零鐘去到，其實果時又真係冇乜人。兩個set，一個叫紅湯，一個叫忌廉湯，其實味道都OK，就係香港人食開既扒房味。先講個餐Bell，牛角bell，幾好食，酥軟既。但係個忌廉湯就有D咸，麻麻地。講到主角既肉呢，我地就分別叫左7成既西冷同5成既肉眼。但係好得易既係個餐到既時候，塊肉眼扒係熟晒既。其實都預左架喇，因為味道都幾好就原諒佢啦。性價比係高既，店內環境都唔錯，用百零蚊食到既扒餐黎講真係幾抵玩。

今晚同老公去黃金商場睇手提電腦，行完自然周圍搵野食，竟然見到一間裝修唔錯嘅西餐廳，當然要入去試下。。。。首先叫左份“蟹棒肉蘋果雜菜凱撒沙律”賣相真係100分，雖然蟹棒算係普普通通，但沙律菜非常爽脆， 蘋果菠蘿又新鮮，加埋啲煙肉碎同多士粒。。多重口感，份量好大，以$78一份沙律，超值！我地每人叫左一個餐，跟餐包+餐湯+餐飲餐包竟然係牛角包，都算鬆脆！餐湯我地都係揀左羅宋湯，湯裏面都有好多雜菜我就叫左份“芝士焗波士頓龍蝦伴肉眼牛扒配薯菜”個龍蝦真係不得了，好多膏！反而個牛扒就普通啲，無咩肉味，而個薯角就炸得好脆！而老公就叫左份“蜜燒德國咸豬手配意粉”咸豬手個皮好脆，可惜喺咸豬手嘅邊邊位有啲乾，變相咬落去好硬，不過都係小部分嘅位置！凍飲亦都夠大杯總結：雖然食物味道算中等，但份量夠哂大（我地都食唔哂），價錢都好大眾化！服務態度無得彈！

餐廳部置還好, 普通西式.入面最爽口同值得食我覺得係牛扒,牛扒肉質好軟同爽口, 價錢先一百蚊左右,實在平. 牛扒份量都大件. 我同FD有D想叫多一件,但廢事食唔晒.食扒會送湯同包, 湯幾特別,好似會日日有D唔同.意大利飯很香, 主要係黑松露,和飯夠濕所以好食.份量正常, 三文魚算新鮮,所以都無問題.賣單都係200蚊左右, 性價比認真高.野飲反而普通d,我覺得, 如果有更多特飲飲會更好!~整體服務算ok, 主要係性價比高~!

位於深水埗的馬德里餐廳，是一間多國菜餐廳。今日相約好友姐姐去酒店吃雪糕前，獨自來到深水埗吃午飯。很久沒有在茶餐廳吃過牛扒，心血來潮便點選一份吧扒類套餐，包括: 湯，主菜，配菜，主食，飲品。先呈上的羅宋湯，濃稠適中，微酸醒胃，味道不錯，只是略油。肉眼牛扒$88肉眼牛扒可自選生熟程度，七成熟的牛扒煎至剛剛好，牛扒肉質腍嫩，脂肪豐盈，油香充足。配以自選配菜日式炸蟹鉗，一客共兩隻，香脆可囗。時日較肚餓，幸好米飯大碗飽肚，香米幼身乾爽，自行淋上大量黑椒汁更為美味。

今晚又黎到深水埗呢個平民美食天堂覓食。今晚試呢間性價比高嘅西餐廳。我地7點半左右到餐廳，個時已經有好多食客用緊餐，因為餐廳夠大夠多位，所以我地都好輕易搵到位，仲要係卡位，夠曬寛敞舒服。Menu選擇非常多，有港式茶記野食、有西餐、有東南亞美食，有選擇困難症嘅我地真係揀左好耐。跟餐有香軟酥脆牛角包加青豆忌廉湯，唔錯👍🏻男友揀左芝士焗波士頓龍蝦伴肉眼牛扒配薯條$148。呢個餐絕對係超值！$148有半邊龍蝦同牛扒！龍蝦雖然唔係游水新鮮個啲，但勝在都夠大隻同多肉，仲有好多膏添！肉眼五成熟，煎得唔錯，表面少少焦邊，入面都幾嫩，配上肉汁，雖然牛味略欠奉，但味道合格有餘！跟餐加$28有蜜糖燒雞翼。雞翼又係大大隻，皮表燒得香脆，咬落去入面熱辣辣又爆汁，有少許黑椒同蒜粒，加上甜甜地嘅蜜糖，非常惹味！我叫左碗雞扒喇沙湯金邊粉$68。湯底夠香濃，好重椰香味，偏甜，但嫌唔夠辣。雞扒煎得金香，肉唔靱，金邊粉軟硬剛好，幾彈牙同掛湯，整體不錯👍。呢餐性價比夠高，會再黎！

