馬師傅菜館 (已結業)

難得放假，就出長沙灣飲個茶，嗌左鐵觀音，水滾茶靚，茶味非常濃郁，加左幾轉滾水，依然好重茶味添，都係$8一位渣！XO醬炒腸粉$58: 有小小辣，腸粉煙韌程度岩岩好，亦都好滑溜，另外仲落左啲蔥+紅椒，食落去更加香口～山竹牛肉球$20: 超級大舊，食落去好濃嘅肉汁bill出黎，落埋啲喼汁一齊食，味道更加perfect!咖喱魷魚$32: 有好多觸鬚，同埋魷魚身，食落去好彈牙爽口，而且微微嘅咖喱辣度，令我更加想配一碗白飯撈埋一齊食添呀！總括，呢間酒樓絕對去得過，因為午餐仲要免加一，除左點心之外，仲有好多炒粉麵飯俾你選擇，另外仲有例湯附送添呀，位置可能較為偏遠地鐵站難搵少少，但入面環境舒適，經理嘅服務亦都好好！

聖誕節及冬至往往是一家人或朋友相聚的好日子馬師傅菜館地方寬闊，員工服務熱誠，菜色特別且精緻，實在值得推介今晚與朋友食飯，適逢馬師傅生日會，非常熱鬧馬師傅一如以往，與客人及員工打成一片大家有興趣可以來馬師傅菜館感受一下歡樂氣氛

一年容易又中秋🥮係時候同朋友去馬師傅菜館聚一聚馬師傅幽默風趣10年如1今次會噴煙霧的🦂實在又靚又特別而且肉質鲜甜，實在難以用詞語表達馬師傅還請大家食神枱菠蘿，希望大家順順利利，身體健康。馬師傅對每位客人都視如朋友期待下次驚喜再臨

同家姐係長沙灣做完facial,都差吾多兩點鐘,於是搵咗附近呢間馬師傅菜館坐低慢慢嘆下午茶,閒話家常一下☕☕呢間菜館同普通酒樓分別吾大,下午茶市有粉麵飯、點心同甜品,同埋雀局消遣。兩個人點咗多款點心山竹牛肉球大大粒,口感嫩滑,腐皮吸收肉汁,點上喼汁更入味!糯米卷餡軟糯叉燒包餡料肥瘦適中,叉燒醬汁多,甜甜哋好入口。煎九菜粿兩面金黃色,皮糯吾粘牙,餡料充滿獨特嘅九菜加肉鮮香味。粉粿皮煙韌,餡料足蝦餃皮一樣煙韌,蝦仁彈牙馬拉糕最有驚喜,大大籠脹卜卜,軟綿綿,充滿香甜味!總括黎講,蒸點即叫即蒸,熱辣辣,每款數量兩件/兩個,可以叫多幾款,最重要係價錢大約$20左右一款,又冇加一服務,只收8蚊位茗茶,超抵食。坐耐咗服務員冇黑面外,仲不停加水。值得再來!

今午到長沙灣區探望已好耐冇見既朋友，在朋友住既屋苑附近，有一間中菜館，經過既時候以為係一間”叫餸食飯‘’既餐館，原來這裡亦有提供早午茶市，於是乎相約朋友到此飲茶吹下水一進店內，有位穿著整齊嘅先生上前招待，不知是否該店嘅老闆呢？！午市可免收加一服務費，抵食左好多，還有粉麵飯套餐，奉送燉湯一盅點心紙有齊所有傳統點心，價錢合理蟹籽燒賣皇，一籠兩粒，大大隻蝦放在燒賣上面，好大粒！馬師傅鮮蝦餃，又是一籠兩件，內藏大大隻鮮蝦，而且皮好薄豉汁蒸排骨，骨肉平均，不太多肥膏，所以無蒸出來成碟油嘅賣相 山竹牛肉球，份量好大粒，肉質實實揚州炒飯，足料，配上大蝦，飯炒到夠乾身，不會食到成口油四人埋單，$300有找，抵食！

放工同同事過嚟呢間「馬師傅菜館」食一盅兩件吹吓水訴下苦～三點幾鐘嚟到都唔使等位可以直接入去坐～環境同一般茶樓冇分別，坐低叫茶Take點心紙，重機一陣就食得喇～竟然有皮蛋酸薑，即刻叫咗一碟嚟食諗都冇諗😛皮蛋好靚呀有流心架！食落都唔會一大浸噏味，啲薑就正正常常啦如果係子薑就最好啦不過可能依家唔係時候～整體來講係正嘅！豉汁蒸排骨，唔係好覺有豉汁但係又好夠味㗎喎，整得都幾淋幾滑嘅～同埋舊舊都嚟晒骨嘅！之後當然都唔少得嗌蝦餃燒賣牛肉球啦！每樣兩件我同個friend食啱啱好一人一粒～ 山竹牛肉球幾好味，陳皮味好香～紙蝦餃燒賣亦都係正常水準，唔錯！雖然只係嗌咗幾籠野食，但係同同事邊傾邊講邊食都食咗成個幾鐘，得返我哋一台客，不過店員好好都冇話俾面色我哋睇仲叫我哋慢慢坐慢慢傾，仲主動幫我哋加滾水！買單都係一人$7-80～ 好滿足！

