馬德里餐廳

營業中

休息中

去完黃金商場買野，順路食個便飯，同朋友到了馬德里餐廳，因為企門口位侍應妹妹好熱情咁推介。餐廳門口細細原來入面都幾大，坐了門口位的卡座，好濶落呢，枱上用具亦很乾淨，感覺不錯。店員先送上水及餐牌，餐牌選擇甚多，左揀右揀還是點dinner set吧，唔想諗太多。跟餐的餐湯同餐包，選了一個羅宋湯一個忌廉湯。羅宋湯茄味十足，酸酸的很開胃。朋友的忌廉湯味道偏淡，而且不夠熱。餐包是牛角包，有點意外呢，好大個牛角包，鬆軟又牛油味十足，好味！加拿大黑毛豬柳配芥末籽燒汁薯菜（$118）自己揀了食豬扒，煎得好香口呀，邊邊位的脂肪勁甘香，雖然係豬但唔韌，而且無鬆肉粉味，好食。薯條用曲曲條㗎，好耐無見啦，而加茶記都唔用呢種，曲條特別好味，哈哈，點埋個芥末籽燒汁好正。澳洲羊架伴辣肉腸蕃茄莎莎醬配意粉（$158）朋友點的羊架賣相不錯喎，兩大塊羊架，煎得嫩滑，有羊味但唔酥。辣肉腸係脆皮腸黎，微微辣幾惹味，蕃茄莎莎鮮茄味濃，唯一扣分係意粉，凍的，好在軟硬度煮得適中，即使凍的也不難食。熱奶茶，幾正喎，茶香奶滑，而且夠哂滾，熱奶茶就係要夠熱先好飲。整體感覺唔錯，有下次～

這晚要來深水場買一些電腦配件，之後隨便找了這家西餐廳，看落內裡挺寬敞且價錢都是約 $100 便有整個 set dinner。套餐不單只包餐湯餐包，餐包更是牛角包！比平常的餐包大得多了，雖然可以再加熱但都很鬆軟～《9安士西冷牛扒拼香煎墨魚仔薯菜配田螺汁》牛扒五成熟，下廚控制得好，令內裡肉質呈粉紅色的但又不致於血淋淋的，厚肉。《香煎鯛魚柳配鰻魚汁黑松意大利飯》鯛魚配鰻魚汁這個組合挺新穎又幾好味，味道甜甜的，同時意大利飯又有陣陣黑松露味，像一般的意大利飯是比較粒粒分明的。簡簡單單的一餐晚餐，只是點了兩份 set dinner，但兩人都吃的飽飽的～

說起來我和馬德里餐廳是有點緣分的， 住的附近有一間返工附近的又有一間， 個人認為這間餐廳水平幾好， 而且價錢大眾化， 地方夠大坐得又闊落舒適， 我和同事們都很樂意來這裏午膳！ 來呢度食晚餐多數嗌鐵板餐， 一來選擇多，牛豬雞魚樣樣齊，而且鐵板餐還包括餐包，飲品，湯 和可以配意粉或飯或薯菜， 價錢不過是一百元多少少， 水準亦高絕對係經濟抵食之選！ 餐湯可以選擇粟米忌廉湯或羅宋湯， 當晚我選擇了粟米忌廉湯，忌廉湯質感非常 creamy， 而且超足料， 每一口都是粟米和蘑菇香氣！ 這裡的餐包也十分講究，是牛角酥喔！ 還可以免費加配牛油，非常讚呢！ 點餐還可以以優惠價加28元換購蜜椒雞中翼！ 這個非常抵食一定要嗌呀！ 首先雞翼超大隻， 而且超多蜜糖醬， 原來蜜糖漿配黑椒好好食㗎！ 仲要炸到個皮好香脆， 雞翼迷如我也表示無可挑剔！ 有食過馬德里餐廳的人都會知，呢度嘅喇鯊係好出名架！本身麻麻地鍾意食喇沙嘅我都覺得完全贊成！因為係好食到會掛住架！ 今晚就食左雞扒喇沙湯金邊粉~㗎喇沙湯粉除左右主角雞扒之外，還有一大堆豆芽菜，㗎喇沙湯粉除左右主角雞扒之外還有一大堆豆芽菜，豆卜和魚片。 配菜可謂超豐富