去深水涉買完電子產品，見到門面光鮮有間西餐廳鋸扒，呢間馬德里餐廳，見到餐牌多選擇入去試吓先！ 叫左個芝士焗波士頓龍蝦伴肉眼牛扒配薯菜 ，咁多野集於一身都係$148，超值，牛扒叫了五成熟。先上餐包，係熱辣辣嘅牛角包！好鬆脆。餐湯有紅白兩款選擇，我同朋友都叫了羅宋湯，有多件紅蘿蔔，西芹豐富材料，味道唔會太濃。天氣太熱，隨即叫了咸檸樂解暑。一大碟，份量十足，另外配菜有多件薯角,炸得好脆。波士頓龍蝦被芝士蓋滿，肉質爽口彈牙, 還有龍蝦鉗好大隻,鮮甜。肉眼牛扒好大塊，肉質夠腍唔多筋，配了燒汁。朋友叫了自選鐵板餐用鐵板上, 西冷牛扒配炸蟹鉗。牛扒都係咁大塊, 厚身，叫了五成熟。將黑椒汁淋上去, 熱燙燙的, 蟹鉗有兩隻, 夠脆, 唔會太油。加了一個小食, 蜜糖雞翼, 燒得香口, 外面少少脆, 好有蜜糖香, 肉質滑嫩。朋友叫飲品, 累了的冰凍薏米水, 唔算太甜，有多粒薏米，清解鐵板之熱氣。每個餐都係百多元, 抵食呀!

今晚同細佬去黃金商場睇電腦野，之後肚餓搵飯食，就黎到馬德里食dinner！我地一人叫左一個餐，有湯同餐包送～餐包有點硬，而羅宋湯味道唔錯，幾好飲！ 之後佢點果個龍蝦伴肉眼扒配薯菜黎先～龍蝦份量勁大，肉質爽口彈牙，而且啖啖肉；肉眼扒 7 成熟，即使配上黑椒汁，都食出牛肉既鮮味，好驚喜！$168 係勁抵！ 而我就唔想咁多肉，所以點左個炸雞脾撈芝士麵$56～炸雞脾都好大隻，皮脆肉嫩，而芝士麵值得一讚，初初諗住會好肥膩，食落又唔覺wor，碗入面仲有好多生菜！ 最後再加$28 食個芝士西蘭花，翠綠爽口～ 再一人一杯意米水～清熱解渴！

​ 與朋友傾心事，選擇了一間比較輕鬆的西餐廳， 裏面的店員都是年輕和中年的都有。感覺非常親切。 最後每人選擇了一款主菜，已經包括了湯和麵包。 羅宋湯味道比較濃郁，而且裏面也有很多蔬菜分量十足。 之後也有包點，可以和湯一起吃，還有點熱力實在難得。 芝士焗波士頓龍蝦伴肉眼牛扒配薯菜＄148 波士頓龍蝦size正合意，有芝士味更加香濃，有點像在吃龍蝦伊面。 口感彈牙之餘也吃得出是幾新鮮的。 牛扒就是茶餐廳牛扒的質素，不過分量大大件， 起碼會吃得很飽，薯菜也是大堆頭。 澳洲羊架伴辣肉腸番茄莎莎醬配意粉＄128 羊架的蘇味並不算太濃郁，無論是口感還是味道都很合宜。 那個番茄醬配搭意粉就最好味， 意粉還有應有的彈性，實在令人吃得很飽而且很滿足。 特色飲品需要另外收費幾元，也算合理。 最值得讚賞是店員的服務態度非常好！

