馬師傅菜館 (已結業)

夜媽媽，兩個人番工番到好攰，都唔想再番去煮飯又要洗碗，於是就想出去搵下食乜好，兩個人食中菜叫兩個餸一個主食就very good。脆皮燒腩仔(例)呢到嘅燒腩仔好出名，我都當然都叫番一碟試下，份量都幾多，燒腩仔皮脆肉嫩，肥肉瘦肉一層層隔開，食落口有油香味之餘仲有陣陣鹹香，加埋黃芥末一齊食，微辣中加上燒腩仔嘅甘香口可嘅味道，非常好味。香煎糖醋麵(黃金伊麵)糖醋黃金伊麵係潮式經典美食，我地都係第一次食，成個麵加上蛋液同蔥粒，口感同味道都變得更富層次，食之前加上醋同砂糖，酸酸甜甜嘅味道，令炸麵食落口一啲都覺得油膩，仲幾開胃~粉絲蝦米雜菜煲用料非常豐富，入面有蝦米、雜菌、雜菜、粉絲，一煲放到滿滿材料，材料吸收哂湯底嘅味道，味道新鮮，清新健康之選，老人家小朋友都岩食。香芒糯米滋估唔到酒樓都有糯米滋食，最後食埋芒果糯米滋成餐就夠哂完滿滿足，糯米滋大大粒，皮又嫩又彈，入面有好大舊芒果肉，好香甜。呢間酒樓整嘅野食好有家的味道，食完之後都唔會好口渴喉嚨好乾，非常之值得推介!

🍴冰火水魷 HK$88水魷又厚又大塊，唔會碎濕濕，口感冰涼，麻辣醬夠辣，確有冰火效果。🍴普寧蘿蔔灌章 HK$90以往食潮州菜多數食蠔餅、滷味，普寧蘿蔔灌章都係第一次試，呢味潮州特色小食製法更為精緻，先將蘿蔔絲混合其他配料蒸熟，再用腐皮包住炸香，外脆內軟，比煎蘿蔔糕更有層次，亦無蘿蔔千絲酥咁膩。🍴蜜汁靚叉燒拼脆皮燒腩仔 HK$168叉燒半肥瘦，幾腍，蜜汁夠入味。燒腩仔瘦左d，都算腍。🍴黑椒牛柳粒 HK$138份量足，唔韌。🍴胡麻醬燒蝦 HK$180兩隻蝦開邊炸香，夠厚肉，鮮甜爽彈。🍴香草焗帶子 HK$176賣相似西餐，扇貝以香草同蛋黃醬焗製，外脆內軟，底下嘅飯一d都唔簡單，表面有如飯焦般焦脆，咬落去軟糯，再加上香甜爽脆嘅洋蔥，極之出色，呢款飯如果有得單點我一定會叫。🍴西蘭花炒玉帶 HK$188帶子大大粒，煎得幾香，西蘭花亦夠爽脆。🍴蠔仔肉碎粥 HK$128蠔仔多過肉碎，鮮甜無沙，可惜朋友要求走青，否則味道一定更上一層樓。📍馬師傅菜館長沙灣福榮街552號聯邦廣場地下1-3號舖

🌈馬師傅菜館👾今日同老闆落舖頭舖頭嘅同事話附近開咗間好好食嘅燒味飯叫老闆一定要去試於是老闆就叫埋我一齊去俾個機會我去下口福 😛👾叉燒飯✨除咗好好食之外我諗唔到有咩形容詞可以形容咁單純嘅好食叉燒汁嘅甜度適中👍叉燒嘅肥就適中👍仲有醃菜俾你解油膩 連飯都俾佢煮得好出色所有嘢都係過之而無不及 絕對係值得我帶朋友返頭食👾是日燉湯✨呢一個叉燒飯佢賣得唔平原因係佢呢一煲燉湯料好足，冇味精，火候夠喱三個point 足以令你明白點解呢個set可以賣得咁貴雖然貴，佢性價比好高 附近嘅打工仔如果好耐冇飲屋企湯佢真係滿足左你嘅願望 佢晚市有其他粵菜選擇可以再返嚟試吓 😛