最近多了機會到深水埗工作，午膳時間除了去試試幾間已十分有名既餐廳，也會隨意走進其他餐廳試下今日就到裝修頗新既馬德里餐廳試試，剛踏進新一年，店內的聖誕裝飾仍未拆掉，除了很多公仔裝飾外，亦掛滿小燈泡，以茶餐廳來說確實有點浮誇，但睇得出係有心思既佈置。餐牌有十分多既選擇，總有一款岩你食，今次我就揀左自選意粉，要忌廉菠菜汁，煙三文魚，魚柳意粉。上菜時忍唔住都要講句，駛唔駛咁浮誇呀，舖到好靚，好似高級西餐廳咁，賣相就拉晒分數。但最重要既當然係食物質素，略嫌魚柳不夠新鮮，只可以說是中規中矩

今日行完有機農場賣場，行咗去深水埗搵食。👯‍♂️之前常常去深水埗，宜家轉咗工就少咗好多啦我地今日想食西餐，行到福榮街，見這間西餐廳好多食客，滿滿的一桌桌，野食都好吸引，咁就入去試下先環境好舒服，好大好多張枱，坐位又大又軟熟，正呀 好多藍色小燈在天花、又有蘭花的裝飾，好靚好浪漫喔餐排好多選擇，有馬來咖哩、湯金邊粉、意大利粉、焗飯等等，一定有一款夾唔同客人口味我今晚選擇了蜜汁豬手配意粉，媽媽選擇了煎鯛魚鰻魚汁配黑松露意大利飯。見好多客人食鐵板，好香好野🔥，熱騰騰哦，好似好吸引，價錢又唔貴，又大份抵食，下次要試一試前菜：餐湯配牛角包叫了一紅一白湯，紅湯好多料，酸酸甜甜加少少辣味，味道剛剛好，好開胃又多蔬菜及紅蘿蔔；白湯係南瓜湯，都幾好飲，甜味好足；配牛角包好特別好開心呀，好大個好鬆脆，一層一層的酥皮，好正哦！蜜汁豬手配意大利粉，好大份呀，大過個權頭✊🏻賣相勁吸引，顏色好靚，好香噴噴！外皮好脆，但不會乾，有一層甜甜蜜汁在外面，焗得剛剛好；內面豬手好腍好易咬，好多膠質，好正好滿足，喜歡豬手一定要試，係我食過最好食的焗豬手煎鯛魚鰻魚汁配黑松露意大利飯好抵食，好大份！魚煎得好靚，好大塊，無雪味好滑，上

今日放工時間約左女朋友到深水埗交收一啲網購，既然去開深水埗，就決定出去探索一下睇下有咩好野食行完高登電腦商場之後一出福榮街，就比我地見到一間靚靚地嘅馬德里餐廳，見佢地show 出嚟嘅dinner set 都唔算好貴，就決定入去呢間馬德里餐廳試一試啦入到去，見到成個天花版都仲掛住一啲燈飾，應該係啱啱聖誕嘅裝飾來的，見到都好有feel。呢度啲座位都非常舒服，夠哂闊落，放工拎住一袋二袋都唔會覺得呢度迫之後我地問一問侍應有冇咩好介紹，佢介紹左燒豬手，咁一向鐘意食豬手嘅我就豪不猶豫咁叫左豬手，而我女朋友就叫左肉眼扒餐湯我地都叫左紅湯，仲附送一件牛角包！吸引！紅湯一樣都係非常入味，間唔中點少少牛角包撈埋一齊食，perfect match！牛角包亦都好熱好好食先上西冷扒！睇下幾大塊呢一塊牛扒非常足料，街買都應該要五六十蚊！真係好抵食！呢個set仲有兩粒八爪魚仔送，好得意伴菜亦都新鮮好食牛扒亦煎得剛剛好！重點嚟啦～燒豬手！我地兩個見到都哇左一聲因為真係超級大隻，見到都開心哂大隻之餘，呢隻豬手亦都燒得好好味，蜜糖味好足，連埋啲脆皮食，真係可以話係屈機而且呢度將條骨分左出嚟，令到我地更加容易去食呢隻豬手再