呢間餐廳有午市餐牌、小菜及點心，見到好多點心款式都係兩件一份，啱晒兩個人嘅時候嚟幫襯，每樣食一件，可以試多幾款。🥰🌟馬師傅鮮蝦餃 2粒（$20）蝦餃皮薄而晶瑩剔透，可以一眼望見入面滿滿嘅蝦肉。蝦肉十分彈牙鮮甜！😋🌟山竹牛肉球 2粒（$18）牛肉球同樣好大粒，牛肉味濃，質感嫩滑彈牙，配埋喼汁食，真係好美味。🤤🌟叉燒包 2個（$16）叉燒包蒸得十分軟熟，叉燒餡充滿蜜汁味，甜甜的。😚🌟豉汁蒸排骨（$30）排骨份量都唔少，全部都醃得好入味，質感十分嫩滑，豬肉味濃。😉🌟鮮蝦腐皮卷 2件（$18）腐皮卷即叫即炸，送上嚟嘅時候仲熱辣辣，要攤凍一陣先食得。😜腐皮卷外皮香脆，內裏充滿爽口彈牙嘅蝦肉餡，蝦肉份量尤其多，可以點醋食，好正！🤩🌟馬拉糕（$25）馬拉糕意料之外地大份，一份可以分六件，適合更多人來一齊食。馬拉糕口感十分鬆軟，充滿濃濃嘅黑糖味，有驚喜。🤤🌟桂花紅豆糕 4件（$18）估唔到呢個甜品咁足料，以此作為正餐嘅結尾，好滿足。呢個甜品共三層，上下層均為清甜既桂花糕，而中間就係有好多煮得軟腍紅豆嘅紅豆糕，味道口感均十分層次豐富！🤓整體來講，如果兩個人想食下點心，呢間鋪就好啱啦！最重要係呢間餐廳仲會

本人十分鐘意食點心，所以今次就黎試下馬師傅，因為呢間係老字號，所以就想試下，同埋點心大部分都係兩件一份，可以試多啲唔同嘅野！嗌左個熏蹄拼腩仔飯，腩仔皮脆肥肉平均，好新鮮，不過鹹咗少少，熏蹄味道適中，配佢個醋一齊食好開胃又唔會好溜！春卷炸到有啲燶，個邊黑左，入面包住芋頭餡，味道都唔錯。 鮮蝦腐皮卷炸到好鬆脆，入面有蝦肉，西芹，蘿蔔絲。跟住講下蝦餃燒賣呢啲傳統點心，雖然味道唔錯，但就細粒左小小，蝦餃皮薄，蝦嘅分量還好，一口食落去冇啖啖蝦肉嘅滿足感，燒賣個人認為普通，同一般茶樓食嘅大同小異。牛肉球一樣無咩特別，一盅兩件。咖哩土魷味道香濃，土魷都新鮮，咬落爽口，唔會蒸過龍一pat野咁。薑蔥牛柏葉就唔會好濃味，清清地有薑蔥嘅味道，同樣唔會蒸到過左龍，食落口依然爽口，又唔會好韌。最後係棉花雞，呢個真係有驚喜！一般出面蒸出黎棉花雞嘅棉花都會比啲湯汁浸到發哂，食落口就好似一舊麵粉咁，呢個棉花爽脆彈牙，仲吸入哂雞嘅味，唔會只有口感但冇味道，值得一讚，而雞肉唔會蒸到鞋，依然好滑。

慶㊗️生日 一早就book左地方同埋菜式啦 雖然話就話book左個房 不過都聽到隔離房跑馬 真係好嘈🙄🤣潮式凍花蟹 🦀超新鮮大隻 啖啖肉 仲係已幾夾左幾下蟹殻 啱哂我哩啲懶豬🐷👍🏽鹵水鵝片鵝腸肝 食第一塊鵝肝 已經覺🉐️好好食 鵝腸都好爽 完全無罪惡感😋🤤燈籠肘子燉群翅 超大舊翅啊 燉湯都好好飲 味道剛剛好 heeheee普寧灌章拼蝦棗 第一次食哩個 覺得好新鮮又好得意咁啦 炸🉐️好好 唔會乾哂 真係足料係蝦肉架😛香煎蠔仔烙🦪啖啖都係蠔仔蛋 識食一定要配辣醬🌶反沙芋頭 👍🏽👍🏽👍🏽👍🏽👍🏽福果綠豆爽🥣本身好憎食福果 但今日食又覺🉐️okay 啵 甜度適中 🈶️埋清心丸就更加好食同🈵️足喇🤩😍