相約朋友在長沙灣區飽吃一頓，見附近有間新開張的中菜酒樓<馬師傅菜館>，被酒樓門外的大魚缸所吸引，便和朋友進店一試。酒樓非常寬敞舒適，即使是二人進店，亦被安排坐一張四人的圓枱。餐牌上都有不少選擇，馳名燒味拼盤、潮式滷水類、海鮮類、魚類、鮑魚、帶子、粥粉麵飯、肉類、小炒、甜品都有。<海蜇 $88>海蜇非常新鮮，切得粗身彈牙，而且非常爽口，充滿麻油香味，作為前菜一流。<香草帶子 $176>香草帶子每位獨立上枱，帶子屬於巨型珍寶Size, 非常大隻厚肉，帶子煎焗得非常香口，上面有芥末醬，香草同芥末醬，能夠帶出帶子的鮮味，帶子下面，鋪滿了微微炸過的香米飯，蒜香味道非常濃郁，而且味道特別，一試難忘。<西蘭花炒班球 $188>西蘭花夠新鮮翠綠，炒斑球魚肉，肉質非常鮮美，魚肉夠厚夠彈牙，魚肉已經去骨，入口啖啖肉，而且夠大塊嫩滑，非常滿足。<潮陽梅羔醬燒骨 $108>醬燒骨是用上高質半肥瘦豬肉排製成，入口味道帶酸酸甜甜，每件肉排都肉多骨少，味道同質感都烹調非常好。<蛋白杏仁茶 $22>即磨蛋白杏仁茶，磨得非常

同朋友一齊喺長沙灣搵地方醫肚，經過呢間中式餐館，入面唔駛等位，所以入去是旦食。Menu見到點心係兩粒一份，啱啱我哋兩條友夠分，叫左蝦餃、燒賣、腐皮卷，有款點心叫普寧灌章，唔知道係咩，叫左一份試吓，上枱時發現原來係炸蘿白絲，不過又幾香口喎。另外叫左幾個小菜，有脆皮燒腩仔($98)，家鄉煎蠔烙(＄108)，梅羔骨($108)，同埋一個香煎糖醋麵($138)，我又想食啲蔬菜，所以再叫多個鮮百合淮山炒蜜糖豆($72)。想講個糖醋麵正呀，脆度啱啱好，同埋個麵底有少少韮王，做法夠老式香港，而家已經好少餐館咁做法。燒腩仔皮夠胞，腩肉肥瘦分明，入口香而脆😋。煎蠔烙唔會有油膩嘅感覺，同埋薯粉唔會好多，所以冇左令人覺得漿口嘅唔好感覺，正！

今天過長沙灣買嘢，順道在鄰近找些好貨食，果然給我找到這裏，外表睇落好似一間酒樓，有海鮮池，有燒味部，坐落一看餐牌，原來是一間小菜館，菜式多元化，除了門外所見的燒味、海鮮外，也有潮州菜，粥粉麵飯，連甜品也有，真是多元化。見到外面燒味那麼吸引，經店員介紹，先點了例牌燒鵝，並叮囑要瘦的，餐廳很好，真的跟足，燒鵝肉瘦皮脆，肉質結實，完全沒有冰鮮肉的那種口感，熱騰騰的，加上醬汁，相當好味，是食過有史以來最好食的燒鵝！今晚亦叫了一些海鮮：香草焗帶子：這道海鮮具心思及特色，把原隻扇貝起肉煎封，再放上一些相信是爆過的糯米上吧，糯米有雙重口感，既食到脆脆米也食到軟淋煙韌的米粒，配上煎香的扇貝，外脆內軟，非常鮮甜好味！👍😋😋胡麻醬燒蝦：用上大大隻虎蝦，平分兩邊炸香，再放上沙律菜，伴上自制胡麻醬，賣相非常架勢，虎蝦外脆肉爽，啖啖肉，好滿足😋鹽燒南非鮑魚：雖然用燒的方法，但力度剛好，鮑魚不乾而且肉質保鮮，𠝹開花紋，上碟更見吸引，味道當然非常鮮甜啦！西蘭花炒帶子：份量大大碟，西蘭花非常翠綠，帶子大粒、新鮮、又甜美，加上彩色椒，賣相靚絕，色、香、味具全！加上是日燉湯、甜品清心丸綠豆爽和炸紫心蕃薯球，這餐真是既豐富