今日同老婆去咗深水埗黃金買打印機買完之後，就順便食埋晚飯，喺黃金一出我哋就見到呢間馬德里餐廳，門口姐姐介紹扒餐俾我哋叫我地試吓，咁我哋又咁啱想据下扒，所以就入咗去食了。呢度地方都幾大卡位都多，樓底高，感覺是非常舒適。咁望一望餐牌，我就揀咗9安士西冷牛扒拼香煎墨魚仔，老婆就揀咗香煎豬扒。忌廉湯+餐包：忌廉湯濃濃嘅南瓜味再加上熱辣辣嘅餐包9安士西冷牛扒拼香煎墨魚仔：牛扒要左7成熟，肉質食落軟軟的，牛味十足，再配上田螺汁，出奇地夾墨魚仔好爽口薯菜份量多香剪豬扒：豬扒肉質鬆軟，配上嘢味黑椒汁，再上加上鐵板上熱辣辣，老婆食到冇停口個餐仲可以拼一樣小食，老婆要左日式炸帶子意大利粉： 意大利粉配上黑椒汁好好味，但我同老婆都食唔晒，因為份量實在太多了。餐飲凍檸茶，凍奶茶，正常冇問題總結，呢度嘅扒餐份量足，用嘅肉唔差，地方舒適，回頭率極高。

今日老公係深水埗外勤完畢好肚餓，所以我們就決定係附近解決晚餐。見到依間《馬德里餐廳》門面都幾好，入面亦好多食客應該不錯吧！入到去是普通餐廳的風格，但臨近聖誕所以有點額外的裝飾，有心思喔！！我們點了2個套餐，所以有餐湯和牛角包。無論紅湯還是白湯都好足料，唔會水溜溜稀稀的，確實有點嚇親我牛角包亦十分驚喜，非常鬆化而且牛油味香濃我們另外加配了兩個小食，蜜椒雞翼雖然就咁用鐵兜盛著就算，但味道幾好！！外表煎得脆脆的雞翼淋上甜甜的蜜糖後再撒上黑椒，帶點小剌激又很惹味另一個小食：芝士西蘭花。爽口的西蘭花連同香濃的芝士汁一起焗，很香很好吃主菜方面老公點了黑椒汁西冷牛扒餐。惹味的黑椒汁倒落熱辣辣的鐵板上，《Sa》一聲香味立即隨著煙霧四溢西冷扒大大件而且質素也很好，肉味濃而且無根啖啖肉，絕對性價比高！！而我則選了自選意粉餐，最令我印象深的是牛肝菌汗的味道，好香的菇菌香味而且味道濃郁。均勻地緊緊扣著每條軟硬適中的意粉，味道很好想不到在深水埗都找到如此性價比高既餐廳，很驚喜喔！！

今日同朋友到深水埗行街，便去左呢間餐廳食野。環境唔錯，配合埋聖誕裝飾，感覺幾浪漫。食物既種類好多，扒類、意粉、沙律、小食等等都有，而且價錢合理。中意食豬手既我當然揀左豬手，而朋友就揀左黑松露意粉，仲可以以優惠價加份雞翼😋上菜後，最估唔到係豬手好大份😍呢個價錢有豬手配意粉、湯、餐包、餐飲真係抵食👍🏿平時食開德國餐廳既豬手，今次第一次食呢種做法，豬手配蜜糖、芥末，意想不到味道好正，下次想食豬手都會黎呢間。

今日美食神探又同大家點評菜式今次想介紹深水埗一間平民扒房-馬德里環境方便：馬德里位於深水埗，離地鐵站行7分鐵左右就到地點都算幾便利！餐廳個格局好似一間靚仔版既茶餐廳咁裝潢都唔錯架！食物方面：1. 前菜餐包餐湯個紅湯幾足料，飲完已經有少少飽肚2. 沙律🥗個沙律幾好食！唔係出面果d一味加沙律醬既沙律超開胃呀3. 澳洲牛扒個人怕生既關係，點左8成熟塊扒煎到金黃色！正呀4.紐西蘭牛扒又係煎到金黃色！翻睇相都流哂口水呀！