還記得以前年少時星期日的節目總是跟父母到酒樓飲茶，但不彈此調久矣！今天星期天突然興起又想去飲茶，朋友介紹長沙灣有一間名為馬師傅菜館的點心不錯，於是拉了老公和兩個仔一起嘆茶去。入到門口就見到大大個馬師傅招牌，甚有氣勢。翻開點心紙，有各式各樣點心，而價格相宜，如何選擇好呢？實在太久沒飲茶，還是挑選回傳統一些的點心，所以先選了蝦餃，單看外形，就已知內裏塞滿彈牙爽口的蝦肉。蝦餃必配燒賣，這個燒賣口感一流，配以肥美大蝦蝦子，絕對必試。山竹牛肉球又是傳統點心不可或缺，剛蒸出來新鮮滾熱，加上喼汁，完全吃出年少時吃過的味道。個人特別喜歡點心的豉汁蒸排骨，貪其新鮮蒸出來的肉質嫩滑，幸好這家的水準也沒令我失望。值得一提的是這家的潮洲辣椒油非常好味，點心沾些辣椒油，令嗜辣的我口水直流。雖然點心好味，但兩個仔和老公都要吃些飽肚的，於是叫了一個楊洲炒飯，原來他們的廚師炒鑊工夫也有一番水準。甜品叫了蛋白杏仁茶，甜度適中，也有很多蛋白，非常不錯的甜品。總的來說，二佰多元四個人有一頓這麽豐富有水準的下午茶，絕對非常超值。

位處長沙灣區但收尖東價或者都係抵食嘅對某些人而言, 點心由4粒變兩粒。相對當然係平返少少啦($20)～所以佢嘅點心唔算平只係減咗量而已。名物嘅"普寧灌漿"係一個似乎將一個好水嘅蘿蔔糕炸出嚟。係咪好特別?見人見智啦！最近試過在唔同嘅地方食芙蓉蛋飯, 而呢日就都在這店叫咗一個嚟試。成個午市麵飯餐牌之中最平嘅碟頭飯$58。雖然係咁但係沒有半點欺場。蝦大大隻蛋蓋嘅食材非常豐富。不過大蝦嘅特性係蝦肉比中蝦實淨相對蝦味係濃嘅。針無兩頭利嘅道理是也。調味剛剛好, 飯亦唔少。有機會再來會嘗試其他碟頭。

今日中午雨後天晴，同同事到馬師傅菜館食午餐下午時段餐館爆滿，好不容易才找到位飲茶。馬師傅一如以往與客人聊天說地。點心美味無窮，令人再三回味與同事或朋友食飯吹水好地方，值得推薦

今日中午两人午茶，鉄观音茶唔掂，死溶但冇乜味。叫左义燒飯套餐連木瓜雪耳燉湯，义燒比一般燒味飯店好食少少，咬得入，可以的，燉湯好味，咸左少少。再來蚧子燒買，不錯，物有所值。牛百葉，好淋，味也不錯。最失敗係D食家大力推介嘅鮮虾蒸筍棵，簡直食成舊粉咁，皮超厚料超少，完全唔值2O蚊一笼。甜品叫左蛋白杏仁露，輕微比一般好少少，甜度可以，但冇乜疍白見到。最後係冰凍杧果糯米糍，於雪柜太耐，雪到杧果冇晒甜味，真係一般。招呼不錯，楼兩姐姐反應快。

平日經過青山道都好容易忽略 聯邦廣場，呢間茶樓， 半間餐廳，好多人打緊麻雀， 另半間做茶樓， 餐廳咩都有得食，晚市有鮑參翅肚，海鮮，酒品。。。就連潮州菜式最為懷念的，普寧蘿蔔都有，也是廣東人口中的蘿蔔絲餅.下次黎可以試一試明爐燒鵝飯 62hkd 送 南北杏排骨西洋菜燉湯西洋菜湯濃味，足料抵食， 上枱嘅鵝竟然係燒鵝最好食嘅部位，醬汁特別，自家酸咪咪味道，帶出燒鵝香口。肥瘦比例，恰到好處點心雖然比普通茶樓少一粒，但係勝在夠大粒， 都係嗰，足料， 用新鮮蝦好彈牙123點咗三款點心都係 用#蝦# 做主角 ，包括腐皮卷，鮮蝦蒸筍果，燒賣另外點咗山竹牛肉球， 食得出所有材料都係即日新鮮整嘅平日午市人流唔多， 職員招呼周到茶芥 16hkd免加一2人total 154hkd

呢日同朋友去荔枝角學跳舞，落堂之後揀係要去醫肚啦！我地經過一間中菜館，見到佢有啲午市套餐幾抵食，就入左去食午餐。入面既環境都幾大，望落都有幾多附近既街坊黎食野。有部大電視，睇奧運一流啊！睇睇餐牌，見到佢有啲午市特價套餐，都唔算貴，另外仲有點心，不過我地最後都係揀左兩個午市套餐。套餐跟左呢個西洋菜湯，味道好清甜，感覺冇落味精，好滋潤。首先，我地點左個明爐燒鵝飯，燒鵝好香好惹味，唔會太油，層皮燒到好香脆，亦都幾厚肉，配埋大大份既白飯，夠哂飽肚啊！燒鵝汁酸酸甜甜咁，幾開胃。另外，點左滑蛋蝦仁帶子炒河，呢個配搭既特別，通常滑蛋蝦仁都係配炒飯，不過配炒河都幾食，蝦仁幾大隻，肉質彈牙，唔錯！下次可以再試下其他菜！