今日同屋企人出嚟飲茶，揀左長沙灣新開嘅中式潮州菜館。 諗住食完野之後方便去D2 Place 行市集😎餐廳都好大，好啱家庭聚餐！角落頭位仲有隔板，應該可以預約打麻雀🀄️，開返個雀局😏午餐有點心、燒味、炒粉麵飯，啱晒我地一家人食！我地點左幾款：⭐️馬師傅鮮蝦餃蝦餃幾大隻，蝦肉咬落爽口彈牙，都幾新鮮😋⭐️蟹籽燒賣皇餡料調味OK，啲豬肉都唔會好肥，好食！蝦餃燒賣都係基本野，呢到有返咁上下水準。⭐️咖喱蒸魷魚🦑微辣的咖喱，惹味之選！⭐️臘味糯米包呢個點心都好耐冇見過，好似少咗茶樓會整咁，係回憶嘅味道😆⭐️柱候金錢肚呢個推介！超級入味，好正😍⭐️蜜汁靚叉燒叉燒肥瘦均勻，肉質軟腍適中，色澤幾靚，香甜唔會肥膩，叫咗一碗白飯送飯😍⭐️欖菜肉碎炒飯師傅幾有鑊氣，炒飯炒到粒粒分明，加咗欖菜同埋炒蛋，好香😋⭐️清心丸綠豆爽😋呢度有幾款糖水或者甜品，例如芒果糯米糍🥭不過既然有舊式潮州糖水舖先會有嘅清心丸 ，就梗係叫返一碗啦！除咗九龍城之外，都好少地方搵得到，所以一見到就會叫😍勁多粒清心丸，餐廳超大方🤣又唔會太甜，用黎做結尾一流！總結一下，呢間新開嘅馬師傅菜館，好啱一家人嚟食，餐廳夠大夠闊落，早啲打嚟book枱又唔洗同人迫！食物質

因為星期六唔想煮飯嘅關係，突然想起之前同事推介過長沙灣隱世嘅潮州菜，今日專登嚟一試！呢度嘅小菜款式甚多，有滷水，海鮮類等等，而且價錢很大眾化！👏🏻👏🏻亦有不少家常潮州小菜選擇，例如家鄉煎蠔咯，蘿蔔春菜煲等等。。亦有我最鍾意食嘅潮州粥😍😍飯後仲有唔少潮州特色甜品選擇！首先，我哋叫咗個是日燉湯暖下個胃先，燉湯火候充足，而湯料甚多，有黃瓜，雪耳，南北杏同瘦肉，十分滋潤👍🏻👍🏻滷水鵝翼，鵝翼醃得相當入味，肉質口感非常之好，鍾意食滷水嘅朋友記住一定要試👍🏻煎蠔咯，每隻蠔都非常肥美，煎得恰當好處，食落亦不會太油膩！淮山百合炒蜜糖豆，淮山爽脆，蜜糖豆鮮甜👍🏻👍🏻👍🏻香草帶子，肉質非常新鮮，配上香草及芥茉醬一齊食相當有驚喜，還有炒飯做墊底，配搭特別👍🏻👍🏻方魚肉碎粥，大大碗，很抵食！而且十分足料，有好多肉碎，冬菇絲😋😋清心丸綠豆爽，甜到剛剛好，清心丸好有咬口，味道不錯👍🏻👍🏻總結：今晚叫咗不少嘢食，兩人$700都唔使，相當抵食！另外，要讚下呢度啲侍應非常之有禮貌，特別想讚有位叫「阿興」嘅侍應，服務非常之貼心，超級有禮貌，今時今日實在非常難得，日後一定會再幫襯呀！

今天在明愛那邊和人開箱，搞到晏了少少，但有一點收穫就打算吃好D。剛巧見到這間中菜館，看到個魚缸D海鮮幾有活力，就走了入去入去發現原來還有得飲茶和吃點心，一個人吃海鮮有點太豪，都係食下點心歎茶比較正。有齊靚茶滾水。看了一下餐牌就決定食乜，叫了三款點心和一碟午餐的實惠燒鵝飯。燒鵝飯送燉湯，西洋菜湯有蜜棗和南北杏，很夠火候和滋潤。燒鵝肉質結實，皮脆爽口，鵝油配酸梅醬撈落飯度真是既飽肚又滿足。點心都來了。燒賣看到表面有大大隻鮮蝦。咬開入面的餡也是用鮮肉和蝦肉撈冬菇做的，很結實和鮮甜。時間多，就要吮下腳趾（鳳爪）這個鳳爪味道非常濃郁，原來是用了很多的XO醬來蒸。撈埋飯食仲正。再用一個香甜嫩滑嘅蛋黃奶黃包做結尾就很完滿了。最值得稱讚的是這裡的員工服務媲美酒店級，上菜會打禮貌招呼並幫你拿開茶壺等等。通常其他食客還有些很特別的要求都滿足到（冰桶要只有冰不要水）食得真是很有客人的感覺呢。