好耐冇入深水埗，今日因為要陪男朋友買電子產品，所以嚟咗黃金買完嘢，出面個天已經黑曬，都係時候搵間餐廳醫肚係附近行下行下，見到馬德里餐廳，睇睇menu，見性價比都唔錯，又咁啱想鋸扒，就入去試下啦餐廳佈置都幾有聖誕氣氛晚市套餐仲包餐飲、餐湯同餐包估唔到有熱辣辣既牛角包呀，仲好鬆軟添扒餐選擇都幾多，除咗可以自選主菜，意粉定飯，仲可以揀多樣配料 我就幫男朋友拍板揀左香煎雞扒配日式炸蟹鉗再配黑椒汁 雞扒有兩大塊，而且皮很脆，肉很嫩滑，更一啲雪藏味都無，男朋友同我都激讚炸蟹鉗係平時超市買既味道，揀蟹鉗最主要原因係少見同懷舊，細個蟹鉗成日見，去到宜家搵都搵唔到香煎盲曹魚柳配巴黎牛油汁黑松露意大利飯盲曹魚柳超級大塊，有半隻大碟咁大就咁望落去，魚皮好似好乾，但反轉條魚，會見到魚肉仲有光澤，同無因為過火面縮左水食落係仲有肉汁架，很驚喜的而意大利飯份量都係好驚人，飯粒分明，黑松露香味好出，醬汁夠滑夠creamy，比起某啲更高級既西餐廳更好食，性價比超高

抵食夾大件@馬德里餐廳 放假前夕趕埋數先來壞電腦，生氣至極，趕頭趕命把電腦拿過來黃金維修，在等取回電腦之時就在附近搵食，深水埗福榮街一帶都是小食店多，想坐得舒服一點，馬德里餐廳就是不錯的選擇 快到聖誕，店內氣氛不錯，人不萛好多，坐得好舒服 食物款式頗多，可點餐或是散點 價錢不貴，都是街坊價，比快餐店貴少少但好食快餐好多吧!!! 一個鐵板餐大約一百蚊左右 晚餐其實幾抵食，有湯有飯有扒又有凍飲，但天氣好冷，比較想食熱呼呼的鐵板餐 牛角飽和餐湯~ 肉眼扒拼蟹鉗$128 包餐包，湯和飲料，非常抵食 由於是鐵板上，食物會持續加熱，一方面食的時候肉眼口感是熱辣辣，但要留意牛扒在鐵板上會過熱， 因此我下單時只是要了4成熟，到食的時候大約就會變成7成，這是我食了多年鐵板餐的心得呢~你看，4成熟會慢慢變成7成，這時食是最美味的，不是太熟可以保持肉質嫩滑，又沒有血水，要讚的是這裡的肉質並沒有加入好多調味，沒有加黑椒更能食出本身的美味!我沒有加入任何醬汁，已經覺得好美味(雖然本身是跟了一份蒜蓉汁，但不妨不加吧，因為肉的本身已經很好食) 鐵板餐可以跟飯，意粉或沙律，我就點了沙律， 嘩，好大

今日跟男朋友去了深水埗買遊戲，而他又想吃扒，便於openrice 找到了這間餐廳。去到一開餐牌，意想不到會有我一向喜歡吃的豬手，便二話不說選了豬手主菜都會配有餐包和湯為了健康我還叫了沙律，但原來豬手還會配有不少沙律🙈絕對驚喜的豬手👍🏿很大一隻，我差點吃不完，絕對抵食。來身以為會沒有平日在德國餐廳吃的豬手好味道，但這種造法也很好😋蜜糖和芥末跟豬手很配，旁邊的蕃茄醬配薯條會更好，但可惜我選了意粉🙈男朋友還要多了份雞翼

呢間食焗飯好好食架 咁今日我就帶埋我呀媽黎到食 呢到都佈置得幾靚架因為都就黎聖誕節 佢都整得好 叫左個焗西蘭花 咁就有芝士係面頭架都幾好食 芝士味都好濃郁 仲有叫左焗龍利柳 都唔錯幾好食 多汁

今日去黃金，買電腦完行去福榮街欽州街交界 ，之後3個人就去馬德里餐廳食西餐，因門口價錢又不貴，裏邊的聖誕裝飾得很美麗叫你一個A餐一個C餐先來羅宋湯及餐包牛角包雜菜湯飲入口幾滑，牛角包食入口香軟雞扒配薯菜跟紅蘿蔔伴碟$98最鍾意食蔬菜紅蘿蔔好甜喎，薯菜炸得很香口，雞扒入口幾滑這個薯菜點特製醬汁，食左冇咁熱氣這個煙三文魚大蝦沙律雜菜沙律很新鮮，蝦入時彈牙，啖啖肉肉，質幾實淨，大量的雜菜配沙律醬食最啱，三文魚份量都好多有成5-6件餐飲叫杯凍檸水最鐘意這裏裝飾得好有聖誕節日誕氣氛，美美的!