嗰日行去深水埗買啲電腦野，行完之後就求其搵咗一間餐廳食嘢，又幾好食喎，所以黎share下。就係黃金附近嘅馬德里餐廳，諗住普普通通食個茶餐廳咁走，咦原來裏面有好多西餐食，包括啲漢堡啊同埋鐵板餐咁。一黎上左個餐湯先，餐包竟然唔係平時普通見到嘅小餐包，而係牛角包，食落仲幾鬆軟添。煙三文魚沙律＄68三文魚嘅份量都算幾多，而且啲沙律菜仲好新鮮添，一啲都唔似說過，估唔到喺深水埗嘅一間餐廳入面都可以食到咁新鮮嘅沙律。肉眼扒鐵板餐＄108個配搭幾抵食，可以選擇唔同嘅扒，另外再選擇一款小食，可以配飯意粉或者薯菜，唔係好肚餓所以就揀咗水彩，一上枱見到塊扒都好大塊下喎，細食嘅女仔可能可以兩個人share 1份都得，想食七成就真係想七成，唔會話過熟，有牛味之餘亦都好容易咬開，鐵板做可以保暖好耐添。德國鹹豬手＄128＄128食到鹹豬手，我以為會好細件啦，點知上枱又一啲都唔曬喎，同出面鋪頭要食二百幾＄300嘅一樣size，個皮整得好脆，仲有少少蜜糖嘅香味添，入口甜甜地，裏面啲豬肉一啲都唔老，入口好嫩滑，又唔會過鹹。食咗超抵食有二想不到嘅西餐，買單＄350都唔使，呢度嘅德國鹹豬手真係超抵食。

兩公婆去黃金商場買野順便食埋晚飯 就係附近見到呢間馬德里餐廳 老公話呢間有鐵板餐食架 所以就入去食晚飯 女侍應帶入坐竟然有卡位添 比壞舊扒房較新 Menu多選擇廚師推介 芝士焗波士頓龍蝦伴肉眼牛扒配薯菜 $148雖然唔係鐵板 但都熱辣辣地送上枱 嘩 賣相好吸引 味道亦好好味 龍蝦有半隻滿滿芝士鋪滿食落新鮮 肉質爽 肉眼牛扒亦大大塊 咬多兩咬出晒牛味 鐵板餐 Step 1 先選主菜 Step 2 自選小食 Step 3 自選配菜Step 4 自選醬汁 香煎豬扒跟吉列大蝦配薯菜蒜蓉汁 $98 還有餐湯同牛角包喎 超級抵食夾大件 份量夠睇頭 豬扒亦醃得入味 配蒜蓉汁都夾到 鐵板夠熱 當汁倒落鐵板發出喳喳聲兼香味撲鼻 記得用手巾擋一擋 醬汁都幾彈下架 隻吉列炸蝦亦Jumbo size 外脆蝦肉爽 薯角亦好香脆 好飽好滿足 西蘭花忌廉湯 香滑忌廉湯兼帶點西蘭花蓉同煙肉碎 跟牛角包 暖暖地架 鬆軟 用牛角包點湯都好味喎 追加$28 有四隻蜜椒雞翼 甜甜蜜汁同少許微辣椒味 幾出色 令雞翼外皮其脆 正呀 餐飲+$8 可轉凍檸樂 同鹹檸七 (罐裝+冰底) 無得輸 十級滿足 下次帶媽媽黎食先