今日行開d2 place,之後同朋友傾話食中菜，上openrice見到依間d叉燒好似好正咁，就行去食。雖然離d2place 都要15分鐘，但都唔算遠。好，講嘢食先。我叫左個燒味拼盤，幾籠點心，糖水😂食燒味梗係叫個咩都有既試哂佢。有雞鴨叉燒燒肉，我勁中意食佢個叉燒燒肉！因為叉燒個醬勁好食，叉燒勁冧，仲要我唔記得左叫半肥瘦，佢水準都好好，燒肉皮仲係勁脆 ！肉味夠！至於雞鴨就中上級別，都算好食既。點心叫左燒賣粉果同蝦餃。大家既皮都係薄，蝦肉都多，料足夠既！但都係燒味正d🤩🤩🤩🤩🤩🤩🤩係建議老人家中意食下點心既黎食！之後已經好飽啦，叫左個綠豆清心丸食下🥳🥳清下個胃。佢勁！多！清心丸！好有咬口，唔係一舊面粉，綠豆亦都好清甜。正啊

最近爸爸生日飯，我地訂咗一間食潮州私房菜，我地食過好多不同類型嘅潮州菜，今次呢間絕對有驚喜❣️❣️1. 叉燒拼燒鵝 （叉燒大部分半肥瘦，好正）2. 醬汁乳鴿 （醬汁好好味）3. 紅燒潮州翅 （剛剛好每人一碗，爸爸食完一碗要encore🤣🤣下次再黎）4.深海魚2食 (西蘭花炒班球 & 薑蔥炒班球）5. 潮州春菜 6. 奄仔蟹 （超多膏😋)7. 煎蠔餅（好耐冇食過咁好食的蠔仔餅，面粉不會太多，蠔仔美味）8. 糖醋麵9. 紫薯波10. 糖水（綠豆爽）重點多款美食，份量都算大，每位只係$400 ， 普通去酒樓食飯每位$300+我地今次仲包埋房，環境好舒服，每位都係$400，超值👍🏻最開心係屋企人食到讚不絕口🥳

我個人好鍾意燒味飯，所以今午叫外買义鵝飯、楊州炒飯.見袋鼠有間新店，即管試試。一打開個盒見到义燒已經知道好嘢，但好多時好睇唔好食，因為好多都好大陣豬味，好難食，但今次有驚喜，半肥瘦，好久未食過咁好味，但燒鵝就麻麻，楊州炒飯炒得好乾身，蝦大隻又多，我個女一路食一路叫多.如如果限制令夜晚可以堂食，我一定會去試，我好少寫食評，因义燒難逢，所以想推介給大家（沒有拍照，因太肚餓了)

肺炎期間外出食飯非常 頭痛， 除了選擇食物之外 更加要選擇食物環境、 衛生及安全 。今日我两外出走走 ，無意之中發現這間 小菜館。 沒想到這個時候開新餐館 。我覺得這個老闆非常有膽識，我非常佩服。 我叫了菜式之後 再細心 觀察周圍環境 。不管枱面地下及厕所都非常乾淨 及舒服 。每枱位置相隔都有一定 ，冷氣充足 ，再加上食物 不是太鹹有鑊氣 ，材料非常新鮮 。員工親切服務的態度非常好 。 聽說我也知道這老闆對員工非常好 。由於今次我只有兩個人食中午飯，叫菜款色不多， 只有兩款，但是我下次我都會有機會再來 品嚐其他菜式。最後才知道免加一服務費

今個月先開張的(馬師傅菜館 )環境舒服 ，乾淨 ， 服務非常之好 。雖然現在沒有晚市堂食，但是馬師傅菜館午餐一樣出色。 食物好味及多元化， 尤其是個無味精添加燉湯 幾乎每日都不同。 有驚喜！！ 午餐的套餐中有接近二十種的選擇。 如果午市每日食一款，一個月幾乎可以天天都不同。 仲有佢地啲廚房 既出品， 夠曬鑊氣。 仲有燒臘檔的叉燒 、燒腩仔及燒鵝亦都一絕。有幾好食自己去過食過你哋就知道。 若果只係睇個餐牌，叉燒的價錢好似貴咗少少，但係食過之後你就會發覺cp值超高性價比超高。價錢方面尚算大眾化， 仲有唔使加一服務費添。😃