馬師傅菜館 (已結業)

同家姐係長沙灣做完facial,都差吾多兩點鐘,於是搵咗附近呢間馬師傅菜館坐低慢慢嘆下午茶,閒話家常一下☕☕呢間菜館同普通酒樓分別吾大,下午茶市有粉麵飯、點心同甜品,同埋雀局消遣。兩個人點咗多款點心山竹牛肉球大大粒,口感嫩滑,腐皮吸收肉汁,點上喼汁更入味!糯米卷餡軟糯叉燒包餡料肥瘦適中,叉燒醬汁多,甜甜哋好入口。煎九菜粿兩面金黃色,皮糯吾粘牙,餡料充滿獨特嘅九菜加肉鮮香味。粉粿皮煙韌,餡料足蝦餃皮一樣煙韌,蝦仁彈牙馬拉糕最有驚喜,大大籠脹卜卜,軟綿綿,充滿香甜味!總括黎講,蒸點即叫即蒸,熱辣辣,每款數量兩件/兩個,可以叫多幾款,最重要係價錢大約$20左右一款,又冇加一服務,只收8蚊位茗茶,超抵食。坐耐咗服務員冇黑面外,仲不停加水。值得再來!