深水埗周圍都係餐廳，要搵一間適合家庭式嘅莫過於馬德里餐廳。佢哋嘅感覺比我係好溫馨嘅一個大家庭，做嘢快手，而且食物都幾多花款同好味。佢嘅環境舒舒服服用咗木嘅色調同埋少少綠色嘅傢俬去做襯托，喺呢度食嘢嘅人都面帶笑容而且傾計傾得好開心。好快店員就餐牌俾咗我哋，我哋選擇咗兩個餐同埋嘢飲，每個都大概百零蚊就有晒餐湯主菜麵包同嘢飲都幾抵。羊架伴辣肉腸，我哋配上了薯菜另外羊假好大件而且唔會太so,另外稍作左調味同埋葉制所以都幾入味， 而且又唔會冇咗羊嘅味道，另外配埋辣肉腸你食好有外國餐廳嘅感覺。我哋配上左薯菜，都係啱啱炸出嚟，家庭式餐廳來講都做得唔錯。另外我哋叫咗龍蝦半香煎雞扒配薯菜，一上枱龍蝦都真係幾大隻下而且價錢唔係好貴＄100到就已經食到、旁邊總會有香煎雞扒。 你一個餐實在超抵，有龍蝦又有雞扒仲會有薯菜伴碟，佢嘅龍蝦用芝士焗過啖啖肉之餘又可以食到芝士嘅香味。另外跟餐仲會有嘢飲同埋餐湯，我哋仲有一個pizza薄餅， 芝士落得啱啱好唔會太油膩，而且啱啱焗出嚟嘅嘢又新鮮又好味。上面會有菠蘿同埋火腿都幾夾嘅味道，比起大型連鎖店來講係呢度嘅Pizza啱啱整出嚟而且厚度啱啱好。呢度適合一家大細嚟食飯而且啱

深水埗係我平日收工後其中一個搵食天堂, 今晚約埋老公去黃金商場後, 諗住平平地搵間茶餐廳食飯, 經話馬德里餐廳老公就話係荔枝角番工LUNCH 食過都OK, 就決定入去試下雖然呢到係有得食西式既茶餐廳, 但都坐得幾舒服, 聽到後面枱食鐵板餐既喳喳聲, 就算起哂煙, 都影響唔到我地, 空氣都幾流通本來入黎係想食焗飯, 睇左餐牌之後都改變主意老公想食鐵板, 佢話因為鐵板餐係佢既童年回憶自選鐵板餐牌指示清楚, 首先主菜配菜各一款, 再揀飯麵或薯菜等, 再揀醬汁,老公揀左雞扒墨魚餅意粉配黑椒汁而我想食龍蝦, 因為見到隔離枱既龍蝦似乎幾正, 最後要龍蝦配海鮮意大利飯兩個餐都包埋麵包, 餐湯, 飲品餐包係牛角包, 雖然味道一般, 但好過餐包仔, 仲幾大個, 而且出面茶記好少會俾牛角包羅宋湯好足料, 味道辣辣地, 唔錯, 忌廉湯好濃郁, 但味道偏咸鐵板餐好快黎到, 我以為意粉會同主菜放埋一齊, 但原來係另上, 份量仲好多, 仲放左D香草係面侍應手腳超快, 即刻淋黑椒汁落去, 真係想影張相都影唔到, 但我跟住叫侍應淋D 汁落意粉到, 但侍應聽錯左, 以為叫佢落多D汁落鐵板到, 結果黑椒汁多到漏到瀉, 侍

其實好少經過深水埗嗰邊，因為行到好攰所以入咗呢一間餐廳食飯。 叫咗一個蟹棒肉蘋果雜菜凱撒沙律，一個澳洲羊架伴辣肉醬番茄沙沙醬配意粉，仲有芝士焗波士頓龍蝦伴香煎雞扒配薯菜。我幾欣賞佢哋餐牌上面每一個名字都比較長，價錢好大眾化，都有唔同嘅嘢食，係港式嘅味道。個沙律就不過不失，好似平時屋企食嘅，生果切得比較大粒，但嗰醬係唔錯。至於食扒餐，呢個價錢其實都幾易接受，因為真係好大份量！羊架應該係有芝士焗過，不過冇乜羊味羶味，反而意粉加左個番茄醬之後幾好食！至於龍蝦同雞扒薯菜，龍蝦就唔算太新鮮，不過都幾多肉，而雞扒一向係我最愛，無羶味，大大塊，算係咁啦！野飲叫咗杯薏米水， 好大杯好多薏米係底，夏天飲岩哂！美白去腫不過下次幾想試吓佢啲香濃芝士撈